潮．悅 (始創中心)

營業中

休息中

鹹菜胡椒豬肚湯 🐷暖胃必選！好足胡椒味，鹹菜不太重口啱啱好，當菜食好可以豬肚份量多，價錢合理，豬肚又嫩，味道好好糖醋煎伊麵 🫓香口的東西永遠人見人愛，選擇「糖醋煎伊麵 」是最好不過。坊間的乾煎麵，底部都偏油或是煎至燶底。但「潮悅」完全做到恰到好處，底部煎度得宜帶有脆身!醬油長腳蟹炒腸粉 🦀醬油調味絕對係靈魂！甜鹹平衡得剛剛好，仲帶啲蒜香同薑味，吊出蟹肉鮮味之餘，仲令成碟炒腸粉香到隔離枱都望過嚟～主角長腳蟹仲好新鮮，份量不小，蟹肉入口即化鹵水掌翼🍗鹵水永不可錯過！鹵水掌翼，富骨膠原的掌翼，炆得夠火候，軟腍滑，好食到無朋友清蒸東星斑🐟條星斑夠晒份量，大家都覺得好抵食，魚肉好嫩一點都不會嚡，魚鮮味十足

今日同朋友去咗太子嘅「潮悅」食飯，慶祝佢生日。預早訂咗位，一去到就有位坐，唔使等，正！餐廳環境幾舒服，侍應都好醒目，成日望住我哋有冇需要，唔會話忙到冇人理，服務態度抵讚！ 講返食物，真係有驚喜！招牌長腳蟹煎腸粉絕對係必食之選，蟹肉結實到爆，食一隻腿已經飽咗一半！腸粉外皮煎到脆卜卜，入面又軟又韌，加埋秘製辣醬油，香口得嚟又唔油膩，食到停唔到口！ 另外，煎蠔烙都係一絕，煎到金黃色，乾身得嚟又唔會燶，蠔仔肥嘟嘟，一啲腥味都冇，蛋漿香濃脆口，配粥食簡直無敵！仲芋茸香酥鴨，外層脆脆哋，裏面係綿密芋頭同碎鴨肉，口感豐富，芋頭控必點！ 最驚喜係清蒸東星斑，魚肉嫩到好似喺舌尖化開咁，簡單用蔥蓉提鮮，鮮味十足，食到連汁都想撈埋！ 整體嚟講，呢間潮州菜真係高質又抵食，太子區想食海鮮絕對可以試吓。味道、環境、服務全部有4～5星水準🌟，今次慶生食得好滿足，朋友都大讚揀得好！下次再嚟，一定要試埋其他招牌菜！ 😋

昨天有幸，經朋友介紹認識了一班識飲識食的朋友。還帶我到太子吃了一餐不得了的午餐。目的地是位於太子的潮悅。由於是預早訂了位的關係，我們一到達就直入，裝潢很豪華感覺，舒適的坐椅，寬闊的空間。菜式是朋友點好的，其中長腳蟹煎腸粉的醬味香濃而鹹度適中，難怪朋友整力推介，蟹肉新鮮飽滿，蟹腿肉絲絲鮮甜可口。腸粉煎成外脆內軟，和一般的煎腸粉完全不同，口感一流。沙茶牛肉炒芥蘭，牛肉炒得剛剛好，新鮮嫩滑，配上沙爹醬，沙茶醬加炒得爽脆嘅芥蘭，刺激食慾，Like~潮州紅燒翅好足料，每一啖都係滿滿的翅，味道特濃，完全非常十分之滿足😌，食到舔舔脷，值！荔茸酥炸帶子，入面嘅荔茸香滑到呢~帶微甜嘅芋頭香同牛油香瞬間湧出。最過癮係咬到中間，成粒厚肉帶子，鮮甜多汁到漏，仲要係半熟狀態，嫩到識發光🥰！師傅功力真係冇得頂，炸到外皮乾身唔油膩服務也非常細心口仲定時更換餐碟同添茶，真係不愧係大家推薦的餐廳

首先避風塘炒大肉蟹，一上枱已經聞到濃濃的避風塘風味，大肉蟹非常巨型，絕不欺場，蟹肉炒得很惹味，味道滲透蟹內深處，唯味道較為辣了一點。當然都要試吓小炒王，因為每間都有自己特色嘅小炒王。呢道菜包含咗罕見大大隻嘅蝦，脆口嘅小魚乾，新鮮嘅鮮魷魚鬚，翠綠鮮嫩嘅韭菜，再加上香脆腰果，口感層次豐富，加上鑊氣十足！再來的糖醋煎伊麵，蛋麵以半煎烘的方式，將單面煎至香脆金黃，裏頭的麵條還是軟滑，蘸上老醋白糖一起吃，簡單而美味～豉油煎大海蝦將蝦煎至金黃酥脆,外層嘅煎炸處理令蝦食落更加香脆可口 豉油王醬汁亦令菜式增添了風味,鹹香嘅味道令人回味無窮潮州紅燒翅，翅針粗身又香滑彈牙。湯汁濃鬱，味道甘香醇厚，加上香醋同芫茜非常美味。非常推薦荔茸酥炸帶子，像鳥巢一樣，一共6粒。是一道看着想象不出味道的菜！是從來沒吃過的口感哦，很驚喜！外層的酥 新鮮帶子的鮮嫩 芋蓉的綿密，沒想到是很完美的組合！五星推薦

我都一段時間冇食中菜，所以就二話不說去左潮悅，之後先知原來依間餐廳有唔少食客幫襯！店內環境寬敞舒適，以古色古香又典雅的中式為主題，更設有獨立包廂。晚市特價套餐值得推薦！⾹港炒蟹⾷得多，但同腸粉咁配真係第⼀次⾒！創新得嚟⼜保留傳統鑊氣，⻑腳蟹個頭超⼤，蟹⾁飽滿彈⽛。每⼀絲蟹⾁都裹滿溢醬油⾹氣，細膩⼊味！椒鹽魷魚鬚，超耐無食過咁好食的，炸粉唔會好厚，椒鹽味好香好惹味，個魷魚仲幾鮮味。醬油煎大海蝦就喺為食其鮮味，入口夠肉地，鮮甜爽口，豉油提鮮，鹹鮮惹味，好夠份量，蝦肉保持彈牙，好食！清蒸東星斑是點餐之後現蒸的，一看魚的光澤就知道十拿九穩了！用筷子輕輕撥開魚肉，哇非常新鮮，油潤細嫩的魚肉，一口下去馬上感到快樂 ，鮮甜的魚肉，蒸的恰到好處的火喉！

✨胡椒豬肚湯: 鹹菜鹹味出晒個湯, 湯汁濃而清, 胡椒點到即止好順口; 豬肚爽口份量多 湯底輕微帶甜，胡椒味唔重。豬肚份量適中，唔會太韌咬唔斷。✨避風塘炒大肉蟹: 一上枱超級香！隻肉蟹好大隻，由於少辣所以阿媽呢啲唔係好食到辣嘅都入到口，蒜香味薑葱味亦都冇搶走蟹嘅鮮味。食到最後我仲吮左幾嘢手指。啖啖肉，好滋味!蟹肉新鮮又爽甜，爽到一疏疏好似瑤柱咁，可以撕嚟食。若果隻蟹唔夠高質係炒唔到出嚟嘅，而且咁大隻蟹出面買都唔平，真係好重本，絕不欺場。✨石岐炸乳鴿: 乳鴿啖啖肉，外皮燒到脆脆的，味道唔錯。熱辣辣好惹味，我仲見到其他食客好多都系一人點一隻，不切，用手慢慢撕下來吃，超惹味的。✨椒鹽魷魚鬚: 超香口，外脆內軟而且好有魷魚嘅鮮味。😋✨估唔到腸粉同長腳蟹可以炒到咁正！外皮微微焦脆，內裡保持滑溜，仲吸盡醬油同蟹鮮，口感滿分！估唔到太子入面都有間坐得舒舒服服，食物有質素的潮洲餐廳！

前一陣有個家庭聚會，家人提前預約了這間餐廳! 當天大家都吃了很多，所有菜品都很有水準~ 很推薦大家去試試🦞上湯焗龍蝦伊麵底▶︎ 分量真的超級大 我們一大桌人都夠分呢 龍蝦非常鮮甜 很彈牙 伊麵吸滿了龍蝦的精華 非常入味👍🏻好味指數: ●●●●●🐟豉汁蒸白鱔▶︎ 新鮮又嫩滑，味道鮮甜，蒸得剛剛好！😍好味指數: ●●●●●🍲胡椒豬肚湯 胡椒酸菜味好出色！自從轉天氣之後，我就一直都好想這個湯，這一碗胡椒豬肚湯絕對令我對這餐飯更加分了！好味指數: ●●●●🦀醬油長腳蟹炒腸粉▶︎ 長腳蟹炒得鹹香剛剛好，提升了整體風味，腸粉外層煎得微微焦香但又不會過硬，蟹的份量很足，肉也很嫩，味道平衡得宜，非常香口。好味指數: ●●●●●

上湯龍蝦伊麵 ~ 龍蝦嘅鮮嫩肉質同濃厚嘅湯頭味道好夾，每一口都感受到龍蝦嘅鮮甜🥰伊麵煮得剛好彈牙，吸收晒湯汁嘅滋味，增添咗口感嘅層次🫶🏻 石岐炸乳鴿 ~ 乳鴿入味，即叫即炸，鴿皮香脆，而且好香鴿味，值得一試。清蒸東星斑 ~ 好新鮮，熱騰騰送上，一斤重多啲，4人食剛剛好。肉滑新鮮。 滷水鵝掌 ~ 睇個樣都覺好嫩好入味，好易噒骨。好好食。 餐廳環境優雅，裝潢典雅，燈光柔和，令人感到舒適放鬆。食物質素亦非常唔錯，小菜選擇多樣。平日晚市人流滿滿，建議想去嘅朋友記得提前訂座哦！🍽️

清蒸東星斑 — 目測最少超過一斤嘅🐟，加上大量香口嘅蔥白魚肉雪白，食落非常驚喜，口感嫩滑彈牙，魚味重而唔腥，食得出好新鮮🥰而且師傅功夫好到家，將魚蒸到剛剛離骨僅僅熟，掌握到咁好嘅蒸魚時間應該係好有經驗👏🏻 蒸魚豉油唔會過鹹，帶出魚嘅鮮味👍友人表示非常滿意💯石岐炸乳鴿 -- 先用滷水浸熟，再沾麥芽糖後炸，入味得來又保持鴿皮香脆，即叫即炸，無令人失望避風塘大肉蟹兩隻——三個字-不得了😂😂 一上枱，哇！好大碟，隻蟹腳成隻手掌咁大，避風塘嘅香味即刻令人垂涎欲滴，師傅做得好好，避風塘嘅蒜同辣比例啱啱好而且唔會太乾亦唔會太辣，搶走蟹嘅鮮味豉汁蒸白鱔 -- 😍😁👍蒸白鱔超新鮮，鮮甜美味，完全無腥無泥味。白鱔蒸得剛好熟，豉汁咸度剛好，魚肉鮮嫩，肉質彈牙扎實，味道啱啱好，豉汁仲可以用嚟配白飯，好惹味。

帶阿媽食靚中菜，今次揀咗潮悅，喺始創中心4樓，店內裝潢開揚闊落，坐位舒適。上湯龍蝦：龍蝦極鮮甜爽口．上湯香濃配埋伊麵食落更入味！媽話係好嘢．滋補潤肺避風塘肉蟹：肉蟹結實飽滿．食落鮮甜多汁．甘香四溢．加入大量炸蒜辣椒椒鹽炒成，食落辛口惹味豉汁蒸白鱔：蒸白鱔肉質鮮嫩肥潤．口感軟糯．並且油脂均勻分布在魚肉的紋理間．帶來豐富的風味鹹菜胡椒豬肚湯：係我小到大嘅必點．係必點之列湯頭床有大量胡椒．辣得細膩而狠狠．在溫柔與熱情之間在舌頭遊走．豬肚同鹹菜卻細緻而美好。

男人有時真係好難約，幾個月先見一次，仲次次都唔夠腳😢😢 今次又同老朋友聚會，又係4缺1，唉，真係有啲無奈😮‍💨😮‍💨😭冇計啦，只好食嘢吹水。有個朋友第一次黎，就叫咗個上湯龍蝦伊麵。份量都係大大盤，啖啖肉，湯汁味濃，撈伊麵好正😍😍😍 有個fd話好似比上次濃味咗啲，但係我同另一個就唔覺，可能我哋食開比較重口味。避風塘大肉蟹炸得香脆，滿滿蒜茸包圍，霸氣十足。蟹件外脆內嫩，蒜味好濃，入口蟹汁爆出，鮮甜又好食，絕對合格有餘。湯料都值得一讚，鹹菜胡椒豬肚湯嘅豬肚有嚼勁，鮮甜美味，咸菜夠爽脆，而且湯料多到浮過湯面。叉燒真係好厚切，肉質鬆化入味，外層微焦，內裡多汁。每一口都有濃郁嘅蜜汁香味，食完真係好滿足。

去太子探朋友搵咗間餐廳食晚餐，菜單都幾多菜式選擇，好多我都未試過，好快就揀好！小炒王係我的今日的最愛，這邊的都好多種類的小料，食材唔複雜，但好考功夫，呢碟小炒王夠鑊氣，韮菜油亮爽嫩，蝦乾鹹鮮惹味，仲有最鍾意既腰果，脆脆的，令口感更豐富！大肉蟹方面我們選了避風塘炒法，重點是廚師能將大肉蟹保留肉質新鮮緊實，炸蒜酥香而不油膩，充分掌握火候，沒有讓我們失望，炸蒜香味巴在大肉蟹上，蟹肉惹味中帶鮮甜，整盤避風塘炒大肉蟹連炸蒜都吃得乾乾淨淨。最驚喜係腸粉嘅吸汁能力！醬油同蟹汁完全滲入粉皮，咬落去爆汁，仲有蟹肉非常鮮甜😍肉也特別多，都是嫩嫩的蟹肉～碧綠川椒雞球看到 ‘川’ 字以為會辣到飛起, 非也~ ~ 以葱花、 紅蒽頭、 角菜及川椒末一起爆, 雞肉都吸盡了味道, 爆得好香、好惹味, 雞肉是實淨得來不鞋口的~整體用餐體驗很滿意，大部分食物質素都係水準以上，食材新鮮，廚師技巧到家，老闆好客

🔸脆炸蝦多士多士超級酥脆，蝦都好大隻，超級邪惡，而且一點都不會油！🔸港式避風塘肉蟹喜歡大肉蟹的肉感，店員表示避風塘炒是最推薦的！個人來說避風塘炒特別香口誘人。金黃色的蒜粒，乾紅辣椒、蔥、薑跟蟹㨮至入味。真的不得不大力讚嘆，蟹肉又鮮味又彈牙，加上避風塘炒的香口跟微辣，味蕾就是這樣震撼！🔸椒鹽魷魚鬚味道啱啱好，唔會太鹹。即炸即食，炸皮夠薄又酥脆，唔算太油。🔸醬油炒腸粉長腳蟹上碟金光閃閃，長腳蟹鋪到滿一滿，手機食先mode自動啟動！腸粉香口又惹味，份量仲多過預期。蟹肉超級飽滿，非常新鮮，剪開時還會噴出汁水，蟹蓋上有滿滿的蟹黃。呢個質素海鮮餐黎講都幾抵食🤩下次會再黎試下其他餐😺

有時2個人想食海鮮都幾尷尬，只可以叫42-3款，食唔到太多。今次同親愛的去了太子「潮悅」，餐牌就有好多套餐選擇，有適合2-4人既餐，咁就可以一次過食到好幾款美食。第一次試呢道【醬油長腳蟹炒腸粉】就俾佢嚇親！腸粉炒得夠鑊氣，仲有鮮甜爆膏嘅超大隻長腳蟹肉，醬油香得嚟唔會過鹹，一啖入口，一個字，爽~【紅燒乳鴿】即叫即整，上菜時熱辣辣。皮脆肉嫩，保留肉汁。【蒸白鱔】味道非常濃郁，每一件白鱔都好入味。重口味人士會好鍾意，配白飯食啱啱好 份量都幾多三人或以上分享都冇問題！【清蒸東星斑仔】原條蒸魚，配上勁多青蔥，入口肉質嫩滑，啖啖鮮甜魚味。

又黎到呢間酒樓～呢間係公司樓下唯一得到我老闆認可既酒樓因公司係始創中心，老闆帶隊做節食飯都會黎呢間酒樓，每次都有驚喜～地點就腳，環境舒服唔會迫迫夾夾，野食大部份都唔錯有水準～6道菜既menu脆皮燒鵝：皮脆肉嫩、入味酒樓水準係唔同d醬油龍蝦炒腸底：呢個真係癲咗！腸粉吸晒龍蝦嘅鮮味，軟糯掛汁，龍蝦味嘅腸粉，龍蝦反而成咗配角，呢個組合必須試！紅脆米炸蝦丸 ： 賣相幾過癮，個個話似枝，外層脆米超級咬落「卜卜」聲，內裡蝦餡彈牙鮮味粉葛赤小豆鯪魚粉腸湯：料足到誇張，粉葛綿綿哋，滋補飲完暖粒粒，唔記得影碗湯飲左兩碗豉椒蟶子皇煎米底：蟶子鮮甜彈牙，煎底金黃香脆，大推！西蘭花炒龍躉球帶子：最鍾意食酒樓西蘭花，龍躉球多肉唔鞋，帶子正常總結：唔知今餐幾錢無人敢問老闆我估人均無三百蚊走唔甩