潮樂園 (和富道)

營業中

休息中

今日在北角附近上堂,就約了在北角返工朋友吃午餐，就去了潮樂園，有次見朋友介紹這間,已經想試好耐,一直冇機會試這間 ,趁在北角上堂就去下潮樂，我先去揾位 ,我点咗雲吞河+ 涷奶茶。我覺得雲吞皮薄多汁十分好味,個湯就咸咗些小，河粉十分爽口，奶茶甜咗些小，味道就一般 ，環境和服務都OK味道:河粉好爽口，整體都OK環境:地方適中服務:我覺得都OK

今天去北角䦕會,䦕到3點幾,d同事個個都話想食野,於事落街食,見依個餐廳名叫潮樂園甘得意就入去食野,依度係專食潮式菜,我叫左1客糖醋麵,第1口食落真係估唔到有驚喜lo,真係好食,依度ga糖醋麵, 可與酒樓分高下,  煎得香, 麵身脆, 配合雙重醋,紅和黑, 廚師新意, 添加紅醋味道更特別. 添上白糖可口,真係好食,但係環境就唔係甘整潔,地面油油o地甘...

有咩潮得過情人節食潮州菜？yoyoyoyo上openrice呢間潮州菜都幾出名，評分上好到離譜，一試原來真係好到離譜#本身正野真係唔想介紹你#但都係介紹啦#土地供應問題要多啲幫襯先唔會執#陰公豬一上場係呢個蠔仔粥，蠔仔鮮甜又惹味，芫荽（應該係？）同微咸嘅米粥簡直配合得天衣無縫，成個粥又惹味又新鮮又Fresh！唔同於廣東粥嘅綿滑，或者皮蛋瘦嘅鬼馬，潮州王牌蠔仔粥水米分明嘅感覺更似潮州人豪邁直率嘅一面，呢個蠔仔粥簡直係粥中之王，一試難忘！蠔餅，蠔餅係潮州美食之中的最傳統及最知名的菜餚，而呢個蠔餅又係蠔餅之王，香脆可口又唔油膩，蠔肉鮮嫩肥美，個底重驚你太油膩加咗幾塊生菜，簡直係神級極品無得頂，瘦身男食過最好食嘅蠔餅！！瘦身男女兩個人食到糖醋面已經有啲飽，糖醋面又飽肚又重口味，係就幾好食，但真係有啲無福消受嘅感覺煮野食不嬲都係易學難精#可否惡補，煮得一味好好食嘅難，煮得好多味好好食嘅更難，瘦身男女難得發現呢間潮州菜之霸一定唔會放過佢，豬紅呀，鹵水呀、咖哩牛腩呀等等全部等緊我地yoooo#食到幾時先瘦到身#驚見疑似老闆嘅老闆著住恤衫有肚腩仔#sad#請問上帝有無六舊腹肌嘅蔡瀾

去咗北角食潮州野，因為家父乃潮州老漢，所以每次同佢出街食飯，都會帶佢去食潮州野。我家住九龍，所以搭車時爸不禁問咗句：「仲咩去咁遠水路去食？」其實無他，只係佢個寶貝女我鍾意周圍試新野啫，但為氹下家父，up下啲無聊借口：「冇呀！成日食同一間，有起事咪會中毒太深⋯⋯」咁無聊借口都逗到家父笑，我都好滿足😊之前有溫定書，入去叫左個鹵水三併、蠔餠、鴨舌同糖醋麵。鹵水三併，食得出鵝片係獅頭鵝，刀切好，唔太厚，但掌翼就只係本地貨色，所以冇咩好食，建議叫鵝片就得，鹵水尚算香口，但唔係話好出眾，一試無彷。蠔餅係用麵粉炸，而唔係用薯粉煎果隻，D蠔幾大粒，但冇咩蠔味，又冇咩蛋香，只覺得家父平時屋企整嘅蠔餅仲好味😛😛鴨舌酒味香濃，鴨舌又大隻，啖啖肉，係成餐我的最愛，尤其D𣏌子，俾我食曬添😆最後食糖醋麵，好薄好趣，但冇味，可能你話：「喂！冇味咪自己加多D糖醋囉！」但我講係個麵餅冇味作為一家潮州野，D茶葉唔靚，又冇功夫茶，我會覺得好失敗⋯⋯但就價錢之言，佢算係合格之流下次帶家父去食第二間！👍👍👍PS: 食完好口渴，用好多「師傅」相機食先之報告

不是太常吃潮州菜, 但久不久也會突然想吃個蠔仔粥或蠔餅解解饞, 這次就跟媽媽來個潮州晚餐餐廳位於北角和富道, 是街坊小店; 招牌要從對面才看到, 建議店家在店門外放個易拉架, 讓客人更好找裡面格局有點像茶餐廳, 但很光猛乾淨, 有別於一般潮州菜館韮菜豬紅 ($48) 不是一夾即散那種, 煙韌入味, 份量亦頗大, 兩至三人分吃較好鎮店蠔仔粥 (小, $42) 蠔仔鮮甜多汁, 沒有腥味, 方魚, 莞茜和肉醉等配料也毫不吝嗇, 調味剛好, 一向愛吃湯飯的我吃得超爽獅頭鵝片 ($138) 去了骨, 吃起來很方便又全是肉, 肉質軟稔有咬囗又充滿鵝香, 鵝肉下的豆腐也超入味, 很推介來個近鏡看清楚~食物大份味道亦很不錯 (最重要是媽媽也覺得滿意), 價錢實惠, 環境亦比一般潮州菜館舒適衛生, 性價比超高, 絶對值得回訪

又快過年，和老婆落北角走走，準備買點東西過年。走過北角和富道，有間潮州菜館，主打滷水食品和牛腩等，叫潮樂園，未幫襯過，於是試試。此店有各式滷水食品，聽說馳名滷水鵝、牛坑腩等。此店是一般街坊小店，佈置簡潔為主，座位有限，坐得頗為擠迫，服務及環境一般。由於我們不熱衷滷水食品，就叫了淨牛坑腩($128)、淨雲吞($32)和黃金糖醋面(細$68)試試。淨牛坑腩，牛腩味鮮，肉身入口冧甜，味道不錯，可惜是牛坑腩份量不夠多、每人祗能享用數塊。淨雲吞水準也不賴，雲吞灼得剛熟，蝦肉爽口。至於黃金糖醋面，炸得金黃香脆，賣相不錯，上枱時熱氣騰騰，味道可口，唯一不足是面炸得不夠乾身。此店食品水準不錯，價錢尚算合理，但坐得不算舒服。

不知甚麼原因, 在九龍區, 甚少見這種裝潢光鮮的茶餐廳式潮州菜..., 而香港區, 尤其是炮台山和北角一帶特別多. 九龍區, 要不是大排檔形式, 就是一般的茶餐廳再兼賣滷水食物.... 好奇ah..., 要再了解一下...潮州鹹菜, 不是鹹酸菜, 沒有"酸", 味道不算強烈, 更帶一點甜味和薑茸的香味, 爽脆, 有汁, 不單是開胃前菜, 也可以送粥, 甚至會用來煮餸菜, 用來熬豬肚, 平價海鮮加了潮州鹹菜來煮, 可除掉腥味, 味道更好.來潮州店, 食潮州魚蛋是常識吧.... 潮州魚蛋點解咁出名....?? 也都是常識...., 沿海環境, 海產豐富, 魚蛋特別鮮味, 又夠爽口彈牙.... 至於...食潮州魚蛋...是否一定是"魚蛋粉"...??? 咁就梗唔係啦.... 哈哈哈...手打魚蛋, 真材實料, 軟綿, 香滑..., 據聞...某名店老闆咁樣樣講.... "正宗的潮州魚蛋, 彈牙是次要, 後生仔女 唔識食, 淨係知道要彈牙..., 彈牙...就無魚味囉...." 鮮魚起肉, 攪到變成魚漿, 據聞again..., 軟漿要最多工夫, 所需時間長, 打好後還要放一會, 待乾身一點,

曾被喻為米芝蓮街的和富道，因為阿鴻小吃而成名，也許亦因為阿鴻搬走而寂靜了來，但並非完全失去魅力，水準小店一家接一家，只可惜位置距離地鐵站及主街有一段路，始終以街坊客為主力，因此，價錢亦見實惠。 阿鴻的舊址，開了另一家潮州菜館已經一段日子，記起早前在信報見到食家唯靈曾經提及，潮樂園是一家實惠實力店，突然想吃，下班就從太古坊坐電車過來，廿分鐘左右便到達。 現在的潮州菜館已經少有以打冷菜式作為號召，也許租金有價，高興見到這兒傳統保留，但又可惜未能見到小碟鋪滿桌面的墟陷場面，寸金尺土噢！ 店舖細小，但改用方桌，相比阿鴻用圓桌，地方好用得多。有老師父駐場，講明是陳年無味精鹵水，當然要試試。餐桌上多款辣醬備用優惠不絕 價錢非常相宜，粉麵粥飯四十多元已有交易，如何可以多試幾款招牌菜式呢？思前想後，最後決定如下。胡椒豬肚湯（小） 湯送過來尚以為落錯單，怎麼這樣大碗的，比我常到的陳勤記多出一倍有多！其貌不揚，淡褐色澤，似乎含少許胡椒的灰，有不少蔥綠，材料有豬腸及豬肚。喝一口，胡椒味濃，夠辣！霧霾天氣的濕氣，頓覺散走；有豬肉香，調味恰當，豬肚柔韌好嚼，豬腸洗淨無異味，有脂肪不過份，簡單的胡椒加肉香的層

下雨天, 天氣轉冷, 風吹來, 寒一寒, 本來打算食西式下午茶, 也轉變心意, 前同事來北角探訪, 想食熱食, 就方便, 樓下附近的潮州店: 打冷.... 通常午餐幫襯粉麵, 今次我請客, 豪些少, 一百幾十, 我比得起... lol...潮州食品, 無理由不食魚蛋吧, 因打算食粥, 所以不要粉麵, 直接淨魚蛋, 雪白色的潮州魚蛋, 魚味濃, 彈牙程度中等, 聽友人講, 原來彈牙程度與魚味是"反比"的, 不信?? 九龍最有名的店(在油麻地執笠不久的那間), 其老闆 就道出了這個秘密, 有興趣, 可以在網上查一查...原來淨魚蛋的湯底內, 還有兩三舊白蘿蔔, 煮得夠淋, 入味, Good!蠔仔粥, 細碗裝, 蠔仔屬中型Size, 份量多, 口感豐富, 絕非一般平價潮州打冷店可比.滷水鵝是我的最愛, 下午茶時段, 非煩忙時間, 與店員講了兩句, 得到好照顧, 竟然是鵝脾... 實在太驚喜了, 滷水汁的味道夠香, 最令我喜歡是, 不鹹但滷水味重, 鵝肉切在較薄而不散, 師傅刀功了得, 鵝肉剛淥起, 熱身, 加入滷水汁, 再蘸一點潮州辣椒油, 嫩滑度十足十, 超正!

< 羊腩暖暖肚 >古法羊腩煲 (小 $248)幾乎食完其他主菜先送到的煲重新滾起就能吃滿滿的湯汁在熱起來時差點溢出 小心唔好滾瀉羊腩不少但肉質偏乾不夠入味 支竹不多偏硬身湯底多油感覺漏 不過鹹不過唔重南乳香較普通馬蹄清甜爽口 不驚喜感覺還是潮州菜做得更好Rating💁🏻(5.5*/10*)< 鵝片。 飯 >鵝片。 飯 ($)不要淨飯因為有飯先飲食均衡嘛 飽肚好選擇價錢唔貴上枱大大碟有驚喜 仲有跟一碗蘿蔔湯鵝片嫩滑不乾 如果加少少蒜酸汁就更開胃肉片下壓著幾塊豆腐 皮較乾不過豆腐夠硬有口感鹹鹹地襯翻啲飯就剛剛好 有湯飲易入口也更順口Rating💁🏻(7*/10*)鎮店蠔仔粥 ($80)隔一排再去發現有新菜式 隔幾個位又開多個鋪當然要翻兜最喜愛的蠔仔粥 仲多左大細可以揀既然幾個人去食就要大分享啦 結果真係好大窩蠔仔好多食極都有而湯亦足 鮮味帶甜不口乾米粒保留咬感而不會綿得糊口 比綿密的更吸引有魚乾在內充斥著漁港風 鮮味同雞湯不能比😋呢度打冷菜美味又不貴 只是地方略為窄小吧蠔餅鹵水拼盤 清湯蘿蔔淨牛丸

我爸媽兩邊都是潮州人，聽爸爸說以前嬤嬤都很會做潮州菜。但是他們後生的一輩在香港出生後，漸漸地習慣了港式飲食習慣，連我媽都只會煮港式的家常便菜，所以要吃正宗潮州菜的話就一定要去打冷。鬼佬男朋友知道我鄉下在潮州也很好奇是怎樣的，於是就帶他去了位於北角出名吃傳統糖醋麵的潮樂園，先試家鄉的味道。以往曾經到過的潮州菜館裡面的裝潢都是較舊，但潮樂園的感覺很新穎，還有點像糖水店，但食物及衛生整體都很好，如果將來要想要吃潮州菜的話，也值得回頭！北角潮樂園地址：北角和富道84-94號銀煇大廈地下4號舖一直都很想試打冷拼盤，但這次只是二人前來，又想試其他小菜，怕會吃不完就簡簡單單點了個滷鵝片。▼滷鵝片整齊地鋪在滷豆腐及花生上，非常入味，肉質滑嫩。聽伙計說，想食更加香口的滷水鵝，點獅頭鵝肉就沒錯了。▼滷鵝片蘸蒜頭醋，潮州人正宗吃法！增添不少胃口！▼蠔餅炸得金黃鬆脆，鋪滿蠔仔，一上枱散發陣陣香氣。再蘸魚露一起，鮮味立即在口裡散發！有時我媽媽都會弄胡椒豬肚湯，雖然材料簡單，但洗豬肚過程麻煩，所以就好少會煮這道菜。▼豬肚煲到中途會有豬油浮出，但這個湯未見泛油，湯色算乾淨，加入芹菜粒可以增加芳香感，薑片切成細細塊，

數年前，本是平靜的和富道因「阿鴻小吃」摘星而變得熱鬧，晚上聚滿人群等入座，然而，他遷走後，街道變回正常，其實，有實力的食肆又豈止一間。這間也是在和富道的潮州菜館，我覺得不錯，尤其是糖醋麵，一試難忘，還有其他撚手菜式，且讓我一一道來。潮州菜的特式，豐儉由人，這晚吃的並不是甚麼名貴材料，但做得極有水準。先來個胡椒豬肚湯，材料有白胡椒，豬肚，豬粉腸，鹹酸菜等烹調，內臟處理得好，無異味，粉腸和豬肚很爽，湯的味道很純和濃郁，無味精，喝後驅寒暖胃。鹵水食品是這店的拿手好戲，點了鹵水鵝片掌翼，鹵水汁的甘香和咸味取得很好的平衡，沒有死咸或過份的香料味，鵝片肉質細緻、軟腍，掌翼很入味，墊底的豆腐也很滑。鹹肉春菜煲是潮州之粗菜，然而一顆爆香的蒜頭，肥瘦相間的鹹肉，青綠的春菜，變成了一個令人吃得愜意的煲仔。既然幾款經典潮州食品都做得出色，蠔仔粥也不能不試，這粥煮得勁好味，蠔仔肥美飽滿，大地魚乾很惹味，唐芹增添香氣，冬菜有口感，兩人可輕易吃掉一小窩。愈簡單的材料，愈難做得好，糖醋麵實而不華，全靠師傅花功夫細心去弄，先將麵漉散，用上湯慢煨至入味，慢煎至香脆，點白糖和紅醋吃，酸和甜的味道襯托出麵香，墊底的韭黃有畫

北角和富道向來都是食街，各式各樣的美食都雲集一街之中。 這夜很想吃打冷，上網一search下發現這家主打吃潮州打冷的食店好評如潮，決定和朋友試試。先來一條凍大眼雞（$120-$180），原條的大眼雞一開為二，已經拆骨，魚肉本身已經有少許調味，咸香味重，魚質豐富多肉，質感嫩滑，配上豆醬食肉味道更佳。吃潮州菜點少得叫番碗蠔仔粥？鎮店蠔仔粥（小：$42）是這裡的招牌，在掙扎點小還是大之際，老闆說兩人吃小就夠了。想不到小碗也可分成5碗飯碗之多，實在令我驚喜。蠔仔份量超多，粒粒賬卜卜，食落新鮮無沙。配上肉碎和其他配料，香濃惹味，是打冷不可缺少的食物。這裡還有招牌的自家製手打魚蛋，既然一場黎到，點可以唔試下。淨魚蛋魚片（$36）湯底鮮甜，有點住家的味道，老闆說湯底是用了豬骨和魚骨熬成的，絕無味精，喝完一整碗也不感口渴。魚蛋用了門鱔打製，味道帶鮮味且軟滑，與一般的彈牙魚蛋不同，他們這裡的是講究魚本身味道。另外不得不試的是限量供應的崩沙腩河（$46），份量超大，配料和粉的份量也超乎想像，性價比極高。除了賣相外，味道也同樣了得，崩沙腩位置肉質較肥美，油脂相對也較多，吃上來肉質和油脂比例剛好，鮮嫩且帶點油

北角潮州打冷食店 潮樂園地點係和富中心隔離雖然偏遠少少 但野食非常好食 值得行遠啲😉蠔仔粥(小) $42 好食指數: 4.8/5抵食指數: 4.6/5蠔仔粥呢家野 相信大家都中唔少伏主因都係蠔唔新鮮 有陣腥味但呢個蠔仔粥嘅蠔非常鮮甜 仲大大粒😍湯底仲加左方魚 肉碎 芫茜 香味十足雖然叫左細碗 但都分到四個碗仔咁多抵食👏滷水獅頭鵝肉三併(例牌) $158(鵝半隻 鵝翼 鵝腸) 好食指數: 4.7/5抵食指數: 4.6/5又嘗試平日唔多食嘅野 今次係滷味😗先講鵝 香港好多餐廳因成本問題 都用哂鴨反而呢間仲堅持係用鵝 抵讚👍🏻鵝同鴨嘅分別 就係鵝肉較鬆軟 唔似鴨咁鞋口滷到入哂味都係咁滑 有料到😏另外鵝腸亦十分爽口 墊底仲有豆腐索味等你可以食埋啲汁 正呀😫崩沙腩斗門蝦籽頭抽撈麵 $60 好食指數: 4.6/5抵食指數: 4.6/5牛腩大路嘅分兩種 清湯同柱侯本人最愛就係前者 而且仲要係崩沙腩😉呢個腩 肥瘦適中 入口唔韌 肥膏位仲有牛香配埋個撈麵食 正👍🏻蝦籽好香但唔會太鹹 加上頭抽吊味成個麵唔同哂😍黃金糖醋麵(小) $68 好食指數: 4.8/5抵食指數: 4.6/5初初係餐牌

 一段時間無食潮州菜啦, 朋友介紹, 去左 北角 潮樂園. 小店有2間舖, 坐位不多, 當時入坐主舖. 7時前已到達, 幸好稍等已有位, 之後食客不斷, 要等位啦. 店內裝修明亮, 比一般潮州老店來得簡潔.蘿蔔 - 清甜 無渣墨魚片 - 薄薄的, 爽口彈牙又唔韌, 仲有豆腐墊底, 滑不嚡口有豆腐香.鹵水鵝片飯鵝片肉切得薄薄的, 肉質扎實肥美, 嫩滑不膩, 唔會食到一口油, 加上自家製的滷水汁, 味道唔錯又唔覺鹹。鵝片墊底附有幾片小小的豆腐, 滑而不嚡口, 飯還附帶蘿蔔清湯一碗.蠔仔粥熱騰騰的, 夠暖胃哦! 潮州粥就係潮州粥, 飯粒與湯水分明, 但飯粒又要比粵菜湯飯來得腍. 粥內滿是蠔仔, 份量十足, 每隻蠔仔都新鮮又肥大, 隻隻都係飽脹飽脹的. 味濃甘鮮而不腥, 粥內仲有小粒小粒方魚塊, 加上青蔥味和芫茜, 真係鮮味出色. 此店既蠔仔粥, 係我食過最好味既蠔仔粥之一. 黃金煎蠔餅酥炸的外皮, 餅內蠔仔份量更是超額, 蠔仔同樣係肥大鮮美, 雖是油炸但口感又不油膩. 用料十足之餘, 份量更是足, 粗略估計起碼足夠4人進食 .潮州羊腩煲(小)小而深的一個湯煲份量, 附跟新鮮生菜. 羊腩肉相對