潮樂園 (和富道)

營業中

休息中

真係好耐無寫食評，本身好中意食潮州嘢，心諗呢度咁多人讚，一心從九龍到北角試下，點知真係都幾令我失望，二人點了，一雙凍蟹，蠔仔粥，九菜豬紅，鵝片三拼（大腸墨魚）。首先前三樣都一早嚟左。凍蟹一嚟到，覺得好似幾靚下，點知一d鮮味都冇，肉唔實，仲一路食一路有水唧出嚟！唉！食過咁多間打冷，未試過咁差既。蠔仔粥都正常，但葱太多，少番d,會好d。九菜豬紅都正常既，鵝片果碟大件事啦！食晒前三樣都仲等左10分鐘都未嚟，催下佢，嚟錯左，跟住再等，跟住嚟左碟頭頭尾尾三拼，係大腸係見到下人，鵝片？我真係想問老細知唔知乜嘢叫鵝片，墨魚？sorry！我只能稱呼為橙色既物體。無下次。

在眾多的中國菜中，潮菜是我其中的一個飛佛。清淡如白粥加涼菜，貴價如凍蟹潮州翅，豐儉由人，選擇頗多。很少在港島區搵食，今天剛有機會去北角，便找到了這間貼滿明星相的潮樂園。店子有兩個分隔開的舖，總體座位也不算很多，但不會太迫挾。兩個人點了䳘片（$148），細𧐢仔粥（$45），細糖醋麵（$68）䳘片片得較薄，有豆腐墊底，滷水頗入味，不太多肥膏，不錯。𧐢仔粥的𧐢仔比其他店細隻，湯底鮮甜，好多芫茜蔥呀！😱😱😱糖醋麵，等了半小時多才來😅😅，好多客人也是等這個。表面煎得好靚，我最怕多油，夾起看看，咦，又唔多見油喎，加分，還有艽黃碎墊底。但不知是否個麵厚左D，同埋個底燶左少少，，覺得口感爭D。整體來說，也是滿意的一餐潮菜😊😊

北角和富道離地鐵站有點遠，以前去親都係為左食阿鴻小吃，自從阿鴻搬左，原來原址都係繼續經營潮州菜，但已經變成潮樂園，至於店內格局都冇咩大改，依然鋪仔細細坐得好逼，絕對係快食快走路線。不過咁，雖然裝潢麻麻，但食物非常有水準，甚至係阿鴻之上。呢度除左有各式滷水，仲有各種潮州美食、湯粉麵、蝦籽撈麵甚至巴基斯坦咖喱，非常多樣化。想以平價食到滷水菜式，午市有碟頭飯，可以單點或雙拼，仲包埋湯同熱飲，都只係幾十蚊。係食正餐之前先叫左碟滷水豬大腸（$45），係我最愛的滷水食品，佢的滷水汁好濃香，但唔鹹，滷的時間亦好充足，所以好入味。豬大腸雖然帶有肥膏，但好腍冇騷臭味，加上分量足又大大件，仲有墊底超索味豆腐，四十幾蚊非常抵。午市碟頭飯叫左滷水鵝片雙拼（$72），另外一拼可以選鵝翼、鵝掌、五花腩、豬耳、墨魚、大腸、豆腐、雞蛋、滷水鴨等等，我就選鵝腸。一碟飯飯同餸各佔一半，唔會只得幾片，墊底仲有幾舊豆腐。鵝片切得厚薄適中，雖然偏瘦但好軟滑，滲滿滷水汁越食越有味。鵝腸幼幼的，又爽又脆，同樣冇異味，處理得好好。另外又叫碗牛腩片頭河（$45）試下，呢個就相對地平淡，牛腩肉味濃，片頭就唔夠香，河粉都幼滑嘅，唔係話佢差

其實我已經講咗我自己一個人食我問咗阿姐究竟會唔會太多佢個樣 猶疑 我已經知道瀨嘢其實客人真係食唔曬你可以同佢講我會叫個第二樣咁樣真係好似俾人呃咗咁碗亦都冇俾我係咪因為得我一個人食廚房內洗碗阿姐多次揼嘢落地 食得好緊張嚇咗我幾次鵝肝係幾好食夠曬滑加埋醬汁真係無械可擊胡椒豬肚湯入面好足料但係大腸個樣真係好樣衰亦好似冇咩味

嗌佐個鎮店牛腩片頭河，完全無牛腩，全部都係肥膏，同埋两片未洗乾淨嘅牛肚（唔明點解嗌牛腩變佐牛肚）個湯底一般，唔可以標榜無味精，河粉係碎上完全唔值$45隔離台客人已經嘈住要嗌老闆，問點解貨不對版

< 你今天潮了嗎？ >Baby 真的 out 了 😂 都係第一次食呢間排隊排到出門口既潮州店，門口有好多明星去過既相同餐牌，而另外一面就係掛住左各式各樣既滷味，好香既滷水味，一眼將我視線吸引起黎就係滷水鵝 😍 而因為透明式廚房既關係，見到師傅手打緊魚頭，真係隔住個 mon ...... 唔係，真係隔住塊玻璃都感受到果份誠意 🙇🏻< 滷水鵝肉 $128 > ➡️ 評分 - 8/10呢到既鵝係用唔肥唔瘦既鵝，將 30 幾種香料用慢火炒半個鐘，用滾油炸啲香、蔥、蒜炸到金並色，跟住隻鵝放係滷水滷大約 50 分鐘然後再浸半小時，一句講哂，味道食落真係入哂味，冇得輸呀 😈< 鎮店蠔仔粥 $48 > ➡️ 評分 - 7/10睇一睇！好多蠔仔呀！蠔既比例的確誇張 😂 隻隻都好肥美 😳 但係湯先係重點，唔單止有蠔仔味，而且係有好強烈既鮮味！細心啲再睇一睇，粥入面仲有啲方魚肉同魷魚！好好味 😋< 凍元朗烏頭 $128 > ➡️ 評分 - 7.5/10呢個抵食呀，大條不再講呀，魚肉肉質好鮮嫩，冇硬崩崩既肉肉，Baby 唔中意食硬崩崩既魚肉同好多骨既魚

這家潮州粉麵店絶非普通粉麵小店咁簡單！舖面細細，餐牌全部都係傳統潮州美食。一坐低，雙眼先俾收銀後面兩大盤肥美嘅烏魚同大眼雞魚飯吸引住！坐低後旋風式掃過餐牌，點咗魚旦片頭河、沙薑雞拼滷水豆腐飯、春菜炆火腩。潮州美食唔一定係珍饈百味，鮮味最緊要！熱辣辣嘅春菜有火腩嘅肉香、油份，勁有潮州味道，好食到停唔到手/ 口！至於沙薑雞飯，只可以話雞只係配角，嗰碗淋咗滷水汁嘅飯，好味到不得了！飯乾汁香，無得頂！相比起春菜同飯，碗魚旦片頭河就變得失色，略嫌太實、腥咗D。老闆解釋話休魚期，魚來貨欠佳。邊吃邊傾，突然老闆兼主廚出唻social，仲同老媽子交換心得。熱情嘅老闆更介紹咗鎮店滷水鵝肝同魚飯，我地就索性買多份春菜同滷水鵝腎返屋企，繼續潮嘗滋味！臨走時，老闆更煮咗粒自家製韮菜餃，全韮菜、冇豬肉，健康又美味（滿口韮菜嘅香甜），又忍唔住買咗一打返屋企！總結：菜式有傳統潮州味道、店舖上下亦有熱情嘅人情味！一定會成為屋企嘅飯堂，期待嘗試店內其他美食

潮樂園鎮店蠔仔粥 輕輕翻一翻即刻見到好多粒飽滿肥美既蠔仔， 試咗啖湯，味道好好，不單只有蠔仔味，而且仲有其他嘅鮮味，就係方魚碎同魷魚乾碎。再加上有芹菜蔥粒香味，呢個蠔仔粥不得了。不過可能因為蠔太多，間中會食到少少蠔殼，但我都非常中意。黃金煎蠔餅 蠔餅新鮮熱辣，份量超大 (以為俾左大既我)，好酥脆。調味唔算重，蠔仔好大粒好鮮甜，非常之香口，不過有少少嘅蠔殼！凍元朗烏頭 烏頭係一開為二，唔洗反來反去。魚肉食落充滿著魚香的鮮味，有大量魚油，魚院肉質鮮嫩，呢個一定要點埋豆醬來食，先可以更顯出魚的鮮味。黃金糖醋麵 賣相一流，顏色鮮艷，內嫩外脆，食法係先倒少少醋, 再加上少少砂糖，甜甜酸酸，又有粒粒砂糖的口感，真係好好味糖醋嘅比例可以跟你自己喜好！

今日去北角找中學同學吃飯，她說帶我去試潮州打冷。避開午飯繁忙時段，2點鐘去到潮樂園也有三、四檯客。門口位是開放式廚房，一大鍋牛雜放在那裡，散發着潮式滷水特有的陣陣香味。朋友叫的是頭抽蝦籽崩沙腩撈粗（＄61），崩沙腩可說是牛腩中的極品。肥瘦適中，筋膜層爽滑，肉質入口鬆軟～我和朋友都喜歡撈粗，扁扁的粗麵爽口彈牙。不過頭抽和蝦籽就一般般，頭抽味不香，而蝦籽雖然份量多但味道不突出，並沒有為麵加分多少。我叫的是頭抽蝦籽片頭撈粗（＄49），片頭另上，數量很多！口感很爽口彈牙，比較一般，魚肉打得有點粗糙。反而隨餐附上的豬骨蘿蔔湯比外面潮州舖清甜、香濃。滷水鵝腸（＄45），我從小到大都愛吃鵝腸，但都是家人煮的。因為怕外面的餐廳會洗腸洗得不夠乾淨，但朋友推薦吃這個，便試試吧～鵝腸洗得很乾淨，吃得放心，爽爽脆脆，滷水十分入味，夠濃夠香！滷水豬耳（＄45），份量夠而且會幾塊豆腐在底。滷水豬耳滷得入味，吃得出花椒、八角、桂皮、香葉、草果等味道。不過平時吃的豬耳也是麻辣的，總覺得欠些什麼。豬耳好脆，不過吃得多覺得有點膩，還是少吃為宜～麻辣鴨舌（＄55），很快便會去台灣旅行，十分掛念台灣的食物。＄55麻辣鴨舌又不

地方比較細，太近「後欄」洗碗位置，坐低有一陣陣後巷味，幸好唔太強烈。食物價錢唔貴，整得幾好（蠔餅炸得好脆，好多蠔仔，糖醋面需然等左30分鐘，不過完來係煎雙面，可見用心），尚算抵食，可惜衛生麻麻

之前同同事傾開話北角有間好出名既洲打冷店好正，所以今日就同屋企人黎食。首先，我叫了鹵水鵝腸，賣相不但十分吸引，而且份量都十足。鵝腸食落不但爽滑彈牙，而且每條鵝腸都吸收晒鹵水汁，一般人都怕鵝腸會好多脂肪，但這裡沒有一點的油膩之口感。再者，我點了潮洲凍烏頭，起初我都以為係生食，但原來已整熟，一開為二，魚肉不但爽嫩，而且加埋豆醬來吃，帶出魚的鮮甜味道，直得一提，每日數量有限，要食就要一早來吃。之後，我再點了獅頭鵝雙拼，鵝肉不但皮肉爽滑，而且鵝肉很鮮很嫩，不像一般店鋪沒有肉味，加上爽脆的墨魚，口感不但彈牙無比，而且很有新鮮即食的口感。最後，我叫了花鵰鴨舌，鴨舌不但不老，而且吸收了陳年花鵰的味道，所以食落唔似雪藏，加上醃製時間充足，令鴨舌都吸晒味道，係必食之選。總括來說，這店份量十足，足以多人來吃，加上價錢合理，係潮洲菜之選。

好少係北角食飯，今次同朋友黎到，搵到相當多好評既潮州餐廳。大眼雞同鵝片好快上枱。大眼雞食落肉質偏硬，但愈咬愈香！沾少少豆醬，可以食兩三碗粥。鵝片出乎意料入味，濃濃既魯水汁配埋肉質滑既鵝片，食落鹹鮮帶甜。蠔餅等左十五分鐘左右，蠔仔大粒鮮甜，炸得酥脆，就咁食已經滿足。

老婆大人知道我喜歡食'打冷滷水食物'所以帶我去平時較少去的北角發掘一下。北角是一個比較多潮州人，福建人聚居的地區。可以在'家己儂'地方售賣家鄉菜，當然要有相當的實力，以及一煲靚滷水汁先吸引到嘴刁的街坊食客。我們一開始從炮台山出發，因為印象中英皇道是沒有潮州食店，所以特地走入小路行，經過了米芝蓮點心(過門不入，因為今天它不是我杯茶)，最後到了和富路被一陣迎面飄來的香濃滷水味吸引著，我們知道目標不遠了!門面實而不華，掛著潮州菜中重要的主角之一滷水鵝，經過的一定會被香味吸引。因為星期日難得放假，所以起身比較遲，去到已經是2點鐘。一入門口已經被一盤凍大眼雞嚇倒! 其體型是我從來沒見過(我是經常逛街市的), 足足有前臂一樣長，而魚身亦非常飽滿，十分誇張!(可惜因為太肚餓，急腳坐下，忘了拍照 但是坐下來又被牆上的裝飾吸引了。巴基斯坦靚咖哩!?!? 是不是我餓瘋了? 我們明明是衝著潮州滷水進來的，但肚子已經不由我們再猜測，一口氣點了3樣食品(都是推介牌上的)蝦籽崩沙腩頭抽撈麵崩沙腩位置在胸骨外圍，近橫膈膜，有一塊薄軟膠質，可以說是集合了筋肉膜膏於一身。這裡的煮得十分香軟爽滑，肥瘦剛好，入口有少少咬

這天下午要參加朋友公司在北角附近舉辦的試酒會,便約了另外兩位朋友先到此區午餐!問了兩位朋友想吃哪種菜式後,又是使用Openrice大神的時間,結果出來的是排首位的潮式餐館--潮樂園!與朋友一行三人一點多到達北角地鐵站,再步行十多分鐘就到了店子!快步進內坐下,看到有不少明星曾光顧的照片!之後侍者遞上了餐牌,很多選擇,有傳統的潮式食物,也有潮式+印式的融合菜式!問及朋友意見後,就點了以下食物:金錢肚口感很好,煙韌度適中有咬口,本身滷水味已不俗,而配合著鮮甜的湯底,更是提味!牛筋走的是爽滑路線,是另一驚喜!另外,幼麵質感幼細,很配各種肉味於其中,但並不各走各路,而是越吃越有開心的感覺!而牛片頭河粉的魚片也很爽脆,配合著清湯與河粉,帶著些海洋氣息的鮮味!至於全餐亮點之一鮮鵝腸,果不其然做到了鮮爽肥美,而且洗得很乾淨,完全沒有沙粒;咬下去表層爽滑彈牙,底下肥膏的油脂之後在口中蔓延,加上美味的滷水汁,吃下去有實在的層次感!而另一亮點胡椒豬肚湯,值得大讚!湯底十分濃厚醇和,一股澎湃的胡椒香味,平衡著豬肚帶來的肉燥味,兼且辣度控制得很好,一件豬肚ㄧ口湯,胡椒香味與豬肚的融和帶來的餘韻在口中可以細細回味

鵝片拼豆腐（$168）滷水夠曬味，鵝片舊舊都肥美，好入味又唔會過鹹，推薦👍🏻！下面既豆腐索曬鵝既精華，加埋滷水汁，一流。-蠔仔粥（$45）蠔仔份量相當多，每啖都食到蠔仔，調味唔算重手，保留到蠔仔本身既鮮味。而且雖然係細份🤔，但都接近有五碗，相當抵食。-蠔餅（$59）蠔餅新鮮熱辣，份量大，好酥脆😍。亦係調味唔算重，中意重口味既朋友記得沾啲魚露。-反沙芋頭（$88）芋頭夠粉夠好食，佢地既反沙係帶辣味既，一開始食未必會習慣😱，但食多幾啖就覺得幾特別幾有新鮮感。