影片
更多
2016-08-23
919 瀏覽
北角和富道離地鐵站有點遠，以前去親都係為左食阿鴻小吃，自從阿鴻搬左，原來原址都係繼續經營潮州菜，但已經變成潮樂園，至於店內格局都冇咩大改，依然鋪仔細細坐得好逼，絕對係快食快走路線。不過咁，雖然裝潢麻麻，但食物非常有水準，甚至係阿鴻之上。呢度除左有各式滷水，仲有各種潮州美食、湯粉麵、蝦籽撈麵甚至巴基斯坦咖喱，非常多樣化。想以平價食到滷水菜式，午市有碟頭飯，可以單點或雙拼，仲包埋湯同熱飲，都只係幾十蚊。係食正餐之前先叫左碟滷水豬大腸（$45），係我最愛的滷水食品，佢的滷水汁好濃香，但唔鹹，滷的時間亦好充足，所以好入味。豬大腸雖然帶有肥膏，但好腍冇騷臭味，加上分量足又大大件，仲有墊底超索味豆腐，四十幾蚊非常抵。午市碟頭飯叫左滷水鵝片雙拼（$72），另外一拼可以選鵝翼、鵝掌、五花腩、豬耳、墨魚、大腸、豆腐、雞蛋、滷水鴨等等，我就選鵝腸。一碟飯飯同餸各佔一半，唔會只得幾片，墊底仲有幾舊豆腐。鵝片切得厚薄適中，雖然偏瘦但好軟滑，滲滿滷水汁越食越有味。鵝腸幼幼的，又爽又脆，同樣冇異味，處理得好好。另外又叫碗牛腩片頭河（$45）試下，呢個就相對地平淡，牛腩肉味濃，片頭就唔夠香，河粉都幼滑嘅，唔係話佢差
不過咁，雖然裝潢麻麻，但食物非常有水準，甚至係阿鴻之上。呢度除左有各式滷水，仲有各種潮州美食、湯粉麵、蝦籽撈麵甚至巴基斯坦咖喱，非常多樣化。想以平價食到滷水菜式，午市有碟頭飯，可以單點或雙拼，仲包埋湯同熱飲，都只係幾十蚊。
係食正餐之前先叫左碟滷水豬大腸（$45），係我最愛的滷水食品，佢的滷水汁好濃香，但唔鹹，滷的時間亦好充足，所以好入味。豬大腸雖然帶有肥膏，但好腍冇騷臭味，加上分量足又大大件，仲有墊底超索味豆腐，四十幾蚊非常抵。
午市碟頭飯叫左滷水鵝片雙拼（$72），另外一拼可以選鵝翼、鵝掌、五花腩、豬耳、墨魚、大腸、豆腐、雞蛋、滷水鴨等等，我就選鵝腸。一碟飯飯同餸各佔一半，唔會只得幾片，墊底仲有幾舊豆腐。鵝片切得厚薄適中，雖然偏瘦但好軟滑，滲滿滷水汁越食越有味。鵝腸幼幼的，又爽又脆，同樣冇異味，處理得好好。
另外又叫碗牛腩片頭河（$45）試下，呢個就相對地平淡，牛腩肉味濃，片頭就唔夠香，河粉都幼滑嘅，唔係話佢差，但始終整體難令人有深刻印象。
呢度我會再去，下次要試胡椒豬肚湯同蠔仔粥。
值得去指數：
31 瀏覽
1 讚好
0 留言
19 瀏覽
0 讚好
0 留言
10 瀏覽
0 讚好
0 留言
張貼
