潮樂園 (和富道)

營業中

休息中

北角潮州打冷食店 潮樂園地點係和富中心隔離雖然偏遠少少 但野食非常好食 值得行遠啲😉蠔仔粥(小) $42 好食指數: 4.8/5抵食指數: 4.6/5蠔仔粥呢家野 相信大家都中唔少伏主因都係蠔唔新鮮 有陣腥味但呢個蠔仔粥嘅蠔非常鮮甜 仲大大粒😍湯底仲加左方魚 肉碎 芫茜 香味十足雖然叫左細碗 但都分到四個碗仔咁多抵食👏滷水獅頭鵝肉三併(例牌) $158(鵝半隻 鵝翼 鵝腸) 好食指數: 4.7/5抵食指數: 4.6/5又嘗試平日唔多食嘅野 今次係滷味😗先講鵝 香港好多餐廳因成本問題 都用哂鴨反而呢間仲堅持係用鵝 抵讚👍🏻鵝同鴨嘅分別 就係鵝肉較鬆軟 唔似鴨咁鞋口滷到入哂味都係咁滑 有料到😏另外鵝腸亦十分爽口 墊底仲有豆腐索味等你可以食埋啲汁 正呀😫崩沙腩斗門蝦籽頭抽撈麵 $60 好食指數: 4.6/5抵食指數: 4.6/5牛腩大路嘅分兩種 清湯同柱侯本人最愛就係前者 而且仲要係崩沙腩😉呢個腩 肥瘦適中 入口唔韌 肥膏位仲有牛香配埋個撈麵食 正👍🏻蝦籽好香但唔會太鹹 加上頭抽吊味成個麵唔同哂😍黃金糖醋麵(小) $68 好食指數: 4.8/5抵食指數: 4.6/5初初係餐牌

 一段時間無食潮州菜啦, 朋友介紹, 去左 北角 潮樂園. 小店有2間舖, 坐位不多, 當時入坐主舖. 7時前已到達, 幸好稍等已有位, 之後食客不斷, 要等位啦. 店內裝修明亮, 比一般潮州老店來得簡潔.蘿蔔 - 清甜 無渣墨魚片 - 薄薄的, 爽口彈牙又唔韌, 仲有豆腐墊底, 滑不嚡口有豆腐香.鹵水鵝片飯鵝片肉切得薄薄的, 肉質扎實肥美, 嫩滑不膩, 唔會食到一口油, 加上自家製的滷水汁, 味道唔錯又唔覺鹹。鵝片墊底附有幾片小小的豆腐, 滑而不嚡口, 飯還附帶蘿蔔清湯一碗.蠔仔粥熱騰騰的, 夠暖胃哦! 潮州粥就係潮州粥, 飯粒與湯水分明, 但飯粒又要比粵菜湯飯來得腍. 粥內滿是蠔仔, 份量十足, 每隻蠔仔都新鮮又肥大, 隻隻都係飽脹飽脹的. 味濃甘鮮而不腥, 粥內仲有小粒小粒方魚塊, 加上青蔥味和芫茜, 真係鮮味出色. 此店既蠔仔粥, 係我食過最好味既蠔仔粥之一. 黃金煎蠔餅酥炸的外皮, 餅內蠔仔份量更是超額, 蠔仔同樣係肥大鮮美, 雖是油炸但口感又不油膩. 用料十足之餘, 份量更是足, 粗略估計起碼足夠4人進食 .潮州羊腩煲(小)小而深的一個湯煲份量, 附跟新鮮生菜. 羊腩肉相對

週日和細周生上完興趣班，先到附近午膳，再到奧海城欣賞 Tomica 車仔。是日到訪的餐廳「潮樂園」在北角和富街，把車稍作停泊在街上也尙算方便，店員也樂意間中留意街外情況，當然風險還是要自理喇！潮樂園是一個提供傳統潮食的街坊小店，門外掛滿鹵水獅頭鵝，在入口一旁的凍櫃亦擺放了數只凍花蟹。因我們太早來到，廚房大廚還未準備妥當，部份鑊氣小炒如兩麵黃及反沙芋等都未能提供。 細周生愛吃香口之物，特意要了一份黃鱔炸魚皮作小吃。筆者平日都不多吃魚皮，但見店員落力推介它們的魚皮是以黃鱔皮自家炸製，亦不忘試了兩口。吃炸魚皮最緊要夠香脆，而這個重點絶對達標。相比一般魚皮，黃鱔魚皮明顯更厚身香口，值得一試。午餐吃凍蟹可能奢侈了一點，帶着兩隻細細吃亦不太方便，還是轉投另一潮食名物獅頭鵝片。一份獅頭鵝片雙併，以鵝片併鹵水豆腐，鵝片量足肉厚，富口感，味濃入味。下方的豆腐出品更比預期佳，賣點不在其滑度，反而是那份重豆香。蠔仔粥是另一款筆者喜愛的潮吃。一碗細的鎮店蠔仔粥，已夠我們多人享用。粥中蠔仔數量不少，賣相亦算飽滿，蠔仔的鮮甜味道中規中矩。除一般潮食外，餐廳也主打牛腩粉麵美食。一份牛三寶（腩筋肚），內含牛腩、牛筋及

北角潮樂園主打打冷菜式同巴基斯坦咖哩位於內街遠離繁忙既英皇道 可以靜靜地食個午餐潮州人打冷菜式多到兩隻手都數唔哂首先點左個花雕醉香鴨舌 $55 先黎一個涼盤小吃做前菜鴨舌添加左花雕酒 香氣撲鼻味道鮮甜 鴨舌厚肉飽滿 好味～ 獅頭鵝片 (例牌) $138 3.7/5⭐️滷水非常入味 鵝肉好香鵝片厚度適中易咀嚼點上酸汁仲好開胃忝配菜有豆腐同花生 不過份量少左dd咁啦 鵝貴冇辦法 但好好味！鎮店蠔仔粥 (小) $42正宗潮州粥 米粒好分明而粥底稀所以唔會話太飽肚不過味道幾好 調味得宜而且蠔仔新鮮 仲成碗都係忝！另外仲點左個牛坑腩蝦籽撈麵配清湯坑腩肉質幾腍同濃味 我就鐘意乾撈再飲湯～ 地址：北角和富道84-94號銀煇大廈地下4號舖

因自己是潮州人, 所以由細到大對潮州菜都情有獨鐘, 今次去到北角一條食街"和富道"品嚐呢間潮樂園, 不過原來由北角行過唻都頗遠, 要20分鐘左右, 晚上9:30去到依然好多人等位就知冇唻錯啦, 好在有兩個鋪位, 店舖負責人安排了隔離較寬敞的座位, 不時見到經驗老到的大廚出來送菜色上枱時與客人談談菜色的特色及談笑風生的感覺, 令鋪增加了一種人情味, 好有鄉里的感覺。首先叫了胡椒豬肚湯$45, 估唔到咁既價錢會有咁大碗,而且好多材料, 除了豬肚和胡椒外，還有精髓所在的粉腸及咸酸菜, 絶對足枓。喝到好濃的胡椒辣味及酸味, 對不食得辣的我, 有啲搶喉既味道, 不過好暖胃, 對而家入冬的天氣, 好適合。之後上了一份馳明既煎蠔餅（$55），驟眼看已看到裡面有好多大粒蠔仔, 而且食下唔腥, 代表新鮮靚蠔, 而且粉漿不多, 剛好香脆。之後點了小食花雕醉香鴨舌($55), 對於剛才兩碟較濃味的菜色, 吃了酒香的鴨舌, 好清新, 鴨舌也好爽口, 到主菜了, 點了鹵水鵝三併($84), 可自由選擇, 我選了鵝片, 鵝翼, 鵝腎, 鵝片好鮮甜, 鵝翼好大隻, 厚肉, 腎好爽口, 最欣賞係各種都保留住肉質鮮味,

這天雖然已經過了下班時間，但由於約了 vendor 開會傾細節，所以不得不與小師妹留下來。漫長的會議實在令人有點沮喪，所以開完會後，已經累得人仰馬翻。一望腕錶，已是晚飯時間，見小師妹咁幫得手，打算請她吃頓晚飯，問佢可有心水餐廳選擇。原來小師妹說早前看了某雜誌推介和富道一間潮州打冷店《潮樂園》的糖醋麵，說是店裡必吃之物，所以一直都很想試試。哈哈，咁就 easy 喇，反正和富道離公司也只是 15 分鐘路程。其實《潮樂園》筆者年初時已經幫襯過，覺得食物不但有水準，而且大件夾抵食。記得上次因為太飽，所以沒點店子自家製的招牌手打魚蛋，就一於趁這晚來一嘗。估唔到沒來一段日子，店舖人流比前更多，晚巿非常旺場，幾乎座無虛席，幸好走到最盡頭還有張二人檯。坐下後先拿起餐牌，菜式選擇比早前到訪時更加豐富，除了潮式滷水小吃、潮州魚飯、蠔仔粥、巴基斯坦咖喱等外，還新增了不少廚師推介，如潮州羊腩煲、芋泥卷和小師妹想吃的糖醋麵。想吃得清淡一點，所以揀了一客店子自家製的手打魚蛋魚片和一碗淨雲呑，而小師妹就點了店員推介的牛坑腩和她此行的目標、糖醋麵。先端上來的牛坑腩 ($128)，價錢雖然不算便宜，不過分量頗大，而且肉

小時候家境雖不算太好，但父母偶爾都會帶我們出外吃飯、見識見識，我們最常去的是家附近的潮洲菜館，門前掛著一串又一串的滷水鵝、墨魚和紅腸，每次去我的眼睛也會閃閃發亮，拉著爸爸的衣袖嚷著要點。自從它結業以後，最美好的味道也只能留在回憶裡，吃打冷的次數變得寥寥無幾，是日有點事要在北角辦理，做妥後便拉著男友過來這家口碑不錯的潮洲菜館。來到始發現店子小小的，感覺像家普通的粉麵店/茶餐廳，不過總算乾淨衛生、整齊明亮。獅頭鵝片拼大腸 $158等吃時望到師傅炮製滷水的情況，見他不斷在碟上淋汁然後隔掉便感覺對辦，姑勿論此做法正不正宗，但確是能令每一件滷物的表面都裹上滷水汁，吃起來更惹味。鵝片和大腸份量很多，下面還有一整排的豆腐墊底，比很多其他的打冷店要慷慨。鵝片仍然嫩口，不乾不柴，入口鵝味香濃，滷得入味；大腸中間帶點肥，沒有令人不安的羶味，蘸些酸醋汁同吃能減低膩感，顧不了太多儀態吃了不少；窩在下面的豆腐也是不能錯過，豆腐豆味濃又入味，滑滑的吃起來無負擔。紫菜四寶淨食 $43以一大碗呈上的四寶包含墨丸、魚蛋、魚片頭、魚皮餃各兩件，下邊還有數棵清甜的生菜作點綴；紫菜爽口、滑溜無渣，墨丸打得彈牙但墨魚味可更濃一

打冷係我幾中意吃嘅菜式，貪佢有多款式，凍嘅熱嘅，香口濕潤都齊，對為食的我就適合不過！今日走到北角，成條街都係食肆，見到呢間潮州菜館門口有人排隊，又俾陣陣鹵水香吸引，於是同朋友就入去嚐嚐。由於有兩個舖位，等左十五分鐘就入座了。酷愛蠔仔的我當然點了個蠔仔粥和炸蠔餅，當然少不了經典的春菜腩肉！還點了鹵水鵝拼鵝腸和反沙芋。首先來的是春菜腩肉（48），春菜炆得腍甜，很有菜味，加入燒肉去炆，個人嚟講就有少少太重味道，尤其一放涼就感覺有點咸。。。接下來是鵝件拼鵝腸（$138）。大大碟的。鵝腸的份量不少呢！店家炮製的無味精滷水鵝件肉軟多汁，加上有點點香料味鹵水汁，連骨頭都吮得出香味。配上酸醋更可提升肉味又減少一點油膩感覺。至於鵝腸是新鮮貨，洗得很乾淨入口沒有異味，一點都不難咬開。美中不足是鵝油香不足，不過健康一點都是好事！另外他們的招牌菜蠔仔粥（$42）份量都幾多的，一個小號的兩個人都夠分每人兩碗。蠔仔大大隻又新鮮，入口蠔味濃郁，配上方魚，肉碎，芫茜，唐芹，飲落粥水好鮮甜！啖啖粥都有蠔仔真係好好！至於煎蠔餅（$55），肥美的蠔仔都係分量多，有兩塊大大的蠔餅做法亦傳統，用上重蛋香的鴨蛋，沾一沾帶鹹香的魚

媽媽忽發奇想，想到公公以前工作的地方看看，結果我們便來到北角。行左一輪，到了晚飯的時間，我們本來只想入去吃碗麵，點知入去睇睇下原來係打冷食，忍唔住叫左2個餸。我食既時候，時間尚早，點知一食完，門口勁多人等位。呢碟鵝片拼墨魚，一上枱已覺覺香滷水味，之後見到鵝肉帶點粉嫩的顏色，即刻放晒心。鵝片厚薄適中，熟度剛剛好，加上很香的滷水味，食得很過癮。伴菜的豆腐也很入味，不錯!!「花鵰醉香鴨舌」媽媽喜愛吃鴨舌，難得小店有供應，就試試它。花鵰酒香味很重，吃起來卻不覺濃，唔飲酒的人都可以試下。再配上杞子，多了一份香甜。鴨舌雖然夠軟，但如果可以再入味一點，便會更好。「韭菜豬紅」超級好吃，豬紅沒有怪味，而且結實，不會一夾就散，而調味帶點辣度，很惹味。最後，還是來一點正餐，崩沙牛腩麵，牛腩入味沒有渣，湯底有明顯的大地魚味，好食!最後，喜愛吃辣的你，一定要試試這小店的辣椒油，味香辣度夠。

上個月去了日本旅行, 肚子滿是日本菜, 有點悶了! 要換換口味, 轉食潮州菜, 朋友告訴我, 和富道有間潮州館子, 店外經常有人龍, 我想該店肯定有特別好的厨師和菜式, 可以帶給我們食的驚喜, 細細聲講這區泊車少抄牌, 免找停車場, 更方便得多 !為免要等位, 選擇9時後才到. 到了店後, 仍需等一張檯. 在門口已見到各式各樣的打冷潮食, 鹵水鵝, 牛腩, 魚旦, 墨魚, 紅腸, 琳瑯滿目, 更感肚餓. 店內光光猛猛, 座位整整齊齊, 客人坐滿約 30位, 侍應招呼親切, 比起那些大集團的公式化招呼, 更覺有賓至如歸之感,。看見左右枱的客人多点鵝片, 蠔仔粥, 咖哩, 糖醋麵, 這也是我的至愛食品, 我一定要試試. 牆上推介咖喱牛坑腩, 魚旦….. 可惜太多美食, 下次再嘗.點了的鵝片很快便送上枱, 一片一片擺設很好, 上面加了鹵水調味汁, 看來皮香肉嫰,入口特滑的鵝肉像 BABY DUCK. 鹵水香味滲入下層的豆腐片和林林的花生, 不覺油膩而味道佳, 絕對是有經驗潮州菜大師傅精心之作。我沒忘記我的另一至愛食品: 潮州凍花蟹, 我先去雪櫃看看, 那蟹盖顏色鮮, 一隻 $350兩人吃剛好

最近電視劇中黃秋生的口音。 不知為何讓我想起了潮州菜。 立即致電朋友"潮州怒漢", 問有甚麼好介紹。 怒漢説在年中時來過, 對這裡的墨魚丸及蠔餅讚不絕口。雖然地點有些遠， 但民以食為先， 一於拜訪。約了两天才找到朋友去，總算皇天不負有心人。[潮樂園]位於北角及炮台山中間。我跟朋友從炮台山出發， 步行約十五分鐘左右便到達。門面及店內跟一般的潮州菜館差不多, 地方整齊清潔, 坐位不算多, 大約可坐三十人吧。 我們約八時到達, 店內已有數枱食客, 幸好還未坐滿, 不用等候便可入坐。雖然不是第一次吃潮州菜, 但總要看過Menu才點菜吧, 朋友看到枱上有廚師推介, 其中有款黃金糖醋麵我倆都未曾吃過, 心大心細之間, 老闆便出現在我們面前, 介紹這裡的手打魚旦及墨魚丸, 因為是新鮮剛打好的, 記起怒漢讚過的墨魚丸, 當然要品嚐品嚐。朋友喜愛喝湯, 老闆便幫忙點了細碗的胡椒豬肚湯。最後我放棄蠔餅選擇了糖醋麵, 因為老闆說這個麵很費功夫製作, 所以蠔餅下次再見。這裡的胡椒豬肚湯材料除了豬肚和胡椒外，還有豬肉及酸菜。喝一口湯, 立即喝到胡椒辛辣的香味, 吃一口酸菜, 帶著微微的酸味, 整體配合得宜把羶味

朋友介紹帶家人到北角潮樂園食潮州菜.大門口掛了滷水鵝、墨魚等美食, 睇見都流口水.* * * * *店內裝修簡潔,乾淨光猛,原來有兩間舖位.我地被安排坐副舖位,地方比較主店寬敞.* * * * * 滷水雙併 獅頭鵝片併墨魚切得很薄的鵝肉,嫩滑肉質,附不咸滷水味道;而墨魚片薄薄的,非常爽口彈牙,最底有豆腐墊底.* * * * *豬皮蘿蔔勁清甜蘿蔔及Q彈的豬皮,配上特秘汁有點微辣,是十分醒胃小食.* * * * *潮州羊腩煲這羊腩煲沒那麼濃烈南乳味, 味道剛剛, 所以不會太咸,而羊腩肉質好軟腍滑嫩可口,配料有冬菇, 馬蹄,腐竹等,可加入爽口的生菜一齊食.* * * * * 胡椒豬肚湯這道湯煲呈現牛奶般的乳白色,有香濃好重胡椒味,帶點點微辣辣,十分暖胃,而軟滑的豬肚冇腥味,具暖心的藥療效果,而且好美味.* * * * * 黃金糖醋麵非常金黄色糖醋麵,非常厚身,有一面特別脆囗,而另一面軟身,有軟脆口感, 沾上白糖及醋,更惹味呢!

近來天氣有點涼意, 又係時候食番個羊腩煲, 而老豆又話想食滷水, 就搵到呢到潮樂園黎試下滷水鵝片并墨魚永遠都係墊底既豆腐最吸引我, 因為索晒D滷水味, 墨魚又爽口, 鵝片又不肥膩豬皮蘿白蘿白完全無渣， 好甜而汁又帶點辣胡椒豬肚湯媽咪最及愛既胡椒豬肚湯內有粉腸, D胡椒好辣好夠胡椒可暖胃潮州羊腩煲入面有冬菇 腐竹 馬蹄唔似港式既羊腩煲咁重南乳咁濃味， 羊有羊騷味係我既大愛，附跟生菜都好新鮮好甜， 而且好多肉同好淋，離晒骨好好送飯食食完成個人暖晒， 下次再凍d時可以再過黎補補糖醋麵 跟左2隻醋被我地自己選來點,浙江醋同鎮江醋,想濃味或香可自由選擇D麵煎至單面脆，夠簿身，不太油膩加糖加醋好好味

已值宵夜時間，自己隻身流浪到港島區覓食，不經不覺走到這家店前。仍未吃晚飯的我飢腸轆轆，原本想在這裡隨便叫一碗魚蛋粉填填肚便算，但細看餐牌，看見各種潮式菜餚非常吸引，於是腦海又有另一個念頭，想嚐一嚐平時較少吃的潮州菜。一個人可以吃甚麼？不用多想，先點了一道蠔仔粥暖一暖肚子。很快一大碗熱騰騰的粥便奉上。與廣東粥不同，潮州粥品不求綿滑的粥底。廣東人煲粥，要煲得米花爆開，但潮州粥的米仍然保有原來的様子，米粒分明。整道粥較像我們吃的泡飯或湯飯，只是米比較輭身而已。呷一口粥水，除了大地魚的香味外，也帶頗濃烈的青蔥味和芫茜味，甚具地道潮汕色彩。蠔仔份量非常充足，外型飽滿，而且每隻蠔仔都是差不多一樣的大小。蠔味濃而腥味不重，質素上佳。一邊吃的時候，一邊心想如果用這些蠔做煎蠔餅應該會很好吃。就在我這樣想時，侍應姐姐就端來金黃色的煎蠔餅！不是真的吧？原來那是給鄰桌的食客的…… 唔唔……嗯……那金黃色的蠔餅……真的很吸引很吸引……呀！但自問以一人之力，根本無法將一大碟煎蠔餅全部放進肚子，所以目光還是由蠔餅轉到餐牌。然後，我看到一道同樣是金黃色的好東西——糖醋麵。我問侍應姐姐小份的可否一人吃光，她說可以，於是

今日經過北角, 見到潮樂園, 因有一段時間沒吃潮州野, 於是跟Mr. L入去試下.見到店內有新推介, 似乎好吸引, 一於品嚐一下.在用歺前, 送上花生小吃, 好脆, 香口惹味, 好明顯係新鮮炒的.  先來一個胡椒豬肚湯，除胡椒, 鹹酸菜, 豬肚外, 還加了薑, 湯好夠味，相信洗豬肚時非常用心, 並沒有異味, 口感亦適中, 不會大硬或大腍. 吃潮州野, 當然唔少得滷水野啦, 我們叫了最愛的鵝片&豆腐, 鵝片又腍又薄, 不會太膩, 豆腐好滑而且好味道剛剛好因我兩每餐都必須要吃菜, 起初打算叫一個油菜, 不過老闆建議我們試一下春菜燒肉, 我兩當然不會SAY NO 啦, 它的外觀及味道是好典型的打冷食品, 不過是暖的, 老闆話中午炆完，keep warm 至晚上吃，所以非常夠味, 可能係用燒肉去煮, 我個人覺得淡一點比較好一向愛吃糖醋麵的我, 見到店內有這供應, 當然不會放過, 我覺得味道有大酒樓的水準, 可能我愛吃香口野, 所以覺得如果麵可以再炸脆一點會更好.蘿白味道清甜又沒有渣，豬皮夠腍, 加上少少辣椒, 好醒胃總括來講, 餐廳價錢大眾化, 味道亦有一定的水準, 而且老闆好細心, 有好多款