潮味苑

營業中

休息中

太太成日話好耐冇食過椒鹽九肚魚，於是我特意上網尋找，發現深水埗有間頗受好評的潮州飯店，不但有這道久違的美食，還以滷水鵝聞名，決定帶太太去試試。 餐廳門口的玻璃櫥窗掛滿滷水鵝、滷水墨魚等，還有烏頭、韭菜蜆肉、麻菜等地道潮州家常菜，一看就充滿老店風味，內部裝修亦帶點歲月痕跡，但氣氛親切，讓人期待。 我們點了幾道招牌菜： 🏅滷水鵝片 —— 鵝肉滷得入味，肉質嫩滑，鵝皮帶點膠質感，配上微甜的滷水汁，非常惹味。 鵝片下是滷水豆腐、花生和大豆芽菜。🏅椒鹽九肚魚 —— 外皮炸得香脆，魚肉鮮嫩，鹹香帶點微辣，太太一試就讚不絕口，果然沒選錯！ 🏅蠔仔粥 —— 蠔仔鮮甜，除咗蠔仔外還有方魚和魷魚乾，每一口都充滿大海的味道，簡單卻令人滿足。 🏅沙嗲牛肉炒河 —— 炒得乾身不油膩，牛肉嫩滑，沙嗲醬香濃卻不搶味，是一碟水準之作。 這頓飯不但滿足了太太的心願，也讓我們發掘到一間值得再訪的潮州小店。下次來，一定要試埋其他地道菜式，滿足埋我這個潮州佬。

潮洲菜對於我來講都好鍾意，而潮味苑係一間令人驚艷嘅潮洲菜館，主打滷水鵝、炸/煎蠔餅、炸雙棗、潮洲粉麵等等，款式很不錯。     店舖裝修雅致，環境舒適。餐牌內有潮洲菜式及小菜選擇，款式種類多。滷水鵝片         $178鵝片以秘方炮製而成，滷水味香濃，入口鬆化，肉質嫩滑，帶有滷水料味道，食起嚟又香又多汁，配合滑滑嘅滷水豆腐、大豆芽爽口，以及軟身嘅滷水花生全部都咁夾。招牌炸蠔餅         $98蠔餅炸至金黃，非常香脆，煎就傳統，炸粉唔會太厚，酥脆可口，蠔仔都幾大粒，而且數量仲好多，鮮度爆燈，煎蠔餅潮味十足。沙嗲炒牛河          $62沙嗲炒牛河唔同平時茶餐廳嘅，依個嘅沙嗲味濃，食到花生粒，牛肉大片又嫩滑，與河粉同沙嗲汁混合真係絕配，好快就把整碟吃完。炸門繕皮         $28金黃香脆，魚味濃郁，點埋上湯一齊食，增加味道層次感。飲品方面，揀左幾款，蘋果醋 $13，酸酸甜甜，蘋果醋味道突出；凍檸檬茶 $8，檸檬清新，茶味甘香；可樂 $13，食完炸嘢飲番礶可樂，口感fresh 。

突然想食打冷，上OpenRice 揾到呢間潮味苑，啲人話好出名，咁就去試試，餐廳都易揾，唔使再入橫街窄巷。呢個係員工推介食有鵝片大拼盤，滷水拼盤咩都有，而且量多，其他地方食，夾開面嗰浸，下面一定係鋪住一堆芽菜，呢碟芽菜量極少，好有誠意，真係冇推介錯，全部都好入味，搞到食唔停口。黃金糖醋麵，我第一次食，一食就愛上，兩邊煎到金黃色，外脆內軟，員工問完我食唔食得甜，就幫手淋上糖同醋，滋味爆燈，下次要再食過。

聽同事說深水埗有一間非常出名的潮州菜餐廳，不但有不少明星幫襯，而且價錢近民合理，所以這天決定來試試。從玻璃窗可看到一隻又一隻肥美的滷水鵝，非常吸引。餐廳是比較全統的老派潮州菜館，沒有豪華的裝修，但食客非常多，給人實而不華的感覺。滷水鵝下庄滷水鵝的份量非常多，下層只有少量豆腐芽菜，聽說餐廳是用正宗獅頭鵝，再加入秘製自家滷水汁，每日新鮮製作，所以極受食客喜愛。鵝肉肥瘦適中，味道濃郁，入口有滷水香味，但不會過鹹，肉質嫩滑不柴，有鵝肉鮮味。鎮店蠔仔粥 蠔仔粥同樣是大大鍋，蠔仔每一粒都巨飽滿，而同數量不少，加上其他配料，如冬菜及肉碎，令湯底鮮味提升，讚。酥炸雙棗雙棗就是蟹棗及蝦棗，外層炸至金黃色，蟹棗以腐皮卷包著，口感份外香脆，內裏是蟹肉及蝦膠，入口爽彈鮮味；蝦棗外皮酥香，蝦肉鮮甜，內裏還加了點馬蹄粒，爽脆可口。

在深水埗買完野，見到這家潮州特色的鹵水店，鹵水香味陣陣飄來，價錢好親民！### 滷水鵝件（三拼）本店的特色經典，三拼可以自選，選了鵝、豬頸肉和豬耳，經過特製的滷水調味，肉都好入味。三拼的魅力在於其多樣性，讓人在享用時感受到不同的口感層次。豬頸肉細膩，豬耳帶有爽脆的口感，鵝肉滑嫩多汁！### 沙爹炒牛河份量大得不得了，兩人吃都綽綽有餘！大大片牛肉和河粉吸收了沙爹醬的美味，充滿了香辣的滋味。牛肉片嫩滑，沙爹的香氣與牛肉的鮮味互相交融，讓人回味無窮！### 鳳城水餃麵麵條好細幼，卻彈牙有勁。薄而透明的餃子皮包裹住滿滿的餡料，口感豐富，還有紫菜和蘿蔔，清淡而鮮美！### 鮮蝦水瓜烙這道菜的特色在於烙餅的軟糯彈牙與內餡的豐富，內餡是水瓜的清甜與蝦仁的鮮美交織在一起，超正的味覺體驗！

今日想食潮州打冷，所以去咗深水埗呢一間，見到OpenRice裏面個評價好好！味道好，價錢亦都相宜！啲餸菜好大碟！我叫咗蠔仔粥，芥蘭炒牛肉，同埋川椒雞。我最鍾意川椒雞係真係用薄荷葉，因為好多舖頭都唔用薄荷葉！蠔仔粥勁多蠔，味道又正，炒芥蘭嘅火喉炒得好好。今日唔使等好耐位，大約十分鐘，到8點搭3就冇人等。雖然地方就窄啲，但係呢侍應嘅態度非常之好，仲俾張櫈仔你擺嘢，今日未試吓佢個鵝片同普寧豆腐，下次會試吓。

離開了香港一段時間～再回來之後發現好多以前有名的潮州打冷已經倒閉。點知，就係甘，比我搵到呢間隱世潮州打冷 😍絕對係潮州打冷天花板！今次叫咗炸蠔餅，滷水拼盤，豆醬通菜同埋蠔粥。樣樣都好好味！ 炸蠔餅夠香脆 😍豆醬配通菜原來甘夾！ 滷水拼盤咩都有，員工推介食有鵝片 (大size) 既拼盤，真係冇推介錯 ！全部都好入味，搞到食唔停口 😆而蠔粥係我最推介既一樣！好足料 好香 😍😍😍 最後，要特別讚下呢度員工，佢地好有活力，又有禮貌，又唔會為了賺你錢，呃你叫大堆野食搞到食唔晒 👍🏻👍🏻👍🏻如果你同我一樣想食打冷的話，千祈唔好錯過 🤭

午餐唔知食乜好，經過見櫥窗啲滷水鵝色澤唔錯，入去食個飯，就叫咗一碟滷水鵝飯$60，有送一碗蘿蔔湯，入正題，啲滷水唔掂，令我差啲忘記自己叫咗個滷水鵝飯，芽菜花生豆腐墊底，呢啲嘢冇得話好食唔好食，純粹墊高啲餸，啲鵝只有冰鮮味，入口全是油膩感和乾肉感，食咗第一啖已經知道中伏，本着唔浪費食物嘅宗旨，勉強咬幾啖吐返出來，我見到店內牆身貼滿明星合照，估計老闆停留在上一個世代的思維，已經將食物的質素和顧客感受都忘記了，本人全部自費真實食評，冇下次。

非常多款式，樣樣都想試，食完大拼盤已經飽到不得了，真的沙爹牛肉芥蘭菜超值，唔叫就走寶。鹽焗烏頭有點鹹, 所以不需要點醬料都可以空口食。炸蠔餅的蠔仔超大粒，食完真係好飽，份量好足夠。

喺深水埗返工呢間餐廳基本上係一定要試！我每次都叫牛三寶河，份量好夠，牛腩同牛筋都整到好淋。 呢間餐廳lunch唔貴50蚊樓下有找，唯一唔好嘅地方就係有啲逼，不過呢啲傳統潮州餐廳越嚟越少，所以都支持下希望佢哋可以做落去

朋友叫過幾次都撞吾啱時間，上周六晚終於去試吓哩間潮州菜，比想像中更好、更地道，大家不妨試試之前見過食評話員工服務態度一般，真心要替他們平反，每位哥哥、姐姐、妹妹都好好、有禮貌，幫你清枱、多次添滾水都冇黑面 😬😅今晚只得兩人首先叫咗滷水掌翼食材非常好、好大隻，我個人認為味道可以再濃啲(但我朋友話 ok） 🤭2. 潮州紅燒翅 $398/2人份量煲仔上，都好大煲下 $400蚊都吾駛當然只可以用散翅再加魚唇絲，但味道、濃度絕對可以，我個人係 👌🏽 收貨嘅! 3. 「馬友」魚飯 - 係門口廚櫃見到已覺好新鮮吸引，完全擊敗隔離啲烏頭魚 🤣 超好味、肉嫩乾濕度適中 $138 一啲都唔貴比想像中平咗少少 🤫4. 煎𧐢餅 - 本身係潮州人兒時媽媽經常會整比我哋食 😍 但依家係出面真係好難食到好好味嘅𧐢餅🥹 首先，都係炸吾係半煎炸 ; 第二，吾知點解吾用薯粉？係咪睇落顏色冇咁靚、兼吾啱炸呢？第三，冇鴨蛋香味 ？ 聽聞🦆疍貴改用🐔疍哩道都係炸，但睇得出有用心去做及不油膩，𧐢仔份量 ok 當然如果多少少會更好 😬本來想叫埋糖醋麵 (兩面黃）但個肚吾掙氣，二選一之下叫咗 「福果芋泥」 👍🏽👍🏽👍🏽 出奇地比想像

我就比較少食潮州菜，但係都好鍾意食蠔仔，今晚就同咗屋企人去食下。揀左係深水埗既潮味苑😊蠔仔粥😝👍🏻首先揀咗個蠔仔粥，咁我哋就叫做一碗，份量已經好足夠兩個人食，仲可以食多啲唔同既野。蠔仔仲好大粒👍🏻滷水鵝😋又真係好入味同好滑, 肉又厚👍🏻仲有啲芽菜同埋豆腐墊底，幾入味☺️椒鹽蠔仔👍🏻👍🏻👍🏻我哋喺呢個椒鹽蠔仔同埋蠔餅之間揀咗蠔仔，因為比較少有呢個選擇。又竟然粒粒都咁多肉又大粒，仲好有鮮味👍🏻

昨晚主角係古法潮州芋泥～用菜油雖不及🐽油香滑🤔但不太甜和細膩的囗感加上芋頭獨有的香味😋真教人回味不已😊鹵水鵝一定是下庒？！有隻左脾吖嘛！啱自己的鹵水味道，而且入味😋無論是獅頭鹅，豆腐還是大豆芽都恰到好處！不鹹而味美！可惜沒有大花生😋天氣有點冷～就來一鍋方魚肉碎粥吧😋今天的方魚還挺脆口呢！大滿足💖

年30，去左尼間食 叫左個蠔餅 成舊都系油淋淋 又唔脆，岩岩上枱 就成塊都系軟身 成碟油…我同老婆食左半塊都無 已經唔想食，返到屋企 一粒鐘車程，已經勁多胃氣 feel到中左招。跟住成晚都又嘔又痾 年初一仲要訓左成日 唔會有下次 好嬲本身岩岩坐底 啲服務員態度已經唔系幾好好多野都已經賣哂 本身想走，想叫牛三寶無牛肚 無牛根想叫個魚蛋米 又話無哂魚蛋但系塊蠔餅難食都算 仲要衛生差到食到我同老婆都腸胃炎 成晚無訓隔離枱都有叫份蠔餅 又系食左一半都無走左早知食之前上黎睇一睇啲評論

叫左碟3拼 鵝肉五花腩都太韌 唔係好夠味 大腸還可以 蠔仔粥既蠔有陣淡水味又腥 地下油淋淋又有曱甴 阿姐抹台求其抹兩下就了事 唔會再幫趁 完全唔明點解openrice點解有咁多like