潮味苑

營業中

休息中

滷水鵝飯，賣相唔錯，鵝都有十多件，肉身厚而且軟腍，皮有咬口但冇過多肥膏。滷水唔係死鹹。墊底仲有幾片豆腐及不少花生芽菜。例湯偏鹹但仍可以接受。$60 有如此質素及份量，都值得一食。

小店潮味打冷✨落雨濕濕，天氣都好似涼左d, 又係想食d 濕口暖胃野ge 時候🐒路過街口ge 依間潮味苑，除左經典潮州打冷之外，都好多人叫車仔面食👍🏻今次叫左鳳城水餃配墨丸面加大菜心💖墨丸彈牙，唔係好膠個種👍🏻個水餃就咸左少少，不過餸面食係ok ge菜心都好大碟👍🏻食完暖哂👍🏻食呀食下都見到店面同入面房都坐滿哂Lu，人氣之選👍🏻下次再試下d 蠔仔粥同煎蠔餅，依d 好似係小店推介😂😂😂

一家人出來食晚餐 聽說呢間潮州嘢好出名於是過來試試 3個人叫左5個餸 其他餸就不作點評只能夠話唔啱口味 唯一就係個豉椒炒花蛤覺得太離譜 一睇就知係提前飛左水開左殼有order再連殼帶肉一起炒 呢個都唔重要 重要既係4塊殼一舊肉會唔會誇張左啲 本身以為啲肉係底原來諗多左 成$138蚊一份 啲肉就得20幾舊 殼就多一倍 幾矜貴$5一舊肉😅 啲蒜頭仲要炒燶左 味道普普通通 唔會再食第二次

首先，我帶咗近80歲嘅老人家嚟食晚餐，嗌咗鵝片拼鵝腸，蠔仔粥，烏頭魚。1.鵝片拼鵝腸：鵝片難食。鵝腸ok。侍應話師傅比錯咗鵝髀俾我，問我轉鵝髀好唔好，仲話有骨嘅，我話因為有老人家喺度驚佢咬唔到，結果換左啲鵝片，色澤好暗，而且鵝片都幾難食又靭，唔好講80歲嘅老人家食唔到，連我三字頭嘅人都咬左好耐，食唔落去。臨走時，我見到人哋張枱啲鵝片色澤比較靚，但我嗰份就色澤好差，唔知師傅係咪特登啦定係本身啲鵝片就係咁差？2.蠔仔粥：都OK嘅，蠔仔夠大粒。3.烏頭魚：侍應推介我食烏頭魚，但當時我並無問他推介，問佢係用鹽醃果種，佢話係，不過嚟到就唔係，係另一種，不過都無所謂，如果好食就OK，不過我唔係好接受到潮州嗰種嘅烏頭魚，因為我喺街市買烏頭魚食，就咁自己蒸，啲魚肉質係好食好多。我諗我唔係好鍾意潮州冷食嘅魚。侍應態度係幾好嘅，不過要坐自己唔想坐嘅位，佢話最出嘅位要來擺外賣，啲嘢食就麻麻，我特登帶老人家嚟食好嘢，但令人失望，老人家都話唔鍾意食，我自己就好奇點解會咁多好評，但食物質素卻跟不上。咁我都唔會再想食。（我以前樓下嗰間食鵝嘅仲好食好多。）真心覺得師傅要改善食物質素

行入呢間舖到俾佢趕走全程用咗一個鐘，半個鐘已經係咁問你啲嘢食仲食唔食？問咗兩三次！明明啲嘢食都未食完仲有有一大半仲夾緊嘅時候，跟住話門口好多人叫你地食快啲，如果想受氣嘅話就可以去試吓，牆上面貼住寫限食一個半鐘，結果半個鐘就會趕你走仲話食唔晒你可以打包，其實要打包嘅話一早外賣咗啦仲使乜喺度食啫，唔會再有下一次囉，我哋一共七個人，又唔係冇嗌嘢食，又有嗌嘢飲，又有嗌啤酒，嘢食都嗌得多咁樣俾佢廣發真係乜嘢心機都冇我寧願去食麥當勞

脆邊炸𧐢餅，做得好，效果就如吃脆邊煎蛋；一啖有外脆內綿，蛋汁/𧐢汁在口內爆開，用蛋味/𧐢味將兩個口感關聯上⋯ 美食之境界，條件是要食材優質，再加烹煮火候到家。這店的蠔餅，做到了 👍🏼鵝片鵝肝雙併，鵝片夠味，鵝肝就煮得太老火了，有些韌，不夠綿⋯ 不會再叫。店舖好生意，有人等位就會不斷抹枱趕你走⋯ 大家有心理準備就好

$148 細滷水拼盤因為得兩個人食所以叫個細既滷水拼盤就岩岩好！不過估唔到細既份量都好足夠！有墨魚片 鵝腎 豬大腸 生腸 鵝腎 腩肉 雞蛋 紅腸 鵝腸 鵝肝 豬耳 豆腐 鵝血 芽菜 花生！樣樣都有啲就岩晒我呢啲咩都想試但又怕食唔晒既人🤪

果日行過深水埗，忽然傳嚟一陣陣香味，一望就見到潮味苑，所以決定先醫肚。叫咗個鵝肉飯拼豬耳，好快送上一碗湯，入口清甜。鵝肉充滿滷水汁好香，加上啖啖肉好滿足，豬耳口感又韌又脆，味道鮮香不膩，且富含膠質。最後叫個熱檸茶解油。

Lunch time突然好想食河粉，聽同事介紹附近有間潮味苑有供應潮州粉麵。鵝片河（$80）呢度有多款滷水碟頭飯，好多枱都係叫鵝飯或者鵝片飯，惹味又啱送飯。我今次就揀咗潮州打冷必點嘅鵝片，大概有十塊鵝片，底下有滷豆腐、芽菜同花生，非常豐富，滷水甘香醇厚，唔會太鹹，鵝片切得均匀一致又夠薄，香軟入味。另外加$10轉湯河粉，河粉面頭有乾蒜同紫菜，增加口感同味道，我都忍唔住清曬成碗！凍鴛鴦（+$8）可以加凍熱西茶、汽水或者啤酒，凍央正常發揮，可以飲返啖啤酒比較夾。另外值得一提，店員全部都好客氣又應對如流，成個點餐、用餐流程都非常順暢，加上高質食物，位置方便，呢間直接要列入我飯堂，下次要試埋招牌蠔仔粥先得！

同朋友二人行過長沙灣道，見鋪面貼出來嘅相好吸引，行咗成日餓餓地，加上好耐無食過潮州打冷，就膽粗粗走入去幫襯，店裡面環境尚可，坐定定後叫咗幾樣野，味道唔錯，出菜都算快，唯一唔好嘅係4眼男侍應( 定係老闆? )唔知係咪覺得自己好風趣幽默，收枱嗰陣見我地食剩比較多野，問我哋打唔打包，話食唔晒聽日可以整返來食，我哋話已經問左屋企人但無人想食，佢就懶有禮貌笑笑口又翹埋雙手咁講：咁食埋佢！跟手又話幫你收咗佢….，係咪傻架？客人食幾多要聽你講？人地來幫襯食個飯都要咁多事嘅？

又來食鹵水鵝飯，這裡的鹵水鵝飯是我試過的最好，鹵水夠香，鵝味濃，鵝件份量多，鵝件下有三數件豆腐及芽菜執底，加上一碗蘿蔔湯，完美組合。唯一缺點是我座的位置是冷氣出風口位，太凍，急急腳食完走人。

鵝片拼鵝腸($158)：本身我哋想叫滷水拼盤，不過侍應哥哥強烈建議我哋唔好，唔係話唔想做我哋生意，而係肯定食唔晒😂咁我哋揀咗鵝片及鵝腸啦，食潮州嘢一定要食呢兩味！鵝片大大片，亦滷得好入味，完全係highlight of the night，正！而且每片都有皮！鵝腸就每條都爽口彈牙🤣下面就當然係芽菜和滷水豆腐墊底啦！椒鹽九肚魚($108)：炸粉略厚，不過九肚魚冇乜細骨，味道尚算OK，同時亦唔算太油，正常發揮👍🏻蠔仔粥(碗) ($55)：唔好俾個價錢呃咗，以為好細碗，兩個人食都好夠！蠔仔好多，湯好多，飯好多，樣樣嘢都好多，味道亦唔算太濃，建議可落少少胡椒粉🤏🏻反沙芋 ($98)：潮州菜名物我哋覺得佢真係做得唔錯，砂糖完美咁包住芋頭，而芋頭嘅軟糯加上脆卜卜嘅砂糖外殼，兩個極端嘅口感，帶嚟口中嘅盛宴🥹 如果我哋話呢個菜式唔算太甜，就呃你嘅，大佬，砂糖糖漿會唔甜嘅咩🤣 呢個菜式真係要一早order定，我哋呢份係最後一份，講緊嘅只係落咗單唔夠10分鐘內嘅事其實我覺得呢間餐廳咁多菜式都咁快沽清，絕對係一件好事，起碼確保左佢哋嘅食材唔會隔夜和絕對新鮮。我哋認為真心想食嘅，點解唔自己安排行程早少少到達，

星期五約咗一班同學係深水埗食飯，呢間餐廳經過好多次，但係每次都見到太多人等位，所以冇機會試，今次卒之可以試到😋😋1. 韮菜豬紅豬紅好彈牙好入味，份量好多，正👍🏻。2. 烏頭我對魚好挑剔，好多魚都唔食，但係呢條魚令我改觀，就算唔‘點’醬都好食，有魚味唔腥，由於太多食，encore多條馬友，原來馬友仲滑仲正。3. 煎蠔餅好耐好耐好耐冇食過咁好食既蠔餅，而家好多餐廳既蠔餅都只係食到粉漿，完全冇蛋味，我已經唔敢叫呢個餸好耐，但係今晚呢個蠔餅好好食，好有蛋味，蠔仔好大粒，煎得岩岩好，唔會太燶食落口唔會好油，碟底冇多餘既油，讚👍🏻，一放低就即刻冇晒，咁好食梗係又要encore啦🤣🤣！4. 鹵水拼盤😋內臟洗得好乾淨，完全冇唔好既味道，鹵水夠入味，唔係死咸，食完之後唔會要不停飲水。5. 蠔仔粥蠔仔超大粒，好鮮味，調味好好，食完冇口渴感覺😆6. 反沙芋真係好好好好好味呀，由於太多野要食，所以食既時候已經凍咗啲，但係都冇損佢既好味，呢個餸好考廚師手勢，要煮到個糖完美咁黏係芋頭度，少啲手力都唔得，呢度完全冇令我失望😍😍！我掛住食，影咗3張相之後，其他餸都唔記得左影🤣🤣。老闆非常好客，員工好有禮貌👍🏻，唔會因

深水埗呢間潮味苑係當眼處，晚市時間都幾多人斬料返屋企，今晚同朋友嚟食吓先滷水鵝片呢味必須要點！滷水汁相當之香，鵝片份量都唔少，厚薄切得適中，食落有口感，肉質結實，重點索晒滷汁精華，好入味！底層仲有豆腐同大豆芽做配菜滷水拼盤 （細）細拼入面有好多款食物，滷水鵝、腩肉、豬耳、鵝腸、豬腸、墨魚、紅腸、雞蛋，底層有大豆芽同花生。款式真係包羅萬有，一個價錢食到咁多樣，性價比高。佢嘅滷水味道好濃，食物索晒滷水汁既精華，好好味椒鹽鮮魷新鮮熱辣炸起，外皮薄薄一層，炸到好香脆，魷魚爽口彈牙，呢度小菜真係唔錯！

同朋友突然想食打冷，就去咗最近嘅打冷餐廳食。可能因為係平日夜晚，唔算好多人，所以我地兩個人唔使排隊就入到去食，唔使大汗疊細汗～ 店內氣氛好好，店員好細心，好風趣，會問客人夠唔夠飽、夠唔夠位⋯⋯ 好warm hahaha我地嗌咗最出名嘅蠔仔粥，真係好足料！撈極都仲有蠔係入面，仲要都係$55蚊一大碗！2個人share都好夠食！！不過蠔餅就略嫌普通，個人喜歡炸脆，但係佢係煎，有啲期待落差⋯⋯ （但係我明明見到其他人係炸架⋯⋯點解我係煎嘅⋯⋯可能係我嗌錯啩⋯⋯嗚）另外，椒鹽九肚魚係脆香嘅，不過就偏鹹，又飲返多啲水。