以往食開泰國菜都係喺九龍城食，有個朋友介紹話呢間泰中意又平又好食，於是就黎試吓啦！好近大水坑地鐵站, 又係地舖, 好方便易搵!!! 主要order左兩款野食~燒豬肋骨伴薯條 $188 （半份） & 泰式拼盤 $118 泰式拼盤包括了香葉包雞，單骨雞翼，蝦餅，素菜春卷，仲有魚餅。我由其鍾情香葉包雞, 同之前泰國食係一樣咁好食! 雞翼，蝦餅，春卷，仲有魚餅呢啲炸得好脆, 擺得好齊整打卡又靚! 估唔到原來有燒豬肋骨嗌, bbq sauce做出smoky 香又唔會太甜咁, 好美味!!幼身薯條份量一啲都唔細, 炸得脆!

今日去探一個住喺荃灣嘅朋友，佢話要帶我哋食一間隱世冰室😆 仲話豬扒好正🤭 原來冰室係工廈地舖，唔係有人帶路，真係未必識入去試！🤭 但係入到去感覺好好，好整潔👍🏻 我哋一行三人，叫咗三個餐！分別有椒鹽豬扒飯，乾炒豬扒公仔麵同埋窩蛋免治牛肉飯👅 朋友果然冇介紹錯，椒鹽豬扒肉質果然不錯，唔會好乾，有少少肥超正🤩 而且好惹味👍🏻 另外炒公仔麵嘅豬扒一樣好食，公仔麵面底夠乾身！都值得試吓☺️ 窩蛋免治牛肉飯醬汁超級多，加埋蛋汁好好送飯🫶🏻 另外我仲叫咗一杯熱奶茶，茶味好出，高質素😋

葵涌有新野食，前排去開恒景見開左間台灣菜，木系裝修簡約，門口都好多人黎食，坐得都好舒服，最重要係價錢好抵，menu都好多野揀，下次經過會再黎 鹽酥雞滷肉飯$48 賣相好得!鹽酥雞炸至外皮酥脆，滷肉肥瘦均勻，味道香甜大滿足 酥炸雞扒三星蔥拌麵$48 雞扒炸得岩岩好，外皮又係好酥脆，入面仲係好juicy，肉質嫩滑，加入三星蔥更香，成個拌麵好惹味，有台灣食既味道 甜不辣$36 口感Q彈扎實，份量多不油膩，可以配上醬汁一齊食更惹味，值得推介！！！

韓國人氣熱狗店「Chung Chun Rice Hot Dog」登陸銅鑼灣。店舖位於禮頓道。 韓式熱狗即叫即炸。提供多款口味熱狗，仲有其他小食。全水牛芝士熱狗，邪惡拉絲效果。 店內有少量堂食位置，加上有熱狗公仔作打卡位。多款醬汁調味粉，製作獨一無二味道。 炸薯仔熱狗 加上炸薯仔粒，脆口薯香豐富，打卡一流。 巨型熱狗 外層金黃香脆，口感煙韌，腸仔惹味不油膩。 蜜糖柑橙汽水 柑橘蜜甜，味道濃郁。蜜檸檬汽水 經典配搭，檸檬清爽，甜度適中。

嗰日同朋友食飯，朋友話帶我去一間有驚喜，又有視覺效果嘅火鍋店。醉鍋前身為酒鍋，位於登龍街。擁有維港美景，美味之餘，又有視覺效果。醬料配搭非常多。 黑蒜湯健脾和胃，補益肝腎，滋陰養顏，味道溫醇回甘。 醉火入鍋共有五款不同湯底，有木瓜鍋、蕃茄龍蝦、清湯蘿蔔、四川麻辣同馬來肉骨茶，更會加酒營造出火焰效果。 金沙鹹蛋脆炸鮮魚皮，濃郁鹹蛋黃味，香鬆脆口，鹹味適中，鮮味十足。 手打墨魚丸，鮮香撲鼻，肉質緊緻，鮮甜味美。黑松露蝦蟹餃，大細適中，皮薄餡靚。 蔬菜拼盤，多款蔬菜，非常健康。 三色鮮製生麵，色彩繽紛，吸收湯底精華，味道一流。 菊花雪梨同紫貝天葵，清新爽口，味道酸甜，幫助消化。

之前食過佢地既潮州蠔仔泡粥覺得好有驚喜👍🏻好足料調味剛剛好😋餐廳雖然已經開左好耐不過餐廳環境都唔會好舊，坐得都好舒服😌 今次叫左兩款野食味道都好好味，下次會再黎試其他野食 鮮蝦雲吞麵$33 雲吞麵好大碗，鮮蝦雲吞大大粒皮薄餡多，蝦肉彈牙，麵質方面爽口滋味 椒鹽雞中翼半份 $28 雞中翼叫左半份不過份量都唔少，椒鹽調味咸咸地大滿足，值得一試，雞皮脆脆地，肉質嫩滑令人一口接一口 見倒隔離枱有叫左條即蒸黃花魚，加左薑蔥鮮味更出大滿足，睇見都想食，最衰自己無咁大個胃，留返下次先

終於搵倒一間地道既越南菜，前排朋友介紹話旺角開左間越南餐廳，由越南人主理，價錢不貴味道好好，今次同同事食lunch終於去左試，味道有驚喜 酸辣海鮮湯檬 （鮮蝦｜瀨尿蝦｜扎肉），青檸梳打 招牌菜越式燒豬頸肉飯必點! 豬頸肉外焦內嫩，搭配上香噴噴既白飯好惹味 檬粉係越南野成日都有既菜式，所以都叫左碗試下! 酸辣海鮮湯檬入面有多款海鮮，有鮮蝦、瀨尿蝦和扎肉等食材! 湯底酸酸辣辣非常開胃，配海鮮一流，檬粉吸湯後好滋味好好食 最後都叫左杯青檸梳打，青檸味幾出酸酸甜甜好開胃，食完油膩野最岩用黎refresh 下

香港仔新有間韓國餐廳，由韓國人主理，主打地道韓國菜，有多款韓國料理，包括醬油蟹。餐廳環境闊落，裝潢簡約。 前菜味道正宗，飯卷味道特別，炒年糕野味，牛肉粉絲湯甜甜地。 另外都有多款韓國菜式，用料新鮮，食物質素都唔錯。

天氣開始涼，去食蒸鍋就啱晒。今日去到銅鑼灣蟹仙海鮮蒸氣鍋，老闆做海鮮批發，海鮮靚絕。環境非常闊落，座位舒適。多款套餐非常抵食。醬料盤非常精緻。主角海鮮上場，非常新鮮。全程有店員負責，服務周到。 韓國斧山珍珠蠔，海水味重，味道鮮甜。加拿大野生大赤蝦，新鮮爽口，入口彈牙，味道鮮甜。台灣九孔鮑魚，大隻厚肉，口感十足，鮮甜多汁。黃金翡翠螺，肉厚肥實，螺味重，彈牙有口感。大西洋野生青口，啖啖肉，鮮甜美味。紐西蘭月亮貝，散發著新鮮海帶香氣，帶淡淡海洋味。第二盤海鮮更加精彩。澳洲青年龍蝦，非常大隻，啖啖肉，好多膏。太平洋饅頭蟹，非常新鮮，肉質結實，蟹膏濃郁。野生膏仔蟹，罕有大隻，肉質結實，肉多鮮甜。有機蔬菜籃，有粟米、娃娃菜同唐生菜，蔬菜新鮮翠綠。粥充滿海鮮精華，鮮味十足。
最後附送滋潤椰汁燉雪燕，非常完美。

果日去尖沙咀，發現Check In Taipei係海港城開分店。新店位於港威商場2樓。環境非常闊落，裝修充滿台灣風味。多款台灣菜式，款式非常特別。麻醬涼拌秋葵，芝麻香氣濃郁，獨特口感，帶點滑溜，清爽味美，口感層次豐富。鹹蛋黃芋泥球，鹹鹹甜甜，軟硬適中，充滿芋泥餡。髒髒鹹蛋黃芋泥蛋餅，蛋餅薄身，口感煙韌，蛋味十足，質感厚實。招牌牛肉麵
湯底藥材香，牛肉厚身，軟淋入味，麵質彈牙，加上自製牛脂油，味道發揮到極致。抹茶奶奶麻糬，口感軟糯，淡淡奶香，煙韌彈牙，抹茶奶香，配上黃豆粉，非常美味。木瓜牛乳，木瓜香甜，牛乳香醇，比例完美，口感滑順。