漁川米線 (已結業)

今晚同屋企人同5個小朋友一齊食！先講食物！魚湯底超鮮甜，我果碗蠔仔紫菜超多蠔，仲好幾隻係好大粒！好鮮甜！米線好滑！加埋幾香既辣椒油好正！而且咁多蠔（我覺得有廿隻以上）$44抵食！（如果貴d我就未必會食）而我家姐叫左蜆蠔仔米線（$60），相對我果碗可能爭少少～蜆不是太多，蠔也相對較少。除左好味既魚湯底外，好值得推介係免費添米線/湯外，服務超有禮貌！對小朋友好細心體貼，因為咁多小朋友係有DD難處理。It is such a good dinner for me!I guess I will be back!

有個清潔姐姐介紹下去試吓依個以魚湯做招牌既米線，上次食係有成邊魚，個湯好正， 唔咸又好鮮。今次想食自選餸米線加酸辣，餸點了牛筋腩。酸辣點了中辣，真係幾辣吓，好彩叫左杯凍檸茶解吓辣，不過就好香，酸同辣都幾balance, 雖然係蓋過魚湯既味道但總算開胃。牛腩同牛筋份量各半，唔係咁多，大約共4件，牛筋夠爽唔淋，牛腩就幾肥吓，如果可以叫淨牛筋就好了！我同事叫的魚湯米線。我就幾鍾意依間店想encore，但同事話覺得有味精，麻麻地，下次嚟都要同第二個同事來了！

灣仔區可以用呢個價錢，食到呢個食物質素，真係唔錯👍🏻因為唔熟玩具街個頭，所以要用啲時間先搵到間小店。一睇餐牌花多眼亂，2人一人一碗，叫咗2款來試，一碗鮮蠔蜆米線，一碗蕃茄湯底野生東星班米線。蠔仔好大粒😳仲要量多，多到我懷疑老細翻唔翻到本！東星斑欠缺魚鮮味，應該係用雪藏魚，不過魚湯搭救，飲得出冇落味精👍🏻我唔可以話佢係最好食嘅魚湯米線，但係以呢個價錢食到呢個質素，絕對係性價比高，起碼比荃灣嘅魚鱻米線抵食得多

走遍名店吃米線，若喝魚湯此店嚐。上篇已初步介紹此店魚湯，樸實無華，有住家風情。荃灣是米線之都，此店是其分支。現在加設早餐飲魚湯。魚湯米線則加設王者系列。我還是推介魚類製品米線，如35元的魚腐米線，是穩陣之選。魚蝦卷米線有潮州風味。升格版有金牌，招牌海鮮款式:建議問店員當日有甚麼好海鮮，便拼出來做米線，如今日宜點選蚌，蠔仔。現在可上網入會儲分。它不是最好味的魚湯米線，是最有人情味，最貼心，貼地。從灣仔港鐵A3出口前行，在靠右排檔後面。

好鐘意食米線，食得多譚仔有時都想轉下口味，特別個排想飲下魚湯，食下魚一定諗起呢間不過我咁耐都係食「魚腩米線」，有啖啖魚肉，腩位又夠肥，魚湯鮮甜清淡潤喉，配肥美既魚腩和少少滑溜魚皮，食很好舒服，加埋魚湯，簡簡單單，一路飲一路覺得好健康又滋潤，忍唔住就清哂成碗！正！每碗都會配幾舊豆卜同少少菜，無咁滯口以魚做主打，魚湯配各種不同既魚部位（魚腩魚頭魚鮫等），仲有得揀不同魚類（黃花/三文魚咩都有）朋友試過三文魚，好大塊，啖啖肉！不過佢話太多食到好濟...

收工食咩好~?同同事傾緊食咩之際~突然醒起，某日lunch 行過一間好多人的米線鋪~既然都OT完~就去博一下，睇下多唔多人喇~7:00 幾呢個食飯時間，唔算好多人~一入去就有位~同事食左個蠔仔蜆的米線，但唔記得幫佢影相~lol 偷食左佢幾粒蠔仔同蜆~蠔仔都幾飽滿，但個蜆就食到一隻有砂~本人好鐘意食魚腩~所以一坐低就諗好叫有魚腩的~我就叫左個金牌米線，有魚腩，蟹子丸，魚腐個魚腩好食~重魚味~魚腐有驚喜，咬落彈彈的，但又唔似一般魚彈咁~蟹子丸就同平時食既一樣~正正常常喇~米線比較幼身，湯魚味唔算好重，但係應該係無味精的~因為成個湯飲哂都無口渴的感覺~lol~佢既小食都好吸引~要再去食~試埋佢果D小食~

lunch time一個人黎食，12點半左右到即有位，但坐特好迫，叫左個蠔仔紫菜泡飯，個飯係魚湯底，本人對味精湯好敏感，呢間真係冇落，講到魚味就冇乜，同荃灣間鱻冇得比，呢間勝在蠔仔多，響灣仔食lunch 44蚊係咁上下，都ok啦！

I saw some photos online that showed a bowl of noodles with a whole fish on top. I wondered where it was. Why would they put a whole fish on top of a bowl of noodles?After a little bit of searching, I found it was here. Located in Wanchai on the street where locals like to nick name it Toy Street. is this noodle shop that serves bowls of steaming hot vermicelli noodles with a whole pan fried fish of your choice. Menu is in Chinese only. There is no 10% and you're expecting about $60 for a bowl o

灣仔不嬲都幾多平靚正既野食 通常都係細細地但食物質素同份量就唔會差😆今次試左呢間魚湯米線 我嗌左墨魚餅魚湯米線 一上檯望落完全係白雪雪好似冇味咁😂食落第1啖又真係真淡左少少 不過慢慢食落米線加埋d魚湯就會發現到其實個湯既魚味係煲出黎唔係味精黎所以都係好鮮甜既同埋米線都好滑 之後試埋個墨魚餅 食落好彈牙同埋好好味既墨魚味 佢比得都幾多架有成2大塊開左4仲有d配料豆卜同菜個d 吸左d魚湯一齊食真係好好味😆見到對面檯個啊叔嗌左玻璃樽既可樂飲於是我又嗌 點知比左罐裝我 傷心😭一直都覺得玻璃樽好飲d架！而呢間舖最特別既係可以免費添米線同埋湯！佢地以客人飽肚為先既意念真係令人佩服😳果然小店出品都係唔差架

係灣仔番工已經有年半既時間啦，每次經過呢間鋪頭都見到好多人排隊，今日終於黎試下啦。叫左蝦春卷米線，蝦春卷好彈牙，但係冇蝦味，似係墨魚餅加雜豆加蝦仔，蝦仔應該係赤米，因為見到紅色既蝦殼同食到有沙，下次我應該唔會叫呢個，會叫墨魚餅。米線沒有煮得過淋，可以。至於魚湯，算係鮮甜，食得出有味精，但不致於頸渴。

午飯時間經過這間店總是大排長龍..今天有點熱氣唔係太想食對面又係大排長龍嘅x 仔米線，姑且試下呢間重點係魚湯的米線係門口已經有陣陣魚湯味... 不喜歡吃魚的人應該會覺得是鯹味吧午市時間那麼擠迫怕啃骨，我沒有勇氣試成條魚上嘅米線。大無畏的朋友就試了傳說中的黃花魚米線，真係成條黃花魚+米線我就要左好多人點嘅墨魚餅加魚腐米線個湯好清，墨魚餅 鐘意葱同莞茜嘅會覺得好開心... 特別係莞茜，而家出去食飯都好少落咁多... 如果唔鐘意嘅話走一定要叫佢地走青走蔥～粉麪類嘅午飯來說都係不錯的選擇～

被一張東星斑米線的圖片吸引了來。途中想到80多元的星斑質素好極有限，還是食平民食品較好。點了煎墨魚膠米線，是用大湯碗，墨魚膠頗佳，質感好。38元價格，與曾嘗遍的幾間魚湯店差不多:魚米家……大王是集團式，無驚喜，誠意魚鱻…專門店湯質素與這間最似，惜在荃灣，新蒲崗，對我不方便(鱻魚…店是茘枝角工業區另一湯店)鳴門…麪亭的魚湯平平無奇，拉麪和日或飯更吸晴鯛魚……店 位於鰂魚涌，對白領十分就腳，但價貴檔次高生記鮮魚湯…是魚腩粥店的姊妹店，魚湯質素高，位於上環，對白領十分就腳，但份量少我推薦這間(注意店名是漁川)是因免費加魚湯，米線，極有誠意；炸墨魚餅等食品頗佳；是茶餐廳類型，很多類型都可嘗試，飯亦可加。建議豪客食招牌(魚腩，魚腐，魚餅)米線(60元)，或米線拼炸墨魚餅蝦餅(48元)。下午茶時間送飲品。

當然5係令花膠， 俾甘平價錢，不過可以1試。 上次食佢墨魚餅已經超好食。 返黎再試花膠。 都好多塊， 會膠痴痴痴住你個口。 幾過癮。 不過都係墨魚餅好食。 Lunch 1定多人， 門口都要等1陣。 門口落單入去坐等食。 仲有蠔仔， 成條魚， 好多配答既米線。

上網見到呢一間米線好多人討論，而且離工作地點不遠，所以早少少去來一個午餐。店鋪地方細細，而且坐得超越親密，所以好快地點了一個原條大眼雞米線。雖然一碗原條魚上的米線要 $60，但是食落的魚肉真係好滑好鮮味，最緊要就係它的湯底，係用魚湯泡製，所以我一定會飲，飲完唔會覺得口乾。不過，有一點要注意，我覺得 d 魚骨比較多，食的時候真係要格外小心。

今朝見到朋友Instagram 食魚湯米線，心思思想食埋一份！是日晚餐-漁川既原條大眼雞魚湯米線。湯依然好鮮甜😋，條魚既肉質今次麻麻地🤔。向來好鍾意媽咪牌大眼雞節瓜湯加食魚肉😍，不過近幾年少食😖。今次當回味當年吧！😄 價錢：HK$60 個人評分：7.5/10 朋友點既係蠔仔紫菜魚湯米線，魚湯依然鮮甜，呢度除左原條魚米線好食之外，其實蠔仔都好得！朋友每次黎都指定要食！佢話d蠔仔非常新鮮，無腥味、無蠔殼，又大大隻、又鮮甜。其實一上桌就覺得好值，成碗滿晒，蠔仔粒粒漲卜卜❤️，見到都流晒口水！🤤愛蠔之士，好值得一試架！ 價錢：$44 個人評分：8.5/10