漁川米線 (已結業)

同事不斷推介呢間主打魚湯米線嘅餐廳，所以點都要試下！叫左 鮮魚片蛋花米線番茄魚湯底，一上枱聞到香噴噴，見有好多魚片同蕃茄，忍唔住即刻食！點知聞落香，食落淡而無味，如果無添加味精都應該有蕃茄同魚嘅鮮味，蛋嘅香味，但唔知點解咩味都無....米線煮得有點太淋，可以加分既唯有係份量大，食得飽😞@852whatever

上堂前來到灣仔, 預食佐晚飯先上堂, 附近入夜之後好多小店都唔做晚市。來到春園街, 記起有間魚湯米線, 有原條煎魚, 同魚肉類小食。今次點左招牌米線, 有魚腩, 魚腐, 魚餅, 跟熱飲。魚湯奶白色略鹹, 每次食魚腩都好專注, 要小心魚骨, 一碗有三大舊魚腩, 一塊魚餅, 兩個魚腐, 豆卜, 一定夠飽。其他選擇有大蝦, 豬扒, 四寶, 牛腩米線; 跟餐加4蚊有熱飲, 經過灣仔街市可以試下呢間魚湯米線。 **之前試過魚卷, 手打墨魚餅, 煎魚米線, 新鮮好食!

今日閒遊灣仔銅鑼灣，晏食早餐，所以就下午茶當午餐。灣仔返工搵食艱難，這間想試好耐，上班日午餐時段唔使諗，勁多人。4點，店內人唔使迫住坐，背包仲有櫈放。看餐牌，有一餸麵，加料再逐樣加錢，亦有原條魚的米線。咁原條魚當然貴d啦。今次先試車仔麵形式的，即麵加餸。點了一個魚餅米粉，加多個豬膶。最好係米線可以轉米粉或泡飯。米線食完會好飽，轉米粉，吸埋魚湯食更好味。先試魚湯，都堅係魚湯味，唔覺係味精；再試魚餅，好有咬口，夠彈牙，有3件夠食；豬膶就差些了，味道不夠，亦浸湯太耐，熟得滯，口感就爭d。原來配料除了葱那些，仲有豆泡，正！成碗食晒，湯飲埋，這魚湯真係堅好味。鄰桌食客幾個都係三文魚米線或泡飯，湯唔夠可以添，都幾好服務。呢間，可以encore，試一試原條魚米線。

其實我都食過幾次，貪佢一次過滿足哂三個願望：米線，魚，多餸。坐低阿姐就行埋嚟問食乜嘢，我諗住試新湯底，問佢有咩揀，佢話唔要魚湯有蕃茄酸辣...由於佢個餐牌都幾混亂，我望住餐牌問佢邊度睇到有咩揀，佢就話總之唔要清魚湯就蕃茄酸辣啦！我話好。一睇張手寫單，原來蕃茄係一個湯底，酸辣係另一個湯底，各6蚊，二合一共收我12蚊🙄等同兩個餸價錢。同佢講話改，例牌話煮緊冇得改。仲要響我一起筷焗住食嘅時候，嚟另一碗米線俾隔離位，話送多舊魚腩俾佢。成張台得我一個叫魚腩，唔知點解我同佢嘈完之後，隔離位冇叫但會送魚腩囉。生意佢係唔憂做，我亦一直好欣賞佢啲魚keep住幫襯，但今次之後，我會揀加兩三蚊大大碗蕃茄四小辣嘅譚仔囉！

叫咗個番茄大眼雞米線，落單阿姐係咁重覆講大眼龜大眼龜食飯前嚟個小笑話，特別食得開心!鮮茄味濃，飲得出冇落茄膏等嘅假番茄味，漁湯加番茄好夾，係屋企嘅味道番茄有四舊，驚喜嘅係番茄已去皮，好細心，一咬開，好濃又甜又酸味味嘅番茄大眼龜反而有啲失望，因為佢係煎魚，煎完再放上湯碗出，我期待嘅係淥熟條魚果啲，不過煎大眼龜同番茄魚湯好夾，浸住一陣啲湯已經俾魚索哂啲湯。聽聞可以加湯，所以我加咗，不過原來只係加凈魚湯，我以為係加番茄魚湯，但都好好飲，重要嘅係飲咗兩大碗湯都冇口乾唔口渴，唔俾like唔得掂

清淡健康之選 每日食晏嘅時候灣仔都好多人 食咩都要排隊 漁川算係等得吾耐 價錢適中不太貴 味道有幾好既食面之選 外賣會將面同湯分開 堂食既話一個人幾乎實有位 人越多越難等位我多數會食墨魚丸米線或者蝦卷卷米線清啖得黎湯底有鮮味

日常 Lunch去食，呢間平常同同事一起去. 因為人多, 平常都要排一陣跟人齊才可入. 首先說說價錢, 是一般在灣仔lunch的價錢, 所以對我來說, 是CP值算是中高.番茄大眼雞米線是我通常點的食物. 整條魚上但沒有魚鯹味. 其實他們有其他款式的魚( 黃花魚, 馬友, 黃腳𩶘, 大魚頭, 魚咀, 魚尾等等)喜歡魚的朋友, 可以試一下.

Lunch time 去，都幾多人要排一陣隊，聽朋友話墨魚餅好食，一心諗住叫個手打墨魚餅米線試下，但係佢竟然話賣晒，雖然好想食但唯有下次，叫咗個鮮蝦卷米線。個粉離到後第一時間試咗個湯先，個湯幾清甜，但魚味唔濃，魚湯配米線好夾，米線唔會太淋，但最令我驚喜嘅係鮮蝦卷，佢好好食，好彈牙亦有鮮蝦嘅味道，唯一唔鍾意就係夾雜左青豆，但整體呢碗麵都好好食，會想下次再嚟試翻個手打墨魚餅米線。秘製鮮蝦卷米線＄38再食？會。

跟友人想吃較為清淡而價錢合理的食物，路過此店，覺得可取便入座。與其選一些平時大路米線舖也可吃到的餸，不如試只有這裡供應的款式，於是從原條魚魚湯米線中選了大眼雞。事實上它供應的原條魚，如馬友、黃腳𩶘等都是少骨之魚，所以大家不用擔心吃得太狼狽。先呷一口湯，淡淡的魚湯味，雖之不濃，但亦嚐得出它是用魚煲出來，而不是濃湯寶味精之類。米線中規中矩，大眼雞煎過後很香，魚肉結實，魚味濃，乎合預期。美中不足的是只有兩小塊椰菜片，若加多些少青菜會更為滿足。

呢排要戒口，又去開灣仔，所以去呢間一魚湯米線試下，正值下午茶時間，叫咗個鯇魚片豬潤時菜米線。米線送上後先喝口湯，味好淡，亦無乜魚香同魚味，米線不過不失，鯇魚片煮到好碎，一夾就跌出來，豬潤片唔夠腍爽。連飲品$48可能要試成條魚嘅米線先見真章

因為友人推薦所以一試，主打整條魚的魚湯麵。因為本人太擅長吃整條的魚，怕魚骨。所以點了蠔蜆魚湯米線，主要想試魚湯。蠔和蜆的數量挺多的，還有些菜和我最愛的豆卜。蠔幾有鮮味，而蜆的味道就淡淡的。魚湯不太出色，很淡，喝不到魚的鮮味。不過這間餐廳的選擇頗多，除了主打的魚湯麵，還有不少小食類，還有飯類如雞扒飯。有時兩人吃飯，一人想吃飯一人想吃麵，這間也是一個選擇。

今日咁熱,想食得清啲，就係玩具街睇完玩具入左呢間舖頭食米線。叫左兩碗魚湯米線, 豬扒個碗啲豬扒不過不失，至少醃得好入味。同埋咬落都有勁,唔係軟唸唸個啲。至於個碗墨魚餅都ok 嘅，有墨魚味而唔係得啲粉漿。如果可以再彈牙啲就更好。飲品就無特別。不過就性價比而言,都算高。

小妹好鍾意飲湯，天氣熱，唔想食飯，本來想食米線。小妹係順德人，見到呢間門口寫住順德魚湯料理專門店，就即管入去試吓。結果小妹揀咗蠔仔紫菜泡飯，一大湯碗，目測有10幾20隻蠔仔，隻隻都相當肥美，只係落咗少少胡椒粉，一啲都唔腥，仲煮得剛剛好，非常juicy；魚湯清甜，仲有兩大片生菜，同6、7件豆腐卜。舖頭裡面大大隻字寫明，免費添米線/米粉/飯/魚湯；因為已經清晒碗，一滴魚湯都無得淨、好飽，所以無添食。但隔離檯真係有位哥哥添食米線，雖然姐姐態度一般，不過真係食得過。畀錢嗰陣，仲見到有人食原條黃花魚米線，雖然魚唔係好大條，只係同個湯碗一樣咁長，不過賣相亦相當吸引。

聽講間野平時都好多人，同友人六點半黎到，唔洗等位就有得入我地兩個都叫左手打墨魚餅米線，我就加左魚腐同蟹子丸order左唔夠三分鐘碗面就黎，侍應哥哥非常有禮貌，唔該前唔該後咁樣，值得一讚墨魚餅好香口彈牙，啖啖都有墨魚味，完全唔會覺得粉。唯一可惜係我問個姐姐想要個酸甜醬點下，個姐姐都話要叫小食先可以俾我...雖然佢最後都俾左我，但其實小食同跟湯都係食魚餅姐有咩分別魚腐同蟹子丸就無乜特別~ 米線有少少淋同太碎，如果硬番少少會有咬口d會更加好。啖湯實在係無辦法唔飲晒，好清而且一d都唔會腥。中意飲湯既人重可以無限添加走既時候我個碗係完全空既呢個價錢加侍應態度唔錯，地方都算企理，實在係有需要再黎幫襯

上次係天樂里果間魚湯米線唔好食今次同事介紹灣仔春園街有間漁川米線～係門口已經好多人等位，入面全部係大圓枱，等左一陣，齊人就安排入座。一張圓枱坐7個人，全部搭枱。餐牌話全部都係用魚煲既湯做湯底，有魚既部位、墨魚餅、蠔等等，而且可以添加米線/飯/魚湯，我見隔離阿叔就加左湯同米線。睇左餐牌冇一陣，店員係咁問食乜🙈最後揀左蠔仔紫菜泡飯 $44 加凍檸茶 $6個湯底係白色，清清地既魚湯，d 蠔仔好肥美，唔腥，係d飯比較硬，要浸一陣先食～食到中途放低湯匙飲啖檸茶，店員就過黎問係咪食完🙈 雖然佢地客似雲來，但咁樣似趕客走既做法唔太好。見附近既人都好快食完好快走....我就覺得太逼太趕了，大家如果想食就自己衡量下啦☺️