漁川米線 (已結業)

小妹好鍾意飲湯，天氣熱，唔想食飯，本來想食米線。小妹係順德人，見到呢間門口寫住順德魚湯料理專門店，就即管入去試吓。結果小妹揀咗蠔仔紫菜泡飯，一大湯碗，目測有10幾20隻蠔仔，隻隻都相當肥美，只係落咗少少胡椒粉，一啲都唔腥，仲煮得剛剛好，非常juicy；魚湯清甜，仲有兩大片生菜，同6、7件豆腐卜。舖頭裡面大大隻字寫明，免費添米線/米粉/飯/魚湯；因為已經清晒碗，一滴魚湯都無得淨、好飽，所以無添食。但隔離檯真係有位哥哥添食米線，雖然姐姐態度一般，不過真係食得過。畀錢嗰陣，仲見到有人食原條黃花魚米線，雖然魚唔係好大條，只係同個湯碗一樣咁長，不過賣相亦相當吸引。