漁川米線 (已結業)

今朝見到朋友Instagram 食魚湯米線，心思思想食埋一份！是日晚餐-漁川既原條大眼雞魚湯米線。湯依然好鮮甜😋，條魚既肉質今次麻麻地🤔。向來好鍾意媽咪牌大眼雞節瓜湯加食魚肉😍，不過近幾年少食😖。今次當回味當年吧！😄 價錢：HK$60 個人評分：7.5/10 朋友點既係蠔仔紫菜魚湯米線，魚湯依然鮮甜，呢度除左原條魚米線好食之外，其實蠔仔都好得！朋友每次黎都指定要食！佢話d蠔仔非常新鮮，無腥味、無蠔殼，又大大隻、又鮮甜。其實一上桌就覺得好值，成碗滿晒，蠔仔粒粒漲卜卜❤️，見到都流晒口水！🤤愛蠔之士，好值得一試架！ 價錢：$44 個人評分：8.5/10