滷友記 (華都中心)

營業中

休息中

呢一間荃灣嘅滷友記出咗名有多款台灣小食，多到心大心細揀唔到，實在太吸引🥰諗左好耐先叫咗兩個炸嘅小食，椒鹽炸貢丸同炸秋葵。炸貢丸好香脆，加上椒鹽調味，令到貢丸更加惹味。秋葵都係炸到脆卜卜，仲要唔油膩👍🏻主食台式酥炸雞扒飯嘅主角雞扒外脆內軟，加上肉質好厚實，好有口感，而且滷肉嘅味道好香，用嚟撈飯一流，話咁快就清晒成碗。仲有朋友嘅滷水牛三寶麵入面有齊金錢𦟌，牛筋，金錢肚。牛筋超好食，入口口感軟腍，而金錢肚就非常之爽口，湯底味道濃郁。

放假同媽媽去荃灣行街，媽媽開始行到累，想搵地方休息下，又開始肚餓，於是就行去荃灣西樓角街170-184號華都中心1樓44號舖的《滷友記》，佢哋主打食台灣料理的。餐廳非常光猛，環境乾淨企理。我哋叫左2個飯和一個小食。古法滷水金錢𦟌🐂飯$67金錢𦟌滿滿膠原蛋白，滷水滷得非常入味好吃。秘製滷水汁用嚟撈飯，淋落白飯度食，即刻提升味道，增進食欲，皮碗飯都食得曬。古法滷水五花肉🐷飯$60 五花肉肥瘦均勻，廚師把五花肉炆得剛好，好容易咬開，入口五花肉的油脂係口溶化，散發著油香味。五花腩的油脂流落白飯度，變成豬油飯咁，再加秘製滷水汁用嚟撈飯，淋落白飯度食，即刻提升味道，增進食欲，皮碗飯都食得曬。台式酥炸豬扒🐖，$35炸豬扒即叫即炸，上枱熱辣辣，豬扒外層香脆可口，裏面肉質柔軟鬆化，好有層次感。

荃灣有間滷友記，同老友去食就岩晒！鋪頭有多款特色食物，我地食一次都覺得唔夠喉呀！我地先叫一個鮮蕃茄肉燥湯飯🍅🐷🍚比較少見肉燥會配上鮮蕃茄，但原來又出奇地夾，呢度既肉燥唔會用好多肥肉，豬肉肥瘦均勻，好香豬味，配上新鮮清甜既蕃茄好fresh好開胃，完全唔溜，而且仲附上大量蔥絲菜絲，超級健康呀！之後就叫佐另一個飯台式酥炸雞扒飯，$59既雞扒飯好超值，雞扒大塊又厚，酥脆既雞扒肉質柔嫩，夾埋香蔥黎食味道更好，另外可以有香濃既滷水汁撈飯，特別出色！👍🏻小食就叫佐滷水雞翼同埋台式酥炸豬扒，兩樣都係$35，份量唔小，雞翼肥美甘香，吸晒滷水味，皮滑肉嫩🤓豬扒酥香脆口，肉質軟腍，夾埋蔥絲黎食就唔會油膩啦😌

位於荃灣既滷友記鋪頭唔大，唔會可以坐得好耐好舒服咁聚會，但勝在食物質素好好，真係值得黎試下！台式酥炸雞扒飯👅$59既飯性價比好高，雞扒好大塊，而且炸到金黃色，就咁睇都知香脆無比，食落食得出雞扒有醃過，炸完仲好有肉汁，食好停唔到口，雞扒上面既蔥絲令到雞扒食落無咁滯，fresh d好好味！古法滷水五花肉飯🐽$60既豚肉飯又係大大碗，五花肉有幾大片，每片都唔會太薄，適當既厚度令五花肉口感好好，本身又肥瘦適中，面頭仲有木耳絲同蔥絲可以令五花肉更鮮味，重點既滷水汁好香，用上多種香料同埋精選豉油，仲有獨門配方，撈埋落飯好好食！雞絲粉皮✌🏻$50黎講真係好大碟，好抵食，撕得均勻既雞絲配上滿滿既花生碎，芝麻，青瓜絲同蔥絲，用香濃既麻醬去撈，粉皮又唔會過淋，全部都好入味好好食！陳皮冰糖燉檸檬🫖呢個絕對滋潤解渴，唔會過甜過酸，好飲！

荃灣呢間滷友記鋪頭細細但裝上都好有心思，型格風裝修配上出色既美食，令人食得好開心！🤎溏心蛋肉燥飯 $54肉燥飯啲肉燥一啲都唔孤寒，粒粒豬肉粒好有咬口，配上有少少會帶啲肥膏，口感更好更香，肉燥汁好香，唔會太油膩，溏心蛋真係好流心，金黃色既蛋黃好香濃好好食，成個飯好快就食晒啦！💛滷水雞翼 $35雞翼有四大隻，每隻都飽滿肥美，食落完全無雪味，雞肉仲好嫩滑添，雞皮又係爽滑，而且入晒滷水味，出色好食！🧡滷水雙拼小食 $45雙拼既小食係牛肚豬腸，牛肚好爽，豬腸有少少肥膏但反而更香，兩款都好濃滷水味，滷水汁有獨門秘方，特別甘甜，加上墊底既芽菜，口感好好！❤️滷友豚三寶飯 $58呢個既豬三寶就係五花肉，豬大腸，豬肚，認真豐富！五花肉唔鞋口，豬大腸肥瘦適中，豬肚爽嫩，而且每款都滷得出色，入味十分，配飯一流！

今日係荃灣行過見到呢間滷友記，標名滷水小店，入到鋪頭座位尚算闊落，食物質素都真係好唔錯！首先係古法滷水金錢𦟌飯($67)話明係古法滷水，滷水汁真係好正宗，食得出用上傳統月桂葉、花椒、八角呢啲香料去煮，好甘香，金錢𦟌雖然係煙韌啲，但薄薄一片好入味，份量都唔少，而且仲有肉燥汁加落啲飯度食，咁成碗飯就更豐富，食完更滿足☺️跟住仲有台式酥炸雞扒飯($59)雞扒唔會好細塊，長長既雞扒炸到好脆，炸粉唔會太厚，薄薄既炸粉包住醃過既雞扒 新鮮炸起熱辣好食，呢個飯都係有肉燥汁配埋，咁食落果飯就唔會咁dry👍🏻然後叫埋白灼秋葵($30)秋葵白灼就完全食到果種鮮味，爽脆既秋葵好香，白灼完放係裝住滷水汁既碗，令到秋葵更香味道更好😽最後叫佐滷水雞翼($35)入晒味既雞翼每飯都好大隻，但又唔會煮到啲肉好鞋，嫩口既雞肉配上滑滑既雞皮，好好食😋

荃灣好多野食 今日去左間專門食滷水車仔麵既餐廳🍜🍜🍜 佢個滷水湯底唔錯 清得黎又夠味 岩岩好 可惜份量比較小，男生一定唔夠食🫣🫣店面比較細 如果黎食唔來等 要避開lunch dinner高峰時間☺️

$59台式酥炸雞扒飯🐥呢個酥炸雞扒好出色，酥脆既雞扒好濃味，雞扒唔會炸到啲肉好乾，仲有肉汁，醃過既雞扒好香，另外仲有碗肉燥汁可以撈飯食，肉燥汁有啲芝麻好香，撈飯一流！$35 滷水雞翼🐤大大隻既雞翼肉質嫩滑無雪味，滷水汁好香，甘甜惹味，雞翼完全入晒味，每一啖都有滷水味，香濃惹味，好正，食到唔停口！$62 滷水牛三寶麵🍜呢個麵大大碗，有齊金錢𦟌，牛筋，金錢肚，每樣份量麵好足料，而且金錢𦟌不肥不膩又煙韌，牛筋軟腍，金錢肚爽口有口感，滷水汁用既香料十足，好濃味，好食！陳皮冰糖燉檸檬🍋食完咁多野飲番杯滋潤飲品就岩晒，唔會太甜，酸酸甜甜好開胃！

今日黎到荃灣呢間滷友記，滷味出色，其他小食都好出色，麻雀雖小五臟俱全呀！我地先食古法滷水金錢𦟌麵 $67🍜滷水汁用花椒八角呢啲香料，加上獨門秘方，好香濃，金錢𦟌肉質結實，有啲筋位，好鮮牛肉味，薄薄一片都好入味，加埋木耳絲同香蔥絲，好香好好食！另外叫埋古法滷水五花肉麵 $60🍜呢個五花肉好香，肥膏同瘦肉比例岩岩好，肉質軟腍，豬肉味香濃，木耳絲同蔥粒令到食落無咁油膩，麵質又好，滷水味十足！最後叫多個小食台式酥炸豬扒 $35🐷豬扒上枱已經切好晒，鬆脆既外皮配上粉嫩既豬扒，好香口感好好，加上蔥絲食更加無咁油膩！食佐咁多熱氣野飲番枝蘋果雪梨雪耳就最岩，滋潤清熱又解渴！

今日黎荃灣行開街，見到呢間平時唔覺眼既滷友記，就即管入黎試下，幾有驚喜！古法滷水五花肉麵$60🍜五花肉滷得好入味，肥瘦均勻既五花肉好香，肉質軟腍，湯底好濃，好重花椒八角味，加上木耳絲食好正！滷水牛三寶麵$62🍜牛三寶包括牛肚、牛展、牛筋，全部都好入味，牛肚好彈牙，牛展煙韌好食，牛筋好軟腍，好好味呀！湯底好濃，唔同部位既牛都好入味，份量又多，好滿足！台式酥炸豬扒$35🐷豬扒炸得好香好脆，金黃色既豬扒香酥入味，豬肉鬆軟，連埋放係面頭既蔥黎食，味道更突出！椒鹽炸貢丸$27🍢貢丸用上香料黎炸，好惹味好香，熱辣辣好好食，大大粒貢丸好彈牙好好味！

荃灣呢間小店有好多唔同款式嘅滷味，每款都好特別，好有驚喜！我地先試胡椒咸菜豬肚湯飯，豬肚爽脆香口，胡椒味好濃好惹味，湯飯好好食，加埋香蔥黎食更加香，好正🤭之後再黎個滷水雙拼小食$45，小食有牛肚豬腸，牛肚柔韌，豬腸煙韌，滷水味香濃，份量又多，好抵食😗我地叫多一個惹味小食炸秋葵$30，秋葵炸到好香脆，脆脆既外皮包住裏面軟腍既秋葵，點埋香濃蛋黃醬，惹味好食😚最後叫埋一個滷友牛三寶飯$62，牛三寶就係牛展、牛肚、牛筋，雖然係配飯，但唔會好乾，反而好香濃，牛展唔會鞋口，牛肚爽脆，牛筋軟腍，夾埋香蔥同啲飯一齊食好好味🤓飲埋枝蘋果雪梨雪耳就夠晒清熱，舒服晒！

荃灣呢間滷友記位置易搵，細細一間鋪頭唔止有滷水，仲有其他小食，好唔錯！生炸大雞髀 $36🍗雞髀炸到好香脆，店員好貼心咁幫我地切開一舊舊，可以夾住黎食！雞髀雖然炸到好脆，但啲肉完全唔鞋，仲好有肉汁添！滷水豆腐 $30👅豆腐軟滑香濃，就咁食都好香豆味，滷水汁入晒落豆腐度，加埋啲蔥花，味道好突出好好食，做小食一流，食多多都得！滷友牛三寶飯 $62🐮牛三寶係牛肚、牛筋、牛展，三樣都滷到入晒味，而且口感好好，另外仲有一碗香濃滷水汁可以倒落飯食，滷水汁唔會太咸但又好香，質素好好！食完啲熱氣野重口味野飲番枝蘋果雪梨雪耳好清潤好舒服😌

話說去開荃灣剪個髮，準備尋間食店，快快食個快飯！於是見到就直入，試左尼間滷友記喇。.由於過左2點後，又唔算多人，不過peak hour 時段應該會有d 迫。.我就order 左：1. 生炸雞髀飯 💲58 *台式肉燥汁 跟熱飲 +💲3 *滷水糖心蛋 💲9.一上就上左蛋先，然後生炸雞髀熱辣辣上台！而白飯同肉燥係分開上既，尼個幾貼心，加上飯上面仲有d 蔥碎係度，撈埋肉碎一齊食一流呀。.講下隻髀先，見圖就知係皮脆，肉稍乾但調味唔錯；肉燥汁有碎肉同條條肉，味道如濃厚度適中。.成件事係唔錯既，快食黎講係個幾好選擇，大家可以參考一下ʕ •ᴥ•ʔ

依兩日天氣實在太熱啦🥵🥵肥C9吾知係咪因為肥左既關係，越黎越怕熱！本身星期日約好左朋友去長洲食我最愛既大魚蛋🍡同掃街，但最終都係要放棄😂變左係荃灣行下商場🤣吾知有無人都好似我咁呢🙊我地行行下去到華都中心，無意中發現依個舊式商場居然有間裝修都幾吾錯既小店，仲要主打滷水🤤為左將今日掃吾到街既悲憤情緒發洩出黎，我地叫到成枱都係野食😂😂😂放到滿滿先心理平衡返少少🤪佢地既滷水我覺得有驚喜，全部都好入味🤤牛展又忟得好夠淋。而且餐單款式都好百搭，可以好似車仔麵咁剔剔剔✅仲有滷水湯底選擇！佢地既小食其實都好吾錯🤤尤其係炸花枝丸，配搭埋椒鹽又無搶到花枝本身既味道👍🏻雖然去吾到長洲食永泰既魚蛋，但都總算有返個花枝丸補返數☺️開心

我自己住荃灣附近，確常常搵到啲好野食，最緊要平靚正，更而在荃灣連埋一齊嘅舊式商場的華都商場係我最鍾意址的地方，有間已經好熟會幫襯到認得我了！餐廳內仲有副《滷友記》書法畫幾有氣勢呀！經濟實惠之選我推介自選麵的系列，無論點牛筋牛腩、豬大腸、金錢肚等等，或叫蔬菜🥬類多啲的都有，而且必點要滷水汁湯底 ，入味又惹味呀！另外小食的白沟秋葵、炸物的炸魚皮等都係我最鍾意，鮮味十足！滷友記荃灣西樓角街170-184號華都商場1樓44號鋪