滷友記 (華都中心)

營業中

休息中

今日黎到荃灣呢間滷友記，滷味出色，其他小食都好出色，麻雀雖小五臟俱全呀！我地先食古法滷水金錢𦟌麵 $67🍜滷水汁用花椒八角呢啲香料，加上獨門秘方，好香濃，金錢𦟌肉質結實，有啲筋位，好鮮牛肉味，薄薄一片都好入味，加埋木耳絲同香蔥絲，好香好好食！另外叫埋古法滷水五花肉麵 $60🍜呢個五花肉好香，肥膏同瘦肉比例岩岩好，肉質軟腍，豬肉味香濃，木耳絲同蔥粒令到食落無咁油膩，麵質又好，滷水味十足！最後叫多個小食台式酥炸豬扒 $35🐷豬扒上枱已經切好晒，鬆脆既外皮配上粉嫩既豬扒，好香口感好好，加上蔥絲食更加無咁油膩！食佐咁多熱氣野飲番枝蘋果雪梨雪耳就最岩，滋潤清熱又解渴！