滷友記 (華都中心)

營業中

休息中

荃灣呢間小店有好多唔同款式嘅滷味，每款都好特別，好有驚喜！我地先試胡椒咸菜豬肚湯飯，豬肚爽脆香口，胡椒味好濃好惹味，湯飯好好食，加埋香蔥黎食更加香，好正🤭之後再黎個滷水雙拼小食$45，小食有牛肚豬腸，牛肚柔韌，豬腸煙韌，滷水味香濃，份量又多，好抵食😗我地叫多一個惹味小食炸秋葵$30，秋葵炸到好香脆，脆脆既外皮包住裏面軟腍既秋葵，點埋香濃蛋黃醬，惹味好食😚最後叫埋一個滷友牛三寶飯$62，牛三寶就係牛展、牛肚、牛筋，雖然係配飯，但唔會好乾，反而好香濃，牛展唔會鞋口，牛肚爽脆，牛筋軟腍，夾埋香蔥同啲飯一齊食好好味🤓飲埋枝蘋果雪梨雪耳就夠晒清熱，舒服晒！