滷友記 (華都中心)

營業中

休息中

呢一間荃灣嘅滷友記出咗名有多款台灣小食，多到心大心細揀唔到，實在太吸引🥰諗左好耐先叫咗兩個炸嘅小食，椒鹽炸貢丸同炸秋葵。炸貢丸好香脆，加上椒鹽調味，令到貢丸更加惹味。秋葵都係炸到脆卜卜，仲要唔油膩👍🏻主食台式酥炸雞扒飯嘅主角雞扒外脆內軟，加上肉質好厚實，好有口感，而且滷肉嘅味道好香，用嚟撈飯一流，話咁快就清晒成碗。仲有朋友嘅滷水牛三寶麵入面有齊金錢𦟌，牛筋，金錢肚。牛筋超好食，入口口感軟腍，而金錢肚就非常之爽口，湯底味道濃郁。