源記餐廳

營業中

休息中

源記的招牌牛三寶是采用祖傳的鹵水汁秘方炮製，色﹑香﹑味俱全。招牌三寶的“崩沙腩”是香港食客的至愛，更是寶貴的牛食材。牛肚即是有名的金錢肚，再加上美味的牛筋，食客絕對會“食過返尋味”。“崩沙腩”真是不得了，烹煮得非常入味爽滑，配合鹵水汁非常香濃。馳名的牛肚新鮮且肉汁豐富，牛筋入味很有口感。牛丸及魚蛋爽滑彈牙，魚皮餃紮實用料正中，墨魚丸香味充足，再加上紫菜，便成為一道潮州美食。

節日氣氛濃烈, 加連威老道迫爆, The One針插不入, 等電梯都要兩輪. 自從遊客與本地人不同價的新聞後(有興趣在網上找吧), 已很久沒有去源記了, 希望轉新裝修和新形象後會改過自新吧. 下午茶時間, 醫醫肚, 一碟叉燒炒飯. 材料不算多, 叉燒五、六粒, 火腿碎數片, 蔥花一些, 沒有蝦, 沒有最喜歡的雜菜粒, 一部份飯身尚算粒粒分明, 但可能臨近聖誕新年, 師傅假日心情高漲, 炒得比較求其, 落镬時間不足, 一部份飯仍然粘起一舊未散開,顏色白白未著色. 無論如何, 整體炒得乾身少油, 入口仍算爽口, 味道不俗. 餐飲奶茶, 熱度差一些, 奶味夠重, 茶味略簿, 特細瓦杯, 唔夠喉. 值得一讚: 超強辣椒油, 勁度十足, 落些少已經不得了.

近來常去尖沙嘴, 今日同Honey嚟行街, 佢話陪我去'事但一間茶記'嘆下午茶, 叫我選一間。。。因為我突然說要飲杯凍鴛鴦...當然要配隻炸脾啦! 以前常來尖嘴的時候都會嚟呢處又或者去小斜路上那間店吃芝士丁麵...今日Honey任我選, 我當然選間坐得略為舒服因為店面略大座位較多唔需花時間等位的...不過我都預咗佢實'哦'我話唔掂嘅, 因為我知佢的要求, 果然又中! 我倆都想吃炸雞脾, 所以一齊叫, 一客配沙律, 另一客配和風炸薯條, 看似OK, 一切開...大家的脾都'唔OK'喎, 仲要Honey嗰碟再差啲, 佢即刻笑我話咩都放入口, 啲咁嘅嘢都帶佢嚟食...咁囉! 因為佢隻雞脾除咗有血水, 仲要有一啲"炸過火"的邊邊唔食得, 又乾又鞋, 真係呀! 和風薯條其實就係灑咗啲紫菜碎响面, 都有啲係炸過籠同又有幾條係未炸透實的的嘅, 我都無話可說. 我嗰份反而好啲, 隻脾無出事, 沙律又係"平平"。。。一般茶記沙律, (但以前去九龍城'世興'好食啲---早幾個月執咗笠, 因世興個醬撈得好味啲, 又比佢多咗椰果) 杯凍鴛鴦就普普通通唔算濃 (用個準則比大家知...九龍

到港第二天一早在龙城买了化妆品后，在这家店吃的早中饭。老婆点了叉烧饭，老婆觉得叉烧有点肥腻，我倒觉得OK；我点了烧鹅双拼饭，有点冷掉了，不过还是很好吃。还有一个卤味拼盘。强烈推荐卤味拼盘，牛肉牛肚超级嫩，但是不柴不烂，可以卤得如此入味，而且吃完一点都不口干，香港人实在是太幸福了，上海可吃不到这样的味道。

唔好去錯新既源記(係the one 對面), 因為我覺得果度已經過度翠華化。源記卡位較逼, 但圓臺鬆動, 服務不錯, 效率普通, 最出名係叉燒。位置方便(我), 有bar而且成條街都係食, 是日叫左凍檸水同叉燒飯, 要半肥瘦。凍檸水如常有水喉水味, 但我無乜所謂, 因為好多茶記都係感, 凍檸片係比較多, 喜歡酸或者貪小便宜既朋友就最開心(我兩樣都中), 而叉反如何? 大碟, 偏肥, 瘦位唔柴唔諧, 肥位唔膩, 無噥無黑邊, 唔會太多糖汁係邊唔會太甜, 但就鹹左dd, 小弟非常喜歡食叉燒, 呢度既叉燒唔錯, 飯就普通。衛生方面就普通茶記檔次。反正係呢頭, 一係譚仔, 一係源記, 一係就果間泰國野。

晚上和友人在諾士佛臺通宵達旦一整夜後，到了早上六時多，便到附近這間茶餐廳吃一點東西。先來一碗崩砂腩河。崩砂腩是牛的橫膈膜，筋膜連少少肉。因為腩肉和膠質層層相隔，所以帶點口感煙韌。略嫌這裡的崩沙腩吃下有點黏牙，而且牛味不算濃，但勝在肉質算肥美，而且湯底也做得很清甜，配合爽口彈牙的河粉同吃，口感不錯。當然這裡的腩沒有"華姐"、"大利" 的那麼好吃，但在茶餐廳能吃到一碗合格的崩砂腩河，算是不錯了！火腿鮑魚通粉： 以雞湯作通粉湯底，是一般茶餐廳供應的鮮味。一貫也是以火腿切絲加幾片鮑片置於通粉上，雖然通粉一點咬口彈牙也沒有，但通粉吸收了湯汁，吃下也算甜美。吞拿魚三文治烘底：吞拿魚感覺有點吝嗇，而且做得有點馬虎，隨便把吞拿魚蓉搽在方包中央，再加兩片小生菜，吃下沒太大驚喜。早上來一杯冰凍檸茶，酸酸甜甜，頓然間人都精神了。

金巴利道的源記分店,是老公以前的打躉地。所以時常向我提攜─源記。到過”舊店”,覺得不外如是的茶餐廳吧。今日到加連威店,裝修過,有點翠華感覺,而食物卻是很有自己風格。很多價錢around$85-$110的招牌牛乜牛物、其他的撈丁之類。我們叫了牛雜$64,整體每部份也很入味,很腍,腩汁不太咸。奶茶有點茶澀味,飲完,茶味仍留在口腔中,不錯。而家去尖沙咀逛街食野,”源記”也成了我的選擇之一喇。

同朋友一共4人宵夜時間去食野,一名伙記先黎落單,開始已經好唔耐煩o既樣,朋友點了燒味(應該係燒鵝),轉頭佢番黎話賣晒,食第二樣,得番另外3樣,咁我個fd諗左陣,想轉食其他野,o個位伙記已經勁唔耐煩,又行番去水吧o係度指手畫腳話我地慢....佢地D menu係放o係檯面o既玻璃下面,如果你坐唔正o個個位就睇唔到,咁我朋友問佢可唔可以另外拎一張黎睇,佢竟然唔理走左!!!跟住另一個朋友再問另一個伙記,今次佢就有去拎,但畀我地時用好差的語氣叫我地 '攞去啦!拎番屋企慢慢睇!'就係咁,我地就非常唔愉快地食左一餐,以後,你請我都唔會去.

在金巴利道的分店,是老公以前的打躉地。所以他時常向我提攜,源記。我到過”舊店”,也不外如是的茶餐廳。今日到加連威店,裝修過,有點翠華感覺,而食物卻是很有自己風格。很多$85-$110的招牌牛乜牛物、其他的撈丁之類。我們叫了牛雜$64,整體每部份也很入味,很腍,腩汁不太咸。賣相,味道也好得。奶茶有點茶澀味,飲完奶茶味,仍留在口腔中,不錯。而家去尖沙咀逛街食野,”源記”也成了我的選擇之一喇。

在尖沙咀差不多隔一條街就有一間源記，在加連威老道的源記剛剛裝修及擴張，很有翠華的感覺，記得曾在翠華食過的奶油豬一直念念不忘，今天竟然在源記看見餐牌有奶油豬，急不及待叫了一個，也叫了一碗牛腩牛肚米，菠蘿油及熱華田~牛腩牛肚米的牛腩、牛肚煮得入味，充滿牛味！我個人不太喜歡清湯腩，太淡味了，還是潮式最好味！菠蘿油就麻麻地，重點的菠蘿皮一點也不脆，麵包還有點黏牙！至於主菜奶油豬就真的沒缺點，夠熱！個皮焗得很香脆，不像澳門豬扒飽的硬，塗上滿滿的牛油及鍊奶，超級美味！一試難忘~

尖咀下午去食源記12點都唔使等位烈日當空行入去座位都寬闊有一米X一米冷氣夠得22度半室內燈光夠光猛可以好清楚咁望真成間店既佈局詳細咁寫OPENRICE食評間店長方形近門口就風水去因為向南食起來好醒神我叫左杯凍啡超好飲啡好凍凍過九巴上層溫度有時茶餐廳d凍啡會酸可能係假啡依間d凍啡拍得住Starbucks大家都唔使去Starbucks啦支持下香港出品發揮自助互助精神食了七彩炒公仔拉麵等左好耐成15分鐘等到訓著左發左個夢起身見到佢炒左出黎係一碟公仔麵係即炒幾好食夠熱, 公仔麵整得好出色彈下彈下好有彈性七彩之意係銀芽火腿同蝦人咁解食左銀芽, 即係口中叫出銀芽一句好好味呀, 未食過咁好食既銀芽火腿係嚴選金妹牌, 我食得出整到好有豬味好難得囉蝦人係成隻蝦有2CM有4粒,真係落本係個色就唔七彩囉~

今日行過尖咀找快飯吃,想找間普通茶餐廳,剛巧路過這間就進去了,入到去卡位全都滿了,只好坐圓台,睇下有乜食啦,發現無晚餐,得個燒味套餐,但又唔係好想食燒味,就睇下有乜可以散叫,發現個餐牌真係睇到人眼殘價錢真係檬到要睇幾秒,終於找到廿幾蚊的野食,就係湯粉麵,我就叫咗碗墨丸河,友人A都叫咗碗麵,友人B叫咗個芙蓉蛋飯,等咗7-8min終於有得食,個湯底幾油下,味道唔錯,墨丸都係普通貨,河粉幾滑,在我們吃了15min先知道,芙蓉蛋飯漏單了要再等多大約10min先有,差點就想唔要走人了,我地之後又趕時間,飯到了後友人B用光速OK咗碟飯,成個過程用咗45MIN,結果一D都唔快..........................

乜美麗華後面o個絛街唔係有好多韓國野食架咩? 點解冇晒嘅?o甘唯有食源記啦!啱啱食幾好食, 食食下覺得d粉太厚, d肉太硬幾好, 好濃味, 不過有d燶

光顧源記已經是5年前的事，以往一直覺得源記沒有一樣好吃，是普通一間舊茶餐廳，但近年從新裝修，也追上新一代茶餐廳風格，今天到通利琴行買香港小交響樂團門票，沒吃午餐所以肚子十分餓，便隨意找間食店！香港飲食文化～香港食店佔全港最多必是茶餐廳，快靚正，肚餓首選！看見門口常餐(飯類)餐牌，雙腳已踏入了源記，侍應招待入座，而且關注未order的食客，快快看了枱上的餐牌，正是下午茶時段，相信下午茶餐份量不足夠填滿我的肚子，所以還是點了兩個常餐~杯子白色有茶漬～待改善！咖喱汁頗多味濃，若果喜愛汁多的食客必定LIKE~薯仔份量亦夠多，但魚柳用了太多粉漿去炸，而且魚柳切得好薄，幾乎吃每一件魚柳炸漿多過魚柳，還是咖喱汁較好！友人覺得好好味，豬扒夠腍，奉上汁的份量剛好！結果友人很快便食完，我只是食到一半，哈～因為我顧住影相兼問友人～好食嗎？haha~~

當天剛好路過附近, 所以便嘗試一下 入到坐下後才發現那麼貴的早餐 先來看看餐牌:-相片不太清楚, 先來介紹餐牌有什麼吧!特式早餐 :A) 吉列豬柳雞肉腸 (配炒蛋+牛油方包) - $28.00B) 鮑魚火腿通粉 (配炒蛋 + 牛油方包) - $30.00C) 牛奶麥片 (配牛油厚多士) - $26.00想細看有什麼東西吃也不行, 2位亞姐不停咁問你點什麼, 超煩....算吧. 就點 : B 餐 配奶茶看不到那裡特式早餐, 一點也不好吃奶茶-超重奶味如真的特式及美味的話, $30.00 一點也不貴, 但是一點也不好吃, 不值這價錢吧本人是奶茶痴, 如奶茶是超好飲的話, 也不會覺得貴, 但是