影片
更多
2012-11-19
74 瀏覽
近來常去尖沙嘴, 今日同Honey嚟行街, 佢話陪我去'事但一間茶記'嘆下午茶, 叫我選一間。。。因為我突然說要飲杯凍鴛鴦...當然要配隻炸脾啦! 以前常來尖嘴的時候都會嚟呢處又或者去小斜路上那間店吃芝士丁麵...今日Honey任我選, 我當然選間坐得略為舒服因為店面略大座位較多唔需花時間等位的...不過我都預咗佢實'哦'我話唔掂嘅, 因為我知佢的要求, 果然又中! 我倆都想吃炸雞脾, 所以一齊叫, 一客配沙律, 另一客配和風炸薯條, 看似OK, 一切開...大家的脾都'唔OK'喎, 仲要Honey嗰碟再差啲, 佢即刻笑我話咩都放入口, 啲咁嘅嘢都帶佢嚟食...咁囉! 因為佢隻雞脾除咗有血水, 仲要有一啲"炸過火"的邊邊唔食得, 又乾又鞋, 真係呀! 和風薯條其實就係灑咗啲紫菜碎响面, 都有啲係炸過籠同又有幾條係未炸透實的的嘅, 我都無話可說. 我嗰份反而好啲, 隻脾無出事, 沙律又係"平平"。。。一般茶記沙律, (但以前去九龍城'世興'好食啲---早幾個月執咗笠, 因世興個醬撈得好味啲, 又比佢多咗椰果) 杯凍鴛鴦就普普通通唔算濃 (用個準則比大家知...九龍
近來常去尖沙嘴, 今日同Honey嚟行街, 佢話陪我去'事但一間茶記'嘆下午茶, 叫我選一間。。。因為我突然說要飲杯凍鴛鴦...當然要配隻炸脾啦! 以前常來尖嘴的時候都會嚟呢處又或者去小斜路上那間店吃芝士丁麵...今日Honey任我選, 我當然選間坐得略為舒服因為店面略大座位較多唔需花時間等位的...不過我都預咗佢實'哦'我話唔掂嘅, 因為我知佢的要求, 果然又中! 我倆都想吃炸雞脾, 所以一齊叫, 一客配沙律, 另一客配和風炸薯條, 看似OK, 一切開...大家的脾都'唔OK'喎, 仲要Honey嗰碟再差啲, 佢即刻笑我話咩都放入口, 啲咁嘅嘢都帶佢嚟食...咁囉! 因為佢隻雞脾除咗有血水, 仲要有一啲"炸過火"的邊邊唔食得, 又乾又鞋, 真係呀! 和風薯條其實就係灑咗啲紫菜碎响面, 都有啲係炸過籠同又有幾條係未炸透實的的嘅, 我都無話可說. 我嗰份反而好啲, 隻脾無出事, 沙律又係"平平"。。。一般茶記沙律, (但以前去九龍城'世興'好食啲---早幾個月執咗笠, 因世興個醬撈得好味啲, 又比佢多咗椰果) 杯凍鴛鴦就普普通通唔算濃 (用個準則比大家知...九龍城順興比佢好飲), 不過我都收貨嘅, 我嘅諗法係, 32蚊, 尖沙嘴區, 我又行到累累哋, 幾十蚊任坐唔趕客、有闊落同OK用得過唔污糟嘅洗手間、有強勁冷氣嘆、唔算嘈(因八成滿), 都算係咁啦! 希望佢哋會做番好啲...
題外話係, VIP房今日又係坐咗自由行客, 一個個行李箱, 下午茶時段吃飯及炒粉麵, 三個大人, 兩位"小貴賓"妹妹除晒涼鞋'洞起晒腳'食嘢, 天一半地一半跌到個地一地都有啲咁, 食緊都仲要大吵大叫無端端又唔知嘈咩~ 好不熱鬧呢! 哎呀~~~ 其實我上幾星期同再之前去龍城药房買嘢後自己嚟食都係見到'自由人'幾個拖晒喼又係坐咗入VIP房食, 就算3個明明可以放卡位, 店方都俾佢入房坐 我都有諗過店方淨係優待自由人, 將間房作為VIP房係厚此薄彼....但當你坐多陣就會明其實店方安排得好好, 免得大家文化差異引起雙方不快, 因為都幾"蔚為其觀"....所以人哋咁處理總有人家的原因...
好的, 今日就係咁! 其實呢處食物一般, 但我'有需要'都會再嚟嘅...
張貼
