湊湊火鍋‧茶憩 (如心廣場二期)

營業中

休息中

同🤴🏻食咗餐好差嘅晚飯，再黎食咗個難食嘅雪糕，佢憤怒到極點，就算飲埋汽水都救唔番😓😓好彩佢肯飲 ‘ 湊湊 ’ 嘅 ‘ 茶米茶 ’ ，睇吓順唔順得返條氣先😗😗～～～經典珍珠奶茶🧋～～～經典果然係經典，香香嘅奶味，唔會蓋過茶嘅香味，同茶味嘅配搭比例十分完美，珍珠為細粒款嘅珍珠，一啲都唔硬，唯一嘅缺點係珍珠唔夠甜有啲可惜😅😅🤴🏻飲完即刻甜番晒🥰🥰仲要呢杯係我哋集點卡上飲嘅第4杯，原價$27，依次係免費嫁，唔洗錢嫁🥳🥳

午餐時間食有85折算係幾抵，閒日下晝冇乜人，坐得舒服牛肉叫了小牛排，二百幾蚊，肉質靚蔬菜大盤，擺盤很靚，所以百幾蚊係手工錢唔係菜錢花膠湯底濃，但花膠匙豬皮多D總結如果八五折時間值得回頭😌

我初時電話打去book枱，佢夠膽我講full晒🤔心諗平日咋喎，佢個場咁大，乜真係咁好生意咩🤔🤔🤔結果我係OpenRice訂到枱！去到都係坐得六成人左右，坐低成15分鐘先有人比Menu我哋同簡單介紹，點完餐之後就冇人理過我哋全家，仲要係叫都冇人應嗰隻😡咁我老公想飲啤酒咪自己去攞，跟有個無水洗面既阿姐好緊張咁走埋嚟，話我哋唔可以自己攞，我即插阿姐話如果你哋有服務嘅話我梗係唔想自己攞啦，我要俾加一服務費㗎！重點係佢成間公司有八成員工都係冇水洗面，呢個價錢咁嘅服務，咪玩啦🤬🤬🤬屋村酒樓都高質過你哋

環境算ok 食物都叫ok 但服務態度差到一個點  尤其是有個金毛男 可能啱啱俾女飛 態度差到冇朋友  又懶到出汁 叫佢做嘢好似我殺咗佢全家咁款  擺明想趕客, 唔會再幫襯🤬🤬 （啱啱睇到下面留言話原來好多人都投訴態度差）大佬呀 你啲食物又唔係好食到一試難忘 又唔係平到窮人恩物咁款  一個三色鍋底都差不多$600  5個人食唔太飽都要$2xxx  之前9:00 pm 行過門口  都會有好多人等位 今晚星期日 8:00Pm 水靜河飛，呢間餐廳真係要好好檢討檢討  如果唔係  應該好難做落去😫

湊湊嘅分店呢幾年越開越多之前喺銅鑼灣分店食過今日同屋企人喺荃灣分店一齊食個火鍋午餐⬇️醬料區佢嘅醬料區選擇好多你講得出嘅佢幾乎都有香港比較少見嘅有香菇醬同香辣海鮮醬不過我最想提嘅其實係醬料區入面兩款前菜：魚皮同中華沙律呢兩款任添嘅前菜都好高質⬇️左：中華沙律，右：魚皮中華沙律味道調得啱啱好，唔會太咸好清新魚皮就辣辣地，好彈牙👍🏻我哋一行四人，叫咗個雙人套餐再散叫多個竹笙同魚籽滑套餐可以揀鴛鴦鍋適合我哋想食辣同唔食得辣嘅人腳組合⬇️勵志鍋+酸菜白肉鍋酸菜白肉鍋嘅料都好好味勵志鍋又可以鴨血豆腐無限添😌套餐其實都好多嘢食有一份牛肉以下呢啲就二選一🫶🏼豬肉/烏雞卷🫶🏼活蝦/鮑魚兩隻🫶🏼企鵝丸/芝士魚腐🫶🏼萵筍/皇帝菜🫶🏼冬粉/油條⬇️活蝦啲蝦真係超新鮮，一枱嗰時啲腳仔仲郁緊⬇️企鵝丸造型賣相100分，但食落好淋，一般般因為有朋友食過其實都話麻麻如果唔係因為套餐包埋應該唔會叫🫢⬇️竹笙呢個係散叫嘅竹笙，望落好似得好少但其實每一堆都有兩條左右竹笙吸晒啲湯底，好好味🤤⬇️沙冰食到一半，餐廳就會就比每人一杯沙冰係芒果菠蘿嘅味道⬇️梅子果凍食到差唔多尾聲，就比埋呢個梅子果凍我哋最後飽得滯，啲冬粉都無食到🙈🙈個魚籽滑忘記

天氣轉涼又到吃火鍋的季節湊湊火鍋湯底非常足料食材賣相又夠特別食妝鍋-紅顏花膠雞鍋$198喜歡美顏的女士必選湯頭濃郁配料豐富加拿大松阪卷$98豬肉卷成玫瑰花形狀真的對賣相一絲不苟墨魚漿企鵝丸$59企鵝造型非常適合打卡活生生基圍蝦$108大大隻蝦很新鮮扇貝$68湊湊精選肥牛$98肥牛質素不錯雖然不算非常驚豔蝦飛魚籽墨魚滑$68這個反而有驚喜，每一口也吃到一粒粒魚籽自助區還有免費小食黃金地瓜球可以無限添加最後不得不推介門外的茶米茶大紅袍奶茶$29幾乎每次經過也來一杯

2022-09-01開學日同女朋友去咗荃灣影相📸️影完就去咗荃灣西，如心廣場食飯🤗女朋友話想打邊爐🍲話口未完就見到間火鍋，湊湊火鍋🔥主打台式麻辣火鍋🌶平日中午時間，唔多人😊店員安排我哋坐兩人卡位，都好闊落🫙當店員講了解完收費，我就衝咗去拎醬料同食物🐕我哋點了，臺式麻辣鍋（鴛鴦鍋 ）138蚊鍋，超重麻辣香味，麻辣鍋有鴨血同豆腐，已經入曬味，辣度輕微，帶有少少麻，鴨血同豆腐真係多到食唔晒，啱哂鐘意食鴨血人士😇紅顏花膠雞鍋（鴛鴦鍋 ）138蚊鍋，花膠雞鍋非常足料，用料有飽魚，花膠，豬皮，濃稠湯底膠質豐富而質感較厚，好似食緊碗仔翅嘅口感，但唔好教太大火，會濃底，推薦湯底🥰美國特選級牛肩胛，158蚊碟，份量正常，牛肩肉油脂分布得好平均，口感有牛味，幾嫰滑，幾好食😋風味鴨腸，58蚊碟，份量幾多，擺盤幾特別，鴨腸浪係木架上面，鴨腸嫩脆爽口🦆牛百葉，68蚊碟，份量幾多，擺得好靚仔，新鮮爽口彈牙，必點🐮飛魚籽墨魚滑，68蚊碟，墨魚滑成嚿都報滿飛魚籽，食落口每啖墨魚滑都好滑溜，魚籽就好清脆，味道一流，必點🐟響鈴，58蚊碟，有八條，平通食開一樣味道，無乜特別，食完有d飽肚🤣午餐肉，28蚊碟，有六塊，味道似白豬

火鍋店係如心廣場2期1樓 夜晚去食都唔洗等位 直接walk in就可以了 每次經過都覺得佢門面好靚 環境真的很不錯 19蚊/1p茶位 包埋醬料 自助區有好多唔同醬料比你溝 餐牌上都有教你溝唔同口味的醬 eg.台式 港式 京味... 都幾貼心 總有少少水果 前菜 白飯任攞叫左番茄牛膝湯底🍅🐮好似幾特別咁 但味道真係無咩特別 番茄味囉🤣 同叫左幾樣送 (美國牛上腦🧠唔好嗌 啲肉超韌 咬唔開）基圍蝦都好新鮮🦐 隻腳係咁郁嚟郁去（睇得出枝竹插到佢好痛🙈咁我就快d淥咗佢黎食）你一邊食 啲店員間唔中會攞啲鴨血豆腐問你要唔要 (但我覺得唔好食好甜唔啱我口味）仲有送沙冰同梅子茶凍 個海鮮棒棒堂都係送架!!最後兩個人$700幾蚊埋單👅👅📝食後感：環境真係唔錯 好啱同朋友,情侶或家人一齊浪漫浪漫咁打下邊爐 味道還可以 價錢唔算好貴 不過都係火鍋放題抵食啲🤪

星期日book 左4點，諗住食早飯喇舖頭加埋10枱客都無喎⋯點左個$198 清涼椰子雞鍋⋯新品喎嚟到見到個鍋⋯呆左😯😯即係咁⋯咁嘅價錢比啲咁嘅質素食物比客人係咪過份左呢？！圖片只供參考得咁離譜？！收$198？ $19.8 差唔多喇嘛⋯出面啲配料、前菜⋯好多無晒又唔refill 啲服務員又舉極手都見你唔到喎差不多夠2個鐘要你埋單就會出現㗎喇呢間咁嘅湊湊鍋真係一次就夠無下次嗱⋯張相個4粒星唔係我比架係openrice 自己assign 落去嘅

真係無諗過會咁差，佢哋應該專注做打邊爐，唔好搞咩定食啦。我去過好幾間分店食打邊爐都幾好嘅，但係荃灣呢間就第一次，諗住試下佢哋D定食啦，點知真係好後悔，浪費晒D quota。唔只定食味道差，呢間D服務都好差。我同個 friend 叫咗個台式三寶麵（牛肉，牛筋，牛肚）+ 炸豬飯。 個麵來到真係嚇親，以為其他客人食剩湊一碗俾我咁，湯麵連湯都差D見唔到有。我自己屋企煮都好食過佢，差差差。 個豬扒鹹，肉燥唔好食，隔離嗰間台灣快餐好食過呢間多多聲。叫咗杯大紅袍珍珠奶茶，無茶味，得奶味。間鋪頭好似唔夠人手，遇溺式舉手都要等足5分鐘先落到單。佢哋應該考慮用 QR code 落單啦，upgrade 下啦。真心奉勸大家來呢間唔好食佢D定食啦，食完會唔多開心，睇下個餐來到時個樣就知道我呢餐食得有幾失落了。

好耐好耐無打過邊爐啦😭😭艱辛的日子下，飯總要食嘅今日忍唔住破戒一次鍋底我地叫左鴛鴦鍋，一次過試到台式麻辣鍋同酸菜白肉鍋: 麻辣鍋吃起來真的有台灣的風味，入口不會是四川的那種麻辣，反而是淡淡的十分舒服，鴨血QQ滑滑，而且很厚，豆腐份量很多，好好食😋😋😋酸菜白肉鍋有驚喜，飲落有濃濃酸菜味，格外開胃，配上豬腩片，味道鮮美濃郁而唔會好油膩💁🏻‍♀️美國特選級牛小排肥瘦適中，雪花紋好靚，大大片既牛小排淥一陣就食，好香😍💁🏻‍♀️伊比利亞黑豬肉豬肉片顏色好粉嫩，食落又脆又嫩，豬味好濃郁💁🏻‍♀️竹笙吸湯力超強，一咬開在口中爆發湯汁💁🏻‍♀️企鵝丸造型好可愛，啱哂打卡，食落好香墨魚味，夠彈牙👍

朋友回訪左幾次既湊湊火鍋，眼見疫情開始有緩和既跡象，一於跟埋佢一齊試下啦.🔹 台式麻辣鍋 & 酸菜白肉鍋 (鴛鴦)　評分:🙆🏼‍♀️🙆🏼‍♀️🙆🏼‍♀️酸菜白肉鍋: 自己唔太食得辣，揀酸菜鍋就啱哂啦，酸菜份量多，湯底濃郁，白肉好嫩夠入味😍台式麻辣鍋: 朋友好鐘意食辣，話台式火鍋一定要試下佢地既麻辣鍋🔹 美國特選級牛小排 🐂　評分:🙆🏼‍♀️🙆🏼‍♀️🙆🏼‍♀️🙆🏼‍♀️牛肩肉紋理分明，牛味濃郁又有嚼勁，因為有一定厚度，令牛肉同湯混和嘅時間多咗，味道都更豐富～～🔹海鮮棒棒糖🐟　評分:🙆🏼‍♀️🙆🏼‍♀️🙆🏼‍♀️🙆🏼‍♀️🙆🏼‍♀️用自家製既魚滑同蝦滑整到好似棒棒糖咁，食落口感爽口彈牙，賣相💯！.🔹 黃金鮮桔茶　評分:🙆🏼‍♀️🙆🏼‍♀️🙆🏼‍♀️🙆🏼‍♀️黃金鮮桔茶大大杯，打邊爐除左飲汽水之外，配台式茶飲又幾清新

湊湊嘅一大賣點係打邊爐嘅鴨血同埋豆腐任添。醬料枱上面仲有麻辣魚皮(第六張圖)、肉燥飯、海藻同埋生果任食(第七張圖)😋四人餐HK$1288，都幾多嘢食，有企鵝丸🐧、飛魚籽墨魚滑🐡(第一同第二張圖)、鮑魚(第三張圖)、豬肉🐷牛肉🐮雞肉🐤、基圍蝦🦐等等。打邊爐嘅時候仲可以叫埋奶茶(第四張圖)🧋奶茶有奶香唔太甜。食食吓餐廳請我哋飲細杯嘅芒果沙冰🥭(雖然太甜我冇乜點飲)，臨食完又送用茶同梅子整嘅啫喱(第五張圖)，都幾有驚喜。整體食物質素OK，性價比唔錯👍💰: HK$350 pp (Dinner)💝: 7/10

📸 湊湊火鍋‧茶憩開業咗幾年一路都未試過堂食淨係買過最出名既大紅袍珍珠奶茶茶香奶滑又唔會澀可惜珍珠係細珠😟 個人覺得大珠有咬口啲🍴雙人套餐 $698連自助吧 (唔叫餐既話 $19一位)🔸鴛鴦鍋底 8選2今次就試咗人氣最高既台式麻辣鍋同埋夠曬養顏既紅顏花膠雞鍋台式麻辣鍋食落唔辣湯底入面有鴨血同豆腐 仲可以無限追加花膠雞鍋可以當湯飲 濃稠湯底膠質豐富湯底入面有花膠雞粒鮑魚粒等🔸肉類 可選黑豬肉或烏雞卷黑豬肉雪花紋好似平時食既美國特選肥牛咁靚 淥完都唔會好硬 鞋口另外有一客特級牛小排牛肉肥瘦均勻 肉質軟嫩食落牛味濃🔸丸類 可選企鵝仔墨丸或者芝士魚腐企鵝仔墨丸啱曬打卡 細細粒好可愛🔸海鮮 可選鮑魚或基圍蝦鮑魚非常新鮮彈牙🔸菜 可選皇帝菜或窩荀 🔸主食 可選油條或冬粉呢個雙人餐份量十足2個女仔係完全食唔曬性價比非常高👉🏻 6點前可享85折優惠#wwh食勻荃灣#wwh_火鍋推介

椰子雞湯底 (6.5/10): 略太甜，還是花膠雞鍋最好，蕃茄牛膝骨鍋也不錯。麻辣鴨血豆腐 (8.5/10) 👍🏼 免費反而最好 羔羊肉 (8/10) 👍🏼 安格斯牛板鍵 (6/10) 「企鵝」墨丸 (7/10)松板魚糕 (4/10) 👎🏼大紅袍珍珠奶茶 (7.5/10) 👍🏼———————————————————————————⭕️總評：環境舒適，湯底不錯，首推花膠雞鍋。已翻食✅ 💵Budget: $250 pp (lunch)