湊湊火鍋‧茶憩 (如心廣場二期)

營業中

休息中

星期日book 左4點，諗住食早飯喇舖頭加埋10枱客都無喎⋯點左個$198 清涼椰子雞鍋⋯新品喎嚟到見到個鍋⋯呆左😯😯即係咁⋯咁嘅價錢比啲咁嘅質素食物比客人係咪過份左呢？！圖片只供參考得咁離譜？！收$198？ $19.8 差唔多喇嘛⋯出面啲配料、前菜⋯好多無晒又唔refill 啲服務員又舉極手都見你唔到喎差不多夠2個鐘要你埋單就會出現㗎喇呢間咁嘅湊湊鍋真係一次就夠無下次嗱⋯張相個4粒星唔係我比架係openrice 自己assign 落去嘅

真係無諗過會咁差，佢哋應該專注做打邊爐，唔好搞咩定食啦。我去過好幾間分店食打邊爐都幾好嘅，但係荃灣呢間就第一次，諗住試下佢哋D定食啦，點知真係好後悔，浪費晒D quota。唔只定食味道差，呢間D服務都好差。我同個 friend 叫咗個台式三寶麵（牛肉，牛筋，牛肚）+ 炸豬飯。 個麵來到真係嚇親，以為其他客人食剩湊一碗俾我咁，湯麵連湯都差D見唔到有。我自己屋企煮都好食過佢，差差差。 個豬扒鹹，肉燥唔好食，隔離嗰間台灣快餐好食過呢間多多聲。叫咗杯大紅袍珍珠奶茶，無茶味，得奶味。間鋪頭好似唔夠人手，遇溺式舉手都要等足5分鐘先落到單。佢哋應該考慮用 QR code 落單啦，upgrade 下啦。真心奉勸大家來呢間唔好食佢D定食啦，食完會唔多開心，睇下個餐來到時個樣就知道我呢餐食得有幾失落了。

好耐好耐無打過邊爐啦😭😭艱辛的日子下，飯總要食嘅今日忍唔住破戒一次鍋底我地叫左鴛鴦鍋，一次過試到台式麻辣鍋同酸菜白肉鍋: 麻辣鍋吃起來真的有台灣的風味，入口不會是四川的那種麻辣，反而是淡淡的十分舒服，鴨血QQ滑滑，而且很厚，豆腐份量很多，好好食😋😋😋酸菜白肉鍋有驚喜，飲落有濃濃酸菜味，格外開胃，配上豬腩片，味道鮮美濃郁而唔會好油膩💁🏻‍♀️美國特選級牛小排肥瘦適中，雪花紋好靚，大大片既牛小排淥一陣就食，好香😍💁🏻‍♀️伊比利亞黑豬肉豬肉片顏色好粉嫩，食落又脆又嫩，豬味好濃郁💁🏻‍♀️竹笙吸湯力超強，一咬開在口中爆發湯汁💁🏻‍♀️企鵝丸造型好可愛，啱哂打卡，食落好香墨魚味，夠彈牙👍

朋友回訪左幾次既湊湊火鍋，眼見疫情開始有緩和既跡象，一於跟埋佢一齊試下啦.🔹 台式麻辣鍋 & 酸菜白肉鍋 (鴛鴦)　評分:🙆🏼‍♀️🙆🏼‍♀️🙆🏼‍♀️酸菜白肉鍋: 自己唔太食得辣，揀酸菜鍋就啱哂啦，酸菜份量多，湯底濃郁，白肉好嫩夠入味😍台式麻辣鍋: 朋友好鐘意食辣，話台式火鍋一定要試下佢地既麻辣鍋🔹 美國特選級牛小排 🐂　評分:🙆🏼‍♀️🙆🏼‍♀️🙆🏼‍♀️🙆🏼‍♀️牛肩肉紋理分明，牛味濃郁又有嚼勁，因為有一定厚度，令牛肉同湯混和嘅時間多咗，味道都更豐富～～🔹海鮮棒棒糖🐟　評分:🙆🏼‍♀️🙆🏼‍♀️🙆🏼‍♀️🙆🏼‍♀️🙆🏼‍♀️用自家製既魚滑同蝦滑整到好似棒棒糖咁，食落口感爽口彈牙，賣相💯！.🔹 黃金鮮桔茶　評分:🙆🏼‍♀️🙆🏼‍♀️🙆🏼‍♀️🙆🏼‍♀️黃金鮮桔茶大大杯，打邊爐除左飲汽水之外，配台式茶飲又幾清新

湊湊嘅一大賣點係打邊爐嘅鴨血同埋豆腐任添。醬料枱上面仲有麻辣魚皮(第六張圖)、肉燥飯、海藻同埋生果任食(第七張圖)😋四人餐HK$1288，都幾多嘢食，有企鵝丸🐧、飛魚籽墨魚滑🐡(第一同第二張圖)、鮑魚(第三張圖)、豬肉🐷牛肉🐮雞肉🐤、基圍蝦🦐等等。打邊爐嘅時候仲可以叫埋奶茶(第四張圖)🧋奶茶有奶香唔太甜。食食吓餐廳請我哋飲細杯嘅芒果沙冰🥭(雖然太甜我冇乜點飲)，臨食完又送用茶同梅子整嘅啫喱(第五張圖)，都幾有驚喜。整體食物質素OK，性價比唔錯👍💰: HK$350 pp (Dinner)💝: 7/10

📸 湊湊火鍋‧茶憩開業咗幾年一路都未試過堂食淨係買過最出名既大紅袍珍珠奶茶茶香奶滑又唔會澀可惜珍珠係細珠😟 個人覺得大珠有咬口啲🍴雙人套餐 $698連自助吧 (唔叫餐既話 $19一位)🔸鴛鴦鍋底 8選2今次就試咗人氣最高既台式麻辣鍋同埋夠曬養顏既紅顏花膠雞鍋台式麻辣鍋食落唔辣湯底入面有鴨血同豆腐 仲可以無限追加花膠雞鍋可以當湯飲 濃稠湯底膠質豐富湯底入面有花膠雞粒鮑魚粒等🔸肉類 可選黑豬肉或烏雞卷黑豬肉雪花紋好似平時食既美國特選肥牛咁靚 淥完都唔會好硬 鞋口另外有一客特級牛小排牛肉肥瘦均勻 肉質軟嫩食落牛味濃🔸丸類 可選企鵝仔墨丸或者芝士魚腐企鵝仔墨丸啱曬打卡 細細粒好可愛🔸海鮮 可選鮑魚或基圍蝦鮑魚非常新鮮彈牙🔸菜 可選皇帝菜或窩荀 🔸主食 可選油條或冬粉呢個雙人餐份量十足2個女仔係完全食唔曬性價比非常高👉🏻 6點前可享85折優惠#wwh食勻荃灣#wwh_火鍋推介

椰子雞湯底 (6.5/10): 略太甜，還是花膠雞鍋最好，蕃茄牛膝骨鍋也不錯。麻辣鴨血豆腐 (8.5/10) 👍🏼 免費反而最好 羔羊肉 (8/10) 👍🏼 安格斯牛板鍵 (6/10) 「企鵝」墨丸 (7/10)松板魚糕 (4/10) 👎🏼大紅袍珍珠奶茶 (7.5/10) 👍🏼———————————————————————————⭕️總評：環境舒適，湯底不錯，首推花膠雞鍋。已翻食✅ 💵Budget: $250 pp (lunch)

諗住試新嘢點知出事同朋友見到個Menu都有幾樣嘢可以揀咁就入去啦 入到去打開佢哋個Menu同出面個Menu係唔同冇啊朋友想買嘅嘢 咁個朋友就轉食其他嘢啦但係我同我另外一個朋友想食嘅嘢佢居然話賣晒嗰一刻其實我有諗過走但我做錯咗一個決定就係俾機會佢我哋三個最後都一致嗌咗酸菜魚麵另外在加叫咗三杯珍珠奶茶食物等咗大概半個鐘先上枱非常之咁慢佢第一樣想嘅係杯珍珠奶茶本身我expect呢係細杯嘅點知佢冇問都冇問過我就幫我落咗大杯不過我就算啦因為其實佢杯珍奶好飲嘅跟住嚟酸菜魚麵佢哋完全唔會將嗰個好重嘅酸菜魚面嗰個盤放喺每個客嘅面前係要你自己搬都算酸菜魚個湯底個面大豆芽酸菜都冇問題但係舊魚就非常之有問題舊魚膠膠地咁既質感無魚味食落好怪 我應該勉強食咗半碗啲魚我放棄咗佢個鴨血豆腐鴨血冇事舊豆腐好難食佢仲跟咗碟肉燥油菜條又菜又少又淋到霉我另外兩個朋友都食剩好多冇下次唯一可以讚嘅就係佢哋願意為我個杯大到飛起嘅珍珠奶茶換落個外賣杯度

裝修非常講究 ，很有特色環境非常不錯的火鍋店， 幾乎全部都是卡位，有自己私人空間，午市套餐性價比高，70元以下有套餐, 陪隨不少有滷蛋，鴨紅，鹵豆腐，甜粟， 今次叫了兩個午市套餐，一個是酸菜魚，另一個是滷肉麵， 酸菜魚比較麻辣重，夏天悶熱，比想像中更 麻辣，要預備冷飲， 肉燥甘香濃厚， 味道適中，麵質順滑爽口。 整體份量豐富，環境不錯，回頭度高，性價比不差。午市時間並不多人，服務不錯。 回頭 味道質素性價服務環境衞生款式

湊湊嘅價錢比一般係真係有啲貴！人均價錢都$400起🫣不過呢間真係我食過咁多間呢個真係好高質！🤩最喜歡佢哋嘅服務，座位亦都好闊落最近佢都有個套餐算係最合理，六百幾有個鴛鴦鍋可以揀返兩款，今次都係叫返我最鍾意嘅花膠雞粒同埋蕃茄牛膝鍋侍應會叫你一開始可以飲咗先，未落材料之前，真係超足料！花膠又多，飲落去好濃郁有個牛小扒，有個豬肉，芝士丸，鮑魚，油條再叫多咗杯珍珠奶茶🧋呢間嘅珍珠奶茶都係我嘅至愛大大杯最後就係最鍾意嘅環節，食都差唔多，侍應就會拎杯沙冰，沙冰有啲熱情果味，可以中和返火鍋既膩👅同埋有個梅子嘅啫喱，酸酸微微嘅梅子😋

Ordered a bubble tea to go. Main problem is that there were NO boba into eh drink and whole whole cup was full of ice. Not only that, but the workers had bad attitude/ arrive and even had to wait a long time for the drink which was missing my boba. Absolutely disappointed and will not go to buy boba from them again. 外賣一杯珍珠奶茶 但係冇珍珠 仲要成杯都係冰。個店員落單時冇乜禮貌 仲要同好耐我杯嘢飲先做好但係仲要冇珍珠 真係好失望 唔會再去買

首先，啲態度勁串，無試過係香港食飯有咁既態度，食過cwb湊湊，嗰邊啲態度勁好。點知荃灣呢間食到嬲。點菜 正係識up頭。 要A冇A，就話無喎，語氣串到飛起。叫親 一係扮聽唔到一係扮忙。因為食得夜，個個黑面，好似覺得我地阻收工 一食完一樣就收碟，驚死我地坐得耐。明明叫左大紅袍，到食完先到，仲要變左外賣杯，細杯勁多，只少催左4 5次。收錢多謝都冇聲，走嗰時成班仲要係cashier 圍住傾計，byebye都冇句。最後個地板，油到不得了，再加上勁暗，真係爭啲跣親。

📍荃灣如心廣場湊湊火鍋 @coucouhotpothk 🍲 好耐冇去過台灣 超級掛住台式火鍋🥲🥲✨但係無老鍋又book唔到 所以就選擇咗去食湊湊火鍋😚😚🤍幾高性價比😋😋推介推介！🍲椰子雞湯底🐓 $198 清淡清甜之選！不過比起出面嘅椰子雞火鍋會再甜啲 唔鍾意超大陣椰子甜味就唔建議叫啦！🥩美國特選級牛肩胛 $158🥩美國特選級生肩胛肉眼 $138今次叫咗兩隻肉 一隻係牛肩 一隻係肉眼🥩🐮我覺得牛肩胛好食啲 冇咁柴皮！✨唔係放題形式嘅打邊爐寧願叫貴啲嘅肉🤣🤣🐧 企鵝丸(墨魚漿製）$59睇menu嘅時候已經見到依個企鵝丸好qq🐧六隻企曬喺啲冰度😍同埋味道都幾好 好過叫墨魚丸(´･Д･)」！🐟巴沙魚 $58依個係朋友recommend嘅巴沙魚！份量超多 有8-10塊厚切嘅魚肉！食落去超爽口同彈牙♪( ´θ｀)！✨✨🧀芝士魚腐 $49我冇放到芝士魚腐嘅相~不過味道都係一貫出色！芝士唔會太膩 有around 6舊！打邊爐必叫之選！🥦油麥菜 $38菜都冇驚喜架啦🤣🤣but 份量都幾多！🥬皇帝菜 $38不嬲打邊爐都超鍾意食皇帝菜~ 依間嘅份量都唔少！😋🧋冰翡翠檸檬茶 $28 超好飲同解膩~ 而且價錢都

成日聽人講食湊湊火鍋，自己就未去過，又唔知咩來頭🤔入到去先發覺原來是高級嘢，裝修好豪華，十分古色古香，但燈光稍為過於昏暗😎睇menu先知在內地已有幾十間分店，原來是大集團🤪我哋點咗鴛鴦鍋底，分別係老四川風味麻辣鍋🌶$138 同紅顏花膠雞鍋🐔$138。🥘鍋嚟到香噴噴，好香麻辣味，麻辣鍋入邊已經有鴨血同豆腐，入曬味😋湯底真係好正，辣度剛剛好，最值得一讚就係無限添加鴨血同豆腐🤭呢點已經值回票價啦！😍🥘花膠雞鍋非常足料，花膠明顯唔係用cheap嘢，女士們對它為之瘋狂😍湯底味道鮮甜，香菇熬製，味道更上一層樓。濃稠湯底膠質豐富而質感較厚，可以飲用先再打邊爐😋🥩美國特選級牛板腱$118牛肉好高質好滑身，好像食緊和牛，不過份量就唔多，因有多塊大白菜墊底😆🐧企鵝丸（墨魚漿製）$59呢個必食，外型已經好得意，打卡一流，食落好彈牙，好香墨魚味😋🦐基圍蝦$108好鮮甜，有八隻，不過有大有小。🥬時蔬湊湊（小份）$98擺盤幾靚，有不同款式蔬菜，不錯的選擇👍🏻🥢魔芋條$28未食過魔芋，其實無乜味道，爽口有益健康。🧋大紅袍珍珠奶茶（小杯）$24小杯已經是正常size，大杯真是好大杯會嚇親😅終於明白點解咁多人嗌珍珠奶茶

晚市放寬之後終於可以同屋企人出去刷餐勁既，今次揀左呢間台灣過江龍既湊湊火鍋，係出面打邊爐可以慳返屋企洗食材同洗碗既功夫，去左屋企附近既湊湊火鍋，餐廳採用古代風格，燈光昏暗其實都幾有情調，而且大部分都係卡位，坐得好舒服，空間感十足🍲湯底 - 椰子雞鍋🥥🐓湊湊火鍋有多款湯底供應，包括台式麻辣湯、四川麻辣湯、花膠雞湯、番茄牛骨湯、鮮菌湯等，我地今日就揀左個清甜既椰子雞湯，湯底有大量椰肉，十分雪白，落左新鮮既椰青水，就咁飲都好清甜，仲有紅棗同粟米，偷偷地飲左一碗靚湯滋補下先😌😌😌美國特選級牛小排🐄🥰肉類方面店員推介我地點美國舟選級牛小排，覺得佢肉味最濃郁，而且牛肉脂肪分佈好靚口感好正！竹笙估唔到連竹笙既擺盤都可以咁靚，竹笙吸收哂湯底既精華，食落好爽口，正❤️台式茶飲: 大紅袍珍珠奶茶大杯Size足足有660ml，非常抵飲，珍珠Q彈煙韌，茶底香甜茶味出，配麻辣火鍋吃，也能解辣呢