湊湊火鍋‧茶憩 (如心廣場二期)

營業中

休息中

岩岩2/6 6:00pm 如心分店我地3個人6:00準時入場（前2日卜左）坐低話按qr code落單 但網絡極差3部電話都連唔到線連貴公司wifi都有問題collect唔到之後問同事有冇其他位置可轉因為全程上唔到網 話其實張張枱都係咁 幫你人手落單 我無問題我地食左半個鐘 隔離枱就黎甜品沙冰，但佢地應該早我地小小黎無耐 又叫佢地用iPad打comments同吹單我見到隔離枱不滿 咪食完餐飯已經要人寫意見？如是者我地都同一遭遇食左一個鐘咪夠上沙冰岩岩好一個鐘上甜品啲語氣系吹我地走食到1:20分話得反30分鐘用餐時間再比iPad我地寫cm(唔知系咪見到我寫cm, 即刻走過嚟好緊張咁話第二頁可以唔洗填！）1:30要埋單全餐飯不斷吹同隔離枱一樣唔知我去左放提食咁仲要唔知以為我已經食到過鐘其實我地安心出行走系2小時2分鐘出到門口出面！其實貴公司定位系行服務為先而我地食左成千蚊 服務似去咗放提 咪夠2小時不斷比壓力叫我哋要準時走我想問如果8:00個轉入 會唔會吹單原來為左翻枱快 可以服務衰過茶餐廳每一樣野都有比錢而啲野都唔係即叫即到貴公司需要客人2小時以內必須交枱中途一小時咪夠就已經感受到壓力要我

火鍋控今次又介紹正火鍋俾大家啦😆😆台式既麻辣火鍋同酸菜鍋一向都係我心水6點前結賬離座仲有85折日頭都可以打邊爐啦☺️🔸台式麻辣鍋 & 酸菜白肉鍋 (鴛鴦)叫左呢個鴛鴦鍋一次過滿足哂兩個願望，酸菜白肉鍋既湯底有唔少既蔬菜熬煮而成，加埋大量既酸菜酸酸甜甜 ，湯底仲有唔少既豬腩片，帶有黑胡椒既香味，仲有冰粉係底，吸收哂湯底既精華👍👍麻辣鍋既湯底則以多種中藥熬製，再加入了紅棗、蓮子等熬製，麻辣之餘可嘗到湯頭的鮮甜😋。麻辣鍋可以自選不同辣度，而且有好多鴨血、豆腐🤣鴨血滑喐喐，煙煙靭靭，好食！豆腐吸晒啲汁好入味😝🔸 美國特選級牛小排切的厚度剛好😍不用滾耐就食到，牛味重而口感保到軟熟有口感，真心覺好味推介🔸伊比利亞黑豬肉每塊都好大塊，肉質唔會好乾身，而且又唔會好多脂肪！🔸企鵝丸為左呢個造型咁可愛既丸丸而叫既，真係好似真既企鵝係度游水咁，食落爽口彈牙，正😄🔸海鮮棒棒糖造型同個名都夠曬特別，原來佢係蝦同魚整成嘅棒棒糖，咬落去質感似食緊彈牙嘅丸，叫嚟打卡影相就最啱。🔸竹笙無論係麻辣鍋定酸菜鍋，配上竹笙真係一流！竹笙吸收左湯底既味道，超正！👍🏻👍🏻

最近晚市堂食重開，終於可以久違地約朋友去烚下烚下，今次揀咗呢間位於荃灣嘅台式火鍋店 - 湊湊火鍋，餐廳將台式茶飲同火鍋結合，呢個concept幾得意湯底款式都幾多，可以加鴛鴦或者三拼湯底，我地今日就揀左台式麻辣鍋拼酸菜白肉鍋.🥢美國特選級牛小排 - 打邊爐緊係唔少得肥牛，牛方面我地想食靚啲，所以揀左美國特選級牛小排，油脂分佈好靚，入口濃濃嘅牛味，口感都好軟腍，真係非常高質，份量都好合理，對得住呢個價錢👍👍.🥢企鵝丸 - 幾乎每枱都有叫呢個，造型賣相勁可愛💯放落個鍋度好似見住佢地去游水咁，用墨魚漿整成，睇得又好食😋.🥢梅子果凍 - 自家製既梅子果凍做甜品，甜度適中，酸酸甜甜既口感好清新.另外值得一提嘅係店員服務態度都好好🥰知我地第一次黎食推介我地揀啲必食既item，食到咁上下又送上乳酸沙冰，酸酸甜甜透心涼，呢間火鍋店一定會再嚟食，鐘意打邊爐嘅朋友仔都快啲嚟試下啦👍🏻

呢間邊爐店一直都想黎試，今次終於約左朋友黎呢間台灣過江龍既湊湊火鍋😜😜.椰子雞湯鍋呢個湯非常鮮甜，有好香既🥥椰子味，🐓雞味濃郁，入面有不雞件同椰子肉，雞肉嫩滑，湯既味道好鮮甜！👍🏻👍🏻🤤🤤.美國特選級牛小排牛肉味濃，油脂分佈平均，肉質鬆軟，一個字，正！🤤🤤.伊比利亞黑豬肉脂肪滲透肉內🐽豬肉清晰呈大理石紋般嘅 油花👃🏻肉味芳香濃郁，非常美味！🤤🤤.時令水果食飽仲可以去自助區拎生果，夏天食西瓜消暑一流👍🏻👍🏻

又係時候介紹大家去打下邊爐啦！依間台式火鍋店全港都幾多分店，今次就去左荃灣分店~ 店內充滿中式古代風。坐位間格幾好，鍋底就主打麻辣，酸菜白肉同椰子雞鍋。鐘意食辣嘅朋友仔就一定要試麻辣喇~自助配料區🔥呢度嘅醬料小菜係自助形式，有好多野揀，有台風，港式，京味，任你調。前菜有海帶都係仼食，作為前菜特別開胃，我就最鍾意食佢嘅小菜辣魚皮，爽滑彈牙，充滿膠原口感😋仲有切好嘅生果！今次有哈密瓜同西瓜，兩款生果都超甜❤️台式麻辣鍋 & 酸菜白肉鍋 (鴛鴦)🔥未放火鍋食材個鍋就已經有好多配料。湯底味道非常濃厚札實，因為除左香料味(例如花椒，八角，辣椒乾) ，仲會放入藥材。令整個味道辣得嚟唔會太單一🌶 鍋底仲會附送埋鴨血同凍豆腐，認真足料！入面有少量胡椒，酸酸辣辣好開胃，唔食得辣既朋友都無問題！企鵝丸🔥企鵝丸咁得意真係唔捨得食佢，用上墨魚滑整成企鵝既造型，放係火鍋入面夠彈牙，好好食😋美國特選級牛小排🔥份量好多，都算係厚切，值得呢個價錢！牛肉雪花均勻，記住熟廿秒就夠，如果唔係就太韌🤣台灣香腸🔥有時食台灣腸最怕食到成口油，湊湊火鍋既台灣腸完全合哂我心意，蒜味適中之餘又有咬口👍👍👍乳酸沙冰🔥值得一讚係，侍應中途派

邊個話夏天唔可以打邊爐？我呢個火鍋控就話一年四季都可以打邊爐啦，今日同朋友去到如心廣場入面既湊湊火鍋，餐廳係做單點火鍋，旨在保持食物質素😙酸菜白肉鍋加入豐富既酸菜，酸度是可以接受的。本身都有大量的娃娃菜、豬肉片等，落足料去煮，入口渾厚濃郁。麻辣鍋滾起嗰陣已經聞到辣油既麻辣味，相當香濃，配料有鴨血、凍豆腐、花椒八角等香料，愈食愈辣，辣得好過癮🌶🌶🌶肉類揀了美國特選級牛小排，肉質細緻軟嫩、牛味濃厚！有一定的厚度~食落有質感，不會太薄身😚私心推介大家試埋台灣香腸，鹹度適中又有咬口，配麻辣鍋特別好食😋湊湊既企鵝丸一上枱見到好QQ，原來係用墨魚漿做既，賣相已經好吸引，口感仲好煙韌又有彈性當然唔少得蔬菜拼盤，好豐富。有冬菇、娃娃菜、唐生菜、金菇等等…雖然個份量寫住係細size但係絕對足夠二人食！

數數手指真係有好一段時間無出街打邊爐🍲 荃灣既火鍋店都唔少，不過數一數二高質既一定係湊湊火鍋🤗店家提供多款特色湯底同埋高質食材，真係睇到人眼花瞭亂😍1️⃣台式麻辣鍋 & 酸菜白肉鍋 (鴛鴦)麻辣鍋原來內有乾坤，入面收埋左好多鴨血同豆腐，台式麻辣鍋會加入大量香料係個鍋入面，愈煮得耐就愈辣愈濃味🌶🌶🔥酸菜白肉鍋入面有滿滿酸菜同勁多勁多配料，湯底酸酸甜甜好開胃，又唔會蓋過食物鮮味，令人愈食愈想食🥢2️⃣企鵝丸呢個咁可愛既企鵝丸其實就係用墨魚滑整成，賣相滿分，食落啖啖肉夠彈牙😌3️⃣台灣香腸香腸既份量比想像中多，質感腍身，用黎打邊爐都幾特別 (平時多數都係用芝士腸打邊爐多🙈)4️⃣美國特選級牛小排色澤赤紅，肉味濃又有口感，絕對係火鍋必備配料之一5️⃣時蔬湊湊拼盤食左咁多肉要叫返啲蔬菜balance返，店家提供左一個時蔬湊湊拼盤，一次過試到16款新鮮時令蔬果，有油麥菜、生菜、皇帝菜、大白菜、木耳、南瓜、冬瓜、蟹味菇、金針菇、香菇、豆腐、番茄、粉絲、魚豆腐、紅蘿蔔等差唔多食到尾聲店員仲會送上乳酸沙冰，食完啲咁濃味既食物飲佢夠哂清新，爽呀😍

明明出席咗但係又同OpenRice講我缺席，之後要提供返收據，但一早都掉咗啦，點會估到你會咁亂咁琴，我仲早咗15分去啊，我原本訂6:15我六點就攞枱啦。打去諗住同佢講返叫佢修正返我係有去，但又冇人聽電話都唔知呢間嘢點搞嘅，食物係OK嘅，但係啲服務員就冇之前咁好啦，就好似帶位嗰條友啦，明明出席咗又話我冇出席，我最憎俾人屈㗎喇所以比列評佢。

大部分食物的味道和質素尚可，火鍋湯底味道足夠。但認為該分店的員工不足，和員工的態度不友善，而且經常要舉兩至三次手先有員工回覆，同時在請求加湯底或其他食物時經常漏單。服務水平有待改善

同朋友慶生 見舖頭裝修幾靚 心諗啲野食應該唔會差得去邊 就㩒飛排隊入去試下叫左個3層既海鮮拼盤($5xx)黎到最頂嗰層得幾塊葉做裝飾 中間嗰層啲海鮮勁度唔新鮮又霉又腥 最底嗰層啲牛既份量望落好多 但原來喺啲牛下面有層極厚既冰墊住 啲牛得嗰幾塊又韌 係難食過普通任食火鍋最平嗰個餐啲牛！！！一啲牛肉味都冇 啲牛放哂喺到但冇人想繼續食成間舖最抵食就係杯$33超大杯珍珠奶茶 其他野食真係不予置評 我地幾個frd都覺得大快活火鍋可能都好食過呢間野最後埋單每人$355 未試過俾咁貴但難食到咁 隔離牛氣任食都只係$288 仲要一定好食過呢間多多聲

食物本身貴，份量又唔多，有D野食仲要唔太好食，貼錢買難受，已經好誇張！然後員工服務奇差！望住D人企曬係到吹水都唔serve 客人，究竟呢間野有無提供staff training？定係太有錢唔休做呢？咁都得！？明明係火鍋店，但佢唔知點解要整到燈光咁昏暗，暗到連D野食熟未都唔係好睇到！自助醬料區D野求其放曬係到完全唔見有人清潔打理未食過咁差既火鍋店去到即使係lunch hour 都無幾多台客人，咁都做到D質素咁差點搞啊？

大家抗疫都好攰,又無得去旅行,又好掛住麻神,守身如玉成年,見緩和左先敢出黎除罩見人行行下見到間台式火鍋,膽粗粗又好興奮咁攞飛,點知一等就無左2個鐘....(等到一半走又覺得唔甘心)一邊等已經覺得餐廳環境好靚,闊落,小橋流水feel,岩晒鐘意打卡既人唯獨是偏暗, 好似入左蝙蝠俠套戲咁暗第一次食,柯打左個2人餐望比飲更濃,食過更好味,所以無激活到我味蕾,驚喜在,湯底原來有孤獨阿爸友人食友人話好食,貧僧戒左牛同自己凍肉鋪買差唔多新鮮帶小朋友黎一定要叫萵荀原來幾好食價錢: $$$$食物: 無想像中好食,味道普通環境: 舒適服務: 比其中一個女仔staff

見坐位寬敞，食物賣相好，已想試好耐，適逢宜家有優惠就去試吓。我哋叫咗個二人套餐再加個靚靚打卡肉其實只係個套餐都好夠飽啦。湯底叫咗個鴛鴦鍋花膠湯併台式麻辣鍋，個花膠湯熱咗後先飲湯後加水打邊爐。第一口真係出呼意料嘅好味，本來見咁杰以為唔飲，點知一碗又一碗咁飲，如果覺得太濃加水後味清一點都好飲，覺得補足滿滿啫喱台式麻辣湯係無四川麻辣咁辣，正合打邊爐有麻香味就夠，台式就當然有鴨紅(定豬紅)啦，個湯仲有點藥材味我鍾意，感覺健康保身一切都要感覺先行色香味嘛。2個湯底花膠好好飲，但打邊爐肉就會較淡要點醬汁作調味，麻辣湯較啱作打邊爐，可不用再掂醬，各有各口味食法。前菜有魚皮，有少少麻香至於套餐嘅肉，邊碟係牛邊碟係豬，我哋真係唔太分到，定係其實2碟都係牛我哋係叫咗1牛1豬。估計好味啲嘅係豬肉。下面呢碟係好味啲你哋話我知以下呢碟係咪牛？ 無上面過碟好，但2碟都好味。如果有紙牌介紹係咩肉會更好囉港女要打卡，當然點晒好睇嘅餸啦。企鵝墨丸，味道不過不失，勝在夠可愛，睇住佢係湯中游已開心，味道都會加分鮑魚味道未算係好鮮味，不過不失，又係上碟靚，完勝想呃like點咗豬勁肉，始終豬頸肉係較肥，口感會較肥膩。最後有個甜

價錢貴平真係因人而異但係的確五差 菜品多元化且新鮮無試過台式火鍋可以去試下環境比較昏暗 坐位都舒適唔會太逼夾枱比較大 帶小朋友去都五會太擔心會整親(都要顧好小朋友呢)

食過咁多間火鍋店，最愛嘅都係呢間，野食環境都係咁好！黎食嘅時候仲係禁晚市，突登晏晝黎食😂古式古風嘅裝修，燈光昏暗，每枱一個小area，好舒適好有私隱度嘅感覺呢度嘅醬料小菜係自助形式，有好多野揀，有台風，港式，京味，任你調。我就最鍾意食佢嘅小菜辣魚皮，爽滑彈牙，充滿膠原口感😋仲有切好嘅生果！今次有哈密瓜！勁甜🥲但等我打完邊爐諗住再食嘅時候，已經冇曬每次我哋都會叫麻辣鴨血，今次決定試新嘢！紅顏花膠雞湯底！一睇就知好補😆 打邊爐都唔一定係熱氣嘅，呢個湯底好足料！有好多舊雞肉唔再講啦，仲有好多粒鮑魚仔真係好驚喜😋仲有好多塊花膠嘅嘢，雖然我覺得識落似豬皮🤣湯底好好飲😂飲咗2碗湯，先醒覺要開始打邊爐，但係已經飲到飽飽地😂😂因為得兩個人，嘢食叫得唔多。每次都必點嘅黑豬肉同埋飛魚籽墨魚滑！豬肉食出和牛嘅口感，飛魚籽又好有口感，推介！今次又是新野，松阪豬。整到成朵花咁😂但係冇黑豬肉咁驚豔，一般般，而且成朵花得個好睇，雪凍咗好難搞，下次都係唔試啦🙊其他都係平常野。仲有叫咗杯大紅袍拿鐵，呢度嘅台式飲品又係好推介，好香茶底又唔膩，但唔記得影相，哈哈。鍾意飲呢個多過珍珠奶茶，麻麻哋咬珍珠最後佢哋都有送杯酸梅啫喱