海陽。居酒屋

營業中

休息中

第一次和家人來感覺食物有驚喜，今晚特別約舊朋友再聚舊，食物及服務也很不錯。叫咗兩個套歺再加點食物及清酒三個女仔share 已經很足夠。套餐有沙律、茶碗蒸、魚生、壽司仲有一個和牛丼飯，但係我哋好貪心，再加點咗不能不點嘅Kaiyo Roll，佢嘅碎吞拿魚及三文魚籽份量之多，我覺得一定滿足到所有鍾意卷物嘅達人，當然味道都唔會令人失望加點嘅海膽壽司也是海膽（幸福）滿滿，大滿足！是夜被安排坐喺歺廳最入面，環境清靜最啱邊享受美食邊傾計聚下舊，希望下次再聚！

餐廳服務態度10分差，我相信去平民米線店得到嘅服務都會俾佢好好多。首先到達門口罰企咗好耐，即使bar檯員工見到我都扮見唔到，亦冇通知其他waiter有客人等候被帶入座。等咗好耐之後先有waiter行過嚟，仲要眼尾都唔望下客人（我企正喺counter等候，雙眼一直望住佢）仲一路同其他員工講笑，當我正以為終於可以入座嘅時候，佢一轉身完全唔望我就走返入去間餐廳。我忍唔住問佢「hello？請問你見唔見到我？」佢先至施施然同我check booking跟住帶我入座。入到去，張枱又未執好，咁我提議不如坐某一張已經執好嘅枱，跟住佢話唔得。咁我就問「咁你原本安排咗邊張枱俾我呢？我係有book枱㗎，唔係Walk in」跟住佢先帶返我去原本我坐嗰張枱（終於執好）。其實我係晚市第一轉客，六點已經到，唔係好明點解可以未準備好。我同經理講述我嘅遭遇，經理道歉跟住就話送杯Icetea俾我（點知到最後側側膊入咗單😵‍💫好彩比我睇到，真係有啲唔誠實）下單時叫乜冇乜，所以我哋想keep住個餐牌睇吓轉頭加單，點知個waiter唔準我地keep住個餐牌，因為唔夠餐牌用（吓！？）轉個頭個waiter又默默咁攞返個餐牌返嚟，原

位於K11的食肆，以為大mall內的食物有質素保證，不過食物質素惡劣，叫人失望。食物份量少，但又不如fine dining般如斯美味。點了燒日本和牛海膽丼，和牛沒有寫grading，也沒有提及產地，連店員也不知。牛肉大概有七至八塊，但牛肉燒過後沒有入口即融感覺，口感比較瘦，而海膽也不太鮮甜creamy。價錢和食物質素不成正比。Kaiyo招牌壽司見openrice及instagram是打卡食物，用上魚子醬罐裝載，內有蟹肉、海膽、吞拿魚蓉、少量魚子醬及金箔。食物十分適合打卡，但味道一般，海鮮鮮味不足，魚子醬味道不足。紫菜片也不夠香脆。食物份量少，但叫價$300。其實還想點鍋物及一些小食，但當時只不過是八點但所有鍋物已售罄，比較吸引的小食竟然都沒有了。菜單上其實還有好多選擇，例如壽司、卷物、刺身等，但價錢不便宜。看到鄰座點這些食物覺得還好沒有order，因為賣相普通不吸引，只是廉價連鎖壽司店的貨式。同等價錢尖沙咀其他地方可offer更好而且更便宜的價錢。店內人手不足，舉手良久也沒有職員招呼，落單埋單時舉手舉到嬲。有職員走過看到只說轉頭幫忙，但轉頭卻忘記了。餐廳性價比底，overprice，不

經友人介紹來一試此居酒屋，原來就是在Velo旁邊, Velo則未必會再去。週末中午人流頗多，幸好早在open rice訂了位。先點了雞泡魚干，味道適中。五點刺身新鮮可口，酥炸廣島蠔，外脆內軟，也很好味。後加了雜錦天婦羅稻庭冷烏東，天婦羅份量稍為少。最後來個大阪燒魷魚圈則一般，可以不吃。整體餐飯不俗，座位也寬躺。

睇食評知道K11 musea 有間叫KAIYO 好出名，今次終於有機會嚟試。內裏裝修十分高雅而且好有情調，今次晚餐我哋點咗鍋物係美國和牛鍋，入面有美國和牛、日本豚肉、自家製餃子、招牌魚蛋、田園時菜、稻庭烏冬、仲有甜品。另外再叫咗海鮮丼，入面嘅材料都係時令嘅新鮮刺身，所以未必每次嚟都一樣，今次就有海膽、赤海蝦、蟹籽、帆立貝、蟹鉗、三文魚、吞拿魚、青魚等刺身在內。美國和牛鍋首先上嘅係前菜，都係日本傳統嘅沙律，好有日本嘅感覺。跟住係上燉蛋，暖笠笠每一啖都好滑好香蛋味。之後和牛鍋物絕對好味，因為美國和牛除咗脂肪分佈平均，比較上重牛味我好鍾意。魚蛋、豚肉、自家餃子都係好有日本特色而且製作別緻。食烏冬襯埋鍋嘅湯底食絕對係一流，提提大家，仲有隻生雞蛋畀大家食和牛時可點。重點要提係個海鮮丼，入邊每樣嘅食材都真係好新鮮，相信都係日本直送，特別係海膽口感絕對一流，到而家都好回味個味道，下次有機會同朋友嚟K11 musea 我一定會再嚟KAIYO。

開得向呢個位置，都期盼有番咁上下既水平平時都好少會不滿餐廳…但呢餐飯真係好失望店員安排位置後，好求其咁放左兩本menu落食野既碟上面…先唔講本野有幾污糟，正常都唔會放碟 一係放飯枱 一係直接俾個客跟住從我地坐低 到落完單 都冇主動過來斟茶要叫先有人過來 食飯期間，我地叫過一次幫手加茶，張枱有三個空杯，個侍應淨係斟左一杯就走左去😅第二 一上菜，我都呆左未見過咁求其既卷物，大小高低不一，連外帶壽司都冇咁樣衰…講緊呢碟野 係值$68 定$78 第三，當叫既野食都食得七七八八，見有個吉列蝦手卷仲未到，我地詢問侍應會唔會漏左單 侍應當時回覆係 師傅整緊但呢個手卷係一坐低就叫咁都算啦 等多十零分鐘前前後後 從落單開始 至少有50分鐘 我地食曬全部野食都唔黎 就算數叫佢地埋單 同埋取消左佢個侍應一啲抱歉既意思都冇 😓 仲用好串既語氣俾單我話 取消左個手卷啦大佬 你地自己漏左單 俾機會你又唔上 好明顯係你地做得唔好 都可以咁既態度至少其他食物 我地叫左九件壽司、一份叉燒拉麵、焗蠔、烤章魚同上面份卷物兩大一小 埋單 約$850 老實講 如果你食物質素好少少都冇咁嬲但食物又唔算話高質、份量又偏少，服務又差

話說朋友生日。佢知道k11 musea開咗好多食店想食下。見最近個市好返少少。就請佢嚟食日本嘢啦。我地book左星期二夜晚7點鐘，入座嘅時候已經半滿。我地被安排坐係L型嘅餐枱。咁樣傾計就會方便啲😂睇咗一陣餐牌我地最後叫咗壽喜燒美國和牛鍋。加州卷，鰻魚天婦羅，玉子燒同埋茶碗蒸。先上嘅係茶碗蒸，茶碗蒸旦味濃郁，而且入面有勁多配料。味道唔錯。再嚟嘅就係天婦羅，鰻魚肉唔會死實實，而且唔會話炸得啲魚太過老。加州卷上面有勁多蟹料。多到直情係滿寫出嚟。對我呢個蟹子同控嚟講。 我超鍾意食。玉子燒蛋味濃郁。美國和牛壽起燒。牛肉肥瘦均勻。最後我向大家推介，一定要叫佢個雪芭嚟食。我哋分別點左菠蘿雪芭，同埋椰子雪芭。特別係椰子雪芭。超好食。我同朋友都食到停唔到口。整體來講雖然呢一餐價錢可能會比較貴少少。但係我覺得係食物質素，環境同埋侍應嘅服務態度方面。絕對值呢一個價。 同埋有時都要對自己好啲嘅。間唔中咁樣一餐半餐都可以係對自己嘅一種鼓勵。

位於尖沙咀 高質日本居酒屋🏮平日8pm 仍然滿座 所以記得預先book枱🥰今次適逢生日 就揀左係度慶祝 整體好滿意🤍鰻魚玉子卷$138極長而厚身既鰻魚 佈滿鰻魚汁 味道好香濃😚配埋玉子 同埋雜菜🥗🥬 中和返醬汁嘅濃味~碎蔥吞拿魚腩卷$118有6件既小卷🙆🏻‍♀️但吞拿魚腩一啲都唔小🤣滿瀉既吞拿魚腩 食落既新鮮又滿足 讚👍🏻龍蝦蟹籽沙律$78開胃小食 帶來驚喜👏🏻 每啖都有龍蝦肉😳而且食落去凍凍地 增加食慾 配紫菜食 正😋燒黑豚肉白蔥串燒$48燒白鱔$98燒物唔算等太耐 即點即燒 熱辣辣🔥兩款味道唔錯 冇加太多調味料 可以品嘗到食材既鮮甜🤪天婦羅烏冬 冷$188飽肚之選😆冷烏冬份量好多 質地彈牙😍天婦羅🍤係店鋪既名菜~可多款可單點😎炸粉好薄 亦好鬆脆 炸蝦好好食 想再食🤤白桃梳打$58朝日生啤330ml $68

由於之前K11做會員送了k dollar 所以就去搵間餐廳試下場。就選了過間日式店。 入面有4人枱同吧台選擇。我地兩個人就坐番兩人枱好了。 地方都幾大 但兩枱之間就比較近，唔知係咪人手不足 要叫很耐才有職員來落單，而落單職員 落單速度比較慢 要讀3次先寫完一度菜。我地叫了 明太子冷烏冬。牛油果軟學蟹卷，京蔥吞拿魚腩卷，燒雞脯魚乾，茶碗蒸，炸番薯天富羅。冷烏冬，雞泡魚乾最推介 味道最好其他就普通點。價錢偏中上。 性價比不高。

kaiyo壽司係一款可以自己包的壽司，仲要擺盤勁靚，睇得又食得。吞拿魚蓉，海膽，三文魚子放係類似魚子醬罐入面，仲有金箔+魚子醬做toppings，顯得格外高貴。配上紫菜自己鍾意包幾多都得。一啖可以食晒咁多種食材真係好滿足。味淋雞泡魚干基本上去親日本餐廳都會點黎食，每一間燒的時間唔同都會有唔同味道口感。燒得剛好唔會太乾或者拮口，食落仲有少少汁。牛油果軟殼蟹卷軟殼蟹炸得好脆，配埋牛油果唔會太油膩。燒日本和牛鵝肝丼和牛煎到七成熟，和牛味香，油脂分布均勻，肉都好腍。鵝肝煎得外脆內軟，口感非常好。整體黎講打卡一流，味道亦好好，但係服務員態度麻麻。哩個價錢唔應該只得咁既服務，希望可以改善，因為都想再番黎食。

最近同朋友去咗 K11 Musea 行街，行到咁上下就開始揾餐廳食晚飯喇，鍾意食日本嘢嘅我，就揀咗呢間餐廳試試喇。餐廳裝修走高檔日式路線，符合返 Musea 嘅風格。螢光油魚 ($68) : 每次食日本嘢如果餐廳有都會叫，大多數餐廳都會配蘿蔔絲，不過呢度特別啲係配海帶，估唔到效果都幾好。海鮮茶碗蒸 ($48) : 材料有雞肉、冬菇、白果等等，茶碗蒸熱辣辣之餘口感勁滑勁軟嫩，值得一試。吉烈廣島蠔 ($78) : 炸醬又薄又鬆脆，廣島蠔亦多汁肥美。😋牛油果軟殼蟹卷 ($138) : 見師傅用咗成隻軟殼蟹整十分足料 👍🏻 通常出面嘅牛油果都係得少少，但呢度嘅份量就超多，而且口感細膩 😋 軟殼蟹又夠脆口，性價比超高。燒和牛海膽丼 ($288) : 海膽同和牛份量都幾多，海膽非常之鮮甜 😋 和牛肥美濃郁，和牛燒嘅時間亦掌握得幾好，而且每粒珍珠米都沾滿了惹味既醬汁，超級滿足。🥰

好友靚媽一坐完月，我哋當然即刻約食飯好耐無試過夜晚一齊食飯，今次約左<Kaiyo>海陽。居酒屋食大餐刺身，壽司🍣炸物，壽喜燒，拉麵烏冬等應有盡有。點了<特上剌身盛>共有6款，件件夠厚肉又肥美，靚媽表示好滿意🤤而<月見雞肉捧>也不錯，啖啖肉沾上日本蛋，滋味無窮。另外點了鍋物，共四款湯底選擇: 北海道花膠滋補湯，壽喜燒，辛辣日式泡菜鍋及我們點的涮涮鍋木魚湯的<日本A4和牛鍋>，估唔到原來有咁多嘢食，除了日本A4和牛🐮，日本豚肉🐷外，更有御付(沙律🥗，核桃白飯魚)茶碗蒸🥚自家製餃子🥟招牌魚蛋🍢田園時蔬🥬稻庭烏冬🍜更有精選甜品🍮。

上星期一坐完月即刻同好姊妹 @karen87karen 慶祝下！🥳🥳我地去左喺K11 Musea 嘅 @kaiyo.hk 海陽居酒屋!😍呢度環境好舒適，就算我地坐bar枱都好好坐，好闊落，店員同廚師們都好親切好好服務！🥰而呢度食物飲品選擇多元化，有刺身、壽司、涮涮鍋、天婦羅同丼飯，又有cocktail，紅白酒，sake等等！😋前菜茶碗蒸好嫰滑！同時有很多配料係入面：冬菇、豬肉、蝦，清清淡淡屬不錯的前菜。🐟特上刺身盛 （$398）6款刺身都很新鮮，好厚身！啖啖肉好鮮嫩，入口即溶一d都唔腥！😋🍣鵝肝壽司 （$148）同樣好厚好大塊，入口即溶鵝肝味濃！🍢月見雞肉棒兩串（$116）雞肉棒肉質嫰滑，沾上溫泉蛋汁更滋味！木魚湯A4和牛豚肉鍋 （$638）湯郁嘅魚湯好清甜，A4和牛簿切不帶筋，入口即溶絕對高品質！ 🍹Shizuoka Iced Tea cocktail 兩杯 ($128)帶點薄荷味， 好清甜解渴！

第一次來食是和同事食weekdays 的午巿，若12 點，那次服務都正正常常。覺得他們的餐點味道不錯，特地在週末帶家人來吃。Book了三點，三點十分才能安排入座。午巿我都理解店內是比較擠擁，不過這不就失去了訂位的意義？ 而且分配給我們的桌子可以坐的人數比我們本來訂座的人數少，說是之後有客人走再幫我們安排。在商場內，這個價位，服務質素已是好差。我們大概三點二十分點了第一輪餐點，上菜速度都正常。但吃完第一輪覺得不夠飽，便在大約四點多再加點了炸蝦卷和天婦羅盛。等了十五分鐘，我看看餐點有沒有下單，侍應回答師傅整緊。四點二十分才見bar 枱的師傅處理緊我們的炸蝦卷天婦羅盛更是離譜，等了半小時我叫佢cut咗佢，等太耐我已經唔想食，我要埋單，佢又應我師傅整緊，唔幫我埋單。同時間餐廳啲同事下場食飯，樓面服務人員少之又少。四點半到先上咗我們的天婦羅盛，仲同我地解釋「師傅換緊油！」🙄🙄🙄做午巿做到一半換油合理麼？你會不會午巿做到一半上唔到白飯跟住覆個客洗緊電飯煲？先當師傅非常重視食物質素，為什麼不在我們下單時/第一次追單時告知我們？你們的時間是時間，我們的時間不是時間？半個鐘嘅天婦羅，期間枱面冇其他餐點，

星期五平日放假，於是走去K11 Musea午膳，明明諗住可以悠閒一下……點知這間日式餐廳仲嘈過茶記。入座後沒有款待，叫餐、送餐、埋單……想揾個經過嘅職員都好難，每次叫到都要再等10-15分鐘。一個普通lunch，由$160-$300不等(未計加一)。食物質素看似高檔，味道一般，唔會再食第二次。