海陽。居酒屋

營業中

休息中

話說朋友生日。佢知道k11 musea開咗好多食店想食下。見最近個市好返少少。就請佢嚟食日本嘢啦。我地book左星期二夜晚7點鐘，入座嘅時候已經半滿。我地被安排坐係L型嘅餐枱。咁樣傾計就會方便啲😂睇咗一陣餐牌我地最後叫咗壽喜燒美國和牛鍋。加州卷，鰻魚天婦羅，玉子燒同埋茶碗蒸。先上嘅係茶碗蒸，茶碗蒸旦味濃郁，而且入面有勁多配料。味道唔錯。再嚟嘅就係天婦羅，鰻魚肉唔會死實實，而且唔會話炸得啲魚太過老。加州卷上面有勁多蟹料。多到直情係滿寫出嚟。對我呢個蟹子同控嚟講。 我超鍾意食。玉子燒蛋味濃郁。美國和牛壽起燒。牛肉肥瘦均勻。最後我向大家推介，一定要叫佢個雪芭嚟食。我哋分別點左菠蘿雪芭，同埋椰子雪芭。特別係椰子雪芭。超好食。我同朋友都食到停唔到口。整體來講雖然呢一餐價錢可能會比較貴少少。但係我覺得係食物質素，環境同埋侍應嘅服務態度方面。絕對值呢一個價。 同埋有時都要對自己好啲嘅。間唔中咁樣一餐半餐都可以係對自己嘅一種鼓勵。