海言どんぶり専門店

營業中

休息中

食嘅當日言師傅仲係到做，可惜佢宜家冇做啦餐廳主打抵食高質omakase魚生丼飯🍣坐位唔算多，開業初期好難book位，宜家易左好多👌🏼每份魚生飯都會內附沙律，茶碗蒸及麵豉湯，沙律睇得出餐廳嘅用心，唔係淨係沙律菜加醬，細細碗都好豐富有粟米，西蘭花、蘿蔔等🥗茶碗蒸ok都滑嘅，正常水準。海言廚師發辦魚生飯（特上）$430師傅會好用心咁將十幾種魚生飯放到好靚，淨係外表已經非常吸引🤩特上嘅魚生種類最豐富，我當日食嘅魚料分別有赤蝦、燒梭子魚、馬友、燒穴子、鰆魚、鰤魚、三文魚籽、海膽、香箱蟹、北寄貝、鱸魚、鯛魚、銀鱈魚、燒赤身、鯖魚卷、中拖及大拖。每樣都新鮮好味，海膽香甜冇臭味，拖羅夠肥美。當中最驚喜嘅係馬友，魚香十足，油脂感亦好豐富👍🏼一次過可以食咁多樣魚生非常滿足！江户前散壽司(特上) $370呢款外表一樣好靚，魚生飯用日本漆盒裝住。🍱魚料同上一款大同少異，但都係新鮮好味，但對比會少左魚料，多左玉子及腐皮。另外舍利有別一般，加左漬物紫菜，令到飯嘅味道較豐富，但個人都係較喜歡淨係加醋嘅米飯甘鯛立鱗燒🐟 $90立鱗燒魚皮香脆，魚肉保持到嫩滑口感，但個人覺得調味少許偏鹹。總結餐廳食物質素不錯，食材新鮮，

海言どんぶり専門店 @mikotodonburi📍：中環威靈頓街55號地庫🚗：中環地鐵D1出口 步行3分鐘📞：+852 6460-6888💲：~HKD420/head for lunchFood quality👌🏼：江戶前散壽司 (特上)、特盛藍鰭吞拿魚魚生飯、海言廚師發辦魚生飯 (特上)總結：🤔開業至今一直人氣高企 主理人言師傅係日本🇯🇵名廚見城俊二嘅徒弟 以omakase丼飯為主賣點 食完感到言過其實 好似我咁滿懷希望咁嚟食就有點失望 🤔全部魚生新鮮嘅 但以呢個價錢講實在係中規中矩 心目中有更好嘅名單 令我失望嘅位係因為佢主要定位係cp值高 但出到嚟唔係就會失望🙍‍♀️🤔叫咗最招牌嘅江戶前散壽司 特盛藍鰭吞拿魚魚生飯同海言廚師發辦魚生飯 三樣都不過不失 冇驚喜同時都冇咩值得破口大罵😋最好食係白子 新鮮唔腥好食 其次沙律🥗都高質 第三樣要讚係杯茶好飲😨人龍店就要預約 不過冇咩值得排隊等候

前排同朋友食生日飯，我地都勁鍾意食刺身同omakese🐟因爲可以食多d平常無咁common 種類🥹呢種好多唔同嘅魚生丼飯係台灣食過，香港就比較少見🤔所以簡左呢間魚生丼飯，食完真係好滿意！（我已經短時間内回頭食海言廚師發辦魚生飯（特上）$430omakase魚生飯有分特上同上✨分別在於有大托&海膽🤤一set有埋沙律、茶碗蒸同麵豉湯🍲一上枱我同朋友都哇哇聲😂 勁吸引店員會介紹逐一所有魚生刺身👍🏼我自己真心覺得款款都好好新鮮好味🥹（流口水ing）加上我係完全不能食腥味人士，食曬我都唔覺有腥味💯（不過介紹朋友去，朋友反映佢當日個碗啲白魚刺身就比較腥）自己最💖會簡熒光魷魚，海膽同幾款白魚👍🏼.特選藍鰭吞拿魚魚生飯 $340大推俾鍾意吞拿魚嘅朋友！！！！分量夠，魚生塊塊厚身🉐🉐🉐有赤身，中拖羅，大拖羅，火炙拖羅，吞拿魚蓉🤤會唔會係香港吞拿魚魚生飯界最高性價比？🫡.兩款時令生蠔🦪✨華漣生蠔比較爽&清甜✨椿生蠔海水味重但口感creamy😋

—🍣 醋鯖魚紫菜卷•🍚 光物丼鯖魚 | 小肌 | 鰯 | 鰺•🍚 海言廚師發辦魚生飯(特上)一共15款食材‼️尤鯛 | 鰯 | 石垣鯛 | 小肌 | 鰹 | 白子 | 太刀魚 | 目光魚赤貝 | 北寄貝 | 三文魚子 | 冰見寒鰤 | 中トロ | 大トロ | 馬糞海膽—隔了好一段時間無來吃海言了!朋友一講起想吃魚生飯 二話不說大推海言!🙌實在是魚生飯的天花板!!!!!😇好開心仲有光物丼吃到 限定商品呢要視乎當季的時令食材初訪既朋友試了特上魚生飯 都話好好食！大大大滿足☺️

這間店長期要訂座，今日walkin剛剛有位，真幸運。餐廳的裝修簡單整潔，燈光明亮，但座位比較狹窄。餐牌一目了然，有壽司或海鮮丼等，價格由$220-$430。 先送上沙律，沙律菜新鮮清爽；而那蒸旦只是正常水平，口感香滑，比較似布甸質地。海言廚師發辦魚生飯（特上）$430這招牌魚生飯很精美，有成十五種魚生，每一款都好新鮮，由於個人不吃白子，師傅用另一魚生補上。魚生片切得帶一些厚度，口感不錯，加上色澤明亮，又有香甜的海膽和肥美的大拖羅，沒有太多淡味的白身魚，很滿足。江戶前散壽司（特上）$370相比招牌魚生飯，相差$50，用料相約，但有好幾件不是魚生，只是玉子和腐皮，感覺性價比唔高，但用料是好新鮮的。尤其大拖羅，十分肥美；壽司飯也滿有心思，當中拌有漬瓜，令醋飯的味道更豐富。

🐟🐠傳說中好好味的魚生丼飯❤️朋友介紹，說這間餐廳非常值得去，特別午餐的魚生丼飯，有10多種刺身，同埋擺盤好靚，所以非常推薦。適逢老公完成渣打馬拉松的全馬，所以今次挑選了這間餐廳，獎勵一下他。這間餐廳要預先網上預約，也需要以信用卡捆綁，朋友之前說很難訂坐，所以我們先上網預約。不過進食期間，見到也可以接受Walk in。大家可以留意一下。言歸正傳，午餐有不同的丼飯選擇，不過第一次食當然是選擇最受歡迎的海言廚師發辦魚生飯（特上）$430，內附沙律、茶碗蒸和麵豉湯。首先上枱當然就是沙律，真心覺得好靚❤️，第一次食一個丼飯，前菜的沙律都可以排到咁靚，充滿靚靚的色彩，同埋味道都好好味。海言廚師發辦魚生飯這一個特上魚生飯，總共有15款刺身，特上版比普通版好像是多了大拖羅、海膽、白子。另外可以選擇不要白子，我和老公對這個白子不太有興趣，所以廚師轉了魚子給我們，有什麼食可以看看以下相片，不過有一款魚和赤海蝦收藏在某一個位置，所以拍不到。每款魚也有不同的口感，不過今次，我覺得個沙甸魚、鯖魚和赤海蝦最有驚喜，味道特別。整體食物質素也好好，魚生也很新鮮，值得嘗試☺️!

-🦄 海言どんぶり専門店 @mikotodonburi ・🤍 真白 - みことの一期一会・🦜 兩畔希冀鶯鶯命非淺 縁、🍁 渡鵲橋化蝶比翼雙飛 始。・✿－✿－✿－✿－✿－✿－✿－✿－✿－✿－✿・🌩️【 𝓣𝓱𝓮 𝓫𝓮𝓼𝓽 𝓶𝓲𝓴𝓸𝓽𝓸 𝓮𝓿𝓮𝓻… 】・因為是真愛才願意等候 待遇見最成熟的韻味回想起上回首拜訪海言 已經是一年前之冬季時光荏苒而日月真如梭 冬の白子你們還好嗎・🪽 白子丼 ʜᴋᴅ600⚡️ ʀᴀᴛɪɴɢ🌕🌕🌕🌕🌖從遠處觀賞師傅的製作 心中早已是按捺不住每顆白子都在閃閃發亮 晶凝通透的美在爍耀有時候單一化未能滿足 就把它巨大化成極致一顆白子豈能夠滿足我 那就把它乘大三十倍我對於白子可謂是真愛 卻只能一年相會一次有點像是牛郎與織女般 思念記掛卻未能相見師傅會先問問你的意願 偏好的食法以及要求我自己就沒特定的排版 酸汁跟炙焼各半便好最後還加了塊海膽點綴 啡橙色襯托純白的美白子ポン酢是比較常見 像一股股暖忌廉流逝細膩忌廉於口腔中融化 綿滑的輾轉反側翻滾再慢慢地流進喉嚨之內 由內到外都只是享受吃白子基本上不用咀嚼 這根本是能喝的鮨味酸汁白子的味道很單純 白子味鮮而質感濃稠鮮的韻律不會單一乏味

😱 惡人谷 主推壽司刺身嘅 廚師發板, “海言” 嘅 “魚生飯” 屬另類推介, 又係傳說中嘅 預約困難店. 所有魚料食材, 一趟過出哂, 用餐體驗又會係點呢?🥰 事緣今年未搵到機會食秋刀魚, 咁啱老友講起 “海言”, 決定約戰.🥢 餐廳位於大廈地牢, 環境細小, 十張八張枱, 再加四個吧位. 今餐一步攻頂, 點咗 海言廚師發辦魚生飯 (特上), $430+10%, 包沙津, 茶碗蒸, 麵豉湯, 另加 室津生蠔.🥃 清酒, +$290. 容易入喉, 不俗.🥗 沙律. 一般般.🍥 茶碗蒸. 正常發揮. 🥣 麵豉湯. 唔夠味喎.🦪 室津生蠔, +$70. 調味汁帶酸, 食落非常鮮甜, 厚肉, 一流.🥰 海言廚師發辦魚生飯 (特上). 主角出塲, 非常豐富, 服務員悉心介紹魚料及食序. 唔記得可以再問, 哈!海膽凡立貝深海池魚左口魚左口魚魚邊秋刀魚金線鯛鯖魚白子目光魚太刀魚銀鱈魚三文魚籽鱆紅魚中拖羅大施羅🤗 總結: 服務員有問必答, 密密斟茶, 但上菜節奏怪怪. 講番食物, 魚料豐富, 原汁原味, 相對傳統壽司嘅廚師發辦, 調味略欠變化, 又冇咗師傅詳細介紹食材嘅互動, 但性價比出色. 第一啖

日本料理中，除了至愛的壽司，魚生飯是經常令我心思思的料理！提到魚生飯，香港比較有質素的專門店，「海言」相信是不少人的心儀選擇！到訪過「海言」兩遍，服務和食物均令人滿意，唯在寸金尺土的香港，「海言」店子細小，故不算坐得舒適。另外，限時用餐的規定，亦是一個令人取捨的地方！於我而言，美味的魚生飯絕對可蓋過未盡完美的硬件，光是回看以上魚生飯的相片，足以令我口水大流！醋鯖魚紫菜卷 HK$80除了魚生飯、壽司，「海言」也備有小食。賣相吸引的醋鯖魚紫菜卷，扎實彈牙的綪魚肉，十分討人！可能我太喜愛酸味，感覺酸度可以再重一點點，但售價八十大元兩件，已是恰如其份之作！鹽燒牛舌 HK$80然而鹽燒牛舌質感較硬，縱使調味出色，也未能挽回分數！回到魚生飯。每一款套餐包含沙律、茶碗蒸和味噌湯！而三者之中，沙律是我最欣賞的！沙律選用時令與新鮮的食材，配搭恰好的醬汁，層次口味豐富，讓清新的味道佔據味蕾，整個人也精神起來！海言廚師發辦魚生飯 (特上) HK$430至於主角的魚生飯，海言的特上廚師發辦魚生飯，集結多達十四款時令刺身 (若記憶沒錯)，刺身猶如萬花筒般呈現眼前，邊吃邊有著品嚐刺身的感覺，最合心多的朋友！北海道

海言去過幾次，原因就係因為方便快捷，食物高質，價錢唔貴而且唔係太難book，基本上每次都book到，網上預約。一個don滿足晒我想食咁多款魚生嘅願望😆而且份量好多，我每次叫少啲個款，但都冇一次係食得晒🤣 值得去食。

❀┈┈┈┈┈┈┈┈┈┈┈┈┈┈二訪中環omakase店✨相隔一年第二次到訪位於中環威靈頓街的海言 上次吃午餐今次帶上友人再次朝聖🤍店子比較隱蔽位於地庫要穿過一條樓梯才到 木系的裝潢配上柔和的黃燈非常相襯 令人心情放鬆餐廳主打omakase丼飯 也是熱門餐點之一另外也有各款迷你刺身丼飯及小吃等┈┈┈┈┈┈┈┈┈┈┈┈┈┈𐂐 ⠜招牌海言廚師發牌魚生飯 特上 $430 (8/10)丼飯有齊15款時令刺身 色彩繽紛又豐富😻上桌後店員會逐一講解每款刺身及享用次序包括大拖羅 吞拿魚 海膽 三文魚籽 池魚 清魚 爐魚 赤海蝦等款式超級多 刺身也是平常吃omakase的款式一次過試到唔同刺身🤩性價比超高！！值得一提是飯底採用了兩種白米煮成 味道帶甘甜且昇華了刺身的鮮味 整體質素合格有餘👍🏻前菜包括了茶碗蒸 味噌湯 沙律 茶碗蒸的蛋口感十分嫩滑 尤如嬰兒肌膚超好味的𐂐 ⠜北海道三色魚生飯 $400 (8.5/10)今次我試左另一款丼飯 三色包括海膽 三文魚籽 拖羅蓉 海膽份量好多 賣相已經好正好吸引omg!!!口感creamy鮮味十足 完全不腥的 可惜甜味就比較淡但都無阻我既喜愛程度🤤另外的拖蘿蓉都好美

因為颱風關係成功執雞，星期六都可以walk in dinner。朋友一路都有推薦由壽司源出嚟自立門戶開高級魚生飯專門店既言師傅言師傅表示喺香港，好少專門吃高級魚生飯既餐廳，大部份都係做omakase ，所以佢就決定做高級魚生飯一我地叫咗2個海言廚師發辦魚生飯(特上)、江戶前散壽司(特上)，再加兩個前菜 - 醋鯖魚紫菜卷、碎切池魚刺身對比一般魚生飯，海言既魚料種類多、新鮮，好似食壽司咁，再配合佢嘅醋飯，真係食過返尋味

海言どんぶり専門店由開業至今都一直人氣高企，言師傅更加係日本名廚見城俊二入室弟子，以omakase丼飯作招徠，唔怪得一位難求前菜附上沙律、茶碗蒸、味噌湯沙津用上時令蔬果，茶碗蒸個蛋好滑好好味呀，味噌湯濃味得黎又唔會話過咸海言廚師發辦魚生飯-特上選用了15款時令刺身，海膽、三文魚籽、帆立貝、石垣鯛、鯖魚卷、鱸魚撈左鮑魚肝醬、油甘魚、中拖羅、大拖羅、炙燒北寄貝、炙燒銀鱈魚、炙燒梭子魚、沙甸魚等，店員會逐一介紹魚生同食既先後次序，由生到熟既食法，每款都新鮮美味海言廚師發辦魚生飯-上呢款相對特上既魚生係有稍微分別，三文魚籽、帆立貝、鯖魚卷、鱸魚撈左鮑魚肝醬、油甘魚、中拖羅、炙燒北寄貝、炙燒銀鱈魚、炙燒梭子魚、沙甸魚等，壽司飯係用上北海道七星米 & 夢美人米就知道師傅對飯都十分講究整體食物都新鮮高質，店員亦都好親切，唯獨是時間分配就有點美中不足，師傅精心製作需時，再加上有時間限製，變相食既時間唔多，所以食得好趕下🙈

2日前預約了平日一點半， 到達後仍然是全店滿座， 地方雖然較細 ，但整體很整潔。服務好，服務員們很耐心地介紹食品。刺身新鮮， 飯亦質感適中，份量足夠，甚至有點多，吃得很飽🤣一定會再來

同事介紹咗呢間魚生丼專門店，並且告知超難預訂，於是提早一個月book咗位過嚟嘗鮮。店面以淺木色為基調，感覺好簡潔舒服，地方唔大但坐得唔迫。睇完menu, 點咗個海言招牌嘅廚師發辦魚生飯特上，附送沙律、茶碗蒸同味噌湯。沙律好新鮮唔馬虎，茶碗蒸好滑又夠料。魚生飯真係不得了，擺設得好靚，一共有15款刺身，全部都係師傅逃選最時令嘅食材，完全感受到師傅對食材既一絲不苟。店員會一一介紹每款刺身同建議食用次序，當中有海膽、三文魚籽、金目鯛、吞拿魚、大拖羅等等，有啲我都唔記得咗係咩名堂件件都非常新鮮，好高質，食完真係回味無窮一碗魚生飯$430雖然真係唔平，但係食到咁高質既刺身其實係物有所值，都要偶爾犒賞下自己嘅