海言どんぶり専門店

營業中

休息中

中環近石板街開咗一間主打廚師發辦魚生飯嘅餐廳，今日同朋友喺附近跑完步過嚟試吓😌✨茶碗蒸及沙律✨茶碗蒸上鋪滿咗滿滿嘅蘿蔔蓉，蒸得十分嫩滑，裏面有大蝦、蟹柳及白果等材料，食刺身飯之前可以暖一暖個胃😌沙律使用咗番茄醬，配上西蘭花、粟米等材料，加上醋作調味，酸酸甜甜十分開胃😋✨海言廚師發辦魚生飯✨作為餐廳嘅招牌菜，師傅使用咗當季時令嘅魚生砌成丼飯，賣相十分澎湃。魚生都好厚切，當日大概有十五款魚生，有梭子魚、左口魚、金目鯛、三文魚子、魷魚、油甘魚、海膽、拖羅等。最欣賞嘅係龍蝦切身，入口鮮甜軟糯。師傅唔少刺身都用咗炙燒嘅處理手法逼出魚油，例如左口魚、油甘魚等，油香十足😆✨江戶前散壽司✨作為餐廳嘅另一個招牌菜，同樣都係以當季新鮮魚類作刺身，以醋飯作為基底，加上紫菜、腐皮、玉子等配料。鯖魚卷同海膽較為出色，鯖魚卷包得結實，海膽好鮮甜，冇任何明礬味。✨櫻花蝦麵豉湯✨餐後送上一碗熱湯，有淡淡的櫻花蝦香味，亦都有海帶、腐皮，為晚餐畫上完美嘅句號。