海言どんぶり専門店

.‼️❤️ 記得CLICK我PROFILE關注我呀 ❤️‼️.🍣 高質刺身丼飯專門店 @ 🌟 海言どんぶり専門店 🌟.💁‍♀️ 圖片展示美食為：廚師發辦江戶前手握寿司拼盤 HKD 680碎蔥吞拿魚腩魚生飯 HKD 220.👽 坊間好少餐廳主打食高質刺身丼飯，想食時令新鮮嘅靚刺身丼呢度絕對係好選擇，有好多款由廚師發辦嘅丼飯同壽司選擇，全部用上當日最新鮮嘅食材，如果以呢個份量同質素黎講就真係物有所值啦。.🍣 今次有幸得店員介紹，食到呢個隱藏餐單，全部由師傅即席握製嘅「廚師發辦江戶前寿司拼盤」，由淡至濃品嘗：赤身血合香氣深邃、中拖羅、霜降油花入口融化、鯖魚醋漬平衡鮮味、比目魚緣側炙燒出焦香、炙燒鰹魚煙燻氣奔放、海鱺爽脆清甜、鯛魚淡雅如春風、松葉蟹一絲絲超鮮甜，秋刀魚銀身光澤香濃、鰤魚脂肪豐潤、深海池魚同鰆魚濃郁收尾。十二貫壽司款款用料都非常之上乘，每件嘅刀工處理簡直係藝術品！.🌸 另外就當然要食呢度主打嘅丼飯，鋪到滿瀉嘅「碎蔥吞拿魚腩魚生飯」份量絕對震撼到！粉嫩色嘅吞拿魚腩碎混入清香蔥花，油脂甘香完全滲透每粒醋飯，夾埋醃菜同芥末一齊撈住食，入口即化嘅口感絕對大滿足。.😌 丼飯或者壽司嘅OMAKASE專門店，呢間絕對夠特別，繁忙時間好好生意，如果可以坐到BAR檯望住師傅處理食材就好啦，人多的話記得要訂位呀！.📍中環威靈頓街55號地庫.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

魚魚魚，全部都係魚！唔講唔知，係中環威靈頓街55號地庫原來隱藏咗間高質魚生丼飯店，門面好低調，真係眼大行過都未必見到，用餐位置要落層樓梯先到，真正隱世feel。成間店行簡約日系木調風，光猛乾淨，開放式廚房睇到師傅即切魚生。呢度嘅丼飯選擇貴精不貴多，價錢係貴少少，但絕對物有所值。最正係可以試到廚師發辦Omakase丼飯，季節限定款式，一定高質！仲有一點要提，全店用正宗日本米，飯粒煙韌有咬口，同魚生夾埋一齊食，真係滿足到震！每個套餐都會跟齊沙律、茶碗蒸、麵豉湯三樣，誠意十足！沙律絕對唔係求其幾條菜咁簡單，有成七、八種蔬菜，菜葉新鮮爽脆，加埋酸酸甜甜嘅日式醋汁，清新醒胃；茶碗蒸蒸得超滑溜，入口有蛋香，入面有白果、蟹柳同粒粒青豆，配料不馬虎；最後的湯唔係一般死鹹味噌湯，而係用櫻花蝦、豆皮同蔥花煮成，湯底鮮香清澈，唔油膩。海言廚師發辦魚生飯-特上 $430作為呢度嘅招牌菜當然要食，成碗起碼有超過12款刺身，色彩繽紛，睇見都開心！除咗基本嘅三文魚、吞拿魚，重有鮮甜唔腥的海膽；微微鹹香一咬爆汁的三文魚籽；大大件油花勁靚的拖羅，食落滑順豐滿；金目鯛皮脆肉甜；鯖魚醃得夠酸香；燒完魚油勁香火炙白身魚；仲有絕冇雪味的松葉蟹肉等，成碗丼口感極豐富！醋飯微溫，酸度適中，飯粒分明又夠黏度，同魚生比例1:1，食完大滿足！藍鰭吞拿魚魚生飯 $340吞拿魚控必點！呢碗專攻藍鰭吞拿魚，由大拖羅、中拖羅、赤身、吞拿魚蓉組成，真係豪華級享受！大拖羅油花均勻，入口即化，魚油香爆棚；中拖羅肉質柔嫩得嚟唔膩；赤身彈牙有咬口，魚味濃郁；吞拿魚腩蓉軟滑帶油脂香，撈飯一流；火炙吞拿魚有淡淡灸香，魚油豐富。成碗都係頂級貨色，脂肪含量高但完全唔腥，好好食！…查看更多

# 【食評】中環隱世高質日本丼飯 —— 海言 Mikoto Donburi 放工之後想搵個地方輕鬆食返餐高質晚飯，今次就同老婆嚟咗中環威靈頓街嘅一間隱世小店——**海言**。地方唔算大，但係裝修簡約乾淨，木系設計加埋柔和燈光，氣氛好舒服，坐低已經有種放鬆嘅感覺。 ---## 🍴 前菜 一開始送上沙律同茶碗蒸。 - **沙律**：擺盤用心，好有層次感，菜葉新鮮爽脆，粟米甜美，再配埋酸酸甜甜嘅日式醋汁，清新又開胃。 - **茶碗蒸**：入口滑溜，蛋味清淡，雖然唔算特別突出，但作為前菜已經好適合，唔會搶走之後主角嘅光芒。 ---## 🍚 主角丼飯 我哋點咗兩款重點推介嘅魚生飯： ### 1️⃣ 海言廚師發辦極上魚生飯（$430） 真係一碗睇見已經開心嘅丼！魚生款式非常豐富，仲有店員細心解釋食用次序，體驗加分。 - **海膽**：鮮甜無腥味，入口即化。 - **秋刀魚**：少見又新鮮，油脂香氣同飯特別夾。 - **吞拿魚、帶子、甜蝦**：全部鮮味突出，有啲仲經過輕微火炙，帶出另一層香氣，唔會太膩。 加埋晶瑩日本米飯，每啖都食得出廚師嘅心機。 ### 2️⃣ 特盛藍鰭吞拿魚魚生飯（$340） 呢碗就係吞拿魚迷必試！入面有三四個唔同部位嘅吞拿魚： - **中拖羅**：油脂豐盈，入口即溶。 - **赤身**：魚味濃郁。 - **吞拿魚蓉**：口感綿滑，配飯食好正。 整體魚味濃厚但唔膩，魚生厚切得嚟依然保持細緻，食到質感同層次感。 ---## 🍲 湯品 最後仲有一碗清湯，唔係一般味噌湯，而係清澈舒服嘅魚湯，有解膩效果，為成餐劃上完美句號。 ---## 💰 價錢 兩個人共 $847（已包服務費），平均人均大概 $423。雖然唔算平，但以中環地段加上食材質素，其實相當合理。 ---## 👨‍🍳 服務同用餐體驗 店員態度好親切，會主動解釋食材同食法，一路都見到廚師專注咁處理魚生，感受到佢哋嘅用心。環境雖然細，但氣氛好溫馨，適合情侶或者朋友小聚。 ---## ⭐ 總結 **海言 Mikoto Donburi** 真係一間高質隱世丼飯店，魚生新鮮、擺盤精緻、服務到位。雖然價錢稍高，但食材同體驗完全對得起價錢。 👉 **推介指數：★★★★☆（4.5/5）** 下次會再返嚟試其他丼飯，特別想試埋佢嘅江戶前壽司飯系列！ ---…查看更多

日式料理對我嚟講，一直唔只係「食得飽」咁簡單，而係一場「敬食材、重節奏、講美感」嘅體驗。要食得開心，質素、細節、心意，缺一不可。今次想分享一間我近期非常滿意嘅新發現——Mikoto Donburi，地點雖然低調隱密，藏身中環鬧市地庫，但一入去，嗰份靜謐感已經令人心頭一靜，好似瞬間轉去咗日本鄉町嘅料理亭。🍣 廚師發辦刺身丼（特上）｜$430當日我揀咗餐廳主打嘅廚師發辦魚生飯，賣相已經非常討喜，每樣食材都擺得精緻唔迫人，彷彿一碗盛著海洋色彩嘅藝術品。魚生種類十分豐富，唔係一般見慣見熟嘅三文魚、吞拿魚咁簡單，而係包括咗中腹、炙燒鰹魚、帆立貝、花枝、甘甜蟹肉、粒粒分明嘅三文魚籽、鮮甜海膽等等。每款魚生都切得恰到好處，完全冇雪味，口感由滑、爽、嫩到香脆都有齊，層次感非常豐富。值得一提係，唔同刺身有經過唔同處理，例如炙燒邊位帶點焦香、帶汁醃過嘅魚身略帶鹹香，令我食嘅時候完全唔會膩或者味道重複。底層白飯軟硬適中，混合咗紫蘇葉同壽司醋，單食都覺得好食，真係一啖接一啖，忍唔住慢慢品味。整體感覺唔係「豪」咁簡單，而係有節奏、有呼吸嘅精緻感。🍱 江戶前散壽司（特上）｜$370朋友叫嘅係江戶前散壽司，特色係用上經過處理或熟成嘅魚類，偏向炙燒風格。碗內仲有炸豆皮、玉子燒、青瓜、醃薑、昆布等配菜，口味上比我嗰碗再鹹香一點，但食落一樣輕盈無負擔。特別欣賞佢哋對食材火喉掌握極準確，每一款都熟得啱啱好，無一件係過火或偏腥，係職人手藝嚴謹嘅表現。🥗 配菜｜沙律・茶碗蒸・吸物除主菜外，套餐附送嘅沙律都做得唔馬虎。生菜新鮮脆口、粟米清甜、連小蕃茄都用心挑過，淋上清爽和風醬汁，一啖即醒胃。茶碗蒸夠滑，蛋香自然，唔會出水或過老，口感細膩；而吸物更係一大驚喜——用上櫻花蝦、豆皮同蔥花煮成，湯底鮮香清澈，飲落鹹香中帶微甜，唔油膩，反而好暖心。櫻花蝦鮮味突出，令整碗湯更加鮮明有記憶點，係成餐飯嘅隱藏亮點之一。🏮 環境與氛圍店內裝潢走簡約日系木調風，櫃枱擺放整齊，開放式廚房令人感受到廚師嘅專注與整潔。雖然位於地庫，但燈光柔和、環境寧靜，空氣流通唔焗促，坐低後自自然然放慢咗語速，連食飯節奏都柔和起來。呢度真係非常適合兩個人靜靜食飯，或者自己一個放空治癒一下。🍵 服務態度｜溫柔有禮，零壓力店員非常有禮貌，落單時會耐心介紹差異、上菜節奏亦唔急趕，令人好安心慢慢食。加水、收碟都好有眼力，唔打擾之餘又不失照顧，係一種被善待但唔打擾嘅舒適感。---✨ 總結一句：識食的人，值得俾自己一次Mikoto。唔係最平，但物有所值；唔係最誇張，但真材實料。係一間講究味道之餘，亦尊重食物節奏與空間嘅好店。下次你想獎勵自己，又唔想去得太浮誇，試吓來呢度慢慢食，一口一世界。🌸…查看更多

海言日本料理專門店店舖入面大約有八張枱，面積不算大，但環境光猛整齊乾淨，而且店員非常友善，一坐低就放低兩杯熱茶，細心介紹每一道菜廚師發辦系列海言廚師發辦魚生飯（特上）$430滿滿的一碗刺身飯有多種刺身金目鯛，鯖魚，拖羅，海膽，三文魚籽，白子，蟹肉等，拖羅含有較多的油脂，口感滑順且豐滿，肉質細膩，咬下去時幾乎在口中融化，油脂中透出淡淡的甜味，整體口感圓潤，海膽口感滑嫩，入口像奶油的感覺，甘甜香濃，白子口感非常細膩，入口即化，味道濃郁，蟹肉鮮甜，三文魚籽的味道輕微的鹹味，口感柔滑，咬破時會釋放出鮮美的汁液，帶有淡淡的甜香茶碗蒸，雞蛋蒸到非常滑，濃郁嘅蛋香味，入邊仲有蟹柳，魚蛋，白果，青豆作為配菜點上添花 沙律菜切到幼，入口爽甜旁邊嘅車厘茄，仲好新鮮，呈現鮮紅色，粟米，蜜瓜，西蘭花夠晒新鮮，醬汁酸酸甜甜，非常開胃江湖前系列江戶前散壽司$370由海膽三文魚籽順時針方向食起，刺身有池魚，海膽，拖羅，玉子，三文魚籽，腐皮，赤身，貝類，味道由淡至濃，刺身非常新鮮…查看更多

見到好多人勁推呢間廚師發辦嘅魚生飯位於中環威靈頓街嘅「海言」佢門面幾低調，間舖仲要藏咗喺地庫加上個價錢有少少想打退堂鼓，所以我都猶豫咗一陣先決定去試～ᵕ̈ 海言廚師發辦魚生飯（特上） $430佢都係搵到人哋咩咋嘛前菜有沙律 · 茶碗蒸 · 味噌湯茶碗蒸同味噌湯就冇乜太大驚喜反而個沙律見到師傅嘅細心有齊各種新鮮蔬菜（椰菜絲、豆芽、南瓜、粟米、番茄……）個Omakase魚生飯有超過10種唔同種類嘅魚同海鮮有海膽、拖羅、鯛魚、左口魚、三文魚子……魚嘅名太多我都記唔晒如果有唔鍾意食嘅魚，可以同店員講轉第二款不得不讚，個擺盤真係好精緻而且店員會介紹食魚生嘅順序每款魚生都好好味，又新鮮又鮮甜醋飯酸度適中，軟硬黏度都啱啱好滿足還滿足，好食還好食貴都真係幾貴所以食一次體驗下就夠喇～…查看更多

呢間舖頭嘅門面比較平實，需要行落地庫～但一落到去成個環境都舒服！一直都未試過omakase版丼飯，個體驗同感覺都非常良好❤️食主食之前，餐廳已經準備前菜，有蒸蛋同沙律，沙律嘅份量充足，仲有新鮮粟米，配埋柚子醋食甜甜酸酸非常開胃🤤蒸蛋都蒸得好好，入邊仲有唔同嘅材料，有白果、蟹柳、魚片、豆等等，食嘅時候有多重口感💛A5和牛燒肉飯一上桌就香氣四溢！頂級A5和牛肉質細膩，霜降油花均勻分佈，入口即化如牛油般滑順，卻不覺膩口，帶點輕盈棉花感。燒烤時外層微焦脆香，內裡粉嫩多汁，配上熱騰騰白飯，每一口都爆發濃郁肉香同甜美油脂，米飯吸滿汁水，鬆軟彈牙，簡單醬汁提味，絕對係肉食天堂😎😎轉戰海言廚師發辦魚生飯（特上）這盤視覺盛宴堆滿新鮮刺身，包括魚子、白紙、鰹魚、秋刀魚、鯛魚、中拖羅、大拖羅、淘部份脊燒刺身、海膽、蟹肉絲等等，每種都閃耀海光！！廚師現發辦，魚片薄切晶瑩，入口鮮甜彈牙，鰹魚帶煙韌，秋刀魚微油滑順，鯛魚清甜爽口。中拖羅同大拖羅肥美入口即融，海膽奶油般綿密，蟹肉絲細嫩鮮香，魚子爆漿鹹鮮，白紙添脆口。整體配飯，米粒Q彈吸汁，海鮮鮮味層層疊加，微醋或芥末提鮮，不膩不腥，像海洋饋贈。特上級新鮮度高，適合生食愛好者！！而我最欣賞係佢嘅擺盤，佢會將食嘅次序順時針擺放，食嘅時候由淡味至濃味😍😍！最後仲有櫻花蝦清湯，清湯入邊有昆布櫻花蝦同油豆腐～飲完成個胃都暖曬🩷…查看更多

今日同朋友收工諗住食好啲，就揀咗呢一間喺中環嘅魚生飯，之前都見到有好多朋友介紹，今日就決定去試吓！佢嘅位置都非常方便喺中環鬧市之中，食完仲可以去附近飲番杯！💯海言廚師發辦魚生飯-特上師傅巧手將時令鮮魚排列成漸變色系：透光如白玉嘅深海池魚薄切，邊緣帶住彷彿月光嘅銀輝，蘸上秘製酸汁後鮮味瞬間在舌尖綻放。日本馬糞海膽選用最高級別嘅紫膽，甘甜濃郁如同海洋版鵝肝，融化時帶出堅果與奶香交織嘅餘韻。特別要讚賞松葉蟹肉嘅處理，手拆蟹絲仍保持纖維感，非常鮮甜，同日本嘅味道簡直係一模一樣！最難得係師傅對每種魚料嘅溫度掌控——大拖羅經稻草輕灸，脂肪香氣被完美誘發，入口即化時滲出淡淡煙燻風味；中拖羅則保持刺身狀態，魚脂甘甜與微酸醋飯形成絕妙平衡。秋刀魚而家非常肥美，銀皮魚特有嘅鮮烈轉化為優雅風味，配上現磨山葵的微辛，徹底顛覆對銀身魚的刻板印象。💯A4和牛燒肉飯粉紅大理石油花均勻分布，師傅以備長炭快速炙燒，表面焦香脆殼鎖住肉汁，切開瞬間肉汁如泉湧出。搭配非常香新嘅日本米飯，和牛油脂滲入飯芯，與特調燒肉醬共舞出甘醇交響曲。最畫龍點睛係撒上的特別醬汁，提供脆嫩對比之餘，更將整體香氣層次推往新高點。💯茶碗蒸看似簡單卻見功力，蒸蛋質地如絹豆腐般滑嫩，高湯底用鰹節與宗田節雙重合奏，鮮味徹底融入蒸蛋。💯櫻花蝦味噌湯選用白味噌為基底，烘烤過的櫻花蝦乾釋放濃郁蝦韻，昆布的旨味與蔥花的清爽在喉間迴盪，恰好清洗味蕾準備迎接下一口驚喜。…查看更多

-📍海言どんぶり専門店 (中環)地址：中環威靈頓街55號地庫📞：57219699前兩日嚟到中環呢邊，竟然俾我揾到呢間隱世既高質omakasa日式料理，由地面逐層逐層行落地庫，感受住從鬧市到瞬間寧靜，可以好好享受主廚用心炮製嘅料理🥰💎海言廚師發辦魚生飯-特上 HKD💸430呢款Omakasa魚生飯係廚師採用當日最新鮮最適合既食材，今次係海言食既呢款魚生飯就選用咗海膽、蟹肉、三文魚子、章紅魚、更白、油鯛魚、秋刀魚、飛魚、梳子、金木雕，池魚，中拖羅、大拖羅、蝦蓉，根據食材嘅鮮味濃度，由海膽開始順次序咁品嘗不同種類既魚生，啖啖新鮮💎A4和牛燒肉飯 HKD💸330A4和牛肉質嫩滑，薄切燒香再曬上芝麻，唔單止食有香濃嘅和牛味，配合蔥絲一齊食令整體口感更有層次，配菜燒茄子🍆粟米筍同香菇配搭唔錯，整體份量岩岩好👍🏻💎櫻花蝦海帶麵豉湯暖胃麵豉湯唔單止有海帶仲有櫻花蝦嘅鮮味，為呢餐美味豐富嘅omakasa料理作結🤭—————————————————————-Overall Performance:味道😋：5/5環境🍀：4/5服務👯：4/5衛生👀：4/5抵食💵：4/5…查看更多

有幸品食到海言廚師發辦魚生飯（特上），不僅令人垂涎，更是一次味蕾的盛宴, 絕對是一個值得一試的美食體驗，無論是料理的精緻程度還是食材的新鮮度，都讓人印象深刻。每款魚生飯/便當都會附送沙律、味噌湯和茶碗蒸，而這款特上更是豪華，包含多達17款刺身！從燒梭子魚到海膽，每一口都能感受到食材的新鮮度與鮮甜。讓我驚訝的是，魚生的份量竟然比飯還要多，十分足料!每款刺身都展現出不同的刀工、火炙處理和調味，這些工藝與高級omakase無異。特別是拖羅，需經過4至7日的熟成處理，確保口感和風味的完美。魚生醋飯選用北海道七星米和夢美人，與日本白醋混合，微酸的味道更能突顯食材的鮮味，讓人一口接一口。店內裝修以清新簡約為主，淺色和風牆紙營造出舒適的用餐環境。這裡設有5個壽司吧枱座位和數張餐桌，總共可容納21人。如果有幸坐上壽司吧枱，能親眼目睹言師傅的精湛手藝，從刀工到魚生的擺放，處處皆是細緻與用心，未食已經讓人期待。…查看更多

今日去咗中環食日本嘢🤩呢度會上咗前菜先，前菜有沙律🥗同茶碗蒸🥚。沙律嘅配搭好特別，有南瓜🎃、粟米🌽、西蘭花🥦、蕃茄仔🍅等等，佢嘅醬汁都好正，酸酸甜甜，好開胃🤤。茶碗蒸蒸得好滑，好重蛋香🥚，入面仲有白果、蟹柳🦀。海言廚師發辦魚生飯（特上）⭐️⭐️⭐️⭐️⭐️呢個好正，入面應該有成十款刺身，全部都係超新鮮🍣！有海膽、三文魚籽、拖羅、鯛魚🐟等等，全部都係睇住廚師即刻切出嚟🧑‍🍳，啲魚生好有鮮味🤩，豉油都唔使點已經超好食😱！侍應仲提醒我地要食咗中間嘅海膽同三文魚籽先🍱，再順時針食，食咗啲冇咗濃味嘅魚生先，之後再順住次序品嘗其他濃味啲嘅魚生，好細心📸！A4和牛燒肉飯⭐️⭐️⭐️⭐️⭐️⭐️本身諗住呢度主力係食魚生飯，點知呢個仲有驚喜🥰！和牛嘅份量好多，每塊和牛燒完入面都仲係粉嫩嘅🥩，食落完全唔韌，好淋，咬落仲有好重嘅油脂味🤩！啲醬汁都調較得好好，濃味得嚟又唔會蓋過咗啲牛味😻！入面仲有燒過嘅茄子🍆同粟米芯做配菜👏！最後仲會上埋麵豉湯，麵豉湯入面仲有櫻花蝦㗎🦐，令到個湯好鮮甜，為今晚嘅晚餐畫上完美嘅句號❤️…查看更多

位於中環威靈頓街的海言どんぶり専門店𝗠𝗶𝗸𝗼𝘁𝗼 𝗗𝗼𝗻𝗯𝘂𝗿𝗶，每日嚴選時令魚鮮入饌，被譽為「香港魚生飯天花板」！店內裝潢走日系風格，坐在吧枱前能近距離欣賞師傅手藝，氛圍就像置身迷你𝗢𝗺𝗮𝗸𝗮𝘀𝗲，視覺與味覺同時享受。魚生飯的每一口都無比滿足，讓人瞬間愛上，建議提前訂位。─── 🄼🄸🄺🄾🅃🄾 ───  ☾ 海言廚師發辦魚生飯(特上) 𝐎𝐦𝐚𝐤𝐚𝐬𝐞 𝐃𝐨𝐧𝐛𝐮𝐫𝐢 ʜᴋᴅ ⁴³⁰  十多款當季漁獲整碗滿鋪：入口即融的中吞拿魚腩、鮮甜爽脆的北寄貝、油香豐盈的鰤魚、晶瑩剔透的牡丹蝦。搭配溫度恰到好處的醋飯、紫蘇與山葵，清爽卻又不失濃郁層次。☾ 特盛藍鰭吞拿魚魚生飯 𝐁𝐥𝐮𝐞𝐟𝐢𝐧 𝐓𝐮𝐧𝐚 𝐃𝐨𝐧𝐛𝐮𝐫𝐢 ʜᴋᴅ ³⁴⁰  由赤身、中腹、大腹組成的三重豪華盛宴，切片厚度十足卻柔嫩易化口。輕炙部分更帶出魚脂焦香，與醬油的鹹香互相交織。  Nestled in Wellington Street Central, Mikoto Donburi offers a refined bar-counter dining experience, serving premium donburi crafted with seasonal sashimi. The Omakase Donburi presents over ten cuts of fresh seafood artfully plated on sushi rice, while the Bluefin Tuna Donburi highlights three tuna cuts including lightly seared sections, melting delicately into umami richness.  …查看更多

今日同老公去左中環一間超隱世嘅高級日本料理，試咗佢哋兩款招牌魚生飯，好似置身漁市場一樣咁新鮮。我哋叫咗兩款嘢食：海言廚師發辦魚生飯-特上，同埋江戶前散壽司（特上）。等咗一陣，首先係比左沙律同茶碗蒸先估唔到沙律好好食！！用左特制既醋去調教個味道 再加上所有既蔬菜都好新鮮 ！茶碗蒸都整得好滑好有蛋香的味道。等左一陣 首先上枱既係「海言廚師發辦魚生飯-特上」，真係唔係浪得虛名！個碗鋪到滿一滿，完全見唔到下面啲飯。用料超級豐富，有超厚切、肥美嘅大拖羅，入口即化，油脂香係口腔裡面爆開，正到癲！仲有鮮甜無比嘅海膽，一啲都唔腥，仲有爽甜嘅帶子、三文魚子，樣樣都係頂級貨色。啲飯都唔簡單，用咗赤醋飯，酸酸甜甜咁，同魚生嘅鮮味夾到天衣無縫，每一啖都係享受，層次感超豐富。跟住就到個「江戶前散壽司（特上）」。呢個魚生飯賣相好吸引！用料一樣咁多，一樣咁新鮮。師傅仲用左大量紫菜撈埋落d飯到，每一啖既口感味道都昇華左！另外想讚下佢哋嘅醋飯溫度啱啱好，軟硬適中，完美襯托出所有食材嘅優點。最後仲以清甜麵豉湯作結。總括來講，今餐真係超值！雖然價錢唔算特別平，但由環境、服務到食物質素，都完全對得住個價錢。如果你係追求極致鮮味同埋高品質體驗嘅日本料理愛好者，呢間絕對係中環必試之選！…查看更多

中環嘅海言どんぶり専門店可能係丼飯界嘅天花板！將omakase質素嘅新鮮食材匯聚落一碗丼飯之中，鋪頭細細但來訪嘅都係識食之人🙂‍↕️海言廚師發辦魚生飯(特上) $430 💯呢碗係我見過擺放得最精美亦最多種類嘅魚生飯，15,6款嘅食材堆砌而成嘅一碗丼飯，精美到賞心悅目，唔捨得食🥹港人最愛嘅海膽同三文魚籽，有肥美嘅拖羅、炙燒黑鯥、鰈魚邊、帆立貝；有秋季限定嘅秋刀，仲有各種各樣平時omakase先會食到嘅蝦頭膏撈赤蝦等。（特盛）藍鰭呑拿魚魚生飯 $340 🤤同樣跟咗沙律茶碗蒸麵豉湯等，而呢碗一共有4款藍鰭呑拿魚嘅部位：赤身、蔥拖羅蓉、大拖羅4切、以及炙燒拖羅，一次過食到藍鰭呑拿魚唔同部位，佢嘅油香特別肥美，肉質軟滑好高質…查看更多

佢嘅壽司飯絕對 對得起個價錢，超好食 🥹 世一✨️1. 廚師發辦系列-Omakase Set おまかせ定食• 海言廚師精心發辦的魚生飯（特上）🍱🥢 Mikoto Omakase Sashimi Rice Bowl (Deluxe)選用最新鮮的海鮮，搭配香滑的米飯，帶來無與倫比的味覺享受。豪華的魚生飯，結合多款新鮮刺身（海膽超鮮甜！），色彩繽紛，口感鮮嫩，讓每一口都充滿層次感，適合追求高品質用餐體驗的食客。This luxurious bowl includes a variety of fresh sashimi, beautifully arranged and served with a special sauce for a rich flavor experience. 2. 精選丼飯系列•A4和牛燒肉飯🥩🍱 A4 Wagyu Beef Rice Bowl以極品A4和牛後き肉為主角，經過精緻的燒烤處理，肉質鮮嫩多汁，散發出誘人的香氣。搭配米飯和新鮮蔬菜（烤茄子🍆🍄‍🟫），每一口都讓人回味無窮，絕對是肉食愛好者的首選。Made with premium A4 wagyu beef, grilled to perfection, this rice bowl is juicy and aromatic, paired with rice and fresh vegetables for a satisfying meal.仲要讚揚🤩前菜同 麵豉湯（超出色嘅配角👍）沙律菜🥗同 茶碗蒸，2個字 ＜清晒＞個湯飲得出係自家製（超清甜，絕對唔喺味噌湯包）係中環繁忙的都市中找到片刻的寧靜與享受🍵…查看更多