泰 (銅鑼灣廣場二期) (已結業)

呢間食過好幾次，不過去到超多人，要去Mini Friday 果邊坐我哋都係食返呢個好抵嘅晚市二人套餐個湯揀咗明爐冬蔭功海鮮湯，今次個湯都好辣下，海鮮有蝦、魷魚🦑及青口，好足料泰式炒雜菜個份量細返，食落好惹味泰式沙嗲4串揀咗雞➕牛，唔會燒到好乾，十分滋味海南雞半隻都唔算太大隻，點上醬汁食，好好味，重點係冇雪味泰式鮮蝦炒金邊粉係唔辣的，味道酸酸甜甜，仲有好多隻蝦泰式奶茶叫咗少冰，茶味好香濃蜂蜜龍眼蘆薈特飲揀咗少甜少冰，好鍾意飲呢個，🈶粒粒蘆薈，好有咬口甜品加$28就有個芒果糯米飯，芒果有半隻，好香甜，糯米飯暖暖的，口感軟熟

咁啱同朋友喺銅鑼灣行完街又來銅鑼灣廣場搵食，泰國菜都係我好中意食嘅菜式之一，這間店之前都有來食過，今次再來食。今次點左之前未有食過菜式。侍應推介我哋食二人套餐，但我哋都係點自己想食嘅菜式好啲。我哋點左個泰式鮮蝦炒金邊粉，啲蝦幾大隻又夠彈牙。另外點左個冬蔭功海鮮湯，啲海鮮好足料，隻蝦又大隻又新鮮，除咗蝦還有墨魚仔同青口，個湯都幾夠酸，不過可以再辣多少少，因為我喜歡食辣🤤🤤沙爹牛肉串燒，燒得剛剛好，啲肉唔韌。還有叫了個椰汁珍多冰同椰青。

Thaiology 地址:銅鑼灣廣埸二期6樓6/F, Causeway Bay Plaza 2, 463-483 Lockhart Road, Causeway Bay打開MENU實在太多美味食物了, 真是決定不了, 看了5分鐘都未想好落ORDER, 朋友廾3開始唔耐煩, 要點個2人餐好了, 因計下來價值比單點平, 且食物都是組搭受歡迎的菜式, 於是就點了晚市二人套餐 $508明爐椰汁雞湯/ 明爐冬蔭功海鮮湯+$12, 湯暖暖身，飲落味好重，酸酸辣辣後勁仲有淡淡的香茅味，青木瓜沙律很爽口, 同埋個汁唔會太OVER, 甜甜酸酸更有少許辣泰式沙嗲4串 , 雞、牛、豬中要了雞及豬肉,食SATAY個主角是惹味架SATAY醬, 蘸來吃風味升級。青咖哩牛，個汁撈飯唔錯架。白飯/油飯/泰式鮮蝦炒金邊粉(+$28), 油飯鹹香吸了湯, 極之開胃同惹味。好耐無食芒果糯米飯, 叫了份$98，重椰奶香，芒果酸甜多汁，糯米qq 煙韌。2人餐多到有得打包!!! 真是3個人來先食得曬啦!

由於預計到新年會食大量中餐同糕點，所以決定過年前要食一食其他菜色中和一下，泰國菜不失為一個好選擇呢間泰國餐廳食物選擇都幾大，有之前好興既shake shake海鮮，唔想諗又有2人或者4人套餐，我地今晚都懶懶地就叫左個2人餐食2人套餐 （$508）套餐跟兩杯普通飲品，如果想飲特飲就on top再加錢，而家個椰青半價有多就梗係order la明爐冬陰功海鮮湯（+$12）冬陰功海鮮湯好足料，每樣海鮮都有兩隻，有青口、大蝦、墨魚，酸酸辣辣好開胃，仲有明火，冬天飲暖笠笠泰式沙嗲4串串燒揀左雞同牛，泰式串燒幾時都係無得輸，香口得黎又唔會燒得太乾，配合埋沙嗲醬perfect match 泰式鮮蝦炒金邊粉（$48）有唔少大蝦，隻隻都爽口彈牙，金邊粉炒得唔錯，如果再濃味少少會更加好原條青檸明爐烏頭魚（$38）明爐烏頭係我係泰國菜入面最鐘意食既食品之一，酸酸地既湯底，仲有啖啖肉既烏頭魚，食得好開心

難食到唔想形容。椰汁雞湯淨係得椰汁配料唔多。炒飯好似熗鈑咁，濕淋淋。沙爹一般，冇驚喜。服務好慢， 感覺好似唔夠人做野。厨房出餐仲慢，如果你肚餓就唔好去喇。價錢中等，但性價比不高。銅鑼灣有其他更好食，性價比更高嘅泰國餐廳可選擇。

Thaiology 作為泰國🇹🇭菜係銅鑼灣都高CP值！今次晚市去食泰國🇹🇭菜2人餐，真係咩都有，由前菜到甜品飲品都包括在內！前菜就有泰式青瓜沙律🥗，清新爽甜！冬陰公海鮮湯：味道同係泰國當地嘅味道一樣，海鮮大蝦🍤新鮮彈牙！海南雞：2人餐有半隻雞，雞肉鮮嫩又滑沙嗲串燒：有豬/雞揀共4串，食落香口，沙嗲汁超野味海鮮金邊粉：識落唔會太鹹，味道啱啱好海鮮勁多泰式炒雜菜：味道啱啱好泰左明爐烏頭：魚肉新鮮，唔會有魚腥味芒果糯米飯：芒果新鮮唔酸好甜

平時Lunch成日食燒味飯同雙餸食食到好悶🙈呢日午餐同同事出咗去食泰國嘢，通常午市套餐都比較抵食泰式無骨海南雞飯（半隻）配油飯 $108午市套餐係有半隻雞份量都，雞肉算嫩，可以配上薑蓉、辣椒、黑豉油作調味，海南雞飯配上呢個黃油飯一齊食，另外套餐跟咗一碗冬瓜湯夠清澈仲有冬瓜肉可以食椰汁珍多冰 +$24 套餐轉飲 梛汁味濃印尼炒飯配雞肉串燒 $98張煎雞蛋🍳蛋汁撈勻炒飯，最鍾意蘸左沙爹醬既雞肉串燒😋串燒燒得好香口， 雖然炒飯略油膩但吃得很惹味，加左蛋汁既炒飯更加香，而配菜仲有蝦片夠哂脆卜卜

想食高質泰國菜不一定只有九龍城！今晚與朋友到訪位於銅鑼灣的Thaiology ，一間人氣很高的泰國菜餐廳。餐廳地段方便，環境座位舒適及食物價錢合理，是受歡迎的原因-🇹🇭晚巿二人套餐🔸明爐冬蔭功海鮮湯冬蔭功是一道經典的泰國菜。湯底酸酸辣辣，有菇菌、海鮮和大量泰式香料，十分惹味。最正是用明爐呈上，冬日來碗熱騰騰的湯水，份外滋味➖🔸泰式沙嗲4串選擇了豬及雞串；串燒跟沙嗲永遠是絕配，令人回味。 鮮嫩肉質的與烤到微微焦香的外層，再點上淡淡椰香味及花生味並重的沙爹醬➖🔸原條青檸明爐烏頭魚熱騰騰原條魚上枱，魚肉嫩滑，吸滿湯汁的味道，酸酸甜甜，愈吃愈開胃➖🔸泰式鮮蝦炒金邊粉炒金粉也是甜、酸、鹹、辣，味道豐富。 再加點鮮榨青檸汁，更添風味。鮮蝦肥美，而且份量都多➖🔸泰式炒雜菜雜菜夠爽脆亦夠鑊氣➖🔸柚子金桔檸檬特飲🔸蜂蜜龍眼蘆薈特飲

泰 Thaiology - 性價比高泰菜今日嚟到銅鑼灣一間泰國菜專門店，佈局非常有東南亞色彩，提供多款泰式嘅美食例如海鮮、粉面、飲品等等，更加提供套餐，性價比相當高。晚市二人餐 $508明爐冬陰功海鮮湯 +$12不是一碗碗嘅冬陰公湯，而是一整煲明爐嘅熱湯，相當有誠意，味道亦濃郁!泰式沙嗲串燒小食就揀咗串燒，雞牛各兩串，配上沙嗲醬超級原條青檸明爐烏頭魚 +$38大大條原條嘅烏頭魚，肉質超級嫩，啖啖肉，加上用明爐一直熱著，熱騰騰，冬天食啱晒！泰式鮮蝦炒金邊粉 +$48炒粉麵就叫咗金邊粉，加入大蝦、芽菜、蔥段、蛋花、花生碎，相當地道嘅味道。泰式炒雜菜套餐包的炒雜菜，中規中矩。芒果糯米飯 +$28

天氣驟降，要食泰菜火辣辣一下，這晚來到Thaiology，全場滿座，幸好有預先訂座呢！掃code自助落單，也有餐牌方便查看，我散點幾個經典菜式後，才發現套餐比較抵食呢......冬蔭公海鮮湯$168，2至3人份量，有2隻爽彈大虎蝦、青口、墨魚仔，酸辣度適中，不會嗆喉；餐廳已預先隔走蕃茄、南薑、香茅等湯料，可以全鍋喝掉呢！傳統的泰式魚餅蝦餅固然吸引，但論香口程度，非脆炸芝士蝦丸$108莫屬，手打蝦丸好大粒，爽彈鮮味又可口，中間半溶芝士完美混合蝦肉中，沒有違和感。海南雞(半隻)$168，最喜歡全熟的雞肉，雞皮下帶有少許啫喱層，皮嫩肉滑帶雞油香，我平日怕肥不吃雞皮，這趟要一併吃下去了﹗原個菠蘿炒飯$158，飯粒炒得夠乾爽，大量配料(肉鬆、提子、雞肉、菠蘿粒、青豆等)，口感豐富。

銅鑼灣2期Thaiology同 mini friday, 日本野 share6樓全層，餐廳劃分區域空間感幾大，叫左2人套餐幾抵多野食。明爐椰汁雞湯，湯頭夠熱，椰香味慢慢滲出！味道清而甜，雞肉幾夠嫩，還有明火keep温，相當細心。沙嗲串燒，點了豬and牛串各有特色！整體夠肉香又唔會乾身，keep到 juicy香味，特別一讚係沙嗲醬，花生香味非常特出，香而不辣，味道夠惹味。原條青檸明爐燒魚，大大條烏頭熱湯盛住！加上青檸汁令味道層次更突出，完全無腥味，魚肉幾夠滑而且啖啖肉！魚肉厚身夠多肉幾正。泰式鮮蝦金邊粉炒得幾有鑊氣，鮮蝦夠爽彈而且份量幾足料，金邊粉炒得入味夠爽身，味道剛好唔會太咸！ 蛋絲魚蛋片令口感更好。最後還有炒雜菜，大約有5-6款唔同菜類，大堆頭得黎感覺亦都幾夾，蒜香味夠香濃。泰式奶茶茶味夠香濃，香甜感又帶清新，幾有風味。

間唔中都會食吓泰國菜最近試到一間唔錯嘅泰國菜餐廳分享一下～……………………………..一開始我哋叫咗鮮蝦柚子沙律非常好食！柚子酸酸甜甜好開胃之後叫咗一個泰式小食拼盤（魚餅、蝦餅、雞翼、春卷、沙嗲串燒）呢個就咁睇賣相已經好吸引！味道都係好好味😍😍調味做得啱啱好另外叫咗我平時成日食嘅生菜包呢個有少少辣我自己就好鍾意！最後我哋仲試咗泰式鮮蝦炒金邊粉味道剛剛好!就算係粉麵食到最尾都唔會覺得好膩🤣🤣如果鍾意食泰國菜可以試吓呢間～…………………………………..Thaiology 地址:銅鑼灣廣埸二期6樓

一直都見到好多人介紹呢間泰國🇹🇭菜今次終於同朋友book到銅鑼灣呢間去咗食飯我地叫咗個二人餐😋朋友同我都覺得菜式整體偏鹹😮😮重口味人士應該會比較啱食啲⋯⋯⋯❇️明爐冬陰功海鮮湯❇️泰式炒雜菜❇️泰式沙嗲串❇️青咖喱雞❇️油飯❇️泰式奶茶另外叫咗 ⋯⋯❇️脆炸蝦餅🍤同 ❇️芒果糯米飯 作結🫶🏻兩款唔係跟餐嘅菜式 我都覺得幾好味😋芒果🥭望落去以為好青澀 點知食落又完全無問題👍🏻仲幾好味🤣🤣

今日同同事喺銅鑼灣諗唔到食咩，就決定去食泰國菜，因為泰國菜中伏程度唔算高。但係今次間餐廳性價比冇我想像中咁高泰 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓味道: ⭐️⭐️⭐️價錢: 💰💰💰💰💰抵食指數: ⭐️⭐️泰式無骨海南雞飯🐓🍚(半飯) 配油飯 $108先講講啲配角，油飯同個湯唔係想像中嘅味道，油飯無油膩感同油味，湯就清清地。海南雞就正常，只係性價比無咁高，而且感覺唔似半隻🤣反而佢啲青瓜蘿蔔更加好味😋印尼炒飯 配雞肉串燒 $98但個印尼炒飯就唔同啦，個炒飯嘅油膩感出返哂黎，同有隻煎蛋陪襯撈埋一齊，個味道調返出黎。雞肉串燒配埋沙嗲醬真係冇得彈，唯一一樣只係醬汁比較少。而且亦都有蝦片做配菜，印尼蝦片真係好好食

除咗九龍城之外，其實好多地方都可以食到正宗泰國菜🇹🇭 呢間餐廳座位非常闊落，係同朋友聚會嘅好地方～見到佢哋嘅套餐幾抵食，就叫咗晚市二人套餐，裏面包括一份沙律、小食、湯、肉類、主菜同飲品，非常豐富好似食緊泰式自助餐咁😆-明爐冬蔭功海鮮湯冬陰功湯用火爐慶住保證夠晒熱，飲落味道濃郁，味道比想像中辣，唔係好食得辣嘅朋友可能要叫小辣啦～-青木瓜沙律沙律份量好足料，青木瓜切成一絲絲好易入口，味道好清新🥗-泰式沙爹4串可以選擇雞/牛/豬肉，我地揀咗雞肉同牛肉串燒，肉嘅份量幾多，串燒燒得都幾香口-海南雞（半隻）雞肉肉質幾滑，份量對兩個人嚟講絕對足夠，配埋海南雞嘅特製醬汁味道一流👍🏻-泰式鮮蝦炒金邊粉金邊粉味道好濃郁，蝦肉份量都幾多，食落好惹味-芒果糯米飯食泰國菜當然唔少得叫芒果糯米飯啦！芒果好鮮甜好大隻，糯米飯好香甜。