泰 (銅鑼灣廣場二期) (已結業)

星期六晚人多，又冇訂枱，walk in 呢間泰國餐廳，因為唔使等位，點知中伏，終於明白點解唔使等位。食完一肚氣，令到從來唔會寫食評嘅我，都忍唔到，要上黎寫食評！呢間嘢D 嘢食真係好難食，份量又少，價錢又貴，D嘢又唔夠熱，毫無誠意，千千千千祈唔好幫襯🤮仲有，個所謂廚師推介，椰汁焗海鮮飯，用椰殼裝住炒飯，上面求其擺幾樣海鮮，份量少到一個人食都唔夠，收$188，唔明點解佢可以定咁嘅價錢🤬總之埋單兩個人食咗四百幾，食完急急腳走，要再食茶餐廳先夠飽😖

看著OpenRice上好評才來的，沒想到在香港吃了這麼多年泰國菜，第一次中伏。食生蝦食到拉肚，作為招牌的炒粉絲吃起來非常乾，而且寡淡無味，完全當不起推薦菜式。多人推薦的炒雜菜炒得特別咸，難吃。我們點的有幾個菜上菜非常慢，催了好幾次，每次都說追緊。同埋價錢偏貴，人均三四百亦沒吃到什麼，完全值不起這個價格。沒想到第一次在OpenRice上寫的食評貢獻給了這家的差評。實在是太差勁了，唔明點解會有那麼多笑臉好評。建議大家避雷。

🤮🤮🤮🤮⚡⚡⚡非一般嘅食堂…難食到嘔電…價錢又唔平!質素衰過茶餐廳…金邊粉仔炒河粉…鱸魚似青湯煮魚🤮🤮🤮🤮⚡⚡⚡串燒完全咬唔開🙄🍢🍢🍢💢💢💢

一入到間餐廳 其實已經有陣噏味 打開個餐牌 見佢定價都偏貴 叫左二人餐 揀左 冬蔭公湯 明爐烏頭魚 炒雜菜 串燒 炒金邊粉 .. 仲加左生蝦 芒果糯米飯生蝦正正常常 炒雜菜 係可以有一大塊青口殼係入面 但佢唔係海鮮炒雜菜 係單純一個炒菜串燒一般 偏硬 炒金邊粉個粉係有陣酸味既 冬蔭公湯都還可以 最離譜係個烏頭魚 唔知以為佢係用水煮完全無味最後都想拿拿林食完走人 叫佢快d上埋個芒果糯米飯 個芒果係切左半個出黎 𠝹左格仔 但係連皮上 感覺有d hea last 埋單兩個人800幾 我完全唔明點解咁多人話套餐好抵食 第一次食泰國野難食到要打食評叫大家唔好中伏

呢間野係我人生中食過最難食最hea嘅泰國菜 放題蝦做生蝦 收我$150條魚完全係無味 炒雜菜又係好似炒垃圾果d串燒燒完出黎硬過我條命個東陰功湯又係隔離拎 奉勸大家 想食垃圾就去試下

泰國菜一向廣受港人歡迎，而於銅鑼灣廣場6樓既呢一間泰國菜—Thaiolgy，裝修時尚摩登、店舖整潔企理、座位寬敞，加上樓底高，增加左餐廳既空間感，令人坐得幾自在🍽️ 食物方面，好多傳統經典泰國菜式都應有盡有；當中泰式小食拼盤小食種類多元化，串燒肉類燒至帶焦香，而炸物香脆可口，份量非常多；馬拉盞炒通菜同樣出色夠晒鑊氣，相當惹味～ 總結而言，餐廳環境、食物質素都中規中矩，係值得揀選既一間泰國料理🇹🇭

從末食過咁差嘅泰菜，點了四款食品及一杯飲品，分別是椰汁海鮮湯 、 泰式拼盤、 泰式金邊河 、 生菜碎肉包 珍多冰 ，埋單700元，兩位用餐，椰汁湯完全無椰香味，連泰菜最基本用到的香茅檸檬葉都無用，金邊河過咸，泰式拼盤內的沙嗲串，好硬，雞翼無味，蝦餅、魚餅炸得太燶 ，生菜碎肉，完全無泰國嗰種香料味，今餐中伏得好緊要，坐位安排得好差，坐得仲迫過大家樂，場內還有很多位，直至吃完飯埋單，仍然是吉座，呢間嘢真係唔會再有下次。

First time trying this restaurant, going with parents and sister. Soonest I sat down, parents complained that receptionist was very inattentive and rude, I didn’t observe that myself so no comment. But soonest when food arrived, everything was so petite. We ordered a portion of pork neck and fish cakes, both were shockingly tiny portions for the price paid. I’ve taken a picture of the pork neck, will upload to share with everyone. Also ordered a green curry, and portion of rice, those 2 were ok.

泰國未去到～食住香港泰菜先😆餐廳口味迎合港人～味道比較溫和～餐廳以墨綠色再綴上木材，高雅舒適😌選擇困難點餐法～直接order 2人餐✌🏻晚市二人餐，五款食物+2杯飲品🔥明爐冬蔭公海鮮湯食泰國嘢都係為咗飲冬蔭公～有蝦、墨魚仔、青口唔錯但個人覺得可以再辣啲辣啲🔥🔥🔥青木瓜沙律清新爽口～酸甜開胃🔥泰式沙嗲串燒都係豬牛雞任揀4串，幾好！無燒到乾柴～咬開仲有D肉汁㗎～沙嗲醬好味😋🔥青咖喱雞都係唔夠辣😆不過係好食～雞柳唔嚡口，仲有豆卜泰國茄子蔬菜，都幾足料喎～🔥泰式鮮蝦炒金邊粉蝦大隻爽口～炒得乾身，唔會成口油～🔥脆炸滋心蝦丸 呢個係另外叫嘅，好大粒，彈牙蝦丸內層香濃芝士～Yummy！

呢間泰國菜環境唔錯仲幾好坐，位置都好就腳，地鐵站一出過馬路就係，上到去又有卡位坐，同一班朋友黎都唔會覺得逼。餐廳有二人餐同四人餐，不過都係散叫會岩食啲。沙律有大蝦柚子沙律，大蝦配左酸甜既沙律汁仲有清甜柚子好開胃，面頭加左啲腰果同脆魚干增加口感。天氣凍想飲口熱湯，椰汁🥥海鮮就最易入口，平時配雞就見得多，今次係加左蝦既鮮味令椰汁湯更加香濃。用熱火爐烘住就可以留返遲啲飲都唔怕凍。重頭戲叫左咖哩軟殼蟹，金黃色好sharp醒，軟殼蟹份量多滿意。

前幾晚同朋友食咗呢間泰國嘢《泰Thaiology》叫咗個晚市二人套餐都幾豐富╰☆明爐椰汁雞湯(2人)好香椰香味，個湯勁足料，入面有好多嫩滑嘅雞肉，而且個湯用咗個爐熱住，唔怕好快凍，飲完暖笠笠╰☆泰式鮮蝦炒金邊粉(少辣)鮮蝦有成6隻咁多😳蝦肉爽口彈牙，金邊粉味道酸酸甜甜，越食越開胃╰☆泰式炸魚餅炸魚餅熱辣辣，入口好彈牙╰☆泰式沙嗲4串(雞，牛各2串)燒得幾香，雞同牛肉都勁大串，啖啖肉，啲肉唔會燒到好乾，點埋個好濃郁花生味嘅沙嗲醬，超正呀🤤╰☆泰式炒雜菜有翠玉瓜、紅蘿蔔🥕椰菜、豆角、菇類等等…炒得好惹味╰☆芒果糯米飯食泰國菜點少得芒果糯米飯做甜品，糯米飯飯粒微暖，口感煙煙韌韌，淋上超多椰漿，甜而不膩╰☆泰式奶茶｜椰汁紅豆冰

我哋嗌咗一個二人套餐（$508）同埋炭燒豬頸肉（$118）咁就逐樣講吓嗰個二人套餐包括咗啲咩啦首先就係嗰個椰汁雞湯同埋泰式炒雜菜我想講呢個湯真心幾出色👍👍飲落去幾鮮甜而且雞肉食落去亦都好嫩滑跟住就講吓嗰個海南雞啦（亦都有兩碗油飯）呢個海南雞食落去口感都幾滑嫩而且亦都係無骨嘅🤩🤩所以可以啖啖肉咁樣真係幾正之後就講吓我哋揀咗要嘅泰式串燒同埋豬頸肉啦～～串燒方面我哋就揀咗要兩牛兩雞食落去都算幾惹味嘅😉😉配埋嗰個花生醬就更加入味牛肉識落佢就比較乾身嘅豬頸肉食落去都幾爽口最就講埋佢哋嘅嘢飲啦我哋兩個都加咗$12要泰式奶茶我覺得佢哋嘅泰式奶茶真係幾濃郁🥰🥰而且飲落去幾甜

見到這間餐廳的食評都唔錯，昨晚就和我的先生去食晚飯。一入去的印象就不是太好。首先就是一個女待應黑口黑面咁指咗我們去一個卡位座下。跟住一個高男待應掟了一個有二維碼的夾子在枱上說‘自己落單’就走咗。我們叫了羊架$118，冬陰公河粉$138，蒜蓉炒芥蘭$88，白飯1碗$18。羊架還可以，但冬蔭公河粉裏面就得一隻蝦及二隻青口，其中一隻青口是爛的！河粉很少，味精偏重。 芥蘭叫咗小油，上到檯都是成碟油。總括來講不值得再去。

叫左4樣野，咖喱牛、半隻海南雞、蒜蓉包（4塊）、串燒6條加支酒，埋單800幾，好快就上菜。咖喱牛：咖哩唔辣，但牛肋條冇乜切過，好大舊，但都幾淋，好易咬，但可能係分開煮，好唔入味，覺得成道菜無味。半隻海南雞：好鞋，好細隻，唔知仲以為係啱啱出身的雞仔，唔好食。蒜蓉包：好少，普通但貴。串燒：唔好食，肉好老且無味，醬好食但太少。酒：普通但貴。總結：去其他餐廳啦，呢間又貴又難食。800幾已經可以5個人食餐好，但呢間泰只係比2個人，唔抵食。

最近發現銅鑼灣都幾多抵食/特色lunch，前排同同事就去食下泰國野，lunchtime去仲有88折！🌟 黃咖哩豬頸肉配白飯$88-比較有驚喜嘅菜式，黃咖哩幾甜香得來都幾濃椰香味，配上大大塊豬頸肉，肉質軟嫩，仲有香口薯仔，撈飯一流！🤩🐔泰式無骨海南雞(半隻）配油飯 $108- 有成半隻雞，大大份好滿足。雞肉全部去曬骨，大大口咬落去啖啖肉，雞肉皮滑肉質淋香。午市88折之餘仲要免加一，又可以坐得舒舒服服，真係幾抵食！ 😍