影片
港鐵宋皇臺站B3出口, 步行約4分鐘
繼續閱讀
電話號碼
81013396
開飯介紹
九龍城口碑不錯的泰國菜餐廳，新鮮的生蝦尤其出色。
繼續閱讀
附加資料
繁忙時段用餐時間為90分鐘。
營業時間
今日營業
11:30 - 14:30
17:30 - 22:30
星期一至二
11:30 - 14:30
17:30 - 22:30
星期三
11:30 - 15:00
17:30 - 22:30
星期四至六
11:30 - 14:30
17:30 - 22:30
星期日
11:30 - 14:30
17:00 - 22:00
公眾假期
11:30 - 14:30
17:00 - 22:00
公眾假期前夕
11:30 - 14:30
17:30 - 22:30
*最後點餐時間 21:00
以上資料只供參考, 請與餐廳確認詳情
有關獎賞計劃
相關文章
「九龍城」食泰菜大家都知啦，為食🐑今次去邊一間？ 揀呢間「泰象館」因為出名抵食、性價比幾高，入面充滿泰國裝飾，氣氛好熱鬧，都好多熟客幫襯！🔥串燒✨跟咗惹味辣醬汁🌶️燒雞腎 $15外皮以為佢乾爭爭，點知原來入面都幾嫩，唔會燒得太乾，入口啖啖肉先，可一食！💛燒風鱔 $35食入口同樣啖啖肉，外皮燒到香脆，燒烤迫曬當中嘅油份出嚟，肥美鮮香！🐔燒雞全翼 $18原隻大大隻雞翼都係$18，都幾抵食！🥬🐖泰東生菜包 🐖 $84口味可以揀辣度，怕辣嘅朋友叫微辣就可以，呢個生菜包酸辣平衡都做得唔錯，豬肉使用咗比較肥豬肉部份，仲有少少隱約嘅鹹魚味，感覺真係好惹味！🥬生菜比平時嘅細塊啲，更加容易食！🍍菠蘿海鮮炒飯 $88真係有緣隻菠蘿喺度㗎‼️菠蘿炒飯絕對係泰菜入面嘅經典，呢個都係沿用返經典配方，上面有勁多肉鬆同埋腰果，入面有三色豆同埋香甜菠蘿，最好食嘅配菜係嗰啲粒粒臘腸肉同魷魚，腰果仲脆卜卜，感覺好豐富！🍋🟩青檸梳打 $26落足青檸，叫咗少甜會比較酸，建議飲返原味！🧡龍眼冰 $26以呢個價錢嚟講俾足料，因為入面有成10粒龍眼肉，香香甜甜配飯都OK！
繼續閱讀
熱辣辣最開胃就係食泰國菜🇹🇭係九龍城見到呢間小小人排隊，跟隊試下先🤤繁忙時間排左10分鐘左右就入到🦐冬陰功海鮮湯(小) $82一上檯聞到已經流口水，入面好多魷魚、青口、蝦仁等海鮮，入口酸酸辣辣，超香濃香料味佢係注重香料，椰奶味唔重果派🥬泰東生菜包 $84呢個肉碎有鍋氣，炒得好香，偏重口味，配生菜或者撈飯都一流🍍菠蘿海鮮炒飯 $88原隻菠蘿，又食得又可以打卡，新鮮菠蘿酸酸甜甜，表面鋪滿腰果肉鬆，入面收埋好多海鮮🥗酸辣鳳爪沙律 $83出去食好怕呢個沙律配菜多過鳳爪，呢間反而係相反，鳳爪分量好多，唔洗怕要同朋友爭🍹芒果沙冰 $30我地全部餸都叫左小辣🤏🏻唔太食得辣嘅覺得啱啱好餐廳落單嘅時候有好多option提供選擇，少鹽少油走味精等，出街食都可以食得健康啲
繼續閱讀
九龍城一直都好出名食泰國菜🔥 今日跟朋友嚟呢間食，人非常多，好熱鬧😎 重點係價錢好平🤩 超級抵食✨🔸 串燒3拼 (豬/牛/雞) ($90)各揀咗兩串🤤 全部都燒得好入味，好有炭香味🔥 雞肉嫩滑多汁，牛肉同豬肉都唔會硬，啖啖肉😍 配埋沙嗲醬一流🤤🔸 燒鰂魚 ($148)係成條嘅燒鰂魚🐟😍 外層用鹽焗住，仲有香茅等等嘅香料一齊燒🔥 裡面嘅魚肉又香，又超級滑✨😍 非常好食❤️🔸 蛋包蝦仁金邊粉 ($79)金邊粉賣相好靚，用蛋包住🥚 裡面係有蝦、蛋等等，感覺都好正宗😎 而且份量超多😆🔸 柚子蜜 ($26)柚子蜜好大杯😆👍🏻整體食物質素真係好高😎 而且店員服務唔錯，好快手亦有禮貌💖 性價比高🥰
繼續閱讀
黎九龍城唔係唔食泰國野掛？呢間「泰象館」唔算大間，見網上都幾多好評，價錢合理，一於試下！✨菠蘿海鮮炒飯 （＄88）原隻菠蘿上，打卡able~裏面佈滿蝦仁、魷魚、肉鬆、腰果、菠蘿同葡萄乾，配上蛋炒飯，味道好有層次感！腰果仲脆卜卜，份量好多，足夠兩個人食～✨燒豬頸肉（$90）燒豬頸肉份量不少！非常惹味，帶有少少炭香，而豬頸肉既肉質爽口～配泰式酸辣醬汁，好刺激✨芒果糯米飯（$60）甜品嗌咗芒果糯米飯，芒果超甜，糯米飯煙韌有咬口～
繼續閱讀
🐽 泰式豬肉紅咖哩一上枱聞到好香椰奶味，汁底濃得嚟唔水汪汪，辣度溫和帶甜。豬肉半肥瘦，入口即化，撈埋啲脆口蒜蓉包食，吸晒啲咖哩汁真係幾正🐽 燒雞全翼燒到金黃色，外皮脆卜卜，咬落有炭燒香。雞肉醃得入味，肉質夠嫩唔乾身，蘸少少酸辣汁更醒胃🐽 泰式乾炒雞肉河鑊氣十足！河粉炒到條條分明，冇黐埋一舊舊。雞肉片夠滑，加咗芥蘭、蛋絲同甜豉油，鹹甜平衡，食完成碟都唔膩🐽 飛天炒通菜用蝦醬爆得好香，菜莖爽脆冇渣。鹹香夠味但唔會死鹹，仲有少少蒜片同辣椒吊味，送飯一流 🐽 芒果沙冰真材實料，飲到芒果纖維同果香，甜度自然唔假。冰打得幼細，溶咗都仲keep到濃稠感，解辣又清爽
繼續閱讀