泰象館

琴日真係好開心！我同老公一齊入場撐港隊比賽，大家都好興奮。不過入場之前，梗係要食飽飽先啦。上次喺九龍城食過泰象館，覺得好好食，所以今次要encore。一入餐廳發現原來好多球迷都係度食飯，真係好熱鬧！一坐低我哋就叫咗個燒烤魷魚，因為上次已經好想食，當佢上枱嗰陣，已經聞到好香，有啲煙韌嘅魷魚，燒得啱啱好，咬落去肉質好有嚼頭，再加上配埋嗰個酸酸辣辣嘅海鮮汁，真係好夾！每一口都咁正~接住我哋叫咗一個脆肉炒椰菜苗。脆肉原來就係講燒肉，再加埋椰菜苗那種爽脆口感，簡直係Perfect Combo！我鍾意佢用咗少少蒜蓉，令味道提升咗唔少，整碟菜好適合送飯！我哋又嗌咗個泰式乾炒海鮮河，碟河粉好大碟，非常足料，再加上上面好多海鮮。炒得好有鑊氣，唔會油膩。最後就梗係要食返個芒果糯米飯做甜品啦！芒果切得細細塊香甜好味搭配埋黑白糯米飯，淋上椰汁簡直Perfect。食完呢一餐，我同老公可以話食得非常滿足，價格又唔貴都幾抵食。好期待下次再嚟呢間餐廳試多啲新菜，總之呢度絕對係值得推介嘅好地方！#九龍城 #九龍城美食 #泰象館 #泰國菜泰象館 (九龍城)九龍城城南道48號地舖…查看更多

喺朋友極力推介之下，終於嚟到呢間人氣爆燈嘅泰國菜！餐廳位置超方便，城南道直行就見到，而家仲有地鐵直達九龍城，真係懶人恩物～平日六點幾衝到去，好彩仲有最後一張枱，睇嚟下次真係要乖乖book位先得！✨ 冬陰海鮮湯 (小)一上枱就聞到香濃酸味，湯料多到滿瀉！大蝦、魷魚、草菇樣樣齊，酸度夠突出，辣度輕輕哋，飲完成個人都醒神晒～✨ 柚子沙律真心驚艷！柚子肉清甜爆汁，夾住大大隻爽口鮮蝦，魚露嘅鹹香、椰子片香脆同青檸酸味撈埋一齊，開胃到食唔停口！✨ 炸蝦餅拼魚餅蝦餅外脆內彈牙，咬開仲有肉汁；魚餅質感好特別，鬆軟得嚟帶啲香茅香氣，點埋酸甜醬真係邪惡到震！✨ 必食三拼串燒豬牛雞各兩串，全部燒到金黃微焦，肉質嫩滑唔乾柴！靈魂所在係個沙爹醬——濃郁花生香夾住粒粒口感，掛滿串燒真係無得輸～✨ 馬拉盞炒椰菜苗鑊氣十足！馬拉盞鹹香逼入每棵椰菜，勁惹味，簡單小菜都做得咁有層次～✨ 最特別的飲品羅勒葉菠蘿冰：估唔到加咗羅勒葉嘅菠蘿冰感覺咁清新！好香嘅羅勒葉味道～不過唔係個個接受到，有興趣可以試一試🥰泰式奶茶一定走唔甩，老細必點！每道菜都咁正，難怪晚晚排長龍！以後想食泰菜諗唔到第二間，不過切記要訂位啊～…查看更多

九龍城真的有很多泰國菜，非常集中之地。但泰象館從來也沒試過，看見門口的餐牌，裡面有炸蝦餅🦐已經非常吸引。 🈵在平日的星期一至五晚上已經滿座，想要來吃的人，☎️來之前先預約一下會較好。 這次點了不少菜式 : ✨🦐炸蝦餅Deep-fried Shrimp Cakes沒想像過每一塊也是很大的，雖然是切一半，但絕對是足夠份量~ 炸得外皮香脆，不會很油膩而爽口彈牙，來到這裡一定要點的菜~ 🐖🥗酸辣豬頸肉沙律Sour & Spicy Pork Jowl Salad平常也是吃炭燒豬頸肉，但這次嘗試酸辣口味，新鮮香菜和豬頸肉拌在一起，非常的醒胃，豬頸肉有一點肥肉但是酸味能夠中和油膩~ ✨🍍🍘菠蘿海鮮炒飯Thai Pineapple Fried Rice with Seafood以為份量很少，但原來塞滿一整個菠菠蘿，用原個菠蘿肉去炒飯~菠蘿很香甜，非常多配料，每一口也是滿滿的。 ✨🥭芒果沙冰Mango Smoothie新鮮芒果打至冰沙，味道超濃。…查看更多

來到九龍城，當然係食泰國嘢今次揀咗泰象館，一入去已經覺得餐廳充滿地到風味，每道菜都有驚喜而且價錢合理。炸芝士蝦丸 ($90) 上枱見倒好大粒，蝦丸外層炸得香脆，蝦肉彈牙，入面充滿流心芝士，食落仲熱辣辣，配埋泰式辣醬，香濃又邪惡。串燒三拼(豬/牛/雞) 各兩串 ($90)燒得焦香，每串都好厚肉，份量充足，三款肉嘅肉質都好嫩滑，一d都唔乾，配埋秘製花生沙嗲醬簡直一流。 明爐青檸蒸烏頭魚 ($153)魚肉蒸得剛剛好，完全唔嚡口，食每一啖都有青檸同香茅嘅清新香味，上菜時仲會有個火慶住，食到最後一啖都仲係好夠熱，又有得揀辣度，認真貼心。餐廳店員態度好有禮貌，上菜速度及執枱都好快，值得推介。…查看更多

呢間泰式小店午市真係客滿，好多人排隊等位，生意非常好。佢哋嘅套餐真係好抵食，份量又夠多，只係五十蚊就有交易，仲包埋飲品，真係超值！我叫咗泰式炒金邊粉，炒得好香口，啲粉唔會太油，味道夠地道。泰式乾炒雞河都好有鑊氣，雞肉嫩滑，河粉吸晒啲醬汁，好惹味。飲品方面，我試咗椰汁珍多冰，椰香味濃，珍多啖啖都好滑。芒果沙冰就清新解渴，芒果味好濃郁。串燒三拼有豬、牛、雞各兩串，燒得啱啱好，肉質唔會太乾，沙嗲醬夠惹味，食到停唔到口。最後一定要試埋芒果糯米飯，芒果甜又多汁，糯米飯煙韌，配埋椰漿一齊食，真係好滿足！呢間小店真係值得再嚟，價錢合理，食物質素高，推介！…查看更多