泰象館

燒烏頭 $142我諗呢個可以係今餐MVP, 原條魚上, 魚質尚算可以, 中間夾咗香芧香料嚟燒, 所以魚肉食落有淡淡獨特香味, 但你話係咪好有驚喜呢? 又真係稱唔上炸蝦餅 $79不過不失, 呢個份量算係咁, 有8舊半件紅咖喱(牛) $78牛肉片偏細, 而家我食咗好幾件都有筋, 口感麻麻地有配菜喺入面, 但香料味唔係好出, 同我想象中嘅味道有出入泰象館招牌炒飯 $93第一次食呢間餐廳, 見佢話自己呢個係招牌梗係要試吓, 一上枱我已經隱隱覺得出事, 結果真係! 唔係話佢冇配料, 但嗰一堆嘢原全冇味, 外面以蛋網包埋, 但冇幫到手, 冇蛋香豬頸肉炒芥蘭 $74同樣地, 佢啲豬頸肉片偏細, 兼且我expect佢係有輕輕烤過啲肉先, 至少用得"炒", 我都會expect佢係香口啲, 結果並沒有, 所以又係有落差海南雞飯 $63基於佢嗰炒飯份量俾我地想象中細, 所以後加個飯, 當時已經唔敢再叫炒飯/炒河嗰類啦, 諗住平啲叫個雞飯算但你又真係估佢唔到個雞飯可以差到咁最基本淨係啲雞肉好"鞋"你已經搞唔掂, 然後啲油飯又係冇味...串燒三拼 (豬+牛+雞) $85呢個我會話排第二, 份量正常, 肉質正常, 唔會話燒得太耐好乾身, 沙嗲醬(另上的)都幾好味, 如果俾多啲會更好haha椰汁珍多冰 $29全晚最恐怖係呢個, 我未飲過有酸味嘅珍多冰, 我初頭都驚係自己味覺有問題, 但俾同行另外2位飲過都試到咁就真係冇屈佢喇然後啲綠色條條口感好差, 0味, 我出面飲嗰啲都唔係咁//最後, 真係要利申返我同屋企人都唔係重口味嘅人, 冇味真係冇味, 我唔係haters, 平時啲食評都係有嗰句講嗰句非打手, 所以食完餐飯出咗門口, 我真係好懷疑啲好評喺係邊度嚟, 定我咁啱唔好彩, 佢地平時水準唔係咁, 但我唔會知, 因為我就唔會再試喇XD但餐廳啲職員服務態度係好好嘅, 舖內空間比較窄, 佢地好主動問我地駛唔駛用掛鉤放袋, 我地走嗰陣差啲漏嘢佢地又即時提醒, 不過我只能話食物質素先係根本…查看更多

朋友想食泰菜，遂提議來九龍城的泰象館，是一家我倆都未光顧過的餐廳。店內座位比較狹迫，店員見我們比較多物品，主動加張櫈好讓我們能放置物品。先來一份青芒沙律，都幾大碟，青芒果絲好粗身，還加入些炸蒜及花生碎，以泰式酸辣汁拌勻而成。惟味道鹹鹹酸酸，味道過重，作為前菜，一點都不開胃冬蔭公(小)，餐牌內有分冬蔭海鮮湯及冬蔭海鮮清湯，看英文也不會分辨到，要問店員才知分別，最後我們選的是冬蔭海鮮清湯那款。材料有大蝦﹑青口﹑蕃茄、菇菌及香草，辣度好足，味道好濃，但同樣略鹹了一點。串燒三拼 (豬牛雞)，串燒不是太乾柴，能保持肉汁，焦香度恰好，沙嗲醬較稀，以致不夠惹味。但味道不會太鹹在這頓晚飯而言都算好好了！燒烏頭，烏頭都算大條肉厚，外皮燒得鹹香，魚肉滲進淡淡鹽味，不會太過。烏頭不是黃油烏頭，所以燒完後，魚肉也沒什麼油香。魚肉蘸些酸辣汁來吃，味道不錯。龍眼冰 ($26)及泰式紅茶  ($26)，兩杯飲品都好甜，像在喝糖水一樣。龍眼亦不夠鮮甜。和朋友一致覺得這頓晚飯的菜式都太濃味，幸好串燒及燒烏頭的調味還好，不然都不知道吃了多少鹽落肚！門口愈來愈多人等位時，店員有提醒用餐時間夠，但好像由入座那刻都沒提用餐時限是多久啊 (?) …查看更多

天氣又凍又濕， 雨下個不停， 就趁下午有堂食找泰國菜食。疫情下四處人流大大減少， 感覺很冷清，有機會要多多支持心儀食店。九龍城的[泰象館]😋 也是今天首選。午市套餐6點前仲可以叫～黃咖哩豬～ 大碗咖哩配大大碗白飯🍚超正！黃咖哩濃郁並充滿椰香，稠身但又不糊口👍， 材料豐富有豬肉片，三色椒和車厘茄～ 很滿足！飛天通菜跟午餐只加$35， 抵食而且份量畀到足。 很有鑊氣夠惹味夠辣度！😍飲品也調製得唔錯。椰子沙冰， 椰香十足唔會太甜。金不換菠蘿沙冰沙冰特飲跟套餐只加$10。 味道好清新！金不換和菠蘿原來幾夾！😍✨ 味道少少酸，带有菠蘿嘅香甜和金不換的獨有香氣！海南雞飯午市套餐$47加入黃薑的油饭甘香軟熟， 海南雞雞胸部份還可以。 也可蘸酸辣辛香的海南雞醬更滋味！燒烏頭很久沒有吃烏頭而且採用燒嘅做法， 即叫即燒大概等十多分鐘左右。烏頭好大條， 鹽燒做法保留肉質鮮味， 還散發出淡淡嘅香茅，南薑味道。整體來說菜式夠地道，美味， 價錢實惠，冇加一，外賣自取仲有九折，可以再回頭～👍😋…查看更多

今晚決定要去食泰菜，因大掛住泰式沙律、串燒、燒魚等美食，九龍人當然會揀去九龍城食啦(貪佢店舖夠集中)柚子沙律，柚子很甜、花生夠脆口，份量都幾大碟泰式燒大頭蝦，很大隻，肉質爽口馬拉盞炒芥蘭，唔會炒得過火燒烏頭，今晚大家商量想食咩燒魚，原來大家都想食燒烏頭，貪其少骨及肉質嫩滑，配上泰式醬食串燒三拼(豬、牛、雞)，$75 半打，滿足我的慾望咸檸七喜，食泰菜配咸檸七喜，飲完都想🎤🎤🎤店內有電視，追劇時間時又一選擇地方…查看更多

今日因工作既關係去在九龍塘，順道去埋九龍城睇下有咩好食....九龍城有好多間泰國菜館、花多眼亂....但最後我地都選擇在泰象館！柚子沙律...味道清甜...柚子唔會好酸同好苦、花生好脆、好香口...！菠蘿海鮮炒飯...味道有濃郁既既菠蘿香味、酸酸甜甜都幾好食燒燒頸肉....配酸辣汁，好惹味...而肉質都好juicy食泰國野當然唔少得串燒三寶啦，配埋沙嗲汁簡直一流...而且肉質唔會好”un “燒大頭蝦....味道同口感係爽脆同鮮甜...配埋個汁...別有一番風味！燒烏頭..揭開魚皮...有豐富魚肉汁..肉質鮮嫩、嫩滑..！最後呢度其實有好多特式菜式，但未及時發現，唯有留待下次光顧時再試下啦！…查看更多

好友與我都鍾情泰國菜, 幾大都約去九龍城泰國街揾食, 其實九龍城差不多間間泰國菜 我們都食過了, 最奇怪嘅係果排去開嗰間就嗰間三十幾度高溫, 先來一個泰國椰青,天然透心涼, 清甜之餘又有椰青肉食大熱天時再來個泰式木瓜絲沙律, 酸酸甜甜開胃木瓜絲、紅蘿蔔絲、青瓜絲等, 最美妙不過好友怕熱氣, 便叫了一個海南雞,有黄油的, 配 有酸辣醬微辣但非常醒胃再來一個泰式炒雜菜, 泰國人一般的炒雜菜是較美味新鮮的 原因是他們懂得用椰菜, 椰菜一般比較鮮甜, 能帶出炒雜菜的美味, 當然師傅的功力也很重要對我來說最好一味當然是這味燒烏頭, 超級愛吃魚的好友及我, 豈可沒有魚呢? 喜歡泰式的燒法, 原因是他們懂得利用一些香菜例如香茅, 把烏頭的原味燒了出來, 黃由也燒了出來, 又甜又滑又香早兩星期才吃過這家泰國菜, 今天晚上門外又排著長龍的! …查看更多

九龍城係泰國菜既地頭，真係行入每一間都甘好食。難得朋友有車，第一時間諗到入九龍城食泰國野。話曬九龍城呢個地方交通都唔算太方便。同朋友一行4人黎食dinner，入到去見到原來唔係有好多張台，不過好彩平日黎，所以唔使等位。食泰國野一定會叫我我最愛：豬肉生菜包5/5 豬肉生菜包豬肉碎切到粒粒有咬口，加上香蔥、西芹、蔥，同一堆香料，有種香、酸酸地加上辣既味道，真係好特別，用個新鮮生菜包黎食，又唔會太辣，又覺得好健康。個豬肉碎香辣令人回味無窮，完全係越食越好食食泰國菜當然唔少得有海鮮冬蔭公。4/5 冬蔭功4個人叫個細冬蔭功岩岩好，湯入面有分開左一半既大蝦，仲有好多菇，真係一啖湯，一啖湯料，正。個湯唔太辣，岩曬唔太食得辣既我仲有朋友想食既燒烏頭：4/5 燒烏頭我平時唔食中式既烏頭，但之前食過泰式煮烏頭都覺得唔錯。原來燒烏頭更加好食，係今次既驚喜。烏頭入面加左芫茜同香茅一齊燒，令到個魚肉好香，但又唔會好重香料味，再加上泰式醬料，酸酸辣辣😋😋😋😋😋不過烏頭都算有d骨，唔識食魚既我，要好小心甘食當然仲有串燒（豬牛雞）4/5 串燒個沙嗲醬好重花生醬，屬偏甜，加上本身已經好入味既肉，好食。個人偏好牛。大大塊牛肉，𡁻落彈牙有肉汁仲有泰國菜一定要食既馬拉盞椰菜苗（有d人偏好通菜，但個人覺得椰菜苗好食d)4/5 馬拉盞椰菜苗椰菜苗夠新鮮爽口，配上馬拉盞，好食蝦餅當然都唔少得啦4/5 蝦餅夠蝦味同彈，不過就略嫌唔夠香口同細塊飲品方面我就一定會揀飲椰青，因為飲完椰青水之後，仲可以食埋椰青肉。小店有小店既好處，就係唔使收加一，真係抵食又好食。…查看更多

泰國菜一直深受我及身邊朋友歡迎，無他嘅！貪其款式多又岩口味。食親泰國嘢我一定會揀九龍城，貪其選擇多又正宗。今次揀左位於九龍城城南道的泰象館充滿了泰式風情，坐落於九龍城的中心地帶，餐廳的裝橫充滿了泰國的裝飾，以金色為主調，附以色彩繽紛的畫像，的確像置身於泰國中似的。餐牌的選擇多樣化，各式泰國食物任君選擇，而且價錢非常合理。吃泰國餐又豈可沒有椰青。這個椰青份量十足，而且新鮮。鮮甜的椰青充滿了清新的味道，解辣又健康。馬拉盞炒椰菜苗十分惹味，辣度適中，馬拉盞的蝦味濃郁。椰菜苗口感爽脆，是通菜以外另一有新意選擇。泰東生菜包我非常推介，新鮮的生菜包着炒得熱香的豬肉碎，酸酸辣辣的，既好味又健康。另一泰國菜常客冬蔭公，味道酸酸辣辣，但辣味是大眾可接受的程度，亦添加了很多茹類，另有一隻開邊蝦，可以醒醒胃。這味蝦餅併春卷可謂本晚另一驚喜，蝦餅鮮蝦味十足，炸得皮脆肉彈，加上泰式甜酸醬可謂絕配。至於春卷亦非常香脆，脆卜卜之餘味道亦是上佳。讚吖！這尾燒烏頭是我當晚另一心頭好。老實說，我一向不會特別叫非魚生類的魚，因為我對腥味異常敏感及討厭，一旦誤食定會令食飯的興緻蕩然無全。但眼見鄰座好幾枱都點了，我們決定一探究竟。被燒得略顯焦黑的烏頭相當有睇頭，肉質很嫩，單食只有魚鮮味，絲毫沒有腥味。配上店家特製的酸辣醬，更令魚味昇華，令我吃得一口接一口，停不下來。這味泰式串燒以沙嗲燒成，表現中規中舉，但老實說我麻麻哋沙嗲味，如果改以齊燒再點醬汁，我會更愛些。最後加左個海南雞飯作結。雞與飯的比例適中，即使是雞胸部份肉質也很嫩滑，飯香撲鼻，只是55蚊茶餐廳價，抵！於九龍城這個堆滿了泰國餐廳的地方，泰象館雖沒有豪華的的裝橫，但味味概是正宗泰國口味，而且價錢亦叫公道，值得推介！…查看更多

生蝦刺身，蝦隻不夠新鮮，沒有鮮味燒豬頸肉竟然韌如嚼膠 拼盤有四款炸物~ 炸魚餅淡如無味，只有微微香茅等香草香料味; 炸蝦餅尚算爽口彈牙; 其餘兩物沒有吃到，不予致評燒烏頭，件頭夠大，肉質亦夠鮮甜嫰滑咖喱炒羔蟹，大大一隻堆疊起，很澎湃，蟹膏不少，蟹肉厚甜，咖喱充滿椰香但不辣，十分濃稠，配薄餅吃夠滋味～不過本人不好椰味，所以淺嚐～馬拉盞椰菜苗&鹹魚芥蘭，除了油，還是油，只有蒜味，沒有馬拉盞或鹹魚味  鹹魚似是後加拌勻的，沒有炒香過…香芋焗飯，芋粒不多，但滿是冬菇、肉碎、魷魚塊等，十分香口，可是油脂亦十分滿  最後來個芒果糯米飯作結，芒果瘀黑的，不甚新鮮 黑白糯米軟綿尚可，但不夠糯香～整體而言，沒有任何值得再來的誘因 …查看更多