泰東生菜包

去到九龍城食泰國菜，有時都唔知揀邊間好。見到呢間好似幾地道，價錢親民，網上都幾多好評，一於試下！ 泰東生菜包必點菜式，用生菜包住辣辣哋嘅炒肉碎，加埋香茅同檸檬葉嘅清香，好開胃。呢個生菜包味道偏濃，加埋生菜就啱啱好。 青咖哩雞椰香味超濃，雞肉嫩滑，仲有茄子同豆角索晒啲咖哩汁，點埋蒜蓉包食，個包烘到脆卜卜，吸汁一流。 馬拉盞炒芥蘭鑊氣十足，芥蘭爽脆冇渣，馬拉盞鹹香帶微辣，好惹味。 芒果糯米飯最後嗌咗芒果糯米飯做甜品，芒果酸酸甜甜，糯米飯黏滑有咬口，淋上椰奶甜滋滋。 呢間泰國菜夠地道，菜色份量都幾多，整體性價比高，唔錯！ …查看更多

絕對有下次😘人均唔使兩舊水食到惹味鑊香泰菜🫶・・・・・・・・・・・・・・・・・・・・🍝 蛋包鮮蝦金邊粉 HK$76・味道：偏淡味，唔會食到蕃茄味。但慢慢食配啲花生有陣醇香～・口感：夠乾身，蛋皮唔乾～🥬 馬拉盞炒通菜 HK$64・味道：夠鑊氣，香料好香口，唔會好鹹・口感：好爽口，菜唔苦。🥗 酸辣鳳爪沙律 HK$68・味道：泰國餐廳嚟講唔算辣，易入口。話就話沙律但其實全鳳爪，冇菜頂住個底，即刻抵食咗XD・口感：爽脆！🥖 蒜蓉包 HK$27・味道：除咗蒜蓉醬仲有蒜粒同炸蒜，triple蒜！臭口波大大大喜🫶・口感：外脆內軟但唔會刮口，好吃的法包XD🍢 串燒三拼 (豬牛雞) HK$85・味道：醃得好食唔會過鹹，沙嗲醬偏甜～ 牛&雞＞豬！・口感：本波食串燒一直堅信雞係最唔易鞋口最易keep質素，今次竟然唔同了🤩！牛肉好嫩，嫩到好似牛頸脊/手切牛咁😘！雞一如既往出色，豬唔算鞋都OK。🥙 泰東生菜包 牛 HK$79・味道：牛肉碎都幾重牛味，同芫荽一齊炒所以幾重芫荽味，唔鍾意要留意喔，但本波覺得好香口，有下次的！・口感：呢間啲牛好嫩喎係點解呢？牛肉碎都好嫩🤓impressive！🍍 鳳梨沙冰 HK$30・味道：好香鳳梨奶香，但唔會好甜，3分甜左右，有下次嘅好味。・口感：都幾smooth，偶爾有細嘅冰碎粒，但整體不錯～🥭 芒果沙冰 HK$30・味道：同樣3分甜，但絕對唔係糖水，係芒果原本嘅香甜，同樣有下次，但比較起嚟個人更鍾意鳳梨🤭・口感：同上，讚欸。🧋 泰式紅茶 少甜 HK$26・味道：泰式紅茶嚟講唔算甜，飲晒都唔使飲水。好香泰奶獨有香氣👍・口感：茶底香醇，奶亦夠滑唔會膩，掂！・・・・・・・・・・・・・・・・・・・・🤰性價比：高～🤰9衝度：9衝～🤰結論：信一次openrice排名XD結果冇中伏不得止，有驚喜欸，本波嬌羞(〃∀〃)🤭・・・・・・・・・・・・・・・・・・・・服務：遮遮同疑似老細嘅叔叔都好有禮貌同笑容，大加分ξ( ✿＞◡❛)…查看更多

-這次沒有去上環的網紅samsen雖然距真係好出名反而試了試在九龍城裡的泰象館都有俾到小小驚喜喔.得到了同行朋友噶好吃認證！畢竟他之前從泰國旅遊回來！話係個咖喱味道同當地噶一樣！.推薦幾樣我覺得蠻可以嘎椰汁咖喱雞… ☑️超香 點了個雞油飯搭配 好好味泰東生菜包… ☑️選的豬肉 包著生菜一點都不膩炸芝士蝦丸… ☑️趁熱吃哎 肉質彈牙生蝦刺身… ☑️就還蠻新鮮 再給多幾只就完美了-🐷📍：泰象館九龍城城南道48號地下…查看更多

九龍城有好多泰國菜館，但為食貓食來食去都係某幾間早前朋友介紹咗一間佢食開，而且佢話好抵食，性價比又高嘅泰菜館比為食貓今日為食貓終於有時間同媽媽去試吓啦♥️食物泰象館嘅menu有好多選擇，而且價錢真係好似朋友所講，一d都唔貴我地2個人眼闊肚窄，叫咗超多嘢食，每人$200都唔駛😻青芒沙律 $63個沙律一上到嚟，我哋都嚇親，因為真係好大份😂😂沙律個汁都好濃，酸酸味味咁，好開胃。如果有碗白飯係為食貓前面，為食貓一定會清晒🤣泰東生菜包 $79呢個生菜包又係多到有d過分d肉好多，咸咸哋咁，好好食。食到呢度……其實我哋已經飽咗一半啦蛋包鮮蝦金邊粉 $76個蛋包得好靚呀，為食貓真係唔捨得拆散佢😖個金邊粉炒得又好夠鑊氣喎，唔會太乾或者太濕😋加埋個檸檬汁就更加惹味啦炸魚餅拼炸春卷 $78依個炸魚🐟餅好有驚喜💕佢唔係普通嘅魚餅嚟，佢充滿住滿滿嘅冬陰功味🤤好好食😋至於個春卷嘅份量都好多，飽死我哋啦芒果沙冰 $30對於好似為食貓咁，又為食又唔想成日食d咁貴嘅嘢嘅人嚟講，泰象館嘅性價比真係好高…查看更多

九龍城人氣泰國菜🇹🇭九龍城泰國菜多不勝數今次去咗間人氣好高嘅泰象館🐘等咗一個中多啲 覺得值得👍🏼冇諗過蒜蓉包都咁多人推介 又真系幾好食😋蒜香味好重🧄口感好爽脆 生菜包真系我去親泰國餐廳都會食多數系配豬肉 有雞肉揀試吓雞肉先雞肉事先經過醃製 都輕微偏辣🥵不過香料戈方面好入味 同埋冇乜肥肉顧名思義系🐷🐮🐔3種系除左牛肉硬啲之外豬同雞都好味😋點埋沙嗲醬真系一流💯炸蝦餅又系去親泰國餐廳都會食嘅菜式外皮夠香脆 裡面嘅蝦膠結實 點埋酸甜醬好惹味👅甜味還好 勝在份量夠多 夏天飲一流👍🏼…查看更多

難得閒日來到久違的九龍城, 一定要食泰國菜吧. 因為太少到這區, 隨意地選擇了1間門口比較多人排隊的餐廳一入門, 餐廳氣氛非常熱鬧, 餐廳不算很大面積, 整體氣氛都很高漲, 連電視聲都給掩蓋了.青咖哩牛肉+薄餅上枱已經香氣撲鼻, 份量2人用非常足夠, 牛肉是滑牛片, 不錯, 亦沒有太多根. 青咖哩非常香濃, 多層次的香料中帶甜, 辣度十足, 惹味!! 不過同時食到汗流浹背淋上薄餅, 簡直係最佳拍檔泰東生菜包乾蔥辣椒等香料, 運用適宜, 令肉碎啖啖充滿香味, 亦沒有過多的肥肉, 生菜份量都足夠食整碟肉碎芒果蟹肉炒飯份量十足, 大大碟. 飯炒得粒粒分明而油潤, 芒果及蟹肉亦配合非常好, 加入腰果粒更有泰國風味總結: 整體都係抵食味美的泰國菜, 令人仿佛到訪夏日的泰國般…查看更多

一想到泰菜，就想到九龍城。今天光顧一間叫泰象館的泰國餐廳，是朋友介紹的。餐廳位置非常易找，就再名店創發潮州菜同一條街之上。因為很久也沒有吃泰菜，所以點了不少菜式，包括泰東生菜包，椰汁咖喱，燒雞，蛋包鮮蝦金邊粉及薄餅。基本上食泰菜，生菜包是必點的項目，從而就能斷定一間泰菜館的水準。這間菜館的生菜包份量充足，味道酸辣鹹香算是平衡得不錯，如果肉碎能夠再切碎一點就更佳，但整體合格有餘👍椰汁咖喱我們選了雞肉，選椰汁咖喱的原因是想食一些較甜的咖喱。果然選擇沒有錯，有咖喱香味之餘椰汁提升甜味，而選擇薄餅，當然就用嚟點咖喱汁食，這個組合是無敵的🤪接着的是蛋包鮮蝦金邊粉，因為在揀食物時看見圖片非常吸引，上枱的情況跟圖片相若。金邊粉是以酸甜為主，蝦的份量亦充足，配以放在面的煎蛋皮，花生碎青檸汁一起吃，酸甜開胃😋最後上枱的是燒雞，由於製作需時，所以最後才上枱。但一上枱就香味撲鼻，值得等候。雞肉醃得很入味，當中的以香茅黃姜特別出色，尤其是雞背的位置，完全吸收醬料，烤完之後香味更能發揮。而半隻燒雞的價錢居然只收$77，有點意外，以質素來說簡直可以說是超值👍這一晚的泰菜吃得非常滿足，當看餐廳的菜譜時，感覺非常難選擇，因為菜式實在超多，但兩個人只能吃得下這麼多東西。下次等限聚令鬆綁後，一定再次光顧，就能嘗試更多的菜式😍…查看更多

最近天氣好熱，諗起去泰國旅行食泰菜，所以就卜左位食呢間食過好多次的「泰象館」，點解簡呢間？因為佢食物水準好而且價錢合理！同埋服務非常好，入座前餐廳已為我地留左座位好細心👍👍👍👍👍坐底先給你一碗熱水消毒及提供消毒濕紙巾，非常認真而又乾淨！👍👍👍今次叫左「馬拉盞炒通菜」👍味道夠濃而且菜唔黃唔老😆食通菜最怕食到好老的感覺👍👍呢間唔會👍再黎叫左個「泰東生菜包」，生菜🥬份量夠多，可以包好多份，一如既往都係咁好食😋最後就叫左個「泰象館招牌炒飯」呢個係第一次試，上面一層蛋包住個炒飯，炒飯係黃咖喱味，裡面有蝦、青口、魷魚、扎肉同埋好多蔬菜同埋有腰果👍👍不過味道偏淡少少，用黎餸菜一流飲品方便我地叫左singha啤同龍眼冰，食泰菜真係要配上啤酒先足夠😘…查看更多

今天來到九龍城想吃泰國菜，走下走下看見這家小店門外有排隊，就試試看。因為疫情關係，店舖裏的桌與桌之間都有一塊隔板，也有滾水提供讓我們洗碗碟，很體貼。椰青很清甜，芒果沙冰用料真確。泰式生菜包有一點辣辣的，很惹味，讓人一食上癮。蝦醬炒椰菜苗比較濕，多芡汁，味道也很不錯。另外青檸明爐蒸烏頭是我們的最愛，熱辣辣的架在火爐上，湯裏面還有很多配菜，很合我們的心意！最後我們還多叫了一杯龍眼冰，龍眼肉非常非常多，不太甜所以很滿意。別看這間店舖不大，裏面的顧客都吃得很開心，是難得的誠意小店，會再光顧！…查看更多

又係喺九龍城嘅餐廳，嚟得九龍城點可以唔食泰國菜。⁣🇹🇭⁣泰東生菜包（$74）［好味度：7/10］⁣⁣⁣⁣生菜包嘅肉類有好多款揀，包括咗豬肉，牛肉，雞肉同埋鴨肉。💁🏻‍♂️ 呢一款就係豬肉碎。🐷 碟上面裝滿好多嘅肉碎，同埋好多塊嘅生菜，夠兩至三個人分㗎。👥 而且肉碎都好入味，配埋爽脆嘅生菜食，真係好夾。👍🏻 而且，肉碎微辣嘅感覺都好過癮，最啱配清新嘅生菜。⁣😆⁣三味炸烏頭魚（$142）［好味度：7/10］⁣⁣⁣⁣原條烏頭魚炸之後，依然保持住外脆內嫩。😚 魚皮好鬆脆，但係入面嘅魚肉肉汁一啲冇走到。😋 除咗一啲都唔會乾之外，更加一啲都唔腥添。🐟 再配搭上酸酸甜甜嘅醬汁，的確好醒胃。⁣😁⁣蝦醬炒飯（$62）［好味度：7/10］⁣⁣⁣⁣呢個炒飯用上蝦醬炒製而成，鹹鹹地咁，好入味。😛 但係佢又唔會過咸喎。😮 而且再加上面頭嘅泰式臘腸。😉 甜甜地咁樣，舒緩返個鹹味，都好match。⁣🤤⁣…查看更多

好耐無食過泰國菜，今晚約左一班友人黎到位於有「小泰國」之稱的九龍城，而我地選擇左位於城南道的泰象館。餐廳光線充足，環境乾淨，牆上掛了些泰國特色擺設，座位唔算太多，但可以先訂位的。Menu 的選擇都好多，而我地都點左食泰菜必食的串燒、明爐烏頭等，仲有泰東生菜包、炸芝士蝦丸、芒果蟹肉炒飯，鐵板馬拉盞豬頸肉炒通菜、青咖哩同薄餅。串燒應該都係即炸，好好食，個皮脆而D肉好滑，沙爹醬香，唔錯!泰東生菜包好香好熱，生菜好新鮮同青綠，包住啲熱辣辣的肉碎，啲肉碎加左青檸汁，同埋用左好多香料去炒，口感好好。 鐵板馬拉盞豬頸肉炒通菜，一上枱就見到個鐵板真係好熱，所以有勁香的馬拉盞味，通菜配上豬頸肉，新鮮又惹味。炸芝士蝦丸，一碟有4粒共8件，新鮮炸起，蝦丸彈牙，芝士味濃，好特別的配搭。飲品我叫左芒果沙冰，好大杯，非常抵飲，有好甜的芒果味，冰涼得黎又夠fresh，同行友人就點左椰汁冰同龍眼冰。最後6人食左$751，都係合理價錢。…查看更多

早前與媽媽說起很久沒有食泰國菜，便立刻想起應到九龍城搵食。但九龍城有多間泰國菜館不知如何選擇，唯有問住在九龍城的地膽好友，最後便來到此餐館。閒日晚上來說也算是不少人，與媽媽二人都有位子可立刻入座。放工真是餓得很，二話不說立刻拎起餐牌看看。說到泰國菜一定要點我的最愛：生菜包。這次點了雞肉，剛炒起上碟，聞到很香的香料味，食落亦夠香料味道！平時很怕肉與配料份量不夠去包生菜，但這裡生菜包的份量真的不少，每一塊生菜都可包滿滿的料👍🏻👍🏻媽媽最鐘意食魚，即刻點個明爐青檸蒸烏頭魚俾佢試試。媽媽喜歡明爐可以不斷heat住條魚黎食，個烏頭有鮮湯浸住，亦有不少香料係面，酸酸地好醒胃。唔夠湯仲有碗應該係魚露湯黎加上去。條魚幾大條，啖啖肉，媽媽都很滿意。最後都想食個飯就叫左個芒果蟹肉炒飯。成個飯差唔多每一匙都有芒果肉，應該放左成個芒果肉去炒，料都真係幾足。全程飲住兩杯青檸梳打絕對解渴透心涼。總體食物好價錢亦抵，仲有店員有禮服務態度好，這一餐只與媽媽二人來，下回定會再同其他友人回來試其他菜式👍🏻…查看更多

食泰國野第一時間一定諗起去九龍城, 搵左一間之前未去過既泰國餐廳---泰象館。 周日六點多, 門口已經開始有人等位, 直覺上覺得唔會係伏, 於是就決定今晚去呢間試試。餐廳內面積唔大, 牆上貼上多款呢度野食既圖片, 讓我地點菜時更加清晰。 呢度既泰國茶款式幾多, 我地揀左幾款試試。【串燒三拼】HK$75食泰國野必點既一定係串燒, 三併有豬、牛、雞。表面燒得好香口, 驚喜地內裡還保持肉汁, 而且肉質嫩口, 點上較濃既沙爹醬, 味道更加提升。 【泰東生菜包】HK$72第一次見生菜包份量會係咁大碟, 可以揀豬/牛/雞, 肉碎炒後都好多汁, 新鮮生菜包住, 辣辣地….幾惹味【炸魚餅拼春卷】HK$70兩款都炸得好脆, 表面冇咩油, 個人覺得炸蝦餅必食, 咬開入面超級鮮甜, 不過春卷就不過不失, 入面有蘿蔔絲、粉絲等等…味道沒有炸蝦餅咁吸引【原個菠蘿海鮮炒飯】HK$78炒飯粒粒分明, 個飯雖然黃色, 菠蘿味唔太突出, 但配料算係幾豐富, 有蝦、提子乾、臘腸粒、少少菠蘿肉等等…豐富了口感呢間餐廳既價錢亦唔算貴, 唔怪得有咁多食客棒場!! 值得Encorn!!…查看更多

食泰菜去九龍城是常識吧！最近經常都想吃泰國菜，但因為不會常經過九龍城，就只好揀落堂的時候食！*泰式木瓜絲沙律($50)吃正餐之前，先來一碟木瓜絲沙律開開胃。除了木瓜絲，還加入了紅蘿蔔絲和花生粒。味道酸酸辣辣，而且很清涼，所以很開胃呢～*串燒三拼($70)這碟串燒真的「超！抵！食！」印象中未試過吃到那麼大大舊肉的串燒的。除了份量取勝，味道更好！六串串燒，豬、牛、雞各兩串。串燒記得一定要趁熱食。雞肉的肉質最滑；豬肉肉質又爽又淋；牛肉同樣都是很淋，不會un。不點沙嗲醬都覺得夠味，配上沙嗲醬更加是錦上添花！*馬拉盏炒椰菜苗($60)通常吃泰國菜的地方才有椰菜苗，所以我們當然不會點太普通的菜！椰菜苗很幼嫩、爽口，不會煮得過熟，馬拉盏帶點辣味刺激，不過味道濃了一點，可以少一點咸就更好。*泰東生菜包($68)食泰國菜怎能不點生菜包？生菜包選了豬肉碎，個人比較喜歡最原來的版本。豬肉碎加入了蔥、蒜和洋蔥粒炒，很惹味！生菜不會太大塊，不會吃得太狼狽；而且眼看洗得很乾淨，所以很放心吃落肚。*蛋包鮮蝦金邊粉($70)又有菜，又有肉，又怎會少了主菜呢？金邊粉很濕潤，不會太乾，而且味道適中，不會太咸。如果鮮蝦可以多一點就更好了！*椰青($28)這個可能是我飲過最好飲同最好食的椰青。椰青肉很嫩，一挖就已經起肉了，其他餐廳的，可能用盡牛九二虎之力都挖不到椰子肉食呀！泰象館沒有收加一，而且所有食物都有很高性價比，可以再來吃一次呢！…查看更多

去九龍城 梗係食泰國菜啦！眾所週知 九龍城住左好多泰國人 泰菜店每條街只少都有一間但食邊間好 係一個絕大的難題🤔因為感覺間間都好似差唔多 選擇又太多 所以我一直都係周圍覓食 食完邊間唔岩口味就唔食有次試完泰象館🐘 一試傾心❤️ 一試完認定左 係你🐘啦！係你🐘啦！係你🐘啦！自那一刻起不再「尋尋覓覓，冷冷清清，淒淒慘慘戚戚。」 見老闆每枱都會傾幾句 好像有很多街坊熟客 看來口碑不錯😏泰象館🐘所有泰國菜式應有盡有 連優惠二三四人套餐都有不過我們最後都選擇單點 選自己喜歡吃的😝食泰國菜 食生蝦刺身是基本吧！😏生蝦刺身（$98）一份有6大隻生蝦 每隻都非常厚肉😳 份量都算合理配上生蒜粒和辣椒粒 和 重香草味的泰式酸辣醬汁 一起吃 十分惹味！👍🏻👍🏻👍🏻👍🏻👍🏻最重要是沒有多餘的雪藏味 蝦肉嫩滑爽口有彈性😋泰東生菜包（豬肉）（$68）新鮮的西生菜 配上炒得十分香口惹味的秘製豬肉碎有紅蔥頭、蔥、芫茜等多款配料 味道調得剛剛好 不會太鹹😋雖然配料簡單卻做出與眾不同的味道 份量也不少 真的物超所值！🤑本來個人不喜歡吃生菜包因為之前食過別的泰菜店 總是覺得生菜包的肉多數都很重口味又重味精 而且非常鹹 飲幾多水都無用😕但泰象館🐘的生菜包完全改變了我的初衷🙈🙊下次一定要再食過返尋味！但最令我驚喜的是南瓜焗海鮮飯（$98）原個南瓜裡和上面都舖滿海鮮炒飯 成個山咁😳😳😳材料十分豐富！估計是先將南瓜拆肉然後把拆出來的南瓜肉 和 大蝦、青口、小八爪魚等海鮮 一起炒飯再加小雜碎如提子乾和雜豆炒在一起 最後才放回南瓜裡 再在炒飯上面淋上南瓜溶漿 和 椰漿 拿去焗一上桌 未食已經聞到香氣撲鼻炒飯配料多，把南瓜溶漿、椰漿和炒飯拌在一起吃味道更上一層樓👍🏻 提子乾和雜豆更令到炒飯有多一重口感最後我們把整個焗飯都挖到底 食晒所有南瓜肉 可見好食得沒有誇張😂椰青（$28）炎炎夏日 飲啖椰青水清新解渴😙椰汁珍多冰（$25）香甜椰汁配以綠色粉條 粉條軟滑 煙煙韌韌 確實是消暑良伴🌬總括來說泰象館的食物質素很出色😋價錢又相宜 真的很抵食話明私心介紹 其實最怕是介紹完多人黎食 之後要排隊等位 質素會差左 希望下次黎食 質素都保留到啦🙈🙊…查看更多