泰象館

📌 泰象館📍 九龍城城南道48號地下☎️ 81013396*☼*―――*☼*―――*☼*―――*☼*―――*☼*香港好多地方我都未去過，其中一個就係宋皇臺喇！身為香港人嘅我都覺得好慚愧。呢日約埋朋友黎到宋皇臺站，去九龍城食泰菜之餘仲可以去埋宋皇臺站參觀下宋朝文物添。喺宋皇臺站行去B3出口大約4分鐘就會到九龍城。行多兩個街口經過呢間泰菜餐廳，見到啲午市套餐幾抵，就入去試下啦。依日天氣好熱，入到去！正！冷氣好夠！侍應哥哥服務態度好好，熱情有禮，好快手俾咗餐具連滾水俾我地洗碗筷，疫情下提供咁滾嘅水俾我地過一過水，食得安心又放心！👍🏻💫 柚子沙律（$79）入面有3-4隻蝦，肉質彈牙爽口，柚子果肉帶清新甜香味，混合埋泰式酸辣汁，花生、蝦米及各類配菜，十分醒胃！依家諗番都好回味😋💫泰式乾炒雞河（$47）用泰國闊身河粉，河粉煙韌，炒得唔油夠乾身，入面有雞肉、芥蘭、蛋碎等。口感有層次不單調，整碟炒得香口有鑊氣！💫青咖哩飯（$47）朋友係素食者，呢間餐廳非常體貼，幾款午餐都有得轉素菜。青咖哩夠香辣！送飯一流！💫泰式飛天通菜（跟餐+$35）識我嘅朋友都知去泰式餐廳我必叫炒通菜。呢碟只係+$35 分量足夠兩人食！通菜綠油油很新鮮翠嫩，炒得好有火喉，味道帶少辣，非常惹味！💫洛神花蜜💫椰汁珍多冰（每杯跟餐+$5）特飲都只係加$5，梗係飲特飲啦！兩杯都好出色！洛神花蜜好清香，有蜜味但不會死甜，甜中帶有微微的酸，十分解渴！珍多冰椰味香濃，珍多粉條質感爽滑，消暑必飲！整體好食指數：🌕🌕🌕🌕🌕🌕🌕🌕🌗🌑（8.5/10)*☼*―――*☼*―――*☼*―――*☼*―――*☼*…查看更多

而家個個都話屯馬線開通，九龍城美食區會變得好方便。但係其實我本身就住喺附近，已經成日落嚟九龍城食泰國菜。呢一間泰象館已經係我經常嚟幫襯嘅好地方，性價比真係高，因為佢價錢唔貴好合理，而且份量好足，款式又超級多款。次次嚟到都唔知叫乜嘢，因為樣樣都想食。今次兩個人同朋友一齊過嚟食，介紹咗去食呢一間～朋友話想食芒果糯米飯，我就鍾意食青咖喱豬肉，仲叫咗一個柚子沙律，同埋一份串燒同埋薄餅。柚子沙律嘅柚子肉好大粒，好有肉，而且好甜同埋成碗都好惹味，比起出面普遍嘅柚子沙律做得更出色，佢嘅花生料做得好脆口而且好濃味。青咖喱做得幾好，奶香椰香好濃，而且材料都好多喎。有好多茄子仔同埋豬肉片。我哋仲叫咗一份薄餅來送咖哩，一份薄餅又8片，雖然每次都覺得唔夠喉，但係兩個人已經夠晒飽。串燒都好大串呀，比我想像中大串。沙嗲醬都做得好好味，有花生碎碎粒。員工禮貌同埋服務都唔錯，好快留意我哋有冇食完，清理碟子。5星為滿分*😋美味：⭐️⭐️⭐️⭐️💰價錢：⭐️⭐️⭐️🛋環境：⭐️⭐️⭐️⭐️⭐️🤵‍♀️服務：⭐️⭐️⭐️⭐️🚶‍♀️回頭：⭐️⭐️⭐️⭐️🏠餐廳：泰象館 (九龍城)📍地址：九龍城城南道48號地下🍽菜色：#littleapplebean泰國菜…查看更多

收工約了朋友到九龍城食泰菜約了七時半，剛好九龍塘有小巴🚌開出準時來到餐廳✌🏻餐廳內店員主動提供熱水給我們清洗碗碟用，食起來也安心點我們兩個也很久沒有吃泰菜，點了好幾個菜柚子沙律 ︱ $70好多柚子，柚子不會太散，吃起來好juicy，甜甜的不苦澀生菜新鮮，還有幾隻蝦及多花生粒。柚子沙律不辣，幾開胃及清新。青咖哩牛 ︱ $75青咖哩有香葉的味，很多牛肉片，配菜煮的時間剛好，仍然水份充足，豆角嫩身。咖哩配合蒜蓉包，真係停不了口蒜蓉包 ︱ $25食泰菜，當然要配蒜蓉包一客蒜蓉包有四塊，兩個人分剛剛好，厚切蒜蓉包焗得好香好脆，牛油蒜蓉搽滿整塊包，味道均勻。有些蒜蓉粒，愛吃蒜蓉的我想把朋友的一份也吃掉蛋包鮮蝦金邊粉 ︱ $72蛋皮煎得薄及脆邊，包著金邊粉外型不錯拆開蛋包，有豆乾、芽菜等，伴碟的花生碎，少少酸甜辣，份量十足。椰青 ︱ $36椰青好多水，清甜，而且肉可以刮出來吃，感覺椰青新鮮，我們一人叫了一個飲，清熱氣餐廳侍應由落單、上菜到收碟都好爽手。有很多電子付款方式，好方便下次再來九龍城食泰菜都會揀這間…查看更多

泰象館九龍城城南道48號地下識我既朋友都知道我最鐘意就係泰國，因為疫情關係已經好多個月無得飛去泰國，好掛住呀，所以唯有黎九龍城食下泰國嘢頂下癮先啦今日試左呢間<泰象館>係朋友推介既，鋪頭唔算太大間，但感覺口味好正宗，而且價錢都算幾合理，係正門口又有咪標位可以泊車，非常方便餐牌上面有幾款套餐可以選擇，都幾抵食，不過我地3個人好多樣嘢都想試，最後都係決定散叫小食拼盤---非常豐富，真係一次過滿足晒所以願望，自己最鐘意食個炸蝦餅同埋春卷，岩岩炸起熱辣辣再點埋個泰式辣醬，真係無得頂鐵板馬拉盞豬頸肉炒椰菜苗--- 平時用馬拉盞炒菜已經覺得好好味，估唔到原來轉咗用鐵板係更加惹味，加上醃製過嘅豬頸肉，very good柚子沙律---作為前菜一流呀，柚子酸酸地好開胃，而且生菜亦好新鮮，加埋花生，洋葱同埋其他配料醬汁混埋一齊，好夾黃咖喱雞+薄餅+蒜蓉包---自己好鐘意泰式既咖喱，好香好濃，而且d 雞肉都幾多，好抵食，我通常都會叫埋薄餅或者蒜蓉配埋一齊食，呢3樣嘢永遠係perfect match冬陰公湯---非常足料，有大蝦，菇類，蕃茄仔。。。而且飲落又唔會覺得太辣，岩大部份人既口味，我地叫左細size, 都有成4~5碗架…查看更多

九龍城城南道有那麼多的泰國菜館，哪間最好？我的挑選條件很簡單，就是看人數。疫症期間，「泰象館」依然人頭湧湧，這人數足以吸引我們入內開飯！「泰象館」價錢平民，但滋味卻高人一等！我們三人合共叫了六款菜，結果全部吃到一條菜都沒有剩，正！柚子沙律（$70）柚子酸甜，花生脆口，至啱作為第一道開胃菜！小食拼盤（$125）有炸蝦餅、炸魚餅、炸春卷和炸雞卷；款款金黃香脆，當中最愛炸蝦餅，炸過後仍然吃得出啖啖海蝦鮮味！串燒三拼（$77）我們揀了三串豬和三串雞，共六串！豬肉爽口，雞肉嫩滑，吃前一定要點沙爹醬，更惹味！芒果蟹肉炒飯（$72）鑊氣十足，想不到72元會吃到真蟹肉，還要是每一口飯都份量十足，完全是抵食之選！蛋包鮮蝦金邊粉（$72）起初以為是日本蛋包飯的friend，但結果完全是兩回事！太空館的外貌很吸晴，一拆開，金邊粉非常滑溜，大大隻鮮蝦亦很爽口！馬拉盞炒椰菜苗（$67）在街外吃菜至怕多油，幸好這碟椰菜苗完全沒有過份油膩的感覺，正！芒果沙冰（$30）芒果是泰國名物，飲品當然要試芒果沙冰！以新鮮果肉真材實料炮製，毫無糖漿的假味！在「泰象館」嘆一頓泰國菜，感覺去了一趟泰國遊一樣，值得一去再去三去！…查看更多

去九龍城緊要要食泰國野，今次去左泰象館呢間小店，因為覺得應該會地道d，果然冇錯，直頭好似去左泰國食飯咁😂廢話少講，即刻去食評！柚子沙律：柚子其實好容易會苦，但佢完全唔苦仲好鮮甜，又清新又開胃。小食拼盤：貪心既你一定要叫，一之過有4款小食，本人最愛都係炸蝦餅，蝦肉彈牙，點埋泰式辣醬真係冇得輸。串燒三拼：因為我唔食牛所以只係叫左豬同雞，沙嗲醬出色，建議點大量沙嗲醬，豬肉普普通通但雞肉可以encore！蛋包鮮蝦金邊粉：賣相已經贏左，未見過賣相咁fancy既金邊粉，個蛋包飯整到藝術品咁，鮮蝦大大隻又彈牙，金邊粉味道亦岩岩好，加埋青檸汁更開胃！芒果蟹肉炒飯：中規中矩，不過如果多d芒果肉就perfect！馬拉盞椰菜苗：百份百泰國炒菜既味道，濃味好食！整體性價比真係算係咁，下次想食泰國野可以再試！…查看更多

仲記得3年前係呢間泰象館食過野講過話一定會返黎再食過因為D泰菜真係好夠風味而且仲有好多招牌菜非常特別😄😄近排我地同事聚餐 話想去食泰菜大家都無話特別想食邊間上openrice睇下點知見度呢間泰象館我lum都無lum 就同大家推薦呢間😎😎1. 柚子沙律🥗呢個柚子沙律真係好開胃酸酸甜甜既柚子因為係一粒粒所以食上黎好有口感同埋好方便👍🏼👍🏼2. 燒牛仔骨（2件）呢個牛仔骨燒得好香脆👍🏼配埋自製調汁會去除本身既油膩感而且唔會燒得好乾好快清碟3. 泰式燒羊架（3件）食得出擺左時間落去整 底味非常夠雖然好似膿膿地但係食上去既口感好正 軟硬適中👍🏼👍🏼4. 泰象館爆炸蝦呢個爆炸蝦有店名之稱果然做得好出色👏🏼👏🏼蝦本身夠大隻 厚肉再加上香口既配料（有D似避風塘）攞黎送酒真係一流😋😋🍺5. 酸辣豬頸肉沙律🥗呢個沙律係熱食既 同不同既沙律唔同豬頸肉明顯要燒過 然後再撈其他配料本身個人唔係好中意太油膩所以呢個有D菜包住可以更清新🍃6. 小食拼盤拼盤係一個好好 適合多人食既菜色當大家都係到lum緊要邊款小食既時候佢既作用就係俾大家share黎食要食蝦餅 有蝦餅要食魚餅 有魚餅Order one? Why not all?? 🤪🤪7. 海南雞（半隻）D雞好新鮮 而且唔會好老身佢地有個特別既醬汁👍🏼一定要點呢個汁 會將雞既味道大大提升8. 泰皇秘制鰂魚（鰂魚沙律）魚肉香脆鬆化 炸份唔會好厚 食落去容易入口店主好細心 魚肉已經起左食既時候可以直接夾❤️加上沙律係甜甜地既口裏面會有多重滋味9. 椰青焗海鮮飯由佢地抽出黎 到我食既時候個陣香濃惹味既氣味真係令到我垂延三尺❤️真心推介呢個菜色👍🏼👍🏼10. 炸芝士蝦丸我成班同事都勁鍾意食芝士所以特登叫左比佢地D芝士真係好邪惡啊😈佢地話咁樣既小食 都係第一次食佢地差D要翻炒多一碟添🙈🙈11. 招牌咖喱炒膏蟹佢地既咖喱真係無得彈 勁有水準平時出去食其他既咖喱炒蟹如果唔敢勁既廚師煮出黎既咖喱汁 一係太傑 一係太稀呢間雞蛋同埋咖喱既份量啱啱好入口係軟綿綿既感覺撈飯或者配蒜蓉包真係超正😍😍泰象館既野食果然係沒有失水準睇黎呢間真係值得我再食佢啦😊👍🏼👍🏼👍🏼…查看更多

九龍城有咁多間泰國餐館，點揀呀？我好彩不用揀✌🏻，因為朋友食過這一間覺得好食，所以他已經揀咗呢間。叫咗好多道菜，味道唔錯，價錢方面，10人分享，每人大約HK$130，仲可以一人一杯野飲，幾抵食喎！叫咗什麼菜？(排名以我喜愛的呀😜)1️⃣ 炸芝士蝦丸 (HK$82)，超大粒，超多芝士😋2️⃣ 炸皮蛋球 (HK$75)，超大粒，我愛食皮蛋😍3️⃣ 生蝦刺身 (HK$98)，蝦新鮮彈牙，生苦瓜正呀喂😋4️⃣ 小食拼盤 (HK$125)，香口好味😋5️⃣ 柚子沙律 (HK$70)，大大粒清甜柚子😋6️⃣ 泰式炒雜菜 (HK$60)7️⃣ 芒果蟹肉炒飯 (HK$72)，多芒果多蟹肉。8️⃣ 明爐青檸蒸烏頭魚 (HK$142)，好特別的煮法，但青檸味入不到魚肉裡呢😒9️⃣ 冬陰海鮮湯 🌶 (HK$124)，飲咗一口好辣，我覺得加了海鮮令到湯好鮮甜喔🔟 泰東生菜豬肉包 🌶 (HK$74)，朋友話好辣，所以我唔夠膽食 (我唔食得辣🤭)…查看更多

係九龍城呢啲競爭咁大的地區，估唔到lunch都全場爆滿，好意外丫食lunch的好處係，唔使限時90分鐘見到墻上的告示，話繁忙時間限時90分鐘。但我地係咁吹水都無趕我地走得老細一個做樓面，又要落單，又要出菜，又要執枱，忙到無時停丫去完泰國🇹🇭但無食到泰式咖哩蟹好在個frd話生日飯要食泰國野，我可以趁機食返喇點左個538set,有冬yum, 有炒蟹，有一大條鰂魚的沙律同一個炒菜。另外加左柚子沙律，蒜蓉包同白飯！飽到呢。。。呢個柚子沙律好足料，拎上手好鬼重。有紅蔥，炸椰子，花生一齊撈柚子清甜，蝦彈牙大的冬yum公落左好多蝦落去煮，仲要係有蝦膏的蝦丫又係好足料，除左蝦，仲有好多菇。由於我地唔食得辣，叫佢要小小辣。唔知係咪因為咁，師傅唔識控制個味。我覺得酸，啲frd就覺得鹹。可能原味會好好味咖哩炒蟹又係份量十足。叫有個白飯同一客蒜蓉包撈汁，到呢！膏蟹新鮮，不過食就麻煩啲。如果唔係咁多餸，可以食3碗飯。蒜蓉包好酥脆，比其他舖頭好食。好想encore丫最後，食淨好多咖哩汁丫勁想打包食過咁多次泰國菜，都係叫燒魚。從未試過食魚沙律𠺢條鰂魚炸左，然後鋪上青木瓜沙律。木瓜有啲酸，加上炸過魚一齊食，就唔覺太熱氣喇啲魚肉炸完都好嫩丫都係嗰句，份量十足仲有個炒菜未講之前所有野都份量十足。點知個菜一上枱，真係傻眼mini size。如果有得揀，寧願要個細的冬yum公，換多啲菜由於個餐太多野食，無得試其他野，好想再去丫…查看更多

之前同朋友嚟㗎一次，覺得都幾有泰國風味，d辣味好接近泰國食到嘅口味，不過今次同屋企人一齊過嚟食，可能選擇嘅食物唔係泰國的食物，所以覺得佢嘅口味比較近香港人。打電話嚟訂枱，接聽的員工也很好，告知我們，可能都要等10分鐘左右先有枱，所以就沒有覺得等得太耐。可能係OpenRice佔據九龍城泰國食肆的頭三位，所以人客也較多，建議訂座。言歸正傳，講下啲食物質素。今次我們叫了一個柚子沙律，這一個沙律是我最喜歡的，它雖然沒有青木瓜沙律的刺激，但卻有清甜的味道，如果大家不吃辣，這個便是首選。今次主菜，我們叫了南瓜軟穀蟹，配蒜蓉包及薄餅，個南瓜汁覺得太鹹了，軟殼蟹也好像番炸過飯後甜品，我們叫你芒果糯米飯，但等了很久哦，好彩它也幾好食…查看更多

今日因工作既關係去在九龍塘，順道去埋九龍城睇下有咩好食....九龍城有好多間泰國菜館、花多眼亂....但最後我地都選擇在泰象館！柚子沙律...味道清甜...柚子唔會好酸同好苦、花生好脆、好香口...！菠蘿海鮮炒飯...味道有濃郁既既菠蘿香味、酸酸甜甜都幾好食燒燒頸肉....配酸辣汁，好惹味...而肉質都好juicy食泰國野當然唔少得串燒三寶啦，配埋沙嗲汁簡直一流...而且肉質唔會好”un “燒大頭蝦....味道同口感係爽脆同鮮甜...配埋個汁...別有一番風味！燒烏頭..揭開魚皮...有豐富魚肉汁..肉質鮮嫩、嫩滑..！最後呢度其實有好多特式菜式，但未及時發現，唯有留待下次光顧時再試下啦！…查看更多

九龍城出名泰國菜但太多選擇，所以今次做晒research，平靚正就係我嘅標準。我係九龍塘站出發搭25M, 尾2站落車直行2個街口轉左就到柚子沙律，柚子算多而且幾大粒，有蝦，花生配料，感覺幾豐富。但醬汁可以再酸酸甜甜多啲，會開胃啲咁馬拉盞炒通菜$60，小小辣多多趣，通菜超嫩好好好好味，好有水準，都幾大碟下！宜家我已經好掛住碟菜菜子啦蝦餅併春卷$72, 彈牙蝦餅唔會粉，脆卜卜炸得岩岩好，同甜酸醬一齊食係絕配泰式春卷好大舊好多送，擺左陣先食春卷皮都仲係脆芒果蟹肉炒飯$70，第一次食依款口味嘅炒飯，都幾特別，有啲似芒果糯米飯feel，好大碟有5-6滿嘅細碗堅有芒果，仲幾多下，加埋蟹肉一齊食仲叫左個椰青，媽呀~只係30蚊，我之前飲點解咁收貴滿瀉啦！第一次見椰青有咁多椰青水，忍唔住要影相芒果沙冰$29，唔夠甜似減甜嘅沙冰，唔通唔記得落糖水?…查看更多

［推薦柚子沙律］好耐冇入九龍城搵野食！所以今日友人約此地，就即刻答應！想食泰國菜我地，於是千選萬選，就揀左尼一間，決定試食💪🏻入到店，牆上唔少泰式掛飾！好有泰國風情個feel已經正餐牌選擇都算多，睇下d推薦我同友人又選左好多最後店員都有親切推薦，於是就決定左。兩個人食，價錢合宜。首選：冬蔭功湯（小）味道濃郁，料足。之前系泰國有上學泰菜班，感覺味道大致差不多，當然，店比自己煮的好味首選：柚子沙律因為晚上凍凍地，諗住食沙律都涼涼地，所以為要唔要點尼個菜商量左好耐，最後都系叫左！加上老闆都推薦尼道新菜式。柚子的微酸加上蝦的清新、花生的香酥感，酸酸甜甜微辣的感覺好清新。作為前菜會好開胃！尼個金邊粉令我地驚喜，因為甜甜地，好岩女仔口味。麵身偏軟，加入蛋和紅蝦米，好好味最後點左個黃咖哩（豬）。咖哩味濃，椰奶加入去更香滑，而裡面除豬肉，也有青椒和洋蔥，不錯點左杯龍眼冰！好清爽～～也消辣今餐好滿足耐唔耐要入黎再食番轉泰食。2位晚餐都不算貴入九龍城食泰菜無得輸～～…查看更多

好朋友喜歡泰國菜, 我們約好在九龍城區泰國街揾食, 看餐牌及環境再選擇! 我們在街頭路過時, 餐廳是沒那麼多人的! 走過街尾再回來, 餐廳情境如下: 朋友認定了這家泰國菜館, 舒服好坐, 人多有 食物的保證。我們看過餐牌, 價錢非常合理廉宜, 好朋友的選擇如下:馬拉盞炒椰菜苗, 這味餸色香味俱全, 椰菜苗非常鮮嫩, 鑊氣很夠, 非常香咸的馬拉盞, 味道全部在椰菜苗𥚃面,極香甜, 精華所在! 無飯不歡的好朋友選擇了芒果蟹肉炒飯, 呂宋芒果新鮮, 鮮甜, 蟹肉幼細嫩滑, 配上乾身香味夠鑊氣的炒飯, 越食越滋味! 想不到這家泰國菜館也能夠炮製出美味的海南雞飯, 雞肉嫩滑無比, 平時不吃雞皮的我也忍不住吃了二塊這味柚子沙律是我的至愛, 酸中帶甜, 清新可口, 非常醒胃, 一般來說我會吃木瓜柚子沙律或青木瓜沙律的, 因為我非常欣賞泰國人能夠在遠古時代已經知道沙律的健康及青木瓜柚子的酵素! 多吃有益! 這味傳統的秘製椰汁雞湯是必食的, 香茅, 菌菇及其他配菜的味道把椰汁雞的美味精華提升到另一個層次, 有機會再吃…查看更多

喜愛吃泰國菜的, 首選地點是九龍城o 這區有四成是泰國餐廳, 因此有小泰國之稱, 可以說是泰國菜的美食天堂o 今次我選擇了開業年多的泰象館, 是由朋友介紹的o泰象館位於城南道, 店門外豎立了一個非常耀眼的燈箱, 在遠處也能看得見, 所以很容易便找到o 餐廳格局簡單而整潔, 每枱之間也寬敞, 坐位很舒適o 牆身貼了很多食物的介紹, 不用看開餐牌也可以, 非常方便o我個人特別喜愛柚子沙律, 所以首選是這個, 朋友點了咖哩軟殼蟹及蒜容包, 我再點多一客鐵板蠔仔煎蛋及兩個椰青o柚子沙律 : 酸中帶甜, 非常醒胃o 柚子甜美多汁, 生菜新鮮爽脆, 蝦肉彈牙, 配上香口的碎花生及洋蔥的微辣, 是個非常清新的前菜o咖哩軟殼蟹 : 賣相已值一讚, 將咖哩汁用南瓜盛載上, 非常有o 軟殼蟹外脆內軟, 粉漿不會過厚, 而且不會感到油膩, 多吃也不怕o 咖哩汁做得非常出色, 不會辣, 帶有淡淡的椰香, 配軟殼蟹, 蒜容包或白飯同吃, 一流, 百吃不厭!鐵板蠔仔煎蛋 : 份量非常多, 而且蠔夠多又肥美, 食落啖啖蠔味, 配上辣椒醬一齊食, 滋味無窮o今次因為我們人數少, 有好些款式吃不到, 下次來想吃大大粒芝士蝦丸o…查看更多