泰象館

食泰國野🇹🇭好多人都會揀黎九龍城，呢間開左好多年，係由泰籍廚師🇹🇭👨🏻‍🍳主理既，招牌有隻標誌性既象啤🐘，雖然裝修簡單，但係佢地既重點係野食，選擇好多，價錢公道，全部都夠獲氣又惹味香口👍🏻(5 😍 係滿分，🤩係半分） 咖哩炒大蝦 🍛🦐 - $278 (好味指數：😍😍😍😍🤩)泰國🇹🇭既黃咖哩🍛由姜黃🫚、孜然、丁香、肉桂等香料製成，味道溫和濃厚，偏甜唔會辣🌶️，仲有啲蛋花🥚同椰奶🥥🥛令到個醬杰啲同香口啲～ 啲大蝦🦐幾大隻，蝦頭有豐腴既蝦膏，啲肉爽口彈牙，味道鮮甜，索埋咖哩🍛香味更加突出😌薄餅 🫓 - $27 (好味指數：😍😍😍😍)有咖哩🍛就緊係要配薄餅🫓啦😜 幾香口酥脆，裡面質感濕潤軟熟，有牛油香味🧈同淡淡既麵粉香🌾，但唔會油淋淋，配埋香濃惹味既咖哩汁🍛一齊食好正，飽都要食曬🤤燒元貝 (2隻) 🦪 - $70 (好味指數：😍😍😍😍)幾大隻，肥美飽滿，燒得🔥啱啱好，口感軟嫩鮮甜，配埋蒜蓉🧄同青蔥調味，有鹹香、可以提鮮又惹味香口，食完個嘴又唔會好大味👍🏻泰式海南雞 (半隻) 🇹🇭🐥- $90 (好味指數：😍😍😍😍🤩)佢地既海南雞🐥脂肪比較少，整到啱啱好夠熟，皮薄得黎一樣滑溜同油香，肉質嫩滑，雞味🐥幾濃郁鮮味，半隻都有曬髀🍗同翼🪽tim~ 旁邊配左個酸酸辣辣🌶️既泰式醬🇹🇭，感覺清爽開胃🤤馬拉盞炒椰菜苗 🦐🔥🥬 - $72 (好味指數：😍😍😍😍🤩)馬拉盞係黎自馬來西亞🇲🇾既醬料，由發酵既蝦仔🦐、蒜🧄、辣椒🌶️同炸蒜🔥🧄等製成，香味濃郁，有鹹香又有少少辣🌶️，惹味香口～ 炒過🔥既椰菜苗🥬依然顏色翠綠，口感爽脆唔會硬，亦都入味同多汁幾好食😋蝦醬炒通菜 🦐🔥🥬 - $67 (好味指數：😍😍😍😍)蝦醬主要係將蝦🦐同鹽🧂發酵磨成糊狀而成，質地比較杰身，味道鹹鮮，有濃烈既蝦味🦐同發酵既氣味，係炒通菜🔥🥬既經典配搭～ 通菜🥬顏色翠綠，一樣口感清新爽脆～椰青 🥥 - $39 (好味指數：😍😍😍😍)裡面都有幾多椰青水🥥💧，凍冰冰咁幾正🤤 味道清新微甜，可以解渴解膩～芒果沙冰🥭🍧 - $30 (好味指數：😍😍😍😍🤩)食完咁多濃味野整翻杯凍冰冰🧊既沙冰🍧幾爽，果味濃郁自然，酸酸甜甜，口感幼滑，清爽解膩～芒果糯米飯 🥭🍚 - $60 (好味指數：😍😍😍😍)上枱既時候啲糯米飯🍚仲緊熱既，會軟糯Q彈啲，亦有紫糯米所以會再香口啲～ 配埋果香馥郁又酸酸甜甜既芒果🥭同埋清香creamy既椰漿🥥，味道香甜唔會漏都幾好👍🏻好味指數：😍😍😍😍🤩推介指數：😍😍😍😍🤩…查看更多

九龍城出名係小泰國🇹🇭今次就試下泰象館餐廳🐘上菜速度好快 而且全部嘢都好好食🤤呢到嘅午市套餐仲要好平🤑.📌海南雞(半) $85食泰國菜必食海南雞🐔去咗骨啖啖肉 質感非常嫩滑 連雞胸都完全冇鞋口嘅感覺😍雞調味比較淡 所以雞味好出😆點一點埋酸酸辣辣嘅薑蓉 好醒胃又惹味🌶不過真係比較辣🥵.📌燒豬頸肉 $85喂 呢個好推薦 好食喎🤩豬頸肉邊邊位食落脆脆地 肉質爽口彈牙🐷豬頸肉唔會好肥 食落一啲油膩感都冇😎佢唔會燒得太乾身 仲保留到個肉汁🫶🏻配埋酸酸辣辣嘅泰式酸辣醬 好開胃🌶.📌蒜蓉炒椰菜苗 $62椰菜苗炒得好香口 好濃蒜蓉味🧄菜苗爽脆新鮮🥬仲加左啲紅蘿蔔 令顏色更加靚🥕.📌雞油飯 $15油飯嘅雞油味幾濃 食落粒粒分明 乾身唔油🍚不夠如果碗飯熱啲就好🥺.📌薄餅 $27薄餅有兩塊相當抵食🫓同平時嗰啲有啲唔同 唔太酥脆 牛油味都唔重🧈食落係煙煙韌靭 味道較淡 冇油膩感 都唔錯👍🏻.📌芒果沙冰 $30應該用左新鮮芒果去整 飲落唔會好甜 係芒果嘅清甜味 好清新🥭…查看更多

難得閒日來到久違的九龍城, 一定要食泰國菜吧. 因為太少到這區, 隨意地選擇了1間門口比較多人排隊的餐廳一入門, 餐廳氣氛非常熱鬧, 餐廳不算很大面積, 整體氣氛都很高漲, 連電視聲都給掩蓋了.青咖哩牛肉+薄餅上枱已經香氣撲鼻, 份量2人用非常足夠, 牛肉是滑牛片, 不錯, 亦沒有太多根. 青咖哩非常香濃, 多層次的香料中帶甜, 辣度十足, 惹味!! 不過同時食到汗流浹背淋上薄餅, 簡直係最佳拍檔泰東生菜包乾蔥辣椒等香料, 運用適宜, 令肉碎啖啖充滿香味, 亦沒有過多的肥肉, 生菜份量都足夠食整碟肉碎芒果蟹肉炒飯份量十足, 大大碟. 飯炒得粒粒分明而油潤, 芒果及蟹肉亦配合非常好, 加入腰果粒更有泰國風味總結: 整體都係抵食味美的泰國菜, 令人仿佛到訪夏日的泰國般…查看更多

在疫情下，我都很少外出用餐。我見近日本地感染個案下落，所以约了朋友去九龍城泰象館試試。位置是在九龍城城南街48號地下，在即將開通的宋皇臺站隔離，交通算是方便。在泰國菜館內，雖然座位不多，但坐得舒適。我六點半左右到，菜館內坐得差不多滿了。一進去，服務員就叫我們要掃瞄安心出行及測體温，做足防疫措施，食得安心。泰式燒大頭蝦三隻大頭蝦看起來十分大，比手指還大粗，炭燒得十分香。蝦頭有許多蝦膏，很邪惡呀！但實在太好味。串燒三拼（豬牛雞）豬牛雞每樣都是二串，加起來就有六串。燒得非常乾而入味，色相好外，當然食落也滋味。馬拉盞炒通菜原本是不吃得辣，想叫蝦醬炒通菜。因為這裡是泰國菜為主，所以都是叫馬拉盞炒通菜比較地道。除色相好外，不太辣，不太咸，炒得非常出色，是我的至愛。薄餅我們不太餓，所以叫咗薄餅當飯食，本來是想夾串燒一起吃的，不過串燒未到，熱熱薄薄的餅，我們已經食哂了，實在太好吃了。椰青每次食泰國菜，我一定點椰青。椰青水又甜，椰青肉又薄又好食。整體而言,這裏佈置很有泰國風格感覺，環境舒適，交通方便,食物味道也不錯，我們約不久的將來再次光臨。…查看更多

九龍城出名食泰國菜，所以對泰國菜都幾有期望，同埋就搵左呢間好出名既「泰象館」。環境方面一般，尚算整潔，當日2點幾去到，店員表示無lunch menu，只有一整本既菜單可選擇。蛋包鮮蝦金邊粉$72賣相幾好，味道不錯，酸酸甜甜，份量都好夠！椰汁咖哩（雞）$75椰汁既味道蓋過咖哩汁，雞肉則吾夠入味，無咩泰國菜既feel！薄餅$25有咖哩點少得薄餅，$25有8大塊，鬆軟又有少少脆，都算抵食！燒豬頸肉$74勁un，完全咬吾到，仲要凍哂，似乎放左好多日！👎🏻👎🏻👎🏻All in all, 吾會再幫襯，都幾失望下，lunch黎講算係貴。…查看更多

一想到泰菜，就想到九龍城。今天光顧一間叫泰象館的泰國餐廳，是朋友介紹的。餐廳位置非常易找，就再名店創發潮州菜同一條街之上。因為很久也沒有吃泰菜，所以點了不少菜式，包括泰東生菜包，椰汁咖喱，燒雞，蛋包鮮蝦金邊粉及薄餅。基本上食泰菜，生菜包是必點的項目，從而就能斷定一間泰菜館的水準。這間菜館的生菜包份量充足，味道酸辣鹹香算是平衡得不錯，如果肉碎能夠再切碎一點就更佳，但整體合格有餘👍椰汁咖喱我們選了雞肉，選椰汁咖喱的原因是想食一些較甜的咖喱。果然選擇沒有錯，有咖喱香味之餘椰汁提升甜味，而選擇薄餅，當然就用嚟點咖喱汁食，這個組合是無敵的🤪接着的是蛋包鮮蝦金邊粉，因為在揀食物時看見圖片非常吸引，上枱的情況跟圖片相若。金邊粉是以酸甜為主，蝦的份量亦充足，配以放在面的煎蛋皮，花生碎青檸汁一起吃，酸甜開胃😋最後上枱的是燒雞，由於製作需時，所以最後才上枱。但一上枱就香味撲鼻，值得等候。雞肉醃得很入味，當中的以香茅黃姜特別出色，尤其是雞背的位置，完全吸收醬料，烤完之後香味更能發揮。而半隻燒雞的價錢居然只收$77，有點意外，以質素來說簡直可以說是超值👍這一晚的泰菜吃得非常滿足，當看餐廳的菜譜時，感覺非常難選擇，因為菜式實在超多，但兩個人只能吃得下這麼多東西。下次等限聚令鬆綁後，一定再次光顧，就能嘗試更多的菜式😍…查看更多

讀書既時候最鍾意就係隔日去九龍城食泰國野出左黎之後 愈來愈少食泰國菜因為覺得除左九龍城既泰國菜 出到城既都又貴又唔好食今日突然好想食泰國菜 就入左去九龍城！試左一間好耐以前試過唔錯既鳳爪沙律係我去食泰國嘢必叫嘅因為好少會食到無骨鳳爪 而且泰式嘅沙律酸酸辣辣好開胃每間泰國嘢嘅沙律配菜都唔一樣呢間依家入咗檸檬葉感覺好新鮮仲有少少嘅檸檬味 唔錯炸皮蛋球係呢間舖頭多人推薦嘅菜式係炸蝦餅同皮蛋球之間 我哋揀咗炸皮蛋球呢碟菜一放低已經聞到好香而且佢啱啱炸起熱辣辣皮蛋球出邊嗰個正正就係用厚厚蝦餅包住抵食又好食椰菜苗唔係間間舖頭都有得食但通常九龍城嘅泰國嘢都一定會有所以又係必叫 唔食得辣既朋友都話好香 好食呢知炒飯 芒果就好多喇 但蟹肉就唔算好多 唔算好重蟹肉味 但炒飯都幾乾身食泰國野點炒得咖喱呢 呢個咖喱唔辣 好香大蜆隻隻都好大隻 好新鮮 正今次就叫左薄餅點咖喱 唔好哂哂咖喱既精華個薄餅熱辣辣 亦好有麵粉香呢兩杯沙冰就不過不失 唔甜 帶有陣陣既水果味 但唔算濃中和番泰國菜既濃味 岩岩好值得一讚既係 呢間餐廳上菜既速度神速一落完單 唔夠10分鐘就上菜值唔代表佢整定喎 因為碟碟菜都熱辣辣仲有d侍應個個都好好禮貌 抵讚…查看更多

泰象館九龍城城南道48號地下識我既朋友都知道我最鐘意就係泰國，因為疫情關係已經好多個月無得飛去泰國，好掛住呀，所以唯有黎九龍城食下泰國嘢頂下癮先啦今日試左呢間<泰象館>係朋友推介既，鋪頭唔算太大間，但感覺口味好正宗，而且價錢都算幾合理，係正門口又有咪標位可以泊車，非常方便餐牌上面有幾款套餐可以選擇，都幾抵食，不過我地3個人好多樣嘢都想試，最後都係決定散叫小食拼盤---非常豐富，真係一次過滿足晒所以願望，自己最鐘意食個炸蝦餅同埋春卷，岩岩炸起熱辣辣再點埋個泰式辣醬，真係無得頂鐵板馬拉盞豬頸肉炒椰菜苗--- 平時用馬拉盞炒菜已經覺得好好味，估唔到原來轉咗用鐵板係更加惹味，加上醃製過嘅豬頸肉，very good柚子沙律---作為前菜一流呀，柚子酸酸地好開胃，而且生菜亦好新鮮，加埋花生，洋葱同埋其他配料醬汁混埋一齊，好夾黃咖喱雞+薄餅+蒜蓉包---自己好鐘意泰式既咖喱，好香好濃，而且d 雞肉都幾多，好抵食，我通常都會叫埋薄餅或者蒜蓉配埋一齊食，呢3樣嘢永遠係perfect match冬陰公湯---非常足料，有大蝦，菇類，蕃茄仔。。。而且飲落又唔會覺得太辣，岩大部份人既口味，我地叫左細size, 都有成4~5碗架…查看更多

其實以前已經食過好多次，一路都覺得佢好又抵食，難得媽媽生日，就帶佢黎九龍城食泰國菜啦。呢間個位置幾好，佢近個巴士站，巴士站行5分鐘就到，不難搵，裝修有泰國風格，環境唔錯，行入去你會見倒半開放既廚房，睇黎對自己衛生好有信心。我地4個人叫左泰式鳳爪，馬拉盞炒通菜，咖哩軟殼蟹，薄餅，蒜蓉包，炒金邊粉，同埋個芒果糯米飯，都只係食左638蚊，非常抵食。抵食之餘，佢仲要係好食。最要讚既係咖哩軟殼蟹，軟殼蟹即炸，咖哩食完我會打包番屋企用黎食多餐tim😂😂😂😂，蒜蓉包熱辣辣，外脆內軟，好食。炸蝦球，你食得出佢係啖啖蝦肉，粉唔係好多。篇幅所限，總之，呢間係一間抵食又好食既泰國菜館👍…查看更多

食泰國菜地方，首選一定去九龍城。成條街任你揀，之前試過有D味太濃，食完之後會好口渴，偏偏就鐘意試新野，間間都想試下。行到呢間見到整整齊齊，又乾淨，就決定入去試下。好好彩我地早到一步，唔駛等位有得食。餐牌款式都多，價錢唔算貴。最後3個人叫左5樣野。服務很好，上菜又快，坐得舒服，食得開心，份量中等，有機會下次會想試串燒同魚，見到好多人食😋😋南瓜咖喱軟殼蟹，值得推介。薄餅/蒜蓉包一齊食，真係唔錯。蝦餅 大大件 口感唔幾好酸辣鳳爪 --可能我食得辣，所以嫌佢唔夠辣🤭蝦醬炒通菜 呢個就普普通通芒果沙冰 唔夠芒果味🤭椰青 夠凍夠甜😁…查看更多

之前同朋友嚟㗎一次，覺得都幾有泰國風味，d辣味好接近泰國食到嘅口味，不過今次同屋企人一齊過嚟食，可能選擇嘅食物唔係泰國的食物，所以覺得佢嘅口味比較近香港人。打電話嚟訂枱，接聽的員工也很好，告知我們，可能都要等10分鐘左右先有枱，所以就沒有覺得等得太耐。可能係OpenRice佔據九龍城泰國食肆的頭三位，所以人客也較多，建議訂座。言歸正傳，講下啲食物質素。今次我們叫了一個柚子沙律，這一個沙律是我最喜歡的，它雖然沒有青木瓜沙律的刺激，但卻有清甜的味道，如果大家不吃辣，這個便是首選。今次主菜，我們叫了南瓜軟穀蟹，配蒜蓉包及薄餅，個南瓜汁覺得太鹹了，軟殼蟹也好像番炸過飯後甜品，我們叫你芒果糯米飯，但等了很久哦，好彩它也幾好食…查看更多

黎到九龍城梗係食泰國菜.. 係門口俾南瓜軟殼蟹吸引住 我同男朋友都係愛軟殼蟹之人 所以就黎左呢間食喇！ 座位都幾寬闊..唔會話坐到逼住逼住咁酸辣鳳爪沙津 夠辣！好入味！ 最驚食到酸味勁重而又唔夠辣 但呢個岩岩好！ 炸蝦餅 估唔到有8件咁多！ 平時食開都係得4至6件... 蝦餅即叫即整，一上枱熱辣辣，外脆內彈牙！ 唔錯唔錯南瓜軟殼蟹 一上枱已經好吸睛.. 咖喱裝滿哂成個南瓜.. 咖喱唔辣..甜甜地既. 軟殼蟹好大份 炸到脆卜卜.. 點住咖喱 配埋薄餅食 正 薄餅食得咖喱 梗係要配薄餅或者蒜蓉飽 今次叫左份薄餅 有成8塊咁多.. 唔油 最驚係食到滿咀油 香葉肉碎飯 一黎男友唔夠飽，又唔想淨叫白飯； 二黎可以將咖哩點下飯食都得 肉碎炒到好香 可能因為啲香葉關係 男朋友呢餐食到好飽 好滿足 啲食物好新鮮 食物上枱都係熱辣辣既 咖喱軟殼蟹真係好好味 下次要再黎試下蛋包金邊粉 …查看更多

生蝦刺身，蝦隻不夠新鮮，沒有鮮味燒豬頸肉竟然韌如嚼膠 拼盤有四款炸物~ 炸魚餅淡如無味，只有微微香茅等香草香料味; 炸蝦餅尚算爽口彈牙; 其餘兩物沒有吃到，不予致評燒烏頭，件頭夠大，肉質亦夠鮮甜嫰滑咖喱炒羔蟹，大大一隻堆疊起，很澎湃，蟹膏不少，蟹肉厚甜，咖喱充滿椰香但不辣，十分濃稠，配薄餅吃夠滋味～不過本人不好椰味，所以淺嚐～馬拉盞椰菜苗&鹹魚芥蘭，除了油，還是油，只有蒜味，沒有馬拉盞或鹹魚味  鹹魚似是後加拌勻的，沒有炒香過…香芋焗飯，芋粒不多，但滿是冬菇、肉碎、魷魚塊等，十分香口，可是油脂亦十分滿  最後來個芒果糯米飯作結，芒果瘀黑的，不甚新鮮 黑白糯米軟綿尚可，但不夠糯香～整體而言，沒有任何值得再來的誘因 …查看更多

六位志同道合戰友上星期五晚再戰泰象館，嘴饞和舌尖的戰術，泰象館見猛將如雲立刻見招拆招，終於招招招牌菜都能打動六顆嘴饞和芳心！先來柚子沙律打開醒胃之門，多酸少甜的確能喚口胃，手慢了！嘗不到心儀的蝦仁添！再來另一款式，豬頸肉沙律生菜包，非常治惹味，豬頸肉味鮮軟滑包入生菜，又滑又爽在口舌翻騰！生蝦刺身，爽、鮮、甜！脆肉炒椰菜苗，脆肉口感有點像叉燒，加上香濃獻汁，一於揾個靚仔（白飯）同佢拍拖！南瓜海鮮飯，外型靚仔到無朋友！椰香、飯香、海鮮鮮嫩瓜肉清甜，內涵極之豐富！南瓜軟殼蟹，軟殼蟹啖啖鮮嫩無黐牙，沾美味南瓜獻汁，配合得天衣無縫！還點選香脆蒜蓉包、薄餅沾美味南瓜獻汁吃，香脆和美味此刻還在回味中！還有値得推介是店鋪自家煲的龍眼蜜水！三個小時的吃喝談天說地話咁快就過！是埋單時候，位位$140！…查看更多