泰象館

營業中

休息中

去到九龍城食泰國菜，有時都唔知揀邊間好。見到呢間好似幾地道，價錢親民，網上都幾多好評，一於試下！ 泰東生菜包必點菜式，用生菜包住辣辣哋嘅炒肉碎，加埋香茅同檸檬葉嘅清香，好開胃。呢個生菜包味道偏濃，加埋生菜就啱啱好。 青咖哩雞椰香味超濃，雞肉嫩滑，仲有茄子同豆角索晒啲咖哩汁，點埋蒜蓉包食，個包烘到脆卜卜，吸汁一流。 馬拉盞炒芥蘭鑊氣十足，芥蘭爽脆冇渣，馬拉盞鹹香帶微辣，好惹味。 芒果糯米飯最後嗌咗芒果糯米飯做甜品，芒果酸酸甜甜，糯米飯黏滑有咬口，淋上椰奶甜滋滋。 呢間泰國菜夠地道，菜色份量都幾多，整體性價比高，唔錯！

九龍城一向出名泰國菜🇹🇭今次就去左泰象屋食晚飯門口有好多人坐低排隊 都幾有人氣👫🏻👫🏻.🌟泰式乾炒牛河 $60河粉比平日食開嘅粗身又多牛肉　炒得乾身又唔油膩加入左唔同配料同醬汁盡顯泰式風味😋.🌟香葉炒豬肉碎飯 $62肉碎用豆角、蒜蓉、辣椒、金不換炒成帶少少辣　非常惹味　送飯一流🍚份量又多好抵食😝.🌟馬拉盞炒芥蘭 $64芥蘭馬拉盞炒再加入大量蒜蓉、姜絲、辣椒夾起時鹹香味撲鼻🥬唔會炒得過老 芥蘭仲係保持脆嫩.🌟椰汁珍多冰 $29好香椰汁味🥥 係經典嘅泰式飲品🥤.🌟芒果糯米飯 $60呢度嘅芒果糯米飯係用普通糯米、紫糯米做個人覺得紫糯米比較香、煙靭一次過可以試到兩款口味 非常特別上枱嘅時候糯米飯仲係熱辣辣 再加埋甜絲絲嘅芒果🥭用嚟做飯後甜品 非常滿足🥰

【九龍城惹味抵食泰國菜🇹🇭泰象館】-黎到九龍城梗係要食正宗嘅泰國菜🤤今次小編要介紹嘅就係呢間惹味又抵食嘅泰國餐廳🇹🇭🐘泰象館🐘🇹🇭-餐廳入面擺放咗好多菩薩同象頭神嘅佛像🤩金燦燦🌟好有泰國風味😎食物方面價錢合理😜味道唔錯😋性價比幾高😚-😋南瓜焗海鮮飯🎃 $104原隻南瓜入面裝滿左海鮮炒飯😝海鮮炒飯入面有青口同魷魚🦑仲有鮮甜爽口嘅洋蔥粒、南瓜同埋提子乾😜味道好豐富炒飯粒粒分明😋加埋甜絲絲嘅南瓜蓉🤩唔錯唔錯😎好味指數：🌕🌕🌕🌕🌘-😋炸蝦餅🍤 $79一碟有⑧塊蝦餅😜炸到金黃色好脆啖啖彈牙蝦肉勁重蝦味😌好味指數：🌕🌕🌕🌕🌗-😋芒果糯米飯🥭 $60估唔到冬天嘅芒果都咁香甜多汁🤩加埋椰漿同埋糯米飯呢個配搭真係一流🫶🏻雙色糯米飯💁🏻‍♀️白色就比較煙靭🍚紫米飯就比較有咬口好味指數：🌕🌕🌕🌕🌗-😋飛天通菜🥬 $62通菜青綠色😜食落夠爽脆炒得夠鑊氣😛辣辣地幾惹味好味指數：🌕🌕🌕🌕🌘-總括而言💁🏻‍♀️泰象館味道幾正宗，而且價錢好抵食🫶🏻絕對值得一試🤤-📍泰象館 (九龍城)九龍城城南道48號地下💸人均消費：$150

今次朋友就推薦咗一間佢喺九龍城既泰菜愛店——泰象館，佢聲稱喺每次去九龍城都會食。講到咁吸引，當然心郁郁想試。<冬蔭功海鮮湯>(小) $77冬蔭功海鮮湯有好豐富的材料，蝦﹑青口﹑小蕃茄、菇菌等有齊曬。凍既天氣喝返碗好暖胃。<南瓜焗海鮮飯> $104南瓜加海鮮飯都喺第一次食。上枱係見到係成座山咁，炒飯上面淋咗南瓜蓉同椰汁，如果再多些汁就更好。炒飯先炒後焗，見到有提子乾﹑薄蛋絲同雜豆，材料除咗南瓜粒，仲有青口、魷魚﹑蝦等等，溝埋一齊食，口感乾爽，調味啱啱好。<芒果糯米飯> $60估唔到雖然而家唔係芒果嘅季節，但喺芒果仲好鮮甜。糯米飯用上兩種糯米，一半白糯米一半紫糯米，食落煙韌，椰汁香濃。<金不換菠蘿沙冰> $30原來金不換喺芫荽，之前一直都唔知。即使喺對芫荽so so都覺得飲品可以接受，菠蘿喺大功臣。

而家個個都話屯馬線開通，九龍城美食區會變得好方便。但係其實我本身就住喺附近，已經成日落嚟九龍城食泰國菜。呢一間泰象館已經係我經常嚟幫襯嘅好地方，性價比真係高，因為佢價錢唔貴好合理，而且份量好足，款式又超級多款。次次嚟到都唔知叫乜嘢，因為樣樣都想食。今次兩個人同朋友一齊過嚟食，介紹咗去食呢一間～朋友話想食芒果糯米飯，我就鍾意食青咖喱豬肉，仲叫咗一個柚子沙律，同埋一份串燒同埋薄餅。柚子沙律嘅柚子肉好大粒，好有肉，而且好甜同埋成碗都好惹味，比起出面普遍嘅柚子沙律做得更出色，佢嘅花生料做得好脆口而且好濃味。青咖喱做得幾好，奶香椰香好濃，而且材料都好多喎。有好多茄子仔同埋豬肉片。我哋仲叫咗一份薄餅來送咖哩，一份薄餅又8片，雖然每次都覺得唔夠喉，但係兩個人已經夠晒飽。串燒都好大串呀，比我想像中大串。沙嗲醬都做得好好味，有花生碎碎粒。員工禮貌同埋服務都唔錯，好快留意我哋有冇食完，清理碟子。5星為滿分*😋美味：⭐️⭐️⭐️⭐️💰價錢：⭐️⭐️⭐️🛋環境：⭐️⭐️⭐️⭐️⭐️🤵‍♀️服務：⭐️⭐️⭐️⭐️🚶‍♀️回頭：⭐️⭐️⭐️⭐️🏠餐廳：泰象館 (九龍城)📍地址：九龍城城南道48號地下🍽菜色：#littleapplebean泰國菜

自從宋王臺站通車之後，九龍城變得人來人往。睇OpenRice見到呢一間餐廳點評好高，就約咗朋友嚟呢度食。餐牌嘅食物價錢好合宜，最緊要係佢唔收+1 服務費！重要嘅嘢再講多次，佢唔收+1服務費！雖然舖頭細細地，但係餐廳算係乾淨，職員服務態度好好！我哋叫咗以下嘅食物1.豬頸肉沙律 （推介！！）佢辣辣地，真心覺得好好味，酸酸甜甜嘅汁加上多汁嘅豬頸肉，感覺好似生菜肉碎包，變咗做豬頸肉版本！不過佢本身係辣㗎，唔食得辣嘅朋友未必頂得順。2.燒雞翼燒雞全翼好考功架，雞翼燒得啱啱好，多汁。雖然鹹咗少少，味道都唔錯：）3. 蝦醬椰菜苗（推介！ ！ ）識得食嘅朋友，就知道食泰國菜，一定要是馬拉盞通菜或者椰菜苗。我個人就覺得椰菜苗比較難喺出邊買到，所以每次食泰國菜都會叫椰菜苗。鹹鹹甜甜嘅蝦醬炒柔嫩嘅椰菜苗，好味。鑊氣如果可以加多少少就更加好：）4. 菠蘿炒飯炒飯色澤靚，飯粒粒分明，味道偏淡口，感覺很健康5.芒果糯米飯嚟到嘅時候糯米同埋紫糯米係好熱，即整，放入口軟綿綿好好味。加上甜甜嘅芒果，好味整體而言，今次食嘢嘅體驗都好開心。好彩我哋六點嚟，唔使等位。大概7:00開始就要等位。職員服務態度很好，上菜速度亦很快

估唔到今日喺weekday, li間喺九龍城城南道嘅泰國餐廳都咁爆場!! 咁又係之前食過真係值得encore嘅, 今日無揸車可以啤返啤🍻先驚覺佢枝SINGHA咁鬼大枝都係28蚊咋(但都見到有一枱以紅酒🍷送飯🤣)!! 🥢椰汁咖哩雞 (HKD75)仲以為係唔辣, 原來好辣!! 不過係充滿椰香同椰漿嘅味道, 搞到食到唔停到口, 梗係一人一碗白飯 (HKD14)撈到啲咖哩一滴都無得剩啦. 我地揀雞肉(豬/牛/雞), li個雞肉有啲似雞柳, 一條條咁每𢳂一下都有雞肉, 好入味. 值得多讚嘅係佢仲加入一條條幼身嘅豆, 有菜有肉有味道.🥢豬頸肉炒椰菜苖 (HKD72)兩個人食, 實係揀一碟餸起碼兩款食材, 炒嘅豬頸肉好肥美啖啖肉, 個芡又唔會超杰個隻, 椰菜苗嫩👍🏻.🥢酸辣肉碎粉絲沙律 (HKD60)Caution! 辣到有啲噴火🔥, 無論香料, 豬肉碎, 粉絲, 蕃茄... 都好足料嘅泰式沙律. 食一啖已經衝擊緊個味蕾, 醋辣汁調較得好啱味, 酸x辣都重味, 鐘意個酸辣剌激口感真係必食.🥢芒果糯米飯 (HKD60)唔睇Drinks個版menu實會miss左芒果糯米飯, 驚喜店家另上嘅椰漿係暖ga🤩

時不時的，就想用泰菜來醒一下胃。冬蔭功（小），其實餐單裡有好幾款冬蔭功，問過之後才明白原來是有大頭蝦和普通海鮮和素菜的分別，照顧不同客人的需求，而我們當然還是選擇最經典的大頭蝦，冬蔭湯底酸爽，大頭蝦肉彈牙，雖然是細份，但已經有4個飯碗的湯量，很足夠了。炸蝦餅拼春卷，新鮮熱辣，蝦餅Q彈，春卷香脆。蛋包鮮蝦金邊粉，雞蛋網薄而疏通又連貫，好好包裹著金邊粉，旁邊一大把花生碎拌勻金邊粉一起吃，酸甜又香口。串燒三拼（豬牛雞），每款各2串，啖啖肉，大滿足，其中豬肉串燒為最愛。芒果糯米飯，每次吃泰菜都要用它來做結束，這裡的特色是提供黑白雙色糯米飯，口感相似又有些許不同。"泰"經典又滿足的一餐。

疫情之後好耐都冇約朋友出嚟食飯，今日專誠去九龍城探朋友，佢介紹去食城南道泰象館。一坐低整返支泰國啤酒同魚餅拼蝦餅一路傾一路食😋😋，蝦餅爽口彈牙足料，魚餅炸到金黃色檸檬葉同魚味好balance, 冇得彈👍🏻食到咁上下再order 生蝦（呢樣係必食）唔係好食辣都要連埋辣椒一齊食先好味，真係三個字、好鮮甜🤪蛋包鮮蝦金邊粉大大碟，酸甜夾埋一齊再加花生D咸香味令我可以食曬成碟！我都覺得我好犀利😉馬拉盞炒介蘭炒到剛剛好唔會炒到淋曬！（因為我鍾意爽口feel)而且又香口最後就係我嘅最愛甜品...芒果糯米飯！要讚呢間店係用蒸嘅方法整熱啲糯米👍🏻，所以食到尾啲糯米都係好軟熟。 如果係用微波爐整熱、 你食到一半剩返嗰啲就會硬曬。

之前同朋友嚟㗎一次，覺得都幾有泰國風味，d辣味好接近泰國食到嘅口味，不過今次同屋企人一齊過嚟食，可能選擇嘅食物唔係泰國的食物，所以覺得佢嘅口味比較近香港人。打電話嚟訂枱，接聽的員工也很好，告知我們，可能都要等10分鐘左右先有枱，所以就沒有覺得等得太耐。可能係OpenRice佔據九龍城泰國食肆的頭三位，所以人客也較多，建議訂座。言歸正傳，講下啲食物質素。今次我們叫了一個柚子沙律，這一個沙律是我最喜歡的，它雖然沒有青木瓜沙律的刺激，但卻有清甜的味道，如果大家不吃辣，這個便是首選。今次主菜，我們叫了南瓜軟穀蟹，配蒜蓉包及薄餅，個南瓜汁覺得太鹹了，軟殼蟹也好像番炸過飯後甜品，我們叫你芒果糯米飯，但等了很久哦，好彩它也幾好食

為左星期六有靚泰國材料整泰式小食同甜品，今日特登嚟到有香港小泰國之稱嘅九龍城買材料😍一場黎都九龍城點可以唔食返餐泰國野先好走呢😂呢度啲泰國菜館真係多到花多眼亂👀👁👀👁， 見到「泰象館」係OpenRice有咁多舔舔脷，環境又光猛，於是就揀左佢黎試😝可能因為係星期四同埋時間仲早，七點嚟到唔使點等位就有位，不過唔夠一陣就full晒，睇黎真係好多人食(親～～～如果大家係一大班人食的話強烈建議要訂位喔) 快啲睇下我今次食左啲咩啦～～～💕#1 冬陰公（小）$72食泰國嘢第一樣野點少得冬陰公😁我哋叫咗個細嘅冬陰公😙大家可能會問細即係幾多呀？夠幾多人食呀？等我做個實驗比大家睇😂拿～～～細即係兩個靚仔飯碗咁囉😎😎😎係咪即刻好有畫面呢😝講番個冬陰公～酸辣平衡控制得幾好，唔會過酸/過辣，用料十足，讚讚讚👍🏻👍🏻👍🏻💕#2 酸辣泰式鳳爪 $60鳳爪夠味夠爽，份量都多👍🏻👍🏻👍🏻（可見圖中藍衫先生食指開始大動）💕#3 馬拉盞炒通菜 $60一上台，香味令人流晒口水；炒過後嘅通菜惹味十足；堅持相機食先嘅小妹再影多兩張相的話就會比人滅口了😂🤣😂🤣（可見圖中藍衫先生食指同中指同時都大動😗😆😆😆）💕#4 無得輸蒜蓉包 $

九龍城是食泰國菜最方便最多選擇的地方。朋友想食泰國菜，於是就決家來到九龍城後再選擇。哇，一整條街都是泰國餐廳，真的不知如何選擇。最後選了一間看似最多人的餐廳我等了大約十分鐘入座。這裏有夜市套餐可選，不這因為想食的東西與夜市套餐不太一樣，所以就沒有選擇。雖然沒有選擇夜市套餐，但感覺也十分抵食首先叫了一份生蝦。這份生蝦不算很便宜，但生蝦的質素的確不錯，蝦也比很多餐廳大得多。醬汁嗆辣惹味，十分正宗的感覺。不過對於不能食辣的人來說可能會不太能接受。新鮮的生蝦配上蒜片和醬汁，惹味開胃，是一道不錯的開胃小菜。之後叫了一份泰東生菜包。這個生菜包也是辣辣的，份量不少，可以包到大約8份的生菜包。生菜包有三款不同的肉選擇，有豬，牛，雞，我們選了豬肉。豬肉經過調味後，第一口已經嘗到辣辣的，慢慢有泰式香料的感覺，後來還嘗到一點點微酸。加上生菜清爽的口感，令層次加分不少。好像一直食都不會厭呢。炒通菜是很難失水準的，當然這個也在水準之上。這個也是帶有微辣，但沒有生菜包這麼辣，有馬拉盞和辣椒的惹味，而且通菜也不會太老。它是把通菜炒得很濕潤，菜來帶有很多醬汁，真想配碗白飯來呢。今日最驚喜的就是這個蛋包鮮蝦金邊粉。這個

生蝦刺身，蝦隻不夠新鮮，沒有鮮味燒豬頸肉竟然韌如嚼膠 拼盤有四款炸物~ 炸魚餅淡如無味，只有微微香茅等香草香料味; 炸蝦餅尚算爽口彈牙; 其餘兩物沒有吃到，不予致評燒烏頭，件頭夠大，肉質亦夠鮮甜嫰滑咖喱炒羔蟹，大大一隻堆疊起，很澎湃，蟹膏不少，蟹肉厚甜，咖喱充滿椰香但不辣，十分濃稠，配薄餅吃夠滋味～不過本人不好椰味，所以淺嚐～馬拉盞椰菜苗&鹹魚芥蘭，除了油，還是油，只有蒜味，沒有馬拉盞或鹹魚味  鹹魚似是後加拌勻的，沒有炒香過…香芋焗飯，芋粒不多，但滿是冬菇、肉碎、魷魚塊等，十分香口，可是油脂亦十分滿  最後來個芒果糯米飯作結，芒果瘀黑的，不甚新鮮 黑白糯米軟綿尚可，但不夠糯香～整體而言，沒有任何值得再來的誘因

我同呢位朋友冇機會一齊去泰國，但係佢就成日好想去香港入面既小泰國－九龍城，所以今晚我哋山長水遠去個度食個晚餐。泉到九龍城，佢第一句講嘅說話係「九龍城其實都幾似旺角」，之後行到黎南角道成條街都係買泰國嘢，佢佢就覺得好熱鬧，而且對於新奇特別既小食好感興趣，聞到陣陣嘅香料味，令我地胃口大增，選左其中一間餐廳試試。香葉辣椒肉碎炒河$50一上碟，超足份量，好似平時出面叫既兩碟，好欣賞。唔知係咪少人既關係，超級新鮮，噴曬煙，食落又唔係好辣，河粉好滑而且超香，有d豆角毛豆碎，加埋辣椒紅椒粒，超刺激！每條河粉都好混炒得，夠曬鑊氣呢！酸辣豬頸肉沙律$68同生菜包同一原理，只不過換左既係豬頸肉，我覺得可以再辣d，不過酸酸地都係道好好既前菜，貌似簡單但好多工序，因為我都識整。芝士蝦丸$68超大粒，有4粒開邊8件，超抵食$8.X一粒超足料，啖啖鮮甜蝦肉，超滿足！而且入面filling有溶漿芝士真吸引!芒果糯米飯 $60呢個比起黎，其實我覺得有d貴而且可能好早就上，米有d硬。