泰簡單

營業中

休息中

餐廳由外到內都裝修得充滿熱帶風情，周圍都係打卡位，感覺舒適，仲有室外露台庭園座位，夜晚有cocktail 供應，泰chill泰relax。餐廳menu 都係傳統泰國菜，職員同廚師都係泰國人，正宗好味道。🥣冬陰公幾足料，有草菇同鮮蝦，好香鮮甜惹味。🍍菠蘿炒飯配料豐富，有粒粒菠蘿，大蝦，墨魚仔，肉鬆，飯炒得乾身。🥬飛天通菜飛天醬辣得過惹，通菜爽口。🐷燒豬頸肉沙律豬頸肉燒得香口，肉質juicy。可以用生菜夾住一齊食，減少油膩感。🍹黃金夢鮮菠蘿汁加鮮芒果汁，幾甜幾好飲。🍹漫天飛花鮮火龍果加橙汁，清甜潤腸。⭐️餐廳環境一流，食物正宗，岩晒同朋友聚會相聚。

【銅鑼灣•泰簡單】@ππππππππππππππππππππππππππππππ雞椰湯 - 湯底香濃，椰味足，雞肉嫩滑。蝦炒麵 - 蝦大隻爽口，麵炒得夠鑊氣，味道夠。青木瓜沙律 - 青木瓜爽脆，酸辣開胃。炒通菜 - 通菜翠綠，炒得剛剛好，唔會太老。泰式奶茶 - 茶味濃郁，甜度適中，好飲。椰青 - 椰水清甜，椰肉嫩滑，解渴又解膩。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 500✨✨✨✨✨✨✨✨✨✨✨✨✨#銅鑼灣美食 #泰簡單 #web3銅鑼灣泰簡單謝斐道517號總統戲院頂樓

最近成日忙到飛起，終於約到朋友出去輕鬆下，揀左一間環境好chill既泰國餐廳—泰簡單，聽講裝修有feel，仲好適合打卡，而且廚師同侍應全部都係地道泰國人，食物正宗之餘，夜晚仲有cocktail飲，感覺岩岩好，成件事好relax，當然要試試佢既泰式美食！ 皇宮大蝦蛋網炒金邊粉 $138 呢碟金邊粉一上枱就已經覺得好吸引，金黃色既蛋網包住炒粉，好似一份小禮物咁。打開之後，香氣撲鼻，炒得夠鑊氣，每條粉都掛滿醬汁，帶點甜甜地既酸味，非常開胃。大蝦新鮮彈牙，層次好豐富，完全係正宗泰式風味！ 烤豬頸肉沙律 $108 呢道烤豬頸肉真係正！豬頸肉燒得岩岩好，外層微焦，內裏仲係嫩滑，帶少少油香，但吾會覺得膩。最過癮係可以用新鮮生菜包住黎食，清爽又解膩，食完一件又想再食多件，真係開胃到停吾到口！ 椰汁雞湯 $75 呢個湯絕對係冬天既恩物！椰香味好濃郁，但飲落去又吾會過甜，湯底帶有淡淡既香料味，溫潤又舒服。入面既雞肉份量十足，啖啖肉，仲有雜菌添，飲完成個人都暖返晒，成個湯底飲晒都吾覺得漏口！ 鮮炸蝦餅拼香辣炸魚餅 $92 炸蝦餅外皮炸得香脆，咬落去肉質彈牙，每一口都充滿蝦味，完全感受到新鮮蝦

話說收工喺銅鑼灣附近同事就帶咗我去一間食泰國菜🇹🇭餐廳嘅裝修都好有泰國風味😚都幾chill同埋又可以飲返兩杯😆佢哋店員大部份都仲要係當地泰國人🙂‍↔️都幾地道🌶️烤豬頸肉沙律豬頸肉嘅份量都幾多🥵重要都幾Juicy同埋幾香炭香味🤤食落辣辣地都幾過癮😋仲可以包埋生菜一齊食🥘冬蔭功飲落嘅感覺酸酸辣辣咁仲有淡淡的椰奶味🥥都幾開胃入邊嘅香料同配料都幾多添😯又有大蝦同埋幾種唔同嘅菇🍄‍🟫🥬咸魚炒芥蘭芥蘭都幾新鮮，食落去完全冇草青味✨鹹魚嘅份量都幾多添，令到成個菜都幾有鮮味🥗🍳皇宮大蝦蛋網炒金邊粉食金邊粉最怕就係炒到黐埋一嚿嚿😣但係佢哋炒到完全冇呢種感覺🤤食落去辣辣地又有加埋啲花生碎口感幾豐富😚同埋大蝦都真係幾多😋有啲仲收埋咗喺個粉入邊外邊就用雞蛋煎到網狀包住🍹黃金夢平時芒果特飲喺泰國係必飲😌估唔到呢度竟然會有咁少見嘅菠蘿🍍再加芒果果肉打嘅一杯特飲🥭飲落去仲有時會食到啲芒果肉🍷心有靈犀呢杯用咗石榴汁、珍珠芝麻再加梳打水調製嘅特飲😙飲茶落都幾refreshing 同埋都幾開胃😋飲完之後仲可以食埋啲雜果添

呢間餐廳由入門口到餐廳內都非常之有泰國味道，所有廚師待應都係正宗泰國人，環境好地道又CILL，打卡一流👍🏻♡Thai Yellow Curry & Garlic Bread♡黃咖哩雞配蒜蓉包真心好正，個麵包夠晒脆再浸落熱辣辣既咖哩汁吸晒啲精華好滿足😌♡Prineapple Fried Ric♡菠蘿炒飯好fresh，飯面加咗啲肉鬆上去味道昇華左唔少，有淡淡既肉香味，菠蘿粒令到個炒飯酸酸甜甜唔會好濟♡Green Shredded Papay♡食泰菜真係不能缺少作為前菜嘅青木瓜沙律，酸辣既醬味配爽口既木瓜好開胃🤤，木瓜絲加配埋生菜口感仲有層次♡Prineapple Juice & Thai Iced Tea♡嘢飲就嗌咗泰國最Signature既泰式奶茶🥰好香濃唔會死甜，另一菠蘿芒果沙冰口感好smooth，果汁同冰打磨到好綿入口即溶☺️

銅鑼灣的“泰簡單”環境佈置充滿泰國風，滿滿渡假feel。這裡的食物夠地道，餐廳內上至廚師，下至侍應均是泰國人，令人仿如置身泰國一樣！🌯素菜春卷～有別於一般的春卷，薄脆外皮包裹著芋蓉、甘荀及蔬菜做餡料，口感香脆，感覺清新，沒有油膩感，搭配甜辣醬，令人更加開胃。🍲 豆腐肉碎粉絲湯～以豆腐、豬肉碎、娃娃菜、粉絲作湯料，最簡單材料煮出最鮮甜味道。湯頭清澈卻鮮味飽滿，豆腐軟滑，粉絲吸滿湯汁後滑溜順口。🍍🍚菠蘿炒飯～以新鮮菠蘿殼盛載的炒飯，米粒分明乾身，色澤金黃。飯粒充滿蛋香，配料豐富，有菠蘿、蝦仁、魷魚仔、蛋絲，提子乾及什菜粒，飯面撒上肉鬆更覺香口惹味。🥬馬拉盞炒通菜～通菜鑊氣十足，炒得翠綠，馬拉盞醬將蒜茸、紅辣椒爆香，令通菜具濃郁與微辣的後勁。🥃香芧南薑茶～香茅的清香與南薑的辛暖感完美平衡，味道清新，舒服潤喉，絕對適合於寒冷的天氣暖身。🍹黃金夢～原汁原味鮮榨的菠蘿汁與芒果汁混合，芒果的濃郁甜香中和菠蘿的微酸，口感綿密，果香非常突出。

餐廳大面積的玻璃窗讓自然光線充盈室內，明亮寬敞。柔和的燈光和籐編燈具營造出溫馨的氛圍。牆面上掛畫和植物裝飾，增添文化氣息和生機。有室內室外區，迎合不同需求。燒豬頸肉 Grilled Pig's Jowl $96外脆內嫩，份量多，適合四人Share。金枕頭 Baked Bread Stuffed $158麵包外層酥脆，內部吸收了蜆肉與咖喱混合成的餡料的香氣浸透，濃郁驚艷。馬拉盞炒通菜 Stir Fried Morning Glory $105清新清脆的口感，由蝦醬製成的馬拉盞在炒至過程中，滲進通菜中，鹹香惹味。皇宮大蝦蛋網炒金邊粉 King Prawn Fried Noodle in Egg Net $138有鍋氣將食材完美的融合。有金邊粉的韌性，蛋網的微微焦香和大蝦的鮮美。冬蔭功 Tom Yum Soup (4 ppl) $162酸辣開胃，廚師加入了很多大蝦，提升海鮮香氣，口感圓潤溫暖。鮮芒果汁 Fresh Mango Juice $52足料冰沙🫶🏻熱香茅南薑茶 Lemon Grass + Galangal $45經典泰國飲料，清新怡人，微微辛辣，能夠預防感冒，舒緩壓力。

銅鑼灣食飯呢啲大城市，光十色要靚嘅有好多，平民美食都唔缺，但係就缺乏咗一啲可以靜靜地chill下嘅餐廳, 上到餐廳中間係天台嚟㗎好似入咗元朗寧靜舒服嘅環境咁食泰國嘢環境非常正仲有個Bartender喺度即時調酒氣氛非常之好呢度唔係淨係sell 氣氛, 嘢食都一絕冬陰功湯唔會太辣好香香茅味仲有好多隻蝦非常足料串燒熱辣辣咁燒出嚟啲雞一啲都唔嚡豬肉爽口牛肉勁香勁好味朋友叫咗個沙律我自己都冇睇到叫咩名，但係食落去就好多魷魚同埋口感好特別食落好惹味最後仲有個炒飯有泰式臘肉份量都好多，但係因為太好食，兩啖食晒

聽朋友講，響銅鑼灣搵到一間泰國菜館🇨🇷，環境好正～食物又好味～價錢又合理！橫掂開始放年假，大把粵菜食……食返餐泰菜先都唔錯！地點就響總統戲院樓上～😍電梯大堂已經好有氛圍感，上到去玄關，係一條長走廊，佈置幾有特色。行入去原來別有洞天！😍露天地方氣氛非常好，非常打卡able，見天氣唔係太凍，坐戶外都唔錯！感覺好chill，三五知己唔食齋飲都正，夜晚仲有coctail供應！🍹🥂坐低點兩杯嘢飲先～🥂老細就梗係要泰式奶茶啦～我叫咗杯「心有靈犀」，其實係石榴汁、梳打…仲有我最鍾意嘅「青蛙蛋」---珍珠芝麻～聽日一定爽爽……🤭😅🤣🥣冬陰功：係老細必點嘅！配料非常多，上枱熱辣辣，口味偏酸，但係都幾好味佢椰汁味唔濃，啲蝦好大隻，好味又開胃！🍝皇宮大蝦蛋網炒金邊粉：賣相好靚！😍兩隻大大隻大蝦～黃金色嘅蛋網包住金邊粉金邊粉炒得好乾身入面仲有蝦肉配料旁邊有青檸，仲有花生碎同辣椒碎，可以自己撈埋，口味除你調節！🌿飛天通菜：我覺得係我食過最好食嘅通菜！！🥳👍🏻佢應該加咗個蝦醬以外嘅其他配料，有一種鹹香嘅鮮味，份量都幾多～實在係好好味！！🥓🥬燒豬頸肉沙律：豬頸肉燒得好好外脆內亂配埋生菜同洋蔥絲可以包住嚟食又得單獨食

今日我和好姊妹去咗銅鑼灣行街，佢話想食泰菜就搵到泰簡單用餐。這家餐廳的環境非常chill，有室外露天位非常適合打卡或食煙人士，餐廳內的裝飾風格別具一格，讓人感覺就像置身於泰國一樣。泰簡單嘅食物十分地道，由廚師到侍應都係泰國人。我們點了幾道特色菜包括木爪絲蝦沙律、馬拉盞通菜、冬陰功湯同香草辣椒肉碎炒飯，每一道都充滿了地道的泰國風味。餐廳仲提供多款創意cocktail飲品，我哋叫咗黄金夢（芒果汁🍹加菠蘿汁）同柚香提子冰🍇兩款都酸酸甜甜好開胃。

好友約我去位於銅鑼灣謝斐道517號總統戲院頂樓的《泰簡單》食晚餐，廚師和服務員都是地道泰國人，環境舒適，有室內和戶外雅座，坐得舒服。我地點左：Spicy & Sour Prawn Soup 冬陰功（細）$92，Grilled Tendon Pork 燒豬頸肉 $96，Stewed Bean Curd 粉絲雜菜煲 $95， King Prawn Fried 皇宮大蝦蛋網炒金邊粉 $138，飲品係 暖意洋洋（熱香茅南薑茶）$45，黃金夢（鮮菠蘿汁+鮮芒果汁）$60。冬陰功好惹味，燒豬頸肉好香口好食；粉絲份量多，有咬口，雜菜青綠好味；大蝦蛋網炒金邊粉賣相吸引，份量多，材料豐富又好味；暖意洋洋潤喉好飲，黃金夢好味道又清爽。

🏠泰簡單📍謝斐道517號總統戲院頂樓👍🏻唔太簡單既泰簡單✅️銅鑼灣城景 ✅️環境氣氛佳的泰式酒吧✅️高質有水準泰菜✅️定價合理✅️又一悠閒小聚好去處💁🏻‍♀️建議book位🐈餐點1. 冬蔭功湯隨著火爐一齊上臺，熱辣辣🔥湯料都非常豐富，有大蝦同蝦膏，再加上多種菇類，整體湯頭又鮮甜又惹味，非常開胃寒冷冬天係度坐低飲翻碗真係有種小確幸❤️2. 馬拉盞通菜味道濃郁，炒得好香口撲鼻，而且份量都幾足架！食泰國野真係必叫❣️3. 烤豬頸肉沙律豬頸肉燒到脆邊，中間嫩滑有咬口搭配酸酸甜甜的醬汁，真係好正！👍🏻配有新鮮生菜，可以包裹洋葱和香葱一起食用，增添清爽口感，非常惹味又清新4. 皇宮大蝦蛋網炒金邊粉蛋網製作精美，絕對是打卡必備😍份量都好足，面頭大蝦大隻又鮮甜，仲有蝦球爽彈有咬勁金邊粉吸附了濃郁的大蝦精華，炒得惹味又不油膩5.肉碎生菜包都係泰國餐廳必叫既菜式🤤呢度肉碎調味比起其他泰式餐廳有d唔同微酸辣辣地，特別開胃😋配菜有生菜同青瓜，配住肉碎食又惹味又fresh

今次去既泰國餐廳喺銅鑼灣總統戲院嘅上邊，一開門入去，已經覺得好似去咗泰國嘅按摩店，店員全部都係講泰文，非常正宗🧡坐低叫完嘢食之後，去咗外邊睇吓，露天嘅環境都幾好。我哋嗌咗青木瓜沙律，呢個好清爽，青木瓜絲夾住好多細細隻嘅蝦米，另外仲有五六隻爽滑彈牙嘅大蝦，呢個絕對係好開胃嘅前菜。之後叫咗香葉肉碎炒飯，佢配咗一個流心蛋，肉碎都幾多，炒飯好香好乾身，配埋流心蛋，唔覺意食多咗。😍跟住嗌咗個串燒拼盤，豬牛羊各兩吋，仲配咗好香濃嘅沙嗲汁，不過就算唔掂個汁，個肉本身都醃得好好味，尤其是豬肉，勁Juicy。最後仲嗌咗一個椰子雞湯，佢上嚟嘅時候我以為係汁，因為呢個湯嘅料係勁豐富，有雞肉菇蕃茄一啲香葉等等，成個湯層次好豐富，先係椰子嘅香，跟住另外帶少少酸。好開胃，同埋料真係好足。

木瓜絲蝦沙律 蝦仁好新鮮，咬下去彈牙。木瓜絲食落清清哋而且好爽脆，同蝦仁嘅鮮味好襯，生菜就更加清新，食落去爽口又解膩。醬汁嘅味道啱啱好，唔會太重，少少酸辣，提升咗整體風味，又唔會掩蓋食材本身嘅鮮美。不過，如果可以加少少檸檬汁或者蜜糖，可能味道會更加豐富。香煎薄餅 香煎薄餅一上檯，就聞到香氣撲面而嚟。薄餅金黃，表面微微焦脆。咬一口，外層酥脆，內層柔軟，口感層次好豐富。食多咗可能會有啲乾，可以配返碗熱湯或者飲品。雞肉青咖喱 雞肉鮮嫩多汁，咖哩汁啲味滲曬入去，每一啖都充滿香味。青咖喱味道獨特，辛辣中帶少少清新嘅草本香氣，辣但唔燥，配住飯或者薄餅食好唔錯。菠蘿炒飯 菠蘿炒飯勁足料，菠蘿嘅酸甜味同米飯完美融合，令炒飯味道層次更加豐富。蝦仁為炒飯增添咗鮮美嘅口感，而雞蛋呢就可以令炒飯更加蓬鬆。食得出好夠鑊氣，炒得好香~

好在有book位，晚市連室外都幾乎full house。泰國人主理嘅餐廳，serves 同chef都係泰國人，一入去好快感受到熱情。環境乾淨cozy。食物有水準，味道偏濃。 ✦ 冬蔭功湯熱辣辣、真係幾辣辣，冬天飲好舒服。好足料，大大隻蝦、仲有蝦膏，同好多好多菇類。整體好惹味、開胃。 ✦ 馬拉盞通菜味道濃郁、炒得香口，大大盤好抵食。 ✦ 烤豬頸肉沙律豬頸肉嫩滑爽口，醬汁酸酸甜甜。配有生菜，可以包埋洋葱香葱等食，加一份freshness去中和。同樣係惹味嘅菜式。 ✦ 皇宮大蝦蛋網炒金邊粉色香味俱全。蛋網好靚，打卡一流。大蝦大隻鮮甜，蝦球爽彈，金邊粉掛咗濃厚甜甜酸酸嘅醬汁，口感豐富、味道有層次。 餐廳夜晚仲有cocktail可以order, chill住過嘅地道泰國夜。