泰簡單

📍Roof/F, President Cinema, 517 Jaffe Road, Causeway Bay 銅鑼灣謝斐道517號總統戲院頂樓---Tucked away on the rooftop of President Cinema, The Simple Kitchen feels like a hidden slice of Thailand in the heart of the city. Run by authentic Thai chefs and staff, the vibe is super chill — perfect for snapping photos and unwinding with friends. Come evening, the cocktail menu adds a laid-back sparkle to the night 🍸.🥣 Main Dish: 🍤 Shrimps Paste Fried Rice - Incredibly wok-hei! The shrimp paste aroma was strong and not too salty. 🥬 Sides: The Minced Pork with Lettuce is fresh and crunchy, while the BBQ Satay (Beef & Chicken) is smoky, sweet, and packed with flavor — ideal for sharing. The Spicy and Sour Chicken Soup with Coconut Milk is a comforting bowl of warmth — tangy, creamy, and full of Thai soul.🍹 Drinks: The Dragon Fruit + Orange Juice (“漫天飛花”) is vibrant and refreshing, and the Fresh Mango Juice is tropical bliss in a glass.✨ Quick Highlights• 🧑‍🍳 Authentic Thai team• 📸 Chill rooftop vibes, perfect for photos• 🍢 Flavorful satay skewers• 🍹 Fresh tropical juices• 🍸 Cocktails available at night…查看更多

週日同朋友一齊嚟咗呢間泰國🇹🇭餐廳🍽️食晚餐🤣呢度有啲泰國🇹🇭員工嘅廣東話非常之流利👍$62「有汽礦泉水」：牌子係 LLANLLYR SOURCE - PURE NATURAL SPRING WATER，似乎係嚟自 Welsh Cambrian Mountains 嘅礦泉水，氣泡較大，味道較 raw，呢隻礦泉水個性比較粗獷 🤣$60「黃金夢」：材料有菠蘿汁同埋芒果汁🍹，菠蘿汁同芒果汁原來係可以做到好朋友🤣；叫咗少甜，真係唔係好甜，大大杯幾清新🤣$108「泰式黃咖喱雞」：大大兜，雞肉仲去埋皮，黃咖喱味道濃郁，另外仲有薯仔洋蔥可以食🤣$37「蒜蓉多士包」：焗到有少少脆，亦都有少少蒜香味🤣$95「豬肉肉碎生菜包」：豬肉肉碎有肥有瘦整體嚟講脂肪含量充足所以好甘香仲似乎加咗啲蒜蓉青檸汁香料等等，味道鹹鹹哋，用新鮮爽脆嘅生菜包住嚟食，非常開胃🤣$138「泰式蝦炒金邊粉」：有兩隻連殼嘅中蝦🦐同埋幾隻冇殼嘅大蝦仁🍤，金邊粉少少煙靭，炒得香口幾好味🤣…查看更多

餐廳環境好chill, 多個位置打卡，而且好地道及夠正宗，包括廚師及侍應都是地道泰國人，感覺自己身處泰國一樣，而且食晚餐嘅時候還可以選擇飲Cocktail。🌸菠蘿炒飯🌟🌟🌟🌟🌟用菠蘿殼裝了菠蘿炒飯，內裏嘅材料非常豐富，有魷魚、蝦、提子、肉鬆、菠蘿等等，味道適中，而且炒飯炒到粒粒分明。🌸咖哩豬軟骨🌟🌟🌟🌟🌟咖喱豬軟骨非常惹味，咖喱味非常濃郁，薯仔炆得夠淋，豬軟骨非常嫩滑。🌸蒜蓉包🌟🌟🌟🌟🌟滿滿嘅蒜蓉，蒜蓉包非常香脆，點埋咖喱豬軟骨嘅咖哩汁，非常惹味。🌸鐵板蠔餅🌟🌟🌟🌟🌟熱辣辣超大個蠔餅，雞蛋煎得夠香脆，內裏包著滿滿嘅蠔仔，每一口都可以吃到鮮甜的蠔仔。🌸黃金夢（鮮菠蘿汁加鮮芒果汁）🌟🌟🌟🌟🌟非常新鮮嘅菠蘿汁配搭非常新鮮嘅芒果汁，整杯都感覺非常fresh。🌸心有靈犀（雜果加梳打加珍珠芝麻加石榴汁）🌟🌟🌟🌟顏色非常靚，打卡一流，滿滿嘅雜果，可口嘅珍珠芝麻，配搭着紅色嘅石榴汁，口感非常豐富。…查看更多

今日放工專登去銅鑼灣跟舊同事聚吓舊，原來喺總統戲院上有間超好食嘅泰國菜餐廳，廚師全部都用泰國人非常地道，餐廳環境佈置非常休閒，超級chill同朋友傾偈聚會非常一流。首先係個燒豬頸肉，一上枱已經聞到好香炭燒味！啲肉燒到外皮脆卜卜，帶少少焦香，但入面啲肉汁鎖到實一實，咬落去又嫩又彈牙，點埋個酸酸地嘅辣汁，完全唔膩，真係忍唔住食完一舊又一舊。跟住係個冬陰功湯，呢個真係考功夫！一飲落去，個湯底好濃郁，香茅同南薑嘅味好出，辣度同酸度平衡得啱啱好，飲完成個人暖笠笠。仲要有幾隻大頭蝦，蝦肉爽甜又索晒啲湯汁，非常惹味。第三道係蒜片椰菜苗，估唔到可以咁好食！椰菜苗本身好嫩，冇渣，用大量蒜片同辣椒一齊炒，香氣撲鼻。食落去爽脆得嚟帶少少苦甘味，好有鑊氣，絕對係一道出色嘅青菜。泰式金邊粉酸酸甜甜超開胃、最緊要係個金邊粉入到米，同抄到非常有鑊氣。飲品方面，叫咗個原個椰青水，清甜到不得了！冰凍解渴，飲完成個椰青仲可以刮埋入面啲椰肉食，又滑又香，正到痺！最後整杯凍柚子茶作結，呢杯嘢真心驚喜！唔會死甜，飲到清新嘅柚子果肉，微微嘅甘香同茶底好夾，解膩一流。總括來講，今餐飯每一樣嘢都高水準，味道正宗，食到好滿足。如果你鍾意泰國菜，呢幾款絕對值得試！…查看更多

講下我喺銅鑼灣（CWB）嘅 Thai Simple食過嘅泰國菜。呢度環境簡約舒服，服務員又夠貼心，成晚飯食得勁開心！作為一個鍾意泰國野嘅香港人，我覺得呢度啲菜夠晒正宗，辣度調得啱啱好，唔會食到噴火。Detail 如下：冬陰功湯：呢碗湯一飲落肚，就覺得勁夠晒泰國feel！湯底酸酸辣辣，蝦夠大隻新鮮，仲有香茅同檸檬葉嘅香味，飲到一身暖笠笠。份量都唔少，兩個人share都夠晒飽肚。絕對係開胃之選。皇宮大蝦蛋網炒金邊粉：呢道菜係我最like嘅！大蝦彈牙彈牙，蛋網脆脆地包住，炒埋金邊粉一齊，味道甜甜辣辣，勁有層次。金邊粉吸晒汁，食落唔會太乾，蝦頭都夠晒鮮甜，食到停唔到口。沙嗲串燒：豬、牛、雞各兩串：串燒嚟講，呢度啲沙嗲醬夠晒濃郁，花生味重。豬肉嫩滑唔柴，牛肉juicy有咬頭，雞肉就夠晒入味，烤得外脆內軟。六串加埋一齊，食到好開心。炒芥蘭：簡單但係好掂！芥蘭新鮮脆口，炒得啱啱熟，蒜蓉味香噴噴，唔會太油膩。作為一道青菜，份量足，唔係hea做，證明餐廳有心機。總結嚟講， Thai Simple in CWB 係個好地方，啲菜夠晒泰國風味，價錢合理，下次一定再嚟！想食泰國野解饞，推介嚟呢度試下。…查看更多

Thai Simple Kitchen 氣氛輕鬆，坐得舒服，服務都算快，係間想簡單食返餐泰國菜時幾穩陣嘅選擇。今次兩個人叫咗幾款餸：炒通菜、蝦餅、酸辣蝦湯、蝦炒飯、菠蘿汁同椰青。炒通菜火候夠，蒜香重、爽脆不油；蝦餅厚身、外脆內彈，蝦味幾足，熱辣辣上枱最啱食。酸辣蝦湯味道平衡，酸味香、辣度適中，唔會太刺激；入面嘅蝦新鮮爽口，飲落好暖胃。蝦炒飯鑊氣足、飯粒分明，蝦仁爽甜，份量都幾足夠。飲品方面，菠蘿汁清甜、唔假味；椰青冰凍得啱啱好，解渴又清香。整體味道穩定、價錢合理，係間路過又想食泰菜時可以放心入去嘅小店，兩個人食得飽飽都幾滿足。…查看更多

叫牛肉船河畀咗豬肉仲要堅持話嗰碗係牛肉， 同佢哋講落錯單叫佢換拎咗個碗走然之後攞返同一個碗過嚟， 話換咗碗牛肉畀我哋，不知所謂， 服務態度求其， 落坐單仲要唔肯換， 碗河仲要等成半個鐘都未嚟到…查看更多

唔使飛去泰國都食到地道嘅味道😍 成間舖頭由廚師到侍應都係泰國人 環境仲要好chill好 relax📸 夜晚仲可以飲下cocktail 烤豬頸肉沙律真係不得了🔥 豬頸肉烤到外皮香脆 裡面肉質嫩滑 用新鮮生菜包住嚟食 味道層次好豐富 食完一舊接一舊停唔到口😋冬陰功湯夠晒正宗 一上枱已經聞到好香濃嘅南薑同香茅味 湯底飲落酸辣度啱啱好 裡面有好多菇同蝦🍤 飲完成個人暖粒粒馬拉盞炒飛天通菜鑊氣十足 通菜炒至爽脆 馬拉盞嘅鹹香味十足好惹味🥬 蟹肉炒飯都唔輸蝕 炒到飯粒分明 充滿蛋香 蟹肉份量都幾多🦀 食落好滿足飲品方面試左清甜椰青🥥同特飲漫天飛花 漫天飛花係鮮火龍果汁加橙汁 飲落好清新開胃🌺…查看更多

📍 泰簡單｛銅鑼灣｝環境好chill, 適合打卡，而且仲要喺頂樓可以俯視街景，菜式定係侍應都好地道～包括廚師及侍應都是地道泰國人，店內有一個酒吧區，依度嘅夜晚竟然有cocktail飲，真係可以帶朋友過嚟放鬆一下！呢度連食物嘅質素都係高質嘅，唔會得個死鹹🫶🏻✨冬陰功個湯底夠濃郁，而且海鮮配料超足，有齊鮮蝦、魷魚、蜆等，真材實料！✨皇冠大蝦蛋黃炒金邊粉蝦肉彈牙，金邊粉嫩滑~配合醬汁嘅味道，口感豐富，會搞到食停口✨飛天通菜夠晒鑊氣，夠晒入味🥬✨豬頸肉生菜包呢個係連埋個炭爐一齊上，豬頸肉肥瘦適中，肉質食落去都爽口，再夾住生菜食，可以去除油膩感！✨黃金夢 鮮菠蘿加芒果真係鮮榨果汁，酸酸甜甜，飲得出新鮮水果嘅味道，菠蘿溝芒果原來係咁夾😍✨鮮椰青只要$58就有一個飲到飽，食到飽嘅椰青🥥椰肉鮮嫩，好容易就可以刮到出嚟椰汁鮮甜🥥🥥…查看更多

餐廳環境都幾chill, 裝修仲好有泰國feel, 岩曬打卡係門口都已經不斷聽到侍應講泰文 蟹肉炒飯味道岩岩好, 仲帶點鑊氣, 蟹肉份量又夠☺️酸辣排骨湯酸酸辣辣, 可能因為廚師係泰國人, 我呢啲唔係太食得辣嘅唔係幾受得住😂😂串燒外焦內嫩，配埋濃郁嘅花生沙爹醬啖啖肉👍🏻見都有好多cocktail選擇 不過聽日要翻工就唔飲住啦 就揀左椰青📍泰簡單銅鑼灣謝斐道517號總統戲院頂樓環境🤍🤍🤍🤍🤍味道🤍🤍🤍🤍🩶打卡🤍🤍🤍🤍🤍抵食🤍🤍🤍🤍🩶…查看更多

【🥬泰簡單｜🇹🇭🍽️銅鑼灣泰菜經典】.泰簡單開業多年，係銅鑼灣其中一間歷史悠久嘅泰國餐廳，唔少人包括我都有啲回憶㗎！今次再去味道和感覺依然。餐廳裝修具泰國風味及特色，座位坐得舒服，窗多又大，靠窗可以望住銅鑼灣繁華街景，平日晚上都幾爆，預早訂位會比較穩陣。./椰汁雞湯酸酸地又有椰香同雞味香葉味，味蕾沖擊，雞肉滾湯後肉質結實，有少少似瘦肉口感，豐富蛋白質，感覺健康。./菠蘿炒飯多年老店俾到我信心，炒飯多料，鮮魷魚粒粒爽口彈牙，我次次嚟都點炒飯。./蟹肉米粉生菜包平時食日食肉碎生菜包，嚟到呢度一定轉點呢味，米粉分好晒在片片生菜上，淋上蟹肉汁，酸酸甜甜好醒胃，同米粉超夾。./馬拉盞炒椰菜苗夠鑊氣又唔太油，惹味非常。./椰青&荔枝特飲簡單食簡單飲，椰青夠凍又解辣，荔枝打成冰冰，邊飲邊啜到粒粒荔枝肉，成功中和返食物的濃味感。…查看更多

銅鑼灣總統戲院於2024年正式結業，老友揾食Lunch ，約在那裏頂樓，第一時間諗，戲院頂樓有嘢食咩？一直都冇留意到⋯⋯從則門坐升降機上頂樓，但升降機機內有很大陣啤酒味道。凍落神花~並不是自家製那種，只是現成貨，帶點甜，幸好冰多夠大杯。新加坡海鮮叻沙湯麵$75~湯底味道唔錯，但只是米線底帶腍，如果可以選擇米粉或慘慘就更完美。整體來說午餐價錢大眾化，地點鄰近地鐵站，樓上舖未算太嘈，二人卡位傾計都幾方便。還有下午茶時段-2:30pm - 5:00pm ，下次可以再來試試。…查看更多

一頓充滿泰式風味的晚餐，由環境以至食物，都散發著濃郁的泰式風味，乘坐私家電梯上到3樓，就好像去咗另一世界。冬蔭公湯酸辣開胃，蝦肉鮮嫩彈牙，令人暖意洋洋。泰式牛肉炒河香氣逼人，鑊氣十足，牛肉嫩滑，配上微甜微辣的醬汁，十分下飯。生菜包碎豬肉粒清爽脆口，豬肉粒炒得香濃入味，搭配生菜的爽脆口感，平衡了整體油膩。炒通菜火候恰到好處，蒜香撲鼻，簡單卻令人難忘。最後以一杯熱龍眼茶作結，淡淡甜香滲入喉間，既潤喉又驅寒。…查看更多

一向喜歡食泰國菜嘅我, 今日同朋友去銅鑼灣都會必揀呢間出色既泰國菜餐廳名叫[泰簡單], 但食物質素一啲都唔簡單👍🏻餐廳環境佈置泰式風情, 每一位侍應都是泰國人, 感覺像置身於泰國, 好chill 又relaxMenu 多選選擇, 圖片吸引泰式椰子雞湯一上枱香噴噴, 椰香味濃, 雞很嫩滑,一流泰式豬頸肉豬頸肉燒得香口, 配上生菜食, 點上酸汁，口感清爽不油膩, 令人食不停口皇宮大蝦蛋網炒金邊粉這道菜絕不簡單, 做工精細，睇得出廚師用心製作, 金邊粉炒得乾身, 鑊氣十足價錢超值, 埋單都只是每人250, 好滿足的一餐絕不簡單…查看更多

泰國菜真係有一種獨特魅力🤩🍤大蝦冬陰功湯，酸辣開胃，濃香蝦膏鮮甜味，大蝦仲好爽嫩，好美味。🥬生菜包，新鮮爽口生菜，配住美味碎肉，咬落去滿滿嘅層次感，感覺清新又健康。🌶️泰式香辣肉，外層酥脆，肉質保留嫩滑多汁，夾埋生菜食一流。🥰食泰國嘢，配合椰青🍹清新清甜😋😋非常解辣解渴，辣同鹹嘅美食都係可以瞬間治療情緒。🥳泰國菜真係會常常食嘅美食，呢間環境都好出色，環境有氣氛又舒適👍🏻👍🏻👍🏻…查看更多