泰簡單

營業中

休息中

前排朋友帶咗我去銅鑼灣一間樓上泰國菜餐廳食晚餐，估唔到銅鑼灣有間咁chill嘅泰國餐廳，有分室外同室內位，仲要餐廳啲職員都係泰國人；餐廳行木系風格，啲座位都坐得幾舒服，好適合打卡，當日係平日夜晚都好多人幫襯。🍚蟹肉炒飯炒飯嘅份量都幾多，炒飯粒粒分明，再配上炒蛋同埋蟹肉，炒飯味道唔算好濃，更加突出到蟹肉嘅鮮味。🥣 冬陰公冬陰公嘅配料非常豐富，有蝦同埋好多菇，味道偏酸辣，辣度可接受，非常開胃。🐖 燒豬頸肉豬頸肉外皮燒到都幾香脆，肉質嘅口感都幾爽口，再配埋泰式酸甜醬，味道更豐富。🥬 肉碎生菜包肉碎嘅份量都幾多，味道酸酸辣辣，非常開胃，再配埋新鮮嘅生菜，味道非常清新。🥭 黃金夢呢個係鮮芒果同菠蘿汁嘅沙冰，仲可以食到攪碎咗嘅玻璃同芒果果蓉，好適合消暑同解渴。