泰簡單

營業中

休息中

呢間位於銅鑼灣嘅泰國餐廳「泰簡單」，真係一試難忘呀！一入到去就覺得好有feel，星星燈加上氣氛夠晒chill，打卡一流📸。最正係入面啲職員同廚師都係泰國人，感覺好正宗，服務又好親切👍。我哋第一樣試嘅係柚子沙律，真係清新到爆，柚子又甜又多汁，加埋青檸汁，酸酸甜甜超開胃🍊。仲有啲椰子絲喺入面，食落即刻有種去咗泰國嘅感覺～🥥之後到冬陰功湯，湯底超濃郁，好香辣，蝦又大隻又新鮮🦐。飲完真係暖晒個胃。馬拉盞炒通菜都唔輸蝕，鹹香撲鼻，通菜炒得啱啱好，好爽口😋。主食嗌咗個香草辣椒肉碎炒飯，配埋個流心蛋，撈埋一齊食真係冇得輸🍳。個飯炒得夠鑊氣，香味四溢，食完真係想Encore！最後飲返杯特色飲品就perfect啦～「心有靈犀」啲雜果配珍珠芝麻好特別，石榴味加梳打好fresh🍹；「柚香鮮提子冰」就更香甜，提子味濃郁，夏天飲一流🍇。