泰簡單

營業中

休息中

入面full晒落住雨坐outdoor 周圍滴晒水 都唔緊要 隔籬枱直接喺度食煙 都算野食真心難食 尤其是個黃咖喱雞 啲雞好重雪藏味 食唔到落口 冬陰功湯得個死辣 冇其他味生菜包 生蝦 嗰啲正常發揮 啲服務真係要講一講 上咗個冬陰功湯但係唔俾碗 上晒所有餸但係漏咗個白飯又係要問好多次先黎 成餐飯感覺都麻麻地 不會再光顧了

呢間泰國菜喺銅鑼灣開咗好多年，以前我間唔中同同事去呢度食宵夜，飲下cocktail!今日帶個朋友嚟呢度食，她同我一樣又係好喜歡食泰國菜！呢間我覺得環境好chill,又可以打卡，而且好正宗, 廚師及侍應都是泰國人！冬蔭功湯 ： 泰國菜必點之一，個湯又酸又辣好過癮，裏面仲有大蝦、菇、蜆等..海鮮又鮮甜燒豬頸肉：呢個又係食唔同口，燒到好香脆，個汁酸酸辣辣，好惹味，點來吃更加好食炒金邊粉：賣相已經好靚，外層用咗蛋絲包住去形成，輕輕撕開，見到裏面有豆干，芽菜，醃蘿蔔，蝦仁等…酸酸甜甜幾開胃，旁邊仲有花生碎，辣椒粉，可以撈勻嚟食！馬拉盞炒通菜：鹹魚醬炒通菜，又惹味鮮菠蘿汁和鮮蕃石榴汁，即叫即炸果汁好新鮮，健康又好飲

好友約我放工後，前去位於銅鑼灣謝斐道517號總統戲院頂樓的《泰簡單》食泰式晚餐，環境舒適，裝修富有泰式風情，有室內和戶外雅座。我地點左：🥢Spicy & Sour Prawn Soup $92冬陰功好惹味，大大隻鮮蝦結實又彈牙，口感豐富又好食。🥢Grilled Pork Neck Salad $108豬頸肉燒得外脆肉嫩，包在生菜內，格外好味。🥢Spring Roll $82泰式春卷炸得金黃、香脆又可囗。🥢Minced Fried Rice $118肉碎炒飯乾爽好食，配料豐富又好味。🥢Pineapple juice +Mango juice $60 x 2鮮菠蘿汁+鮮芒果汁的黃金夢，鮮甜好味。

總統戲院頂樓原來暗藏小清邁！呢間「泰簡單」由落電梯開始就聞到香茅味，工業風裝修掛滿藤織燈籠，半露天位仲望到霓虹燈夜景，chill到以為自己去咗曼谷天台酒吧～🇹🇭廚師班底全部泰籍，連阿姐落單都係泰文搭手指指吓，街邊攤風味十足！試咗幾道：🥥椰汁雞湯 - 酸辣直衝天靈蓋！椰奶中和咗嗆喉感，飲完成個鼻通晒～🥗木瓜絲蝦沙律 - 青木瓜絲脆到好似食緊薯片，魚露辣汁撈埋花生碎，越食越上癮🔥燒豬頸肉 - 炭火香爆燈！油脂位燒到半透明，點埋青檸汁好邪惡🦀蟹肉炒飯 - 鑊氣足到似睇緊街頭fire show，仲有爆膏蟹籽添🍹柚香鮮提子冰 - 西柚+巨峰提子甜酸夾得啱啱好❤️相思飄香 - 紅豆冰變奏版！椰奶溝冰沙滑到似飲緊甜品夜晚仲有cocktail飲🍹✨人均消費：$200-300（晚市）抵食指數：🌟🌟🌟🌟（價錢合理份量足）泰簡單 (銅鑼灣)📍銅鑼灣謝斐道517號總統戲院頂樓

一間超chill的泰國餐廳，真心推介！環境非常舒適，讓人放鬆，還是打卡的好地方。📸✨🍲 冬陰公湯味道正宗，酸辣得剛好，不會太辣，讓人一口接一口。🥩 豬頸肉配生菜肉質嫩滑，搭配新鮮的生菜，清爽又美味。🍤 蝦炒金邊粉香氣四溢，蝦肉鮮甜，炒得恰到好處，而且外形亦很適合打卡。

餐廳環境相當舒適，裝潢簡約而富有泰國風情😆讓人一進門就能感受到濃厚的異國氛圍😙Spicy & Sour Prawn Soup❤️❤️❤️❤️❤️$92冬陰公必試，口味酸辣適中，鮮蝦鮮味與湯底香料完美結合，令人回味無窮😍忍唔住一啖又一啖😙Grilled Pork Neck Salad❤️❤️❤️❤️❤️$105炭燒豬頸肉外焦內嫩，口感嫩口，搭配新鮮蔬菜，口感豐富，吃上一口讓人欲罷不能😌King Prawn Fried Noodles❤️❤️❤️❤️❤️$135炒金邊粉係泰國菜🇹🇭大蝦口感彈牙，搭配濃郁醬汁同新鮮配料，絕對是主菜中的亮點😝Morning Glory Malay❤️❤️❤️❤️❤️$105味道惹味，通菜炒至恰到好處，清脆可口，不容錯過😆Pineapple Juice + Mango❤️❤️❤️❤️$60菠蘿🍍同芒果🥭汁清新熱帶風味，好味又清新😍Lime Soda❤️❤️❤️❤️❤️$45清新又酸甜，可口解膩😝

上次都沒有食完之後今次自己同同事個人黎，叫咗個冬陰功湯加個炒河粉.第二次食冬陰功裏面嘅大頭蝦一樣咁多個同埋新鮮.一樣咁足料😋個炒河好有鑊氣入邊有好多肉夠餸，又有鑊氣令到人非常滿足. 唔知係咪冇食晏晝嘅關係好肚餓所以叫多咗個通菜同雞翼食落去爽口夠熱好惹味叫咗呢杯鮮榨嘅菠蘿芒果汁唔係太甜，但係又帶出咗嘅味道,你話一定要試個雞翼釀咗啲蝦膠喺裏便， 好惹味，但係真係食唔落要打包. 預告定先我見到隔籬枱叫咗個牛肉串燒非常之好味，下次都想試吓

這間泰國餐廳有少許隱世的感覺，餐廳位於總統戲院的頂樓，要經過一部升降機才上到去，沒有路經這裏的話可能就不會知道呢！餐廳設有室外座位，用上木桌子、藤椅，掛有燈飾，加上這裏晚上還有cocktail提供的，坐在室外喝一杯感覺更加chill呢～餐廳內的掛畫和四周裝飾都充滿泰式元素，打卡也很適合。平日晚上去到都已經差不多滿座了，可見餐廳的人氣啊！另外餐廳的職員，包括廚師和侍應都是地道的泰國人，泰國口音加上正宗的泰國食物味道，帶給客人更地道的感覺。♡冬蔭功$92 🥢必點🥢首先我們點了冬蔭功作為前菜開開胃，湯裏有大量的調味料，有香茅、檸檬葉等，還有大大隻的蝦。蝦肉和湯一起熬製之後肉質也變得軟腍入味，整個湯味道酸辣開胃，易入口不會有灼喉嚨的感覺。♡皇宮大蝦蛋網炒金邊粉$138 🥢必點🥢金邊粉上有兩隻大蝦，但原來金邊粉裏也有幾隻蝦球，配料很豐富，有雞蛋、豆乾、芽菜，還吃到一點好像菜脯的配料，整個味道酸酸甜甜的，而旁邊的花生碎、辣椒粉沾來吃更加香口有口感。♡肉碎生菜包$95可以選豬/牛/雞我們點了豬肉，這款肉碎調味偏酸一點，配上生菜，開胃又清新。♡咸魚炒芥蘭$98很多時我們在外面吃有用咸魚烹調的菜式，都未

以前時常光顧，覺得環境及食物都很好，可惜今次一去，相信亦是最後一次，不會再有下次。今晚其中一道菜是青木瓜沙律，同行三人每人分了一些，大家都覺得偏咸，之後再食便覺得好咸，同待應講，第一位無反應，叫第二個，反而話我們不是，又要我們已經吃了很多，他收走了碟沙律(我們一直沒有要求他更換/退錢)，隔了十多分鐘才有一個待應拿住碟沙律問我們是否需要更換，我們告知他不需要更換，只是告知我們一聲。直至結帳，帳單又有問題，其中一項是歺pre-meal snack $13，是一籃蝦片，但他們一直沒有提供给我們。今晚服務和食物都非常失望，相信不會有下次

環境極優美，窗邊位多設有室內及戶外十分寫意，四周設有泰式裝飾，好似置身於泰國般。漫天飛花 (火龍果汁加橙汁) $48每一口都充滿了清新的果香，火龍果的獨特口感與橙汁的酸甜交融。柚香鮮提子冰 $48清新怡人，柚子的酸甜與提子的芳香完美結合，配合泰國料理帶來一抹清爽的口感。蒜香椰菜苗 $108蒜香濃郁，清脆及鮮甜口感的椰菜苗泰乾炒河粉(雞) $104泰式風味的乾炒河粉，搭配鮮嫩的雞肉，河粉吸收了濃郁的醬汁炸釀雞翼 $86外皮酥脆的炸釀雞翼，內裏包裹著豐富的餡料有肉碎、蝦、菜等咬下去時，肉汁爆發。椰汁雞湯S $75這道椰汁雞湯，湯色乳白，滿溢椰子的香甜，菇菌及雞肉配合，湯底醇厚。服務大部份都係泰國人職員，有陣時聽到佢地用泰文溝通，一去到就會問唔使坐室外定室內，自由選擇座位。

呢間泰菜館成日黎幫襯，今次專登帶埋親戚老best黎chill一chill🥰我好中意佢由地下入lift果刻已經走進小泰國的感覺，每個佈置都好精緻靚靚🩷環境寬敞又開揚，今次我地揀左坐出面露天位置，好似置身泰國一樣咁chill呀😍😍店員推介左幾款菜式比我地試試，佢地出餐真係好快手😳😳每款食物都大大份，好夠食，新鮮滾熱辣好夠火喉🔥飲品有夠特色同創意，好好味😋😋呢度環境咁靚咁舒服真係坐到唔捨得走，朋友都好滿意今次安排😌🩷馬拉盞炒通菜椰汁雞湯炸釀雞翼泰濕炒河粉心有靈犀（雜果+梳打+珍珠芝麻+石榴汁）漫天飛花（鮮火龍果+橙汁）

母親節帶媽媽來到一間泰國菜，泰簡單是由泰國人主理，所有菜式都有正宗泰式風味。餐廳環境環境舒適且雅致，充滿泰國元素的佈置，還有室外雅坐，昏暗黃昏下特別chill一番🍺🍍菠蘿炒飯 $128色彩繽紛，菠蘿果肉鮮甜多汁，飯粒粒分明，炒飯裏面還有魷魚、蝦仁、肉鬆同提子乾，大小朋友都喜愛🥬馬拉盞炒通菜 $105色澤翠綠，通菜保持爽脆，炒得恰到好處，帶有馬拉盞特有的鹹香與微辣，味道濃郁卻不過鹹🌯素菜春卷 $82春卷炸至金黃酥脆，外皮薄而不油膩🥣豆腐肉碎粉絲湯 $75外觀清澈透亮，粉絲柔軟滑順，肉碎細膩且帶有淡淡鹹香，豆腐嫩滑🍹漫天飛花 $48火龍果撞上燈汁🍹泰式奶茶 $40色澤橙紅，香氣濃郁，奶味醇厚，甜度適中🎈泰簡單🎈謝斐道517號總統戲院頂樓

Chicken coconut soup 泰式椰子雞湯🥥 $75 呢一個正宗嘅泰式椰子雞湯真係好高質，裏面有大量雞肉、健康嘅草菇、蘑菇🍄‍🟫、養生嘅洋蔥🧅等配料，配埋特色泰國香料、車厘茄🍅、芫荽🌿，飲落去酸酸地有充滿濃郁椰子香🌴，值得推介👍🏻🤍➋ Spicy and sour bones 🦴酸辣雞腳 $80涼涼哋嘅酸辣雞腳係個唔錯嘅appetiser ，雞腳醃製得入味有夠惹味😋，食落去爽口🤍➌ Chicken pad thai 雞肉炒金邊粉 🍝 $108賣相好靚嘅雞肉炒金邊粉性價比好高，面頭係整成網狀嘅雞蛋🍳，考廚師功夫又有特色，裏面係嫩滑嘅雞肉🍗、芽菜、洋蔥、蔥花，味道酸酸甜甜夠開胃，而金邊粉嘅口感唔夠彈牙，值得推介👍🏻Baby cabbage 🥬 炒椰菜幼苗 $108相對健康嘅炒椰菜幼苗🌱加入大量蒜蓉🧄，份外芬香，而椰菜幼苗夠晒鮮嫩清甜，係個幾正嘅小菜Mixed fruit soda心有靈犀 🍹 (R) $48Iced coconut milk 椰汁冰 (L) $36右手邊個名好特別嘅心有靈犀，係呢度嘅招牌特飲，裏面有鮮雜果🍊、梳打🥤、珍珠芝麻同埋Fresh嘅石榴汁，而左邊嘅椰汁

估唔到泰簡單都有下午茶，證明市況真係….10幾年冇幫襯，好高興佢仲喺度。平日4:50到達，原來下午茶只係做到五點，不過佢都繼續俾我坐喺度食嘅。冬陰功蝦仁炒飯：真係幾多蝦仁喎，但飯比較腍，有冬陰功嘅味但唔辣囉，我最欣賞佢有啲芫荽碎spice up個飯（鍾意芫荽嘅人就會鍾意），整體嚟講都好味，好食過茶餐廳啦點都，呢個價錢我覺得都算超值。份量多到晚餐都唔使食。

📍泰簡單 銅鑼灣謝斐道517號總統戲院頂樓第二次到訪呢間餐廳，環境好chill，而廚師同埋侍應都係泰國人，食物同服務都非常地道，夜晚仲有Cocktail 飲👍🏻椰汁雞湯 S $75雞肉嘅份量十分多，材料有蘑菇、小蕃茄同紫洋蔥等，入口順滑，味道偏酸。醃鳳爪 $80配有生菜、蘿蔔絲同洋蔥，用嘅係無骨鳳爪，食落酸甜，帶有微辣，係唔錯嘅開胃小食。蛋網雞球炒金邊粉 $108材料有雞肉同菜圃，金邊粉甜酸味突出，配有花生碎同辣椒粉，混合埋食更加滋味。咸魚炒芥蘭 $98調味啱啱好，鹹淡適中，芥蘭都好新鮮，食得出好有火候。黃金夢 $60芒果汁同菠蘿汁嘅結合，係新鮮榨出嚟嘅，給refreshing！泰式奶茶 $40