泰簡單

營業中

休息中

今日父親節，好多餐廳都已經full晒，銅鑼灣嘅泰簡單全日full Booking，得返5:00有位，咁就早少少食晚餐啦。平時我食泰國菜，冬陰功、泰式炒河同串燒係必叫，但今日係父親節，留返主角點菜，試咗啲新嘅嘢。肉鬆欖角蝦炒飯，欖角味道幾特別，蝦爽口，肉鬆添咗層次感，飯粒分明，個飯好香。飛天通菜，加入黃豆醬炒得幾好，保持住脆口，唔會油膩。素菜春卷，外皮炸得金黃脆口，餡料唔錯，芋頭為主，味道唔錯。豆腐肉碎粉絲湯，湯底濃郁，粉絲同蔬菜吸埋湯汁，整體好鮮甜。餐廳環境好舒服，氣氛輕鬆。服務態度唔錯，職員都幾有禮貌。呢間餐廳由泰國廚師主理，食物味道好地道，泰籍店員好友善，值得嚟多幾次，再試下其他菜式。