沙田凱悅酒店咖啡廳

營業中

休息中

原本想去沙田18但係點知星期日晚fully booked 所以去咗樓下酒店cafe食a la carte (其實佢有晚市buffet食)叫咗一個海南雞飯大夏威夷pizza蔥爆牛肉乾炒牛河揚州炒飯四杯無酒精嘢飲買單大約＄1500海南雞飯最好食乾炒牛河同蔥爆牛肉都好食,牛肉夠諗其他OKConclusion都係覺得沙田18好食啲😅

星期六放假，沒有預備什麼節目，於是又到我至愛的酒店食自助餐。這裏吸引我的地方是近鐵路，交通非常方便，另外，這裏環境清優，遠離煩囂，吃飽又可到中大走走，是假日的好去處。吃自助餐，首選我會先吃海鮮。這裏的長腳蟹肉質鮮甜，魚生則非常新鮮，甜蝦更是沒有一隻文字去形容它的美味，只可講一句: delicious!熱盤當然要吃這裏的羊架，新鮮即煎，肉汁豐富，肉質嫰滑，容易咀嚼。這裏更有不同款式的香腸，滿足不同的慾望。我更欣賞這裏提供兩款湯飲，和兩款熱糖水，清潤一下我乾旱的心靈。最後，當然要品嚐我最愛最愛的甜品，只數雪糕口味，已有8款，另外，它的蛋糕做型設計精緻，賣相吸引。再加上有專人製造窩夫，淋上朱古力醬和雪糕，配上小許生果，不只小朋友喜歡，連大人也十分喜愛。但飲品只提供一杯，我覺得有點不足夠，希望將來會有鮮果汁提供，那麼就是太賞心樂事了!

難得weekday 放假，又相約到好友一齊去歎一歎啦！想搵個安靜的環境食tea真的有點難度，靈感一閃突然想起沙田的hyatt，於是就立刻出發啦！環境舒適，有不少的sofa位，而且還可以選擇坐在戶外，樓底很高，空間感十足！high tea set $368兩位，可算是價錢親民了！Earl grey tea食high tea ，當然要選「茶」，因為可以減低甜膩感！而且一大壺可以慢慢歎，還可以再加水呢！茶味夠香，再加水也十分夠味！high tea set 分別有三文治、scone、雞批、甜點等！賣相不是太花巧！三文治味道正常，用上三文魚、碎蛋沙律及青瓜，沒有太大驚喜！scone 的大細剛剛好，不會吃一個就立刻令你飽了一大半！附上的cream 十分rich ，好味又罪惡！甜點最欣賞便是蜂蜜蛋糕，用上沙田蜜蜂場的蜜糖，蛋糕鬆軟有清香的蜂蜜味，不只會是食甜感，大讚！又時不需要太花巧的食物，弄得用心，味道最重要呢！

用信用卡有買一送一才去吃的我是精明的小吃貨星期一至五才能用食物選擇不是很多魚生飯龍蝦牛扒鮑魚都是每半小時限定推出的要排隊去領不是任食的甜點款式多但太飽了最後都吃不完

一入去 好似已經一眼望晒有咩食 感覺種類唔多同埋唔算太吸引 行多一兩次已經諗唔到食咩好🤨中間突然有特別甜品推出 火焰雪糕🔥好睇唔好食 要諗一樣深刻既食物都唔係好諗到 只能說係不過不失既自助餐

好想好想食自助餐，想搵間便得黎又好食既！朋友帶我食呢間，的確有亮點又抵食！第一次食自助餐係定時間出限量美食！第一轉有海膽刺身飯！海膽係靚野，鮮甜香滑，其他刺身粒都新鮮，望住師傅即切即上碟！第二轉有芝士焗龍蝦+牛扒，呢兩樣我超鐘意食，龍蝦新鮮，肉質彈牙，仲附去殻的蟹鉗一隻，好細心！ 牛扒好香嫩，餐廳為怕有客人唔食生的，牛扒煮得全熟，但不會老、不韌，油脂均勻！刺身約有5款，三文魚都幾肥美。長腳蟹係我比較喜歡的重海水味版，雖然size 唔大，但多肉！凍蝦、帶子都幾新鮮。第一次見自助餐有關東煮！味道唔錯，蘿蔔比較咸。限時第二激 - 冬菇花膠燜飽魚，花膠都算有份量，夠晒入味又爽口，鮑魚都好彈牙！限時第四激 - 火焰雪山，好香濃的酒味！入面係紅莓雪葩及蛋糕，好味！窩夫+馬卡龍，好脆口，馬卡龍不太甜，正！

現在直至今年年尾，只要用 Visa Signature 到大學火車站的沙田凱悅酒店，就有lunch buffet 買一送一優惠。以二百蚊內的價錢，有如此優質的食物質素，新鮮嘅海鮮，多款式的甜品和熟食，在加埋優美的環境襯托下，享受一個充實而寧靜的午餐，簡直係超值。

第一次試年初一食西餐，仲要係自助餐！而且估唔到都full booking! 環境唔錯，而且buffet area大，就算full booking 都唔覺迫，而且食客都禮讓。呢期special item 有炆鮑魚花膠，火燒芝士焗龍蝦配肉眼，海膽刺身飯同火焰雪山，我都成功試齊。😋佢地會分時段響音樂派出，客人聽到音樂就可以出去排隊攞，有秩序而且數量夠，唔會攞唔到。 呢幾款菜式以自助餐嚟講質素高，絕對令你覺得回晒本❤️ 肉眼鬆軟好味，鮑魚花膠都夠入味，火焰雪山酒味有點重，中間係raspberry sorbet, 但當睇下表演唔錯😆 唯刺身飯嘅飯太硬，影響整體感覺。仲有記得試佢地嘅香片雪糕！讚！ 整體來說係推介嘅！會再返嚟食過～

仲有唔夠幾日就到新年了，一到左新一年最重要嘅節日，各個食肆一定人山人海的了，所以為左唔同人逼就提早同屋企人過節食個團年飯。往年嘅團年飯都係食中菜多，今年就帶媽子食個自助餐等佢開心下。因為臨近農曆新年，酒店都佈滿新年裝飾，好有氣氛而全部財神公仔擺設都係人手做成，好趣緻。加上環境寛敝座位間隔足夠，坐得人幾舒服。前菜先食左啲冷盤，壽司／沙律／小食都唔錯，啱晒用黎開一開胃口，準備迎接呢度嘅四款限定食品。海鮮方面有五款可揀：長腳蟹／元貝／有殼蝦／剝殼蝦以及青口，雖然唔多但夠新鮮，肉質爽口彈牙啖啖肉。調味唔太咸，沾少少茄醬啱啱好。話口未完就聽到一陣銅片琴鈴聲，所以即刻去攞今晚嘅頭盤：海膽刺身丼。飯量唔算多，但三文魚／拖羅／玉子／海膽等粒粒堆到滿，而且刺身夠新鮮，海膽入口甘甜帶奶香。之後幫媽子攞左碗坊間少有嘅蟲草水鴨湯，味道清甜唔會好油膩，好啱近排乾燥嘅天氣滋潤一下。係湯品區隔離係各類嘅熟食，方魚炒芥蘭／咖哩豬排／泡菜炒蛤／枝竹炆羊腩都係惹味之選，清淡啲仲有素食揀。其中個黑椒牛仔骨焦香味濃，夠晒入味。食完咸品，就轉食少少甜品中和一下。因為一入門口就係甜品區，各種精緻甜品琳琅滿目擺在眼前，首先食左啲個

好耐無食自助餐，碰巧老弟在中大附近返工，所以就提議同埋老馬子去附近的凱悅食一餐，順道當食個團年飯。 餐廳檈底夠高，所以感覺開揚，開放式廚房及食物吧枱都集中係一邊好方便。入座時侍應温馨提示我地要留意敲鐘提示，因為自助冕餐時段會輪流供應4款不同的限定食物予客人享用。 係未等到限定食物前，老弟和媽子已經急不及待巡視了一轉，搬了座小山回來。都未開始食，已經响第一個鐘，見大家紛紛走去排隊，好有秩序，我地都跟住排。每人手上都捧住一碗丼返黎。 丼飯賣相好靚，大大塊海膽鋪面，仲有滿滿的三文魚子，入口卜卜脆，海膽又夠鮮甜，仲有粒粒刺身，份量雖然唔大，但因為新鮮，所以過足口癮!! 因為天氣凍，所以我主攻熟食多。即切的烤牛肉，粉紅色大大一塊肉厚又多汁，好好食~仲有羊架，唔羶之餘又多汁。仲有自家製PIZZA，餅身較薄，即場送入烤壚焗，熱辣辣。 烤三文魚微辣，上面有滿滿麵包糠，泡菜炒蜆，蜆肉肥美，仲有2款意粉可供選擇。 食完熱食就開始食海鮮，海鮮有5款，蟹腳、帶子、青口、大蝦同埋剝殼大蝦，蟹腳海水味濃，其他都啖啖肉，阿媽都過足海鮮癮。 第二款限定食物係芝士磨菇焗龍蝦配美國肉眼，

友人生日，食自助餐或放題係指定活動！因為朋友嚟呢度食過自助午餐，網上訂位仲有買一送一優惠，食完大讚好食。今次生日飯就決定又嚟大擦一餐，星期一至四晚，成人每位$558，佢係中大校友有九折優惠。呢間咖啡廳就喺沙田凱悅酒店大堂，樓底相當高，枱與枱之間亦好闊落，坐得特別舒服。攞野食位只有四個區域，唔算話好大，可以話係一眼睇晒！一坐低冇耐就有店員敲琴仔：「燉燉燉燈~ 燈凳燈燈~」，原來係溫馨提示，敲琴代表有新野出，跟住就可以去排隊（其實等人攞完先去攞都仲會有嘅，大量供應），全晚會有四次，依次係海膽三文魚子刺身飯、芝士蘑菇焗龍蝦配美國肉眼扒、蠔皇鮑魚扣花膠伴脆米、火焰雪山，我地打長久戰，梗係四款都食晒，仲要係冇限攞幾多次，鍾意食邊樣都可以不斷攞！【海膽三文魚子刺身飯】最好係飯量少，上面冚滿厚厚刺身，好多三文魚子，仲有大大粒海膽。【芝士蘑菇焗龍蝦配美國肉眼扒】美國肉眼好高質，香濃燒烤味，有深深燒烤格紋。我好鍾意食龍蝦，尤其係熱食，又鮮甜又彈牙，加左芝士焗特別香。唔駛拆殼，撩出嚟就得，啖啖肉，仲有爆多龍蝦膏。太鍾意食，即刻去攞多兩件，可以單攞龍蝦，正！【蠔皇鮑魚扣花膠伴脆米】鮑魚唔係大隻，但花膠就好大

年近歲晚我家的傳統是要吃一頓豐富的自助餐慰勞自己今年為左遷就係中大讀書既細佬, 我地就揀左沙田凱悅食估唔到好食之餘, 仲幾有驚喜沙田凱悅既自助餐同出面有少少唔到, 分左四大區域, 分別係中菜, 冷盤, 西餐同埋甜品而且每一區域由18:45開始, 每半個鐘每個區域會輪住去出一款特色食物搞到好似食客變左評判咁, 去選出四大高手邊個好食D真係又好玩又好食每次特色食物推出, 職員就會打鐘, 食客就乖乖地咁出去排隊扲中菜:取餐區:分別有炒蜆, 炒蝦, 牛腩, 炒菜, 老火湯, 蒸魚等等, 每次都放少少出黎ONLY確保新鮮, 而且餸唔夠啦, 廚師即炒比你睇, 幾好睇 食物:魚: 雖然魚好大條, 但真係蒸得岩岩好, 唔會鞋口, 幾有魚味炒蜆: 都幾辣下, 但唔會死辣, 因為有埋好多其他香料, 係辣得幾有層次牛仔骨: 唔靭, 幾有牛味, 炒得幾有鑊氣湯: 係蟲草花煲水鴨湯, 無味精, 清甜, 雖然用左鴨去煲但都冇咩油, 好飲到我飲左三碗限定特色食物:鮑魚扣花膠伴脆米: 又鮑魚又花膠, D個已經值回票價啦, 鮑魚1 D都唔靭, 但幾有咬口, 幾重鮑魚味；而花膠係厚身花膠黎, 唔係出面打邊爐食既花膠仔可比

出了花紅當然要帶阿爸阿媽食好西，朋友介紹這間咖啡廳質素不錯, 一於去試一試~原來沙田凱悅酒店是在大學站而不是沙田, 落車行2-3分鐘, 好近, 算方便, 只是平時不會在大學站下車, 所以從來不知道~正常buffet 價錢酒店環境不錯, 每枱都不會太近, 服務也ok一整晚原來會響4次聆聲~ 提大家拎特別限定美食在枱上看到最近在抽獎, 頭獎還可有2晚酒店住~ 首先要食的當然是最愛的長腳蟹啦~ 雖然海鮮種類不多, 勝在夠新鮮, 凍蝦也很彈牙再來要推薦下酒店限定的美食:第一是海鮮丼, 有海膽! 新鮮~ 人人排隊去拎~重點是細細碟就齊晒各種刺生, 食晒都唔會太飽!大約半小時後出另一款美食偷影廚師燒龍蝦後再排隊拎一次派晒兩款的~一定要襯熱食了龍蝦先~滿滿的芝士配上龍蝦西冷扒也不錯, 一定要加上枱上的海鹽帶出鮮肉味~整塊西冷也是粉紅色的再來是可以進補一下的鮑魚+花膠!!!阿媽要食多D花膠美顏@@大大塊花膠, 派完後還有剩, 可以自己出去再拎多幾塊~連冬菇都大大粒, 好似提早團年咁~HAHA最後是火焰雪山把點了火的酒淋上甜品上內層是紅莓味雪糕, 加上少少酒香~當然....食到尾段我的肚子已經力有不逮除