正潮樓 (富通大廈)

營業中

休息中

好耐無食潮州野啦！但除咗食物要好食之外，工作咁辛苦，食飯坐都要坐得舒服！銅鑼灣嘅「正潮樓」就岩晒啦～ 佢係灣仔「正潮樓」嘅分店，主打正宗潮汕美食，由經驗豐富嘅名廚掌舵，供應多款特色手工菜。餐廳設有獨立房間，裝潢風格古色古香，設有多幅中式風景畫，光線柔和，服務周到～ **菜芥 每位 $12 （$36）及加一服務費有潮州功夫茶～ 小食有有花生、脆瓜～**《 鵝三寶/鵝掌,鵝翼,鵝肝 $298 》嚟到必食打冷！完全都好入味，仲有豆腐～鵝三寶當中特別係鵝肝好軟嫩香滑，大推！《 汕頭煎蠔烙 $128 》平時我唔中意食蠔烙，因為一般都粉多、油膩又太脆口、而且蠔好細粒。但！正潮樓嘅平時我唔中意食蠔烙，因為一般都粉多、油膩又太脆口、而且好正！ 啲蠔好大隻，好有好多隻蠔！又唔油膩但有微脆口感，加少少魚露已經好正！ 《 糖醋煎伊麵 $128 》煎得火喉好好，薄食香脆，完全不油膩～配埋砂糖同埋醋，真係好提味！而且覺得用伊麵底特別好食。《 豬油炒蕃薯笛 $128 》蕃薯笛極嫩，而且用豬油真係特別香！ 份量好足，又坐得舒服，性價比高！

自問中菜當中最愛潮洲菜心水餐廳寥寥可數親民得嚟又就腳嘅無慮即決正潮樓對粉肝同埋護國菜記憶最深亦足夠證明餐廳門前寫住「傳統潮味」此言非虛每次嚟都會心理掙扎想𧣈鎖新菜色但又想追尋舊滋味每來都自然地order 個粉肝鵝肝甘香粉嫩入口即溶肥腴但完全唔油膩另外墊底嘅滷水豆腐亦不容小覷超級無敵入味另外滷水仲有鵝片一樣滷得入味沾蘸酸汁異常開胃冷盤仲有魚露浸花甲亦係必試魚露鹹鮮，好啱佐酒另一個推薦菜係蝦棗蟹棗（厨房炸功唔錯，基本上蠔烙、麵烙等都值得試）仲有魚飯、豆醬雞同燉湯都唔錯特別係個燉湯飲得出係真材實料！

今日嚟到灣仔謝斐道嘅正潮樓🥳🥳入到去已經好多台客，我就知道冇嚟錯啦✌🏻😆要咗一位商務套餐，入面包咗鹵水鴨肉拼豆腐，一盅菜膽燉翅湯，一碟油菜同一個白飯，一個豆醬焗嫩雞，仲叫左一份食潮州菜必叫嘅肉碎蠔仔粥😋😋😋有鹵水鴨肉同豆腐好入味，又唔會太鹹，好好送飯✌🏻豆醬焗雞，上到嚟嘅時候熱辣辣，勁香口勁惹味，夾埋個蠔仔粥嚟食一流😋😋😋我就最鍾意嗰肉碎蠔仔粥，個粥底好鮮呀個味，加埋個好多蠔仔肉碎芫茜柴魚乾，我一個人都食曬成碗呀，仲想encore 添呀😆😆😆壓軸嘅係菜膽燉魚翅湯，好多呀魚翅，個雞湯底好濃，黃芽白索曬啲鮮味，又煮得咁冧超好食😆😆

呢間潮州菜館，係以前公司附近，但就一直冇食過😂，而家調走咗，偏偏又特登走返嚟食，有時人就係咁....。店舖裝潢充滿中國氣息但又帶點時尚感，設有廂房、多人大圓枱及四人梳化卡座位🥰。地方闊落，座位舒適，環境乾淨，燈光明亮，服務細心，令用餐感覺更加良好😍。鹵水鵝片 $168 +鵝蛋 +$28無骨鵝片食落啖啖肉，鵝肉味道鮮香，肉質柔軟腍滑😋，連接邊位帶油脂的皮層，油香味四溢🥰。碟底仲有滑捋捋的鹵豆腐及鹵得非常入味的鵝蛋，蛋味香濃，相當好食🤤。蝦棗拼蟹棗 $168兩款棗都炸得非常酥香，蝦棗🦐爽滑鮮香，加上爽脆的沙葛及香滑的肉碎，令味道更香，口感更加豐富😍。蟹棗🦀充滿的蟹肉，鮮香味甜，直接食已經好好味，再加點潮州桔油，甜甜哋又解膩，又係令一番滋味😋。沙茶牛肉炒粿條 $148牛肉質感十分軟滑，沙茶醬汁十分香郁，味道微甜帶辣🌶，有陣陣的蝦乾香味，拌勻滑溜的粿條一齊，增添香口惹味😋。咁好食，早知以前嚟食多幾次啦😂。

間中就會想打冷，比起大排檔式嘅街坊舖，更加鍾意去坐得舒服又精緻嘅餐廳，呢間係好好嘅選擇。滷水鵝片浸得好滑，幼嫩到仲滑過食雞肉，水潤有肉汁，連埋少少皮食好甘香。油泡南澳鮮魷非常新鮮、爽口彈牙，火候控制得岩岩好，鮮魷僅僅熟依然嫩滑。 好鐘意用左大量蔥蒜爆炒，好香口，調味唔會太重，食到鮮魷嘅清甜。沙茶牛肉炒粿條完全推倒乾炒牛河喺我心目中嘅地位，首先菜肉同粿條嘅比例近乎一比一好足料，牛肉靚、沙茶香、芥蘭爽甜，粿條更加鑊氣十足，每一條都極香口，醬汁唔會太咸，難得地我少食澱粉都食到幾碗，食唔停口，大推。

老公是潮州人，對潮州傳統菜式特別喜好。今晚我們去了灣仔一間環境寬敞，陳設古色古香，用餐氛圍舒適的傳統潮州菜館晚膳。🦢滷水鵝片：滷水鵝片是潮州菜必吃菜式，師傅細心將鵝肉去骨切片，吃時啖啖肉。滷水汁完全渗入鵝肉，鵝肉細嫰入味。🦪🍳汕頭煎蠔烙：蠔烙是另一潮州菜必點之選，大大隻的蠔仔鮮味十足，師傅將蛋與薯粉煎到外脆內軟，果然是餐牌內推介之選。🥬豬油炒蕃薯苗：一道簡單炒蕃薯苗絕對可以看出師傅功架，蕃薯苗是非常吸油的菜，在我們少油少鹽的要求下，師傅仍能炒出又嫩又不會太油的感覺。🥠水晶白桃粿：平常潮州粿通常是包裹韭菜或者糯米，這白桃粿卻有別於常。外表晶瑩剔透的粉果皮，包裹著豐富的餡料，有紅豆蓉、綠豆蓉、芋蓉、蓮子、蘑菇，味道咸中帶甜，非常特別。🥣富果甜芋泥：一道傳統又繁複的潮式甜品，口感綿密軟滑，味道微甜適中，為整頓晚餐劃上精彩句號。正潮樓灣仔謝斐道117-119號富通大廈地下2號舖

今日同朋友到灣仔正潮樓食晚飯。店員安排好座位就俾左鐵觀音我哋，可以邊睇菜單邊飲住茶。今日點左潮州炒香飯，豆醬焗嫩雞，青蒜炒鹹肉，鵝蛋。潮州炒香飯：炒飯炒得夠乾身，粒粒分明香口。加上臘腸真係野味可口同埋唔會油膩感，蝦仁就實肉爽口彈牙，連蛋花蔥夠豐富。重點係有臘腸但個飯半點都唔肥膩。豆醬焗嫩雞：雞肉肉質好，豆醬有著好香豆味。雞肉嫩滑可口。雞肉入晒味 。青蒜炒鹹肉：肉質好入晒味，配合配料一起吃更有著不同層次口感 。鵝蛋：鵝蛋大大隻，滷水入味香口。同雞蛋味道完全唔同更為香口。

之前同朋友去過銅鑼灣店食過唔錯，今日係灣仔做完野經過見到「正潮樓」，二話不說就入左去啦❗️位於灣仔的「正潮樓」裝潢風格古色古香，門口掛著兩串大紅燈籠，店內亦擺放中式風景畫，環境好舒適。餐廳亦有獨立包廂，不論親友聚餐，還是商務宴請都十分合適。 滷水鵝片 (例) $168必食‼️鵝片滷得入味🪿，肉質也軟嫩多汁，亦都沒有羶味，底下有滷水豆腐，豆腐口感嫰之餘仲索滿滷水汁，味道惹味香濃。煎韭菜棵 $58潮式煎韭菜棵皮薄餡靚，外皮煎得香脆可口，餡料比例適中，因為滿滿好多韭菜，每一啖都食到香濃的韭菜味🤩潮式豆醬焗嫰雞 (半隻) $168豆醬汁香濃而不鹹，與雞炆焗後醬汁更黏稠，雞肉都非常掛汁，食落去都夠味夠嫩滑，唔會死鹹。菜脯炒粿條 $118鹹香的菜脯加埋惹味的醬汁掛係滑溜的粿條上，食落去既有鮮香，又有鹹甜，味道層次豐富🥰茶位 $12/位

好耐無食過潮州菜, 今日就同朋友試下呢間位於灣仔古色古香的潮州菜館, 呢到供應多款特色巧手小菜，部分需提前預訂。餐廳燈光光猛, 除左大堂座位, 設有兩間獨立房間，適合親友聚餐或者招待商務客戶都得。*滷水鵝片(例) 鵝片份量多，鋪底有滷豆腐和花生, 鵝肉食落香濃入味, 點埋小小白醋, 提升味道*肉碎蠔仔粥肉碎蠔仔粥必叫的, 唔想太飽, 一碗兩個人分剛剛好，蠔仔大粒, 肥美飽滿，多肉碎, 食到鮮甜, 唔錯。*梅汁焗豬手 話梅王炆豬手, 豬手炆到好淋又滑, 吸收了話梅的酸酸地和鹹鹹地, 食落好開胃, 仲有生菜伴碟。*方魚炒芥蘭 方魚粒都幾大粒, 芥蘭成條上, 份量都幾多吓, 當晚好快已經沽清, 好採我地早叫~

潮州仔又出去搵食，今晚和友人去咗灣仔謝斐道的「正潮樓」多人推介夠老派正宗，菜館除了一般滷水、涼菜、家常菜、潮式小炒、粉麵、這𥚃更有生醃、魚飯、鮑參翅肚、潮式棵、糖醋麵等多款潮式美食都有供應，選擇可謂豐儉由人😋▪️鵝肝 （半份） $ 128潮州滷水必食，鵝肝甘香粉嫩，入口即化，滷水味道剛剛剛好，就咁食或者配上滷水豆腐 ，在沾上潮式酸汁，真係人間美味▪️滷水鵝片（例） $ 168鵝片亦係好高水準，肉質軟淋肥瘦適中，而且好入味底部仲有豆腐，吸晒啲滷水汁味，一樣咁正▪️沙茶炒牛肉 $ 168潮州傳統家常菜，有點像港式的菜心炒牛肉，沙茶醬爆炒過嘅牛肉口感鮮嫩，味道充滿濃濃醬汁嘅甜香，淋上爆炒過的菜心，夠晒惹味，這道菜是白飯嘅最佳伴侶▪️煎韭菜粿 $ 58這個小食都唔係太多潮州菜館有得食，外皮煎得焦香軟糯，餡料是超級豐富的韭菜和豬肉餡，味道鹹香，食得辣嘅朋友可以沾上潮式辣椒醬，夠晒惹味▪️肉碎蠔仔粥 $ 70我嘅最愛，好鍾意蠔仔粥，蠔仔肉超多，粒粒非常飽滿，味道鮮香，配合煮得剛好既粥底，肉碎、芫荽、冬菜、最緊要加埋佢哋嘅胡椒粉，超級美味，暖胃又飽肚

跟同事見完客之後，突然好想食潮州嘢，於是行過去附近一間傳統潮州菜館食晚飯，呢晚叫咗以下菜式：鵝三寶 (鵝掌、鵝翼、鵝肝)鵝掌、鵝翼都滷得入味，唔會過淋，保留到掌及翼獨有嘅彈性及質感，滷水汁香得嚟又唔會過咸，鵝肝食落一啲腥味都冇，入味得嚟仲保持到嫩滑，滷豆腐香滑得嚟仲食到陣陣豆味。糖醋煎伊麵伊麵煎得香脆，底下鋪上韭黃一齊煎，令煎麵添上一份香氣，加上浙醋及砂糖同吃，酸酸甜甜更解膩更開胃。反沙芋頭芋頭很綿很粉很香，砂糖外衣很鬆脆，食落一啲都唔膩，令人愈食愈想食，呢度嘅反沙芋頭絕對係我喺香港食過最出色嘅其中之一。

在灣仔的正潮樓，我與友人相約品嚐正宗的潮州菜，期待已久的美食之旅終於展開了！餐廳的環境典雅，充滿了潮州文化的氛圍，讓我們感到賓至如歸。首先上桌的是🪿鵝紅，這道菜色澤誘人，令人垂涎。接著是3️⃣鵝三寶，這個拼盤包含鵝掌、鵝翼和鵝肝，每一種部位都有其獨特的口感，尤其是鵝肝，滑嫩無比，讓人一試難忘。接下來的🦪汕頭煎蠔烙，外脆內嫩，蠔肉鮮甜，搭配上香濃的醬汁，簡直是完美的組合。 🥬豬油炒蕃薯苗則是獨特的潮州風味，蕃薯苗清脆爽口，豬油的香氣為菜品增添了豐富的層次感。我們還點了🫓煎韭菜粿，外皮酥脆，內餡鮮美，讓人一口接一口。 🍜糖醋煎伊麵是另一道亮點，麵條煎得金黃酥脆，加了砂糖及酸甜的醬汁讓整道菜更加開胃，令人難以忘懷。最後，🐔豆醬焗嫩雞的味道也讓我們驚喜，雞肉鮮嫩多汁，豆醬的香氣恰到好處，令人垂涎。而🍠反沙芋頭作為甜品，口感細膩，甜而不膩，是完美的結尾。整體而言，正潮樓的潮州菜色香味俱全，讓我們的味蕾大開眼界。期待再次光臨，繼續探索更多美味！

老派潮州館已經買少見少，灣仔有間環境夠古色古香，適合一家人或一班朋友食飯鵝紅，份量夠多夠大，入口滑溜，吸晒滷水嘅精華，加上一點辣椒油，自行調味鵝三寶（鵝肝/ 鵝掌/ 鵝翼）三款份量都好多，鵝肝又滑又香，鵝掌/ 鵝翼全部都大大隻，滷水好香，飲點酒，邊談天邊吃，一流，底部仲有滷水豆腐襯托汕頭煎蠔烙，煎到脆邊的蠔餅，又金香又香脆，每粒蠔仔都是脹卜卜的，加上少許胡椒粉及魚露，頓時為蠔餅增加色彩豬油炒蕃薯苗，在蕃薯苗中，真的找到很多條豬油條，加入豬油，炒出的蕃薯苗入口又滑又嫩煎韭菜粿，入口粉皮煙韌帶軟熟，外層是香脆的，粉皮做到好薄，內裡韭菜滿滿的，沾上辣椒醬，是另一番風味糖醋煎伊麵，潮州菜會想到它，將蛋麵煎炸成蛋麵餅，金黃蘇脆，灑上砂糖及陳醋，酸甜的麵餅，非常開胃反沙芋頭，就到潮州甜品，非反沙芋頭莫屬，先下糖炒熱再包著芋條，長條形的反沙芋頭，外層又脆又甜，夠乾身，配合內層芋頭的粉粉的口感，剛好

🍵茶位 $12/位🌸滷水鵝肉$138滷水入味，底部亦有滷水豆腐，食到後期都唔會覺得好鹹。鵝皮充滿油香，鵝肉肥瘦均勻口感適中。🌸鵝腸$168鵝腸系熱上，口感爽口，蘸醋食中和番鵝腸脂肪既油膩感，最中意呢道菜。🌸菜脯炒粿條$118看似簡單但滋味既料理，菜脯細細粒夾埋粿條一齊食更加有口感。同時亦有菜心片同炒蛋，蛋香味好加分！🌸肉碎蠔仔粥$70叫一客兩個人食份量啱啱好，蠔仔好飽滿而且冇異味，仲有好多肉碎同芹菜粒。🌸甜椰汁雪耳$48推薦飯後甜品～椰汁香濃滑溜，雪耳脆身爽口，食完暖粒粒。

第一次嚟呢間中菜館環境好正好熱鬧真係好出色佢嘅各式各樣嘅中菜都好大碟啊我哋嗌咗佢個生菜豬手一上菜我哋估唔到原來係咁大碟㗎食完超級飽仲要勁入味添我想講佢嘅價錢係大約一百幾蚊，但係起碼係食完真係飽肚份量十足性比較算係好唔錯同埋佢哋嘅中菜真係即叫即整我覺得好唔錯唔使等咁耐就已經有得食啦佢哋嘅服務質素幾高㗎好好人成日問佢哋有啲咩推介佢哋都一定會講俾我哋知㗎如果有機會真係想再嚟食呀我覺得好唔錯嘅中菜館哈哈哈