正潮樓 (富通大廈)

營業中

休息中

與老友去灣仔吃正宗潮州菜《正潮樓》，餐廳牆壁有大幅山水畫很美麗，環境舒適，坐位寬敞，有靚靚的古色古香燈罩。我們點左滷水鵝下庄$268，去左骨啖啖鵝肉軟腍又嫩滑，鵝肉味香濃無肥膏，碟底滷水豆腐味又嫩又滑夠入味，滷水花生好食👍👍滷水鵝粉肝$128（半份），鵝肝很嫩很滑，滷水味不會太鹹很好吃👍👍值得推介💯💯😊😊芋頭炒香$128（例）芋頭很粉糯又香，配蝦乾、腩肉粒、蔥粒，鑊氣足炒得夠乾爽好香真不錯😋

正潮樓今次要介紹喺灣仔一間高級潮州中菜館叫「正潮樓」，未到七點半已經全場爆滿，餐廳門口係有一級，輪椅人士如果要入去食野就要自備斜板，入到餐廳入面唔算好大，不過都有七張圓枱、五張卡位同兩間獨立房！一坐低店員就沖咗一壺潮州單叢茶，少少苦甘味，茶味香濃。我一路睇menu，一路睇到旅客越來越多入嚟呢間高級中菜館，喺而家呢個經濟低迷嘅情況下係好事，睇見每一個店員好似喺戰場上打仗一樣，每一個店員都係忙過不停，不停地做開酒、捧餸菜、落單等，感覺上好似人手不足，連我個炒飯都炒咗大約45分鐘，好彩我唔急住走，旅客至上係應該嘅，見到每一個店員都好落力服務旅客，說好香港故事，好掂！1.欖菜炒香飯（走豬肉）$128（8/10）雖然要等差唔多45分鐘，但真係炒得好香，飯粒粒飽滿，走咗豬肉只有欖菜一齊炒都好香都好香，下次如果無爆場快少少幫我上炒飯就好啦！2.糯米雞翼（隻）$58（9.5/10）我叫咗兩隻糯米雞翼，雞翼釀咗糯米飯入去，再食到芋頭粒，加咗芋頭粒令到成隻雞翼更加香，好好味！3.醋甜虎蝦球$268（9.5/10）呢碟醋甜虎蝦球炸得好好味，味道酸酸甜甜，炸蝦球炸得好脆，虎蝦好大隻，一舊蝦球有一隻虎蝦，仲有其

佢知我大愛潮州菜, 話要同我黎食好耐了~ 之前幾個月太過認真搏命做嘢, 每日攰到 放假都無精力過嚟食~ 今次終於嚟到喇我地~好開心 💓 好豐富呢套餐配搭好 係方便, 但係 我對潮州菜本身有太多心水, 所以直接散叫就好~ ;)滷水鵝片 $168例呢個好味呀!!!不知不覺 好快就食晒~每一片都靚, 皮肉比例都係啱啱好 均均勻勻 無肥膏, 每一片都食得開心! 鵝片 軟腍腍得來 肉嘅質感恰好, 肉味濃 而零臊味, 鹹香調得啱啱好, 唔送飯就咁食 都唔會覺得鹹~普寧豆腐 $98呢個係朋友們推介 話一定要嗌嘅菜式我哋兩個都覺得好味外皮炸得乾身, 嫩滑嘅豆腐 點醬汁 咸咸香 (醬汁係清新鹽水感覺, 解膩感, 無草青味 放心) 係幾好味嘅!不過兩個人嚟講就太大碟了, 半份就應該啱啱好~肉碎蠔仔粥 $168例呢個下次 2人嘅話按人頭叫就好了實在太足料了 多蠔嘅同時 好多米呀都 食到太飽太飽太飽哈哈柴魚全部啖啖係肉呀!有咬口得黎 好味架!好感動!!! 長大後 真係從來未遇過!(平時街嗰啲 根本吞唔落… 係要吐返出嚟嘅骨咁架!) 堅持全部食材響潮州運黎, 嚴格把關, 真係好好!我對陳師傅呢個堅持 - 極 度

滷水鵝翼真係無得輸！肉質鮮嫩多汁，咬落去嘅瞬間，口感絕對令人驚艷。每一口都充滿香味，彷彿瞬間將你帶入咗美食的天地。而滷水鵝片，更係令人難以抗拒，薄薄一片，卻入味得滯，滑滑的口感配合著微微的嚼勁，咬下去既豐富，又滿足，讓人想不停再來一片！再講講豬腳凍，呢道小食真係Q彈到爆！肉質緊實，咬一口，外層的膠質和內裡的肉香交融，彷彿在口腔裡跳舞，特製的醬汁更係為佢增添咗層次感，讓人一試成主顧，回味無窮。米飯粒粒飽滿，香氣撲鼻，每一粒米都吸收咗芋頭的香甜，口感軟滑又有嚼勁，真係食到讓人心裡暖暖的幸福感。每一口都像是把快樂咬進口中，唔單止好睇，味道更係一流。

晚上同老公又走左去👨🏻‍🍳國家級大師傅坐鎮的《正潮樓》食潮州菜😌滷味是潮州菜的招牌，「無鵝肉勿滂沛」，這句話聽起來有些費解，意思其實好簡單，就是說一桌菜如果沒有鵝肉就算不上豐盛。所以滷水鵝就係必點架啦！😉今次試埋鵝紅，非常細滑。😋吸滿滷汁的「滷水豆腐」，外皮柔中帶韌，內裡軟嫩，越嚼豆香味越足，濃鬱香甜，白飯都吃上兩碗。😊「潮式豆醬焗嫩雞」也是一道潮汕傳統名菜，正好剛做優惠，我們也來半隻吧！色澤金黃，醬香濃郁，雞肉嫩滑鮮美，菜色盡顯功架🥢，又是一道一流的下飯菜👍🏻

講真覺得唔算好抵。兩個人食，人均消費都要四百幾蚊。食左唔係好多嘢。鵝片係好食嘅。鵝翼$90$128 方魚炒芥蘭。$168 覺得最唔抵係呢個。味道一般般。份量少。掛住食，影漏咗個蠔仔粥。整體嚟講味道係OK。都坐得舒服。地點都好方便。個人覺得性價比不高。尤其人少食！完～

今晚黎按老公放工，之後去附近搵間坐得舒服既中菜館，，坐低飲個壺茶已經好香，問服務員原來叫「單松茶」，係一種潮州茶。我哋點咗：潮式豆漿焗嫩雞熱辣辣、一上枱就已經聞到好香嘅普寧豆漿，加上燒酒嘅香，雞肉嫩，好入味。普寧豆漿係潮州嘅獨有，只有潮州菜館先可以食到。糖醋煎伊麵煎得好香脆，幼面嘅獨特味道，加上韭黃粒嘅香，仲有白糖同埋紅醋嘅精髓，多重味道重疊，好好食呀！腩肉炆涼瓜苦瓜炆得好甘香，能夠突出苦瓜嘅甘甜，好出色。冬菇炆得好腍好滑，菇味出晒嚟。腩肉晶瑩剔透，咬落脂肪香立即出晒嚟，脂肪位好滑好香，如果將苦瓜同埋腩肉夾埋一齊食，又香又滑，一啲都唔肥膩👍🏻甜椰汁雪耳超香椰汁味，雪耳勁滑，好養顏又好味，飯後甜品不能錯過！

今晚與家人在灣仔區「正潮樓」嘗潮味晚飯。開飯前看到有潮式月餅發售，一盒四式：烏豆沙、綠豆沙、黃皮、老香黃。先嘗開胃小菜~炒銀魚仔，味道鹹香，送粥、送酒、下飯都佳宜。普寧豆腐~是一道特色小菜，熱騰騰、外脆內嫩，蘸少許韭菜醬汁吃，更添風味。 沙茶炒牛肉~ 潮汕的 沙茶醬較為鹹香美味，炒牛肉味道是絶配，牛肉嫩滑可口，配菜選用芥蘭苗，清甜又軟嫩，口感非常好。油泡南澳鮮魷~南澳魷魚是澳洲優質的魷魚品種，口感爽而不韌，爽脆味鮮，伴碟的珍珠葉口感香脆，並有平肝清熱，利水解毒的功效。 糖醋煎伊麵~潮式風味十足，每次光顧潮洲店鋪是必吃佳選。

正潮樓位於灣仔謝斐道117號地下晚餐精選2人套餐$5882位用金牌菜膽翅套餐芋頭炒香飯成個砂鍋上散發著芋頭同臘肉香氣炒飯金香爽身食左2大碗鵝肉拼豆腐豆腐非常嫰非常入味鵝肉啖啖肉脂肪瘦點醋更加鮮味沙茶炒牛肉沙茶醬非常香牛肉好嫰以芥蘭做底非常清爽唔怕太濃味菜膽火腿翅重頭戲大大梳真材實料火腿絲夠咸香翅非常粗加香菜同醋非常美味去過餐廳幾次食物非常有水準餐廳推出商務套餐無論中午食飯或收工朋友聚會都非常適合值得推薦

逛會展後，身心俱疲，所以在附近晚餐。來到巷弄之間的老牌潮州菜館！本心儀已久，今終得見。細看餐牌，有個金牌二人套餐，有湯有肉有菜有飯，唔洗諗唔洗煩，計落更化算。以涫水淥過碗筷杯盤後，慢慢等美食來到。沙茶炒牛肉  沙茶醬～沙嗲醬，炒出來的味道很熟悉。沙茶醬不太濃，沒有蓋過牛肉的原味。  下方菜心清甜，也是晚餐最重要的食物纖維。鵝肉拼豆腐  滷水系列是室溫，可以跟剛炒起的沙茶牛一同上枱，一次上二碟小菜，時間剛剛好。 今次有鵝脾呀！而且係無骨呢！啖啖肉，無需吐骨，保証有儀態。 嚐過鹹香的沙茶牛肉，再嚐滷水鵝肉，也不會覺得滷水鵝肉淡口。  再到下方滷水豆腐了。金黃色豆腐炸皮，易於掛汁，滷水配上清淡的豆腐，很和諧。豆腐軟綿綿容易咬，連墊底的花生都是軟綿綿呢！芋頭炒香飯       雖不是金鑲銀，但米飯粒粒分明，乾爽不油膩。名字叫芋頭炒飯，卻混有蝦米鹹鮮之物。呈上之時熱辣辣；來到最後一碗，鍋裡的炒飯仍是暖暖的。這就是鍋底上菜的優點。把炒飯清光光，鍋底油份不多，感覺健康。菜膽火腿翅     餐後來一碗熱辣辣的燉魚翅！單點一人份要二百几，現在套餐六百個大洋，有二盅，還有三款食物，計落有著數！  夾出魚翅

今晚同家人約好到灣仔正潮樓食晚飯。潮州菜館當然要點返潮州菜啦！雖然落大雨都冇阻我食好野心情，好快安排好座位就點了糖醋煎伊麵，菜脯炒粿條，滷水鵝肉，煎九肚魚烙。糖醋煎伊麵：煎香伊麵，韭黃香味混入煎伊麵中。煎香既伊麵再自己加上糖和醋有著不同味感。菜脯炒粿條：菜脯咸咸地再加上粿條食，味道好。同埋個份量都好大碟。滷水鵝肉：鵝肉無論肉質還是味道都好好食。豆腐花生都配合得宜。份量都算幾多。滷水汁個滷水底非常有正宗潮州菜的味道。煎九肚魚烙：煎得好香口令到九肚魚魚香完全出晒黎。

係一餐好貴嘅lunch啊🫣😃仲有一碗蚵仔泡飯唔記得影相～-整體質素係唔錯嘅蜆係最鍾意嘅清而濃郁嘅醬汁鮮、鹹、超微辣每粒蜆都好入味其次就係蚵仔泡飯蚵仔都幾大粒份量係每人2碗左右湯底都幾清鮮甜金不換龍蝦🦞就還好相信成個套餐最貴就係佢但味道感覺唔係好夾龍蝦係新鮮彈牙㗎所以最簡單煮法會更好而鵝腸就不過不失啦如果冰凍會鍾意食多d更加爽脆最後埋單係...$1000頭@2人（飽嘅程度係食完可以再食個甜品🤣）

食到一肚氣, 第一次出咁大篇…講大話屈人錢lunch order 3個鵝片飯（一碟鵝片，一碗白飯&湯），每個餐$72。落完單後職員👩🏻‍💼話有鵝片但無晒白飯，白飯轉炒飯得唔得？我問白飯轉炒飯係咪一樣價錢？👩🏻‍💼：係收一樣價錢$72當時都覺得奇怪，1pm就無晒白飯，而且無白飯又有炒飯提供？但我地趕時間又無乜所謂就ok好快就上咗3煲炒飯，配料係得芋頭，加幾粒蝦米，無肉，無味。等左一陣鵝片&湯都未到👩🏻‍💼：白飯轉炒飯就無鵝片&湯但佢當初聲稱有鵝片，只係無晒白飯，所以轉3個炒飯。仲要見到隔離枱都上咗鵝片套餐（連白飯），明明遲過我地落單！我地問職員點解隔離枱有，佢支吾以對，答唔到。懷疑當時佢地賣唔晒炒飯，所以將賣剩/唔要既 用呢種手法賣埋尾貨！問個職員拎個餐牌睇，炒飯賣$70，但個職員照收我地鵝片餐$72價錢，想側側膊收貴我哋錢🤯另一個職員叫我地大方d，唔好咁小氣問題係間餐廳擺明誤導消費者及刻意濫收費用🤬🤬🤬

中國菜 正潮樓銅鑼灣有一座飄散醇厚中式風情的餐廳，正潮樓可謂得到食客們的一致好評！這家位於新寧道8號中國太平大廈地庫的餐廳，將精緻餐飲與雅致環境結合，為食客營造出一種華麗而舒適的用餐體驗😊踏入餐廳，已經能感受到濃濃的中國風情。牆上掛著一幅氣勢磅礡的中國山水畫作,恍若置身於桃源仙境。整個空間清新整潔，充滿了高檔餐飲場所的貴氣。無論是家庭聚會，還是商務宴請，這裡都能滿足不同需求，定能讓賓客大飽口福。餐點種類繁多，令人垂涎三尺。首推正宗汕頭煎蠔烙，肥美多汁的蠔餅入口即化，蘊含濃郁的蠔汁香氣，令人回味無窮。另一道絕品，莫過於醇厚可口的豆醬焗嫩雞，雞肉鮮嫩多汁，豆香與雞肉融為一體。還有軟嫩入味的梅汁焗豬手，以及細膩鮮美的梅子蒸鷹鯧,無一不是正潮樓的招牌之作。此外,正潮樓還提供清爽可口的清炒時蔬🥬,以及香濃可口的芋頭炒香飯和沙茶牛肉炒粿條🍜,令人回味無窮。每一道菜餚都展現了正潮樓廚師的高超烹飪技藝👨‍🍳,定能滿足食客們的味蕾😋。唔理係慶祝節日定係應酬，呢度都係最好嘅選擇。正潮樓一定可以俾你一個視覺同味覺嘅盛宴。😆😆

細個屋企人成日帶我去食潮州菜，大大下就小食咗好多。正潮樓喺某日路過 覺得好似唔錯，帶返屋企人食返兒時味道 。店內裝修：✅✅✅格局舒服，唔會有打冷果種濕淰淰嘅感覺擺設都睇得出老闆別有心思 。我地二人叫二人餐「金牌菜膽翅套餐」1️⃣菜膽火腿翅一壺壺咁上，清清地，又有一絲絲嘅翅淡淡味加金華火腿絲提升咗成壺湯嘅口味2️⃣滷水鵝肉雖然都係滷水嘢，睇落無乜特別，但佢嘅豉油味道係其他地方無嘅味道嚟㗎肉質好軟身，唔靭 。3️⃣沙茶炒牛肉牛肉配芥蘭，送飯一流4️⃣欖菜炒香飯（欖菜無哂，轉咗芋頭炒飯）炒飯粒粒分明，芋頭切到細細粒，容易入口，相信呢個炒飯無論大人細路都啱食