正九清湯腩 (常安樓)

營業中

休息中

今日陪姐妹去油麻地辦事，行到中午太攰太餓啦。經過見到有間食清湯腩，我地急不及待行入去解決午餐問題👯‍♀️🥬腐乳通菜：通菜新鮮翠綠，搭配腐乳醬咸香惹味，仲有少少辣，越食越想食。👅🧆麻辣白肉：分量多，白肉肥瘦相間，唔會覺得油膩，辣度適中。🥟淨菜肉雲吞＋紫菜：雲吞皮薄餡靚，材料飽滿新鮮。🍜清湯牛腩河粉：牛腩燜得剛剛好，唔會太淋，層皮仲好煙韌，好有骨膠原既感覺。河粉入口順滑，清湯底，味道唔會太濃，飲得出無添加味精，因為食完之後唔會覺得非常口渴。🥘咖哩牛腩湯伊麵：肉質緊致偏瘦，伊面爽口有彈性，咖喱味香濃。環境：餐位舒適，地方明亮，服務態度好，店員熱情，位置就脚方便。

餐廳：正九清湯腩地點：油麻地文明里菜式：牛腩粉麵餐牌：新鮮牛腩牛骨，各款粉麵飯，飲品，假日都有下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底五大舊白蘿蔔，又淋又香，吸左清湯更好味。牛腩幼麵 $42幼麵係完美彈牙口感，而且有蛋香，加枱上紅醋食一流。牛腩一客6件，同淨清湯牛腩一樣質素。蔥花放匙羹。個湯好清。加菜肉雲吞 $8呢個價錢有兩隻大大隻菜肉雲吞，皮薄餡靚，好高質。加牛丸 加$8牛丸口感彈牙，入面有肉汁架。汽水 加$3凍檸水 加$3下午茶餐凍飲加$3，附上紙飲管。今餐牛腩真係好正，其他食物都唔差！餐廳裝修光猛，算乾淨，座位舒適。

清湯牛腩粗麵🍜$52清湯煮出嚟嘅牛腩，可以食到原汁原味嘅牛肉，加上牛肉肉質嫩滑，份量又夠多，$5x蚊真係好抵食！紫菜三寶丸米粉🍢$43佢哋嘅三寶丸分別係魚蛋、墨丸、牛丸，估唔到呢個三寶丸都意外地有驚喜，白魚蛋非常爽口彈牙有鮮味，牛丸都做得好出色，大家嚟嘅話，除咗食牛腩之外，揀牛丸都係唔錯嘅選擇！咖喱牛腩飯🐮🍛$62個人覺得佢哋嘅咖喱牛腩飯幾有驚喜，咖喱汁嘅味道好香濃，牛腩肉質嫩滑得黎好有牛肉味，絕對係白飯小偷！腐乳通菜🥬$18無飯家庭通常都冇乜蔬菜食，呢度唔使$20就可以叫到一個通菜，值得俾啦！檸樂🥤🍋（跟餐+$8）檸樂跟餐只係需要$8 ，呢個價錢有驚喜幾抵飲喎！

“正九”打正旗號賣清湯腩，當然要去試吓！店舖平日夜晚也非常旺場，可想而知食物必然有一定質素。🐮🍜清湯崩沙腩米粉～崩沙腩是牛腩中最矜貴的部位，是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦度適中，牛味濃郁。米粉選用銀絲米，口感特別幼滑。🥘🐮咖哩牛筋上海麵～牛筋煙韌Q彈，十分滑溜。配咖哩汁令肉質更惹味，上海麵麵質爽口，一清一濃的配搭，味道剛剛好。🥬腩汁芥蘭～芥蘭嫰綠爽脆，配腩汁令味道更佳。

呢間餐廳既職員好友善，而且服務好好，呢度環境都幾好座同企理，睇到廚房既運作，食物即叫即煮，而且上菜速度好快，我地叫左一碗坑腩米粉，坑腩比較肥美煙韌既，爽口少少肥肉比較多，米粉清淡都幾好。我地仲叫左一碗牛擔擔麵，入面落左好多花生醬好惹味，牛厚實又好味，花生醬好夠搞混之後令麵條更香濃彈牙。炸排骨小食香脆，大大塊外脆內軟口感。牛筋丸淨牛丸有甘多粒又真係好抵，份量多又濃郁牛肉味粒粒咬落爆汁口感都幾juicy。

🍽️正九清湯腩 (油麻地)📍油麻地文明里11-13號常安樓地下1號舖正九清湯腩一共有五間分店，招牌菜是清湯牛腩，十分受食客歡迎，所以門口時常大排長龍。～清湯牛三寶撈粗（牛腩/牛筋/牛肚）可以依自己的喜好選擇牛腩，要肥，要瘦，或者半肥瘦都可以，十分貼心，牛腩升咗級做崩沙腩，崩坑腩牛味非常香濃，軟腍中帶爽，是牛腩中的極品，牛筋好軟糯，充滿骨膠原，牛肚也很入味，收了清湯的精華，口感更加豐富，搭配彈牙的粗麵，是一道令人難以忘懷的美味，另外附送的清湯，是用牛骨、薑、八角、肉桂等香料，加上他門的秘方，經過多個小時熬煮而成，十分好味。～紫菜三寶丸有魚旦、牛丸和墨魚丸，魚旦鮮嫩滑口，牛丸紮實有嚼勁，充滿肉汁，墨魚丸則帶有獨特的海洋風味，三種丸子各有特色，配上青蔥和紫菜，十分好味。最後加上清脆健康旳生菜，這一餐非常滿足。

喺香港都食過差唔多10間牛腩麵，呢一間暫時係性價比最高，同埋算係最好食嘅，值得推介俾大家。我哋兩個人叫咗兩個牛腩麵同三個小菜，超級飽。🍜清湯崩沙腩 $60牛腩河加$8雞就可以升咗崩沙腩，個崩沙腩好爽脆的口感，完全唔韌，而且份量亦都算多，落少少辣椒油已經超級好味！🍜牛腩擔擔麵 $56另外再試咗個普通嘅牛腩，佢個擔擔麵面底下面有花生醬，撈勻加少少辣椒油就變咗好惹味嘅淡淡湯麵！啲牛腩唔韌，計埋價錢咁平冇乜挑剔啦。🍲麻辣白肉 $33無論係辣椒同白肉份量都超多，白肉食物又唔會好油膩。🥗腐乳通菜 $19超新鮮嘅通菜，加上一大兜腐乳，想要幾多腐乳可以自己點，十級推介只係需要$19！🥕腩汁蘿蔔 $15充滿牛腩汁味嘅蘿蔔，一碗有成六七嚿，抵食！🍹飲品 $8- 凍檸賓檸 - 凍檸茶正宗港式凍檸檬飲品，一杯有三大塊新鮮檸檬，一邊食麵一邊飲凍飲，真係舒服。

睇完醫生揾食醫肚係地鐵站附近嘅佢就最啱食飽就即刻可以走佬搭車門口亞叔好招呼 一見有人註足就打招呼叫人埋黎坐又話下午茶送飲品（識做生意）店名叫清湯腩就緊係叫個招牌黎試下啦清湯牛腩河$42 跟熱檸茶（下午茶送熱飲/汽水）清頭真係清甜 味道唔假4件牛腩 牛味重 偏瘦河粉通透唔過稔唔散真係忍唔住一啖湯一啖粉咁食晒佢期間見唔少熟客黎幫襯坐低都唔驗諗就叫牛腩啊牛雜咁仲見到唔少人叫佢個菜肉雲吞見到d雲吞大大粒好飽滿咁我下次都叫番碗黎試下先

-🐷唔係特別鍾意食肉，所以好少特登去一間餐廳食肉🤔今次介紹呢間就例外啦，聽🐷隊友講呢間嘅崩沙腩好好食，同一般牛腩有好大分別，就決定去試下😋🐮淨清湯牛腩 $138 (升級崩沙腩+$10)崩沙腩係牛腩中最矜貴嘅存在，位於牛橫膈膜，有一層橫膈膜連住腩肉。呢碗崩沙腩軟腍味香，肥瘦適中，稍有油香，份量頗多。蘿蔔鮮甜無渣。湯底唔會太鹹都唔油膩，真材實料無味精，🐷隊友飲哂成碗湯，必試！🤩🐙墨魚丸魚蛋河粉 $46墨魚丸口感紮實，帶清香墨魚味。魚蛋形狀不規則，應該係手打嘅🤔口感非常彈牙，而且無細骨。🥬腐乳通菜 $19腐乳同通菜係最佳配搭👏🏻通菜炒得翠綠爽口，腐乳放左係一邊，鍾意點幾多就點幾多，唔怕太鹹。

今日去咗油麻地地鐵站C出口一出就見到嘅正九清湯牛腩叫咗清湯牛三寶河（牛腩/牛筋/牛肚）64蚊，牛腩升咗級做崩沙腩加8蚊，再加8蚊跟餐叫咗杯凍菜蜜。老公叫咗個咖喱牛腩飯62蚊，同埋炸排骨$33，仲有腐乳通菜$19。牛三寶份量非常足料，清湯味道非常夠，崩沙腩入口即化，牛筋爽口，菜蜜味道剛好，唔會太多冰。咖喱牛腩味道香濃，牛腩軟嫩，份量足料炸排骨淡淡肉，軟嫩無比，份量多腐乳通菜腐乳量非常足，通菜新鮮爽脆，非常滿足的一餐。

崩沙腩河粉！🏆 崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品。餐廳把這個最矜貴的牛腩部位做得淋漓盡致，軟硬適中。牛坑腩撈麵！🌟坑腩的牛味最濃，肥瘦相間，肉質腍中帶爽。它是牛肋骨之間的肉，這位置的牛腩去掉肋骨會出現一條條坑，所以叫坑腩。由於肥瘦相間相間，亦是最濃郁的，最適合喜歡牛味濃的朋友。紅油抄手！🌶️ 雲吞皮薄且有嚼勁，內餡的豬肉鮮嫩多汁，加上香辣紅油的提味，令整道菜更添風味！上面灑上的青蔥末和白芝麻不僅好看，更增添了層次感。辣度適中，完全停不下來！😋腐乳通菜！🥬 通菜新鮮翠綠，份量大。腐乳醬汁正，既開胃又解膩！

正九清湯腩分店見過多次，但一直都未試過。今日去油麻地咁岩又見到就試一試😆🌟清湯牛腩河牛腩肥瘦均勻，肉質充滿彈性，牛味濃郁。湯底以牛骨牛肉去熬，飲落有清澈而有啖啖牛香，濃而不濁。另加配了墨魚丸，肉質爽嫩，足料彈牙。 🌟清湯牛肚河 牛肚尖得幾入味，肉質Q彈，口感爽脆。河粉唔易斷👍🏻另配左牛丸，牛丸香滑彈牙，牛肉味香濃有層次感。🌟雞中翼雞翼大隻而且炸得超酥脆，肉質就好腍好入味，必試小食！🌟紅油抄手 雲吞嘅份量都幾多，而且每粒都包左豬肉，足料好味😋加上麻辣汁好惹味🤤🤤

正九清湯腩係香港一共有五間分店，今日去左油馬地分店，我大約兩點左右到達餐廳，餐廳已經大排長龍，其中一半係大陸同胞，可見餐廳係國內受歡迎程度。- 崩坑腩河平時係香港麵店食開牛腩河，今次試一試其他牛既部位-崩坑腩。崩坑腩牛味非常香濃，肉質腍中帶爽，食落比較煙韌，油脂香非常豐富。河粉唔會煮到好稔，而且好吸汁，清湯湯底油而不膩，- 腐乳通菜腐乳同通菜永遠係最佳配搭，通菜炒得好翠綠，而且葉既份量比起根多好多👍🏻餐廳凍檸茶都唔錯😌除左崩坑腩之外，正九清湯腩仲有崩沙腩、爽腩其他美味既牛部位，下次一定要試埋佢！

昨晚在油麻地做完美甲，走去醫肚，行經呢間「正九清湯腩」，喺門口已聞到好香牛腩味，突然間觸發咗我嘅味蕾，於是走入去食個簡單晚餐。➰ 清湯牛筋河 （另加牛丸和蘿蔔）湯底味道鮮甜，牛筋好軟糯而且有彈性，兩粒牛丸夠曬Q彈有嚼勁，而蘿蔔又夠清甜兼冇渣，再配埋爽滑嘅河粉，簡直大滿足。➰ 腐乳通菜呢度啲腐乳通菜食過一次之後會上癮，所以係我必食之選。通菜灼到剛剛好，啲菜葉重好翠綠，配埋極香濃嘅腐乳醬，好鬼正。➰ 凍檸賓利賓納唔會過甜，配合埋酸爽嘅檸檬，感覺超正。

今日喺旺角行完街， 諗緊食乜晚餐， 又唔想食得太飽， 想清清地咁食， 路過油麻地見到呢間正九清湯腩， 餐廳有唔少香港人嘅comfort  food， 就入咗去試試。 餐廳環境算係一般裝修， 但係佢賣嘅係真材實料， 主打唔同部位嘅牛肉同清湯， 亦都有小食。 另外店員嘅服務好熱情， 令人好舒服。 我哋眼闊肚窄就叫咗唔同嘅菜式 1） 清湯牛三寶河（ 牛腩牛筋牛肚）- 河粉幼細軟滑，清湯清甜， 牛腩肉質嫩滑， 帶點油香， 牛肚爽滑， 牛筋軟淋， 值得推介 2） 正九牛肉羹河 - 老公覺得河粉爽滑彈牙，牛肉打成球狀， 食到新鮮嘅味道 3） 紅油抄手- 香辣美味， 餃子皮薄餡靚， 將河粉沾上紅油味道一流 4） 酒味醉雞- 肉質先嫩， 淡淡嘅酒味， 好香口 如果大家喺旺角行開街， 想食清淡， 可以嚟到呢間性價比高嘅餐廳！