橫綱

營業中

休息中

還記得小時候屋企人帶過我去食呢間拉麵店，當時年紀太細，都唔知咩係拉麵。阿媽衣家都不時提起，係家姐岩岩出黎打工請食飯…當時間野仲應該係開左無耐，等位仲等左好耐…果陣時小弟我可能仲讀梗小學！之後都無記住呢間野。到大左，自己出黎做野，先再有機會食返，都講梗好多年前，都係大排長龍，假日等30分鐘算係快…多次幫襯、次次都等，有好多次太多人，都放棄左…近日係 Openrice睇，原來間野1987年開…咁我第一次幫襯都起碼25年前…真係排隊排足咁多年！今次幫襯在平日Lunch，都係排…不過約20分鐘入到，算係咁！店舖地方唔大，但人就多…坐低都係貼住後面個背脊食，食得唔舒服…無計！可能太多拉麵店關係，餐牌多左少少新花款，今次就試左魚豚骨拉麵，係豬骨同鰹魚湯底…叉燒一塊過…等左一陣，見有人吹單…待應回答到，排梗隊，好多人未有得食…咁我就攞部Tab睇左場戲…一睇錶，已經等左30mins…….雖則慢工出細貨，但真係有少少火，心諗幾好食都無用，最終小弟果碗等左35mins先有得食。但係碗麵一到，都真係流晒口水。香氣撲鼻兼且飢寒交迫，登時食指大動。溫泉蛋照樣流心…木耳爽脆…正！拉麵還是一樣的煙韌…但係呢D都唔係

今晚約朋友去食飯，凍凍地，好想食碗湯麵，諗起油麻地橫綱，6點40分到門口，都等咗半個鐘先有位，坐低叫野食都等咗15分鐘，都明白嘅食飯時間嘛～今次叫咗<味玉拉麵>,味道keep到嘅，湯底夠濃，玉子好食，但係有一點想師傅會注意返，見到師傅喺雪櫃拎盒玉子出嚟放落碗麵度，咁樣唔係會令碗麵凍咗嘅咩！？因為食落去嘅時候，隻蛋仲係凍凍哋嘅，希望可以改善一下。

十年前拍拖到過橫綱, 當年排上多個小時仍願意繼續等, 為嚐味道難忘的一碗拉麵。 十年後跟老公故地重遊, 門面的木格仔玻璃趟門, 以致內裡裝潢一切都依舊, 只是門外的人龍不及當年若市, 不過仍要等上20分鐘。數數手, 麵店將近開了30年! 在租金狂升的年代仍可䇄立於彌敦道旁30載, 真是不可多得。餐牌內的種類比當年多, 除了主打的拉麵外, 還有飯和小食, 選項都不少。 其他新興的麵店, 麵質軟硬度和湯底濃淡都可自行選擇, 而小店仍保持全由師傅發板主理。今次安排坐於吧檯, 看著面前兩位師傅非常合拍地煮出一碗碗的麵食, 那種默契相信是時間累積出來吧!一個個木箱內的麵條是自家製的嗎? 彷彿隱藏了秘密似的, 引起興趣呢!自行添加的醬汁可算是齊全。一大碗是溏心蛋真是吸引, 好想多食幾隻啊!元祖拉麵 $70湯底有醬油, 豆醬, 辣味和清湯選擇, 我們選擇了醬油味。 湯透徹不太油膩, 不過味道淡淡的, 不算鹹, 跟平時吃到的濃濃醬油味道稍有不同, 顯得普通。配料有叉燒兩塊, 筍干, 鳴門卷和昆布等。 叉燒肥瘦比例平均, 煮得腍軟, 夾起不鬆散, 豬肉味頗香, 不錯。 配料當中以煮過的蔥花最為好味, 帶

真係咪講笑, 在過江龍X蘭唔駛排隊下, 這間位於油麻地10多年既日本老麵店人龍依然, 最難得係細細間依然, 水準依然, 價錢都比依然加得不過多, 至少又平過又大碗過所有過江龍.  10多年前已開始幫襯, 當時興旺時有兩間店, 一間上樓較大, 另一間是現址, 雖有兩店, 但都是要排隊, 覺得都值得的, 因為一個餐有大碗麵+細飯+飲品都是幾十蚊(當時).  直至現在還有這套餐, 價錢當然合理地上升啦, 但都是90幾至一百鬆啲, 又有飯又有麵仲有飲品, 一定飽過過江龍.  是日星期六中午12:15去到諗住啲人未咁早食晏既, 點知拎飛仔時都要等十幾張枱, 12點先開鋪在門口已有第二批食客輪候, 真厲害.  最終等了1個鐘先有位, 店員很好, 每人派杯熱茶安慰吓我哋. 套餐分午餐及晚餐, 假錢都只係相差10幾蚊, 假期都有供應. 不過我們要留肚食TEA, 所以散叫拉麵.麵款比以往豐富了, 平均都是70幾蚊碗這就是拉麵溫馨提示, 我都好怕進餐見到啲長長頭髮, 會作嘔.煎餃子(6隻)$34, 以往來已必點, 咁多年水準依舊, 餃皮煎得香脆, 餡料有肉汁, 一定要將辣油加入餃子汁一起"點"來食. 櫻花

成日都睇到呢間野排哂長龍…今次就去試下佢…6點45左右到...7點半先入到去 (2人)我叫左個豚肉拉麵(少辣), 加左碟煎餃子真心覺得個麵係幾好食, 但又冇D人講得咁誇張…唔知點解可以吸引咁多人排..唔通個個同我一樣黎8掛? 哈哈麵的硬度適中, 豚肉少肥, 都幾好咬…不過最欣賞的是個湯底…..係有D油膩, 但勝在夠入味, D豬骨濃湯加埋D辣同芝麻, 真係絕配!!差D成碗比我飲哂~~~哈哈煎餃子都不俗… 熱辣辣, 個皮又香又脆...好正架~~咬落去仲有D肉汁流出來, 記得睇熱...哈哈, 打打下文, 口水都分泌緊出來好似5點半前入坐 仲有折添呀!!! 下次早d去

當日式拉麵已成為港人出街用餐的其中一個熱門選擇之際，有誰仍還記得帶起這個熱潮其中的一位開荒牛呢 ?到了今天，當各式形態的拉麵舖開至遍佈全地之時，這間歷史悠久的老店依然人氣高企，門外一到食飯時間便站滿等位的人潮。一向不愛喜歡同人趁墟貪迫的我，總會於非繁忙時候才會過來光顧這一類屬超人氣的店子....回想太太之前提過，她平生人第一趟光顧的拉麵店便是這兒。小弟不像太太雖沒有將第一次獻給這裡，但印象中就記得她是有數自己在初嚐拉麵階段時試過的其中一間最好的.....當然在現時越來越多所謂正宗口味的日式拉麵店如雨後春筍般現身，這兒的出品已不是有甚麼過人特別之處。不過間中走來吃一碗麵來懷舊懷舊，仍是一件值得做的事來的....從前來時，只會點一碗麵吃，吃完便拍拍屁股走人；如今前來，會叫一個麵加小食或飯的套餐。這樣的一個豐富set lunch雖要索價接近百大洋，但在現今閒閒哋一碗拉麵也要賣到過百元的時代，這兒已是屬相當抵食之選了....食物未端來之前，先呷一口跟餐的熱檸茶。溫度偏冷的它茶味實在淡出個鳥來，喝多兩口後便忍不住要將之捨棄於一旁....搭單喚來的咖喱牛肉飯，其汁是偏濕而味則調得比正常的日式咖喱為

男朋友同我去行街,行行下我有d餓...佢話天氣咁凍不如食拉麵。諗起熱辣辣既拉麵,我即刻心心眼 我地叫左個九洲拉麵跟餐加個燒鰻魚飯丼,仲有煎餃子 香煎餃子,煎到金黃色令我流口水 餃子菜同肉既比例岩岩好,一d都吾油膩。食落去仲有肉汁,個餡好好味!我個燒鰻魚飯丼,細細個..岩晒我><太大個我又食吾晒,我相信其他女仔叫呢個份量都okay!d鰻魚好入味,好香..而且完全無骨而且一啖鰻魚一啖燒汁撈飯好正 九洲拉麵,賣相好吸引。男朋友馬上夾d比我食..濃郁既湯加上叉燒肥瘦適中,真係好正!個湯底飲落去好香好捐既豬骨湯味,吾會好咸又成口味精味..夾左d麵再一啖叉燒加少少湯,好滋味男朋友真係無帶錯我黎

日日都大把人O係門外等, 原本都不以為然, 但有日朋友講呢間係拉麵店, 所以搵日去朝一朝聖先。湯底有數款, 比較喜歡傳統的豬骨湯, 味濃有少許稠身, 叉燒肉肥各半, 入口柔軟無渣, 拉麵都幾彈牙, 分量都有好多, 一碗拉麵都絕對夠一位男士食飽, 就算要加麵都好方便, 又好便宜, 難怪有那麼多人喜歡到這間食吧~

許久沒吃橫綱，可能數以年計，今次去到人少少，決意再嚐。仍是那麽細間，四人座坐兩人更佳，所謂卡位，其實沒靠背，你以為是靠背的其實是後面食客的熊背。湯底：魚豚骨較味玉的濃，沒吃出非常濃香的魚味或腥味，不稠的湯底，亦不算是濃得非常口渴。沒得選粗麵幼麵，這兒的幼麵少許彈牙，輕微黏著一起，上湯能力不遜。過人之處是叉燒夠肥美，半肥瘦般五層肉，既美觀又入味。溏心蛋半邊，的確有流質的感覺。味玉拉麵有整隻蛋，但只得叉燒碎粒，不夠過癮。湯底配有少量木耳，不至於那麼寡；大荵微辣還頂得順。店內最入位置有點焗促，如炎夏等位後吃熱湯拉麵定必非常炎熱，環境尚可改善。

       很久很久以前﹐帶過一位朋友去吃荃灣的颱風拉麵，投桃報李，他帶我來嚐嚐油麻地這家老字號。 平日晚上七點多，正是放工時間，店外已有十來個人在等位。不過等的時間不長,不過一刻鐘左右。店很小，大概就是吧台後面再加兩三張小桌的光景。   餐牌以拉麵為主，款色有十幾種，另外還有一些日式小吃和飯食套餐，種類雖不多，但選擇卻不少。            以前吃過幾家有名的拉麵店，諸如豚王﹑神虎等，一般都會讓客人自己選擇麵質﹑口味濃淡等。不過這裡是不用點餐紙的，客人直接向店員下單，自然是沒有得逐個細項自選口味。九州拉麵           友人選了九州拉麵，配料主要是叉燒，昆布，飾以小片鳴門卷。日本人出了名一絲不苟，即使只是拉麵，食材也往往排列得井然有序才登場。論賣相，這碗九州拉麵有點失色。湯面浮著點點油花，湯不算很黏稠，味道也夠濃。叉燒肥瘦有致，雖不致於層層分明，但瘦肉中總夾著薄薄的油脂，讓叉燒不會老身或者柴口。      大概是沒有得自選麵質的緣故，麵條質感取中間最大化，不粗不細，軟硬程度也偏中。我一向是偏好比較粗身，硬一點的口感，不過中庸之道的好處就是總不會太過得失客人。整體而言，還

第2次幫襯夜夜地諗住唔洗等位，太出名啦所以都係要等位，今次多人可以試多小小，魚湯質素一樣好膠口豬油香，舊豬腩肉入口即溶，櫻花蝦湯一放落已經嗅到勁香，職員提我食完如果想飲埋個湯可以幫我加水好正，個飯就可以唔食啦，咖哩唔夠香牛肉唔林冇味

每次經過都會見到門口，有好多人排隊，每次都卻步，但今日(星期六)終於決定一試。同朋友係門口邊傾邊等足足35分。係等候期間，最好睇埋menu有咩食..um..款式都算多。店員帶我地入去坐，我地唔係坐近門口位果d(望住個厨師煮面)。而係一張枱坐4個人，但背脊有可能會撞到格離張枱既客人果種(背對背)。環境就一般冇咩特別,係迫左少少。服務OK，店員都殷勤有禮既，仲話如果對麵既軟硬有特別要求可以提出。價錢, 可以接受 如果折到就好啦..味道呢，個湯底唔錯, d 麵就唔太硬身(不過我鍾意) d 肉食完都冇痴牙，食完都飽。有玄米茶冇限refill, 不過我唔係幾鐘意飲呢種, 不過飲完湯再飲埋杯玄米茶就..岩岩好..下次黎試其他。

換咗制服 T-shirt 無之前日式服咁型舊人大姐 一樣咁 cool 無笑容師傅好 nice 細細聲講減麵 即答可以叫咗醬油湯底义燒拉麵 醬酒苦苦甘甘 似炒濃蔥無甜味 難入口還好麵條軟硬適中 义燒淋滑 就繼續食屋台風拉麵 豬骨湯底湯濃香唔油 吞後有回味 2片較薄嘅义燒 無乜配菜 湯較少(忘記咗要求加湯 唔收費嘅)雜菜小食 - 分量少 加咗價 8折咗都覺差啲.. 有芽菜 菠菜 荀 海帶 無咗青豆角 上次食過酸 今次就甜酸適中

週末特意到油麻地橫綱排隊吃拉麵，因為這店子實在太出名但一直被長長的人龍嚇怕，所以沒有機會試食，不過今次很走運，只需等大概十幾張就可以了。大約三十分鐘後入座，被安排到門口位的位置，其實我寧可坐門口位，因為店內好像擠得水泄不通，反而我坐的位置更鬆動。拉麵款式蠻多的，數數也有十幾款，開始有選擇困難症的決定看看出菜位的拉麵，見很多人都叫魚豚肉拉麵，便有樣學樣吧。在吧枱看著師傅熟練的做出一碗碗拉麵，真的令人更期待。大約十餘分鐘後魚豚肉拉麵到了面前，湯底看似很濃稠的，再上一大塊厚切豚肉，好吸引，但呷一口湯後發現，湯底未有想像般濃稠，反而有一點粉狀的質感，要扣分。至於麵身是很滑及彈牙的，不錯。可能我揀錯了湯底，覺得整個拉麵其實好一般吧。下次會再來一次試試其他湯底

今天與家人在油麻地附近做事做完後才11點多想起橫岡拉麵於12點開始營業母親大人的提議下,當然去吃啦其實母親大人很討厭排隊的,很多時看到食店要排隊等候寧選擇放棄,都不想排隊但經過上次帶她來吃拉麵,竟然說就算排隊,都很值得11點半到達門外,遠遠已看到長長的人龍目測都知道自己不會是第一輪的食客 開店後,男職員開始在向第一輪後面的食客派飛期間有兩位師奶想打我尖幸好男職員很醒目!問我是否先來的等到約45分鐘後入去立刻點了個叉燒拉麵(醬油湯底)叉燒都有5-6塊,每塊都頗厚頗入味的,而且不算太肥膩麵質爽口,份量不少,唯獨今次偏軟了點很喜歡橫岡拉麵的配料,有一種配料吃下去濃濃的,頗香口,應該是炸蒜(?)但好像是只有醬油湯底才有這種配料今次湯底比以往淡味排隊排了45分鐘但入內等候上菜,加上吃飽才用了30分鐘不到