橫綱

營業中

休息中

講起呢一間橫綱真係有兩年沒有去食過，但是每一次搭巴士的時間經過都會見到長長的人龍。今日朋友話想去食，好我就你去，去到已經見到好多人排隧問朋友一定要食嗎?佢只有望住我講一句我想試。我地就足足等了45分鐘，真是一路等一路叫肚餓九洲拉麵，湯底是豬骨湯底味道非常濃郁，叉燒大塊又厚，肉質剛好唔會太淋，有少少的肥肉係最好的呢到比較特別的是九洲拉麵會有波菜，平時係出面食都不會有的。麵質方面剛剛好，唔會太淋。魚豚骨拉麵，豬骨鰹魚湯底的味道比九洲拉麵要濃，喜歡濃湯底的朋友一定係首選。豚肉的面層有烤過，味道會更香，咬落口啖啖肉。溏心蛋真係好出色，流心的感覺最後我地就只係食了15分鐘，但等就等咗好耐。餐廳的坐位比較少，想食的朋友仔真係要早少少去排。隊。

從年輕的時候開始，偶爾會路過油麻地，轉眼十多年來一直沒注意過這家日本拉麵店。直至有天老媽告訴我，她跟姐姐路過這裏想去吃拉麵但人太多放棄，我才發現這裏原來有家要排隊的拉麵店。看過食評，我點了櫻花蝦拉麵，用上兩種櫻花蝦，湯底有一股濃郁的香味，好喜歡。叉燒一般，不是硬邦邦那種。老媽點的是魚豚骨拉麵，湯頭比的櫻花蝦油但極濃郁。老媽嫌五花腩有點肥，不過的確炆得入味又稔，入口融化，喜歡肥肉的朋友應該會喜歡。麵方面我喜歡有咬口的，煮得軟硬適中有口感，不會過綿。另外，溏心蛋好好味。店內坐位狹小，坐得不太舒服，吧枱可以看著師傅煮麵(當然也比較熱)…七十幾八十個大洋就有這樣質素的日本拉麵，小資女的我覺得很滿意

係油麻地返工食嚟食去都係個幾間琴日同事帶我去試新野呢個橫綱聽聞係日本人打理我地放一點食飯拿拿臨行過去地點唔難揾，係中華書局再過一個街口店出面有橫櫈俾食客等候先攞飛仔，我地去到個陣都要等三個籌好在陸續有人食完，過左十分鐘到就聽到職員用大聲公叫籌入到去，坐到bar枱，睇住廚師煮，更加肚餓我叫左櫻花蝦拉麵，一上菜個陣櫻花蝦味好香，忍唔住嗌左聲好香呀！湯味濃郁，麵既硬度岩岩好，啲菇菌，溏心蛋唔錯，但只係得一片叉燒有啲唔夠喉同事叫左叉燒拉麵，醬油底同櫻花蝦湯底比較下有少少淡，但有五片叉燒相當吸引，叉燒半肥瘦，咬落好淋，中意食肉既朋友唔好錯過

點解話我是幸運兒？今日本來由油麻地行落去尖沙咀食晚飯，點知途經N年前來過的橫綱，竟然唔使排隊。二話不説的衝了入去。N年次的味道仍然保留著。九州拉麵：起初見到個碗，以為會唔夠飽，但原來份量都足夠。麵身比較幼，個麵煮到剛剛好，不會太硬或太腍，又爽口，又彈牙。叉燒直頭無得頂，入口即溶。同埋波菜都吸豬骨湯既味道，但又不減波菜原有的鮮菜味。呢個係辣湯底的，喜歡辣的朋友，可以嘗試一下。餃子(HK$34)太正了，皮簿又脆，不肥膩。其實這店添了一番貼心的關懷，而且不是黃色果d，氧化完會斷果d。如果每次經過呢度，可以唔使排隊，就好啦！希望你們也可成為下一個幸運兒啦！真係唔使排隊的話，一定飛過去。⼁

豆醬叉燒拉麵 $76一碗有五塊叉燒，食極都仲有咁，好足料好滿足。湯底濃郁，但又唔會太鹹。拉麵軟滑。魚豚骨拉麵 $76豬骨鰹魚湯底豐厚，豬骨以外再多一個層次，味道較叉燒拉麵濃。一大塊微灸既五花腩，脂肪入口即融，肉質稔滑。有好多款拉麵揀。呢間舖頭成日都排長龍，座位又狹窄，不過都係值得一食再食既。

任何時段經過'橫綱'都總有人在門前排隊...而排隊嘅熱潮已維持咗好幾個年頭食店門有一級...加上舖內嘅setting比較逼…相信BB車亦好難入去...作為輪椅使用者嘅我…當然唔會因為呢d小事而放棄好食嘅東西由於入唔到去食…我選擇叫外賣…店員仲比我用返店舖嘅碗同餐具唔駛用發泡膠碗同即棄筷子+匙羹最終坐係麵店外嘅長木椅食拉麵～味玉拉麵（豬骨湯底）～嘩！正呀！正呀！好香！蛋黃嘅顏色超吸引！！醬油味唔會蓋過雞蛋本身嘅味道大愛！湯又夠熱！差不多飲到見底叉燒係切粒上…肥肉嘅比例唔多…但唔會因為咁而令到肉嘅質感變得又鞋又乾今晚食得很快樂呢！oh～遲d見～

之前看食評，說自己在這間拉麵店排了25年隊，仍要排隊！心想：一定有過人之處吧。畢竟在香港這片彈丸之地，小餐廳要撐起一片天著實不易。星期天下午兩時，飄著綿綿細雨，我來到了橫綱。看到掛在門口的「大聲公」，手執特製「等位紙」，大概知道排隊機制如何運作了。店員會問你貴姓，叫編號的同時講埋X先生X小姐。靜靜地，期待著，等了半小時。「d人食完仲唔走架，仲影相喎，喂，真係唔走架喎！」門口一位女士開始按捺不住了，隔著玻璃指手劃腳。我輕笑，少年你太年輕了……橫綱老闆山本浩一從1987年開到依家，敢以自己民族國技「相撲」的最高級別來命名店子，絕對是帶著尊嚴和覺悟來的。屹立不倒必有原因，這碗拉麵，值得等吧！等了接近40分鐘，可以入內。店內是一張L型拉麵吧檯，和3張四人檯，店內裝修以木為主，已有點舊。剛好，我又坐在剛才叫囂的女士旁邊。「等咁耐乜都唔好食啦。」她坐下後爆出的第一句。其男伴一臉呆滯，沒有反應。我不以為然，點了魚豚骨拉麵($76)，加麵底(+$8)，再加了煎餃子($34)。加麵底只是($8)有125克，非常划算。不像其他拉麵店，橫綱不能自選湯濃淡、拉麵粗幼等。全部統一製作，理論上速度快一點。坐在L型

無論午市及晚市也會見無數人排隊的餐館，所以在下選擇了下午三點這段時間去惠顧一下。雖然不用排隊，但鋪內其實也坐滿了其他食客，我就被安排到bar枱坐下。可能地方不算大的關係，座位編排相對地狹窄，我亦快速的揀選了拉麵款式，而剛巧我坐在bar枱關係，使我有機會欣賞一下廚師的煮麵手法。不消幾分鐘，麵已經放在我的面前了。慣了先喝一口湯才吃，湯入口味道濃郁，麵條亦煮得剛好，整體感觀確實不錯。到結賬的時候，才知道下午茶時段有8折優惠~大家下午茶時段又多一個選擇囉～

8點到橫綱等位, 到差不多9點入得預計了要等好久, 附近華潤及7-11 可能因橫綱多了顧客3位坐在出拉麵的bar檯, 看著師傅整搵麵不是first order first made, 好肚餓呀餃子聽人說加辣油好食點但辣油沒什麼味道, 加了很多才有點辣味 (我不嗜太辣的)辣油樽的設計我沒見過, 倒極都不出來侍應看見說:要按住呀. ok! 原來要按住內裡按鈕才倒到, 但可否抹一抹個樽...好油結果我倒完都成手油雖然有提供濕紙巾, 但如果可以清潔下就好年中不知道有多少人强行倒到漏出來櫻花蝦拉麵加底$8, 由於太餓所以加底了份量好多好飽 櫻花蝦脆脆香口不過湯底沒有很大蝦味, $7x, 不錯叉燒非簿切, 流心蛋

想食日本拉麵又要平、靚、正，晚上來了横綱。多年來也會不時來吃拉麵，水準依然。來到店門前外，人龍依然，等了約半小時。今晚我選了魚豚骨拉麵，而朋友選了味玉拉麵。店拉麵坐無虚席關係，拉麵製作時間也較長，待應也不時為我們refill 玄米茶。等了約20分鐘，待應終於端上我們的2碗拉麵。魚豚骨拉麵: 豚骨鰹魚湯底非常濃香美味，拉麵口感煙韌，半肥瘦厚义燒冧滑好味，入口即溶，荀爽嫩，溏心蛋非常美味。味玉拉麵: 豬骨湯底，加上粒粒义燒，配上雙份溏心蛋，蛋黄流心，蛋白美味!

這間拉麵在Openrice和朋友圈子間也人氣高企，當然要來試下這日和朋友們各叫了一個餐，都各有特色我的是九州拉麵，湯底非常濃郁，夠晒豬骨味，叉燒都好鬆軟，肥瘦適中。麵質夠彈牙又份量多，好好味的拉麵。圖中所見份量是比原本有的多了，因為有朋友比了些我。下次再試下其他的拉麵。

見operice咁多好評，忍唔住想試下。叫左我鍾意既蝦，不過坦白講，唔驚喜。無想象中既好食，個湯係好濃，但覺得咸左少少。環境方面，坐得有d逼，同埋唔知係張枱太矮定張凳太高，坐得唔太舒服。不過都要讚下服務態度好好。但，個人覺得一蘭好食d(咁當然都貴d)

之前一直都唔敢食日本料理，喺因為覺得日本料理，特別魚生呢啲生食嘅野實在接受唔到囖，但係我bb就特別鐘意食日本料理，今日佢生日佢話事，點都要去試一試啦！原嚟日本料理同我想象中都幾唔同，并唔系所有野都系生嘅。好似呢碟日式煎餃，煎嘅時候火候控制得啱啱好，煎出嚟嘅餃子色澤好靚，金黃色，外皮好脆。海鮮拉麵，湯底有好濃郁嘅海鮮味，非常鮮甜，而且海鮮嘅量比較多，不過麺就同出面出前一丁嘅感覺差唔多。拉麵入邊嘅溏心蛋我超級鐘意食吖，唔單只好新鮮，而且溏心蛋黃嘅口感都係一級棒！！牛肉一份有好多，而且仲系幫你煎好嘅...肉質鮮嫩多汁！

一早聽聞橫綱需要早點去等位於是夜晚七點去到就等左大約九個字，其間店員好細心拎左Ｄ熱茶出黎俾我地呢個拉麵係用豬骨同鰹魚熬出黎😋碗內除左普通配料仲有一大塊半肥瘦既魚🐟魚肉輕輕煎過再放入拉麵 依然好香口好滑 好好味👅💦溏心蛋既蛋黄亦做到流心 好入味😋七十幾蚊食到一碗高質拉麵 好唔錯呀

今日香港得2-3度，要食碗暖泣泣的拉麵暖下個胃，6點去到，不用排隊，非常開心，平時要等位，可能太凍，D人去晒打邊爐。看了餐牌，叫了九州拉麵。豬骨湯底非常濃郁，夠晒味，飲一口湯，身都暖晒。叉燒有3片，叉燒鬆軟，肥瘦適中….正。麵質爽口彈牙，份量夠多，與牙菜，粟米，海帶同食，真是一碗暖心的拉麵。