橫綱

營業中

休息中

中學時期，呢間拉麵店係我同ex既最愛店之一，講下講下，都有十年前～當時一碗拉麵大概$55，對我地黎講唔算太貴，又好食，所以差不多每星期都食一次。事隔十數年，桃花依舊，而家帶老公重回回憶地，佢第一次黎呢到食拉麵～Menu同之前好大分別，以前拉麵無咁多選擇～過左午市去，剛到有幾個吧枱咭位唔洗排隊入座～我地坐吧枱位，見到師傅點樣整拉麵我記得以前黎，係日本人師傅煮拉麵架，而家變左香港人了。我試新野，魚豚骨拉麵好食喎湯底濃，塊豬肉肥瘦適中老公叫元祖拉麵辣味湯底老公話湯底唔夠辣，但麵底同味道都不俗另外再跟餐嗌多個細咖喱牛肉飯同凍檸茶呢個飯有d失望同以前食既味道差好遠老公食日本野必嗌 餃子～我麻麻地，食左一粒，覺得偏油

琴晚同朋友去左橫綱食拉麵本身我地都係拉麵愛好者，所以都好期待呢間拉麵，因為之前都聽過唔少人話好味我就試左櫻花蝦拉麵，配料有半隻流心蛋，叉燒、荀個人最欣賞都係個湯底，好夠濃郁，飲多幾啖都仲覺得好正面質都ok，但因為個人比較喜歡粗面，如果係粗面就再加分了！

見有人龍，review咁好。入去試下賣相的卻同日本個d好似，所以食之前好有期待但係，麵煮得太耐，太太軟啦 - 普遍香港d麵通病，日式西式都係。拉麵的靈魂都唔得湯底ok la 無特別係香港算係咁，但唔好抱住希望可以同日本個d比呀服務好好，係外面等有熱茶

我們6點多去排隊，等左大約半小時，便能入座。店內比較細，座位亦比較窄。叫左碗九洲拉麵，湯底濃郁，個面牀爽口，乂燒肥適中，上菜時仲新鮮滾熱辣。另外仲有至愛流心蛋伴碟，唔怪之得咁多人排隊。

元祖拉麵醬油湯底，湯底味道鹹淡得宜，拉麵爽口彈牙，叉燒肥瘦適中且軟嫩。吃着就是一種很舒服很溫暖的感覺。還有不得不提那個味玉，也就是糖心蛋，真的是我吃過那麼多間拉麵店中最好吃的，有種忌廉的味道。菜肉餃子煎得香脆，粒粒飽滿多餡，就是家人煮的味道，沒有什麼花款，但就是一口接一口吃。點了個野菜小吃，以為是漬物，原來就是燙青菜，本來有粟米，但換了做波菜，裡頭還有芽菜，竹筍片和魚蛋片。最後跟餐的小碗鰻魚飯，就還不錯，吃罷就完滿。

其實已經第N次黎食架喇每次去開附近睇戲或者同朋友喺旺角油麻地諗食乜橫綱都一定會浮現喺腦海之前一知道佢有會員卡諗都唔諗就申請😛其實以咁高質素既拉麵佢既價錢一啲都唔貴加上而家儲夠分另外再送現金卷俾你對於我呢啲常客真係抵到冇得再抵😋如果夏令日子過嚟，佢哋個季節限定冷麵其實係我首選而如果嗰晚想食湯麵魚豚骨就真係無得輸有朋友話食拉麵嗰陣如果你覺得碗麵好好食咁你除咗食晒啲面之外你再飲晒啲湯其實已經代表你好認同呢碗麵可能我食得拉麵少喺香港已經好少鋪頭可以令我飲晒啲湯所以我真係好鍾意嚟呢度下次見🤓🤓

講起油麻地既拉麵店應該第一時間諗起橫綱啦🇯🇵雖然每次嚟到都要等位，但好野係要等下既！傳統拉麵店既裝修，好似去左日本食拉麵咁樓面啲位有啲迫，成日都要搭枱咁岩今次嚟可以坐到吧枱睇住師傅煮麵睇menu見佢全部拉麵都係around$85依家hk好多閒閒地食碗拉麵都過百，依度仲要唔洗加一，所以淨係價錢嚟講絕對抵食！👆🏻魚豚骨拉麵見佢個湯底顏色就知好佢濃郁一嚟到就即刻飲啖湯 簡直不得了🤩麵質彈牙，而且個豚肉極入味脂肪比例適中，唔heavy得嚟仲要入口即融最後再食埋最愛既溏心蛋係完美既結束依碗拉麵嚟到必試⭐️⭐️⭐️⭐️⭐️食完飲曬啲湯既話，仲可以見到”多謝”2隻字架🤣另外叫左個燒雞串醬汁好濃好香，而且燒得啱啱好！燒得夠香口之餘，仲好嫩同有肉汁口痕想食拉麵既真係不妨嚟試下

呢間拉麵店由晏就到夜晚都會排隊，今次終於黎試到，試左個魚湯既，只可以講太好食啦，已經算係同真正日本食既好接近，比起其他大型連鎖店好太多，店內位置較細坐位亦較迫，但味道已經取勝

睇戲前覓食，見橫綱門口竟然冇人就試下貢入去，坐到最後一個吧台位。叫左最少肉的香葱拉麵。香葱夠多同惹味，豆醬湯濃郁，麵較幼身而彈牙，食物整體來說令人滿意。只可惜環境同食物質素成反比，座位擠迫都算，吧台最左的位置還不幸要與兩位女侍應多次身體接觸（男侍應反而會講聲借借）。食個80蚊麵都食到咁唔安樂，明白原因不在店家，而在於勾結的官商。

其實一直都唔算好鍾意食拉麵，因為食拉麵🍜好似同隔離個位傾唔到計，同埋香港的拉麵通常都排晒長龍同埋貴🤭🤭我們6點多去排隊，等左大約半小時，叫左碗九洲拉麵，好味道，湯底濃郁☺️☺️仲有至愛流心蛋伴碟，正🤤

幾個月前曾經錯過咗呢間拉麵店，事隔多月終於有機會試吓呢間來自日本嘅元祖拉麵店了！🤤可能因為用膳時間比較晏，我同朋友等位就已經等左九個字😥吧枱上邊有多種調味料餐具同埋熱嘅綠茶🍵元祖拉麵醬油味 $79本來有諗過加蛋，但係呢度單叫糖心蛋賣得太貴覺得唔抵食😟(冇記錯好似係$18隻)元祖醬油味拉麵湯底濃郁醬油味，配料有一塊紫菜，有啲海帶、菜葉、竹筍、大蔥花，兩片叉燒，叉燒肥瘦尚算均勻。拉麵沒有粗度選擇，呢度提供嘅麵係幼麵，麵條彈性口感一般。整體嚟講質素麻麻。

横綱拉麵我真係幫襯過無數次，至於幾時開始去横網食拉麵，我真係記唔到。我有印象記得個次都有十幾年前呀!早二晚我同太太係旺角買完野，行經横綱，見到門口得幾個人等位。雖然時間未到晚飯時間，但知道我哋二位可以即刻有位，所以都入內食碗拉麵。香葱拉麵 - 湯底選擇棘味，配左大量香葱及好濃豬骨湯，每次都必食的香葱拉麵。元祖拉麵 - 選擇豆漿湯底，即豬骨濃湯。配上三件好味日本义燒，這碗拉麵無得彈。另加左隻味蛋，蛋黃好流心。另再加一碟雜菜。

途經呢間餐廳好多次 每次都見到門口排住隊 就算係四五點呢啲時間 總係有唔少人坐喺佢門口 聽人講原來呢間餐廳已經有幾十年歷史餐廳入面嘅排位都算係一般日本拉麵店嘅模式 今次我哋坐正吧枱 可以睇住拉麵師傅由煮麵 準備湯底、處理材料、到送到你眼前我叫咗佢哋期間限定嘅柚子沾麵 識食當然要配冷拉麵啦 口感清爽好多 就咁聞已經聞得出清香嘅柚子氣味 另外果兩塊叉燒 經炙燒過後 超級香濃 咬一口陣陣油香 十分好味一碗拉麵我最期待嘅其實係嗰隻糖心蛋 果然好味 食完碗麵加埋佢嘅秘製湯底 令溝稀咗嘅沾麵湯底變得好順口 好好飲呀！追加嘅小食：餃子普普通通啦

🥢由細食到大 , 老牌日本拉麵🥢這家拉麵店在香港已經三十年歷史，一間細小但充滿日本風情味的拉麵店，日本老闆山本先生放棄在日本穩定的工作隻身來港，在1987 年便成為香港人龍食店，店舖三十年如一日，味道始終不變🥢香蔥拉麵 $79 (辣味）可選醬油，豆醬，辣味，清湯湯底由大蔥絲加上义燒粒，喜歡啖啖蔥的朋友一定鍾意，手切大蔥切到條條超細，可見師傅功力，而且好吸湯，蔥的份量亦不少,很滿足🥢魚豚骨拉麵 $85由魚介豚骨的湯底，配上肥厚經過微炙的义燒，湯底濃郁，而且充滿鰹魚味道，重點糖心蛋煮得入味，很嫩滑的口感🥢沾汁麵 $95 可選柚子醬油汁，櫻蝦麵鼓汁今次冒著會引起敏感都要試下櫻花蝦麵鼓汁，沾醬較咸，超級濃郁，而家包括很多櫻花蝦乾， 超惹味，麵很掛湯，汁真係咸到一個點，比坊間的更咸，有點受唔住橫 綱 日 本 麵 店地 址 ︰ 九 龍 油 麻 油 彌 敦 道 466-472 號 地 下 （ 永 星 里 ）#橫綱#橫綱日本拉麵 #辣#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食

拉麵始終係元祖最棒。橫綱有廿幾年第一間拜日本師傅做麵的香港人。由他開業到現在都追隨著。特別之處係他們可以叫一碗拉麵跟一個小飯仔（鰻魚、牛肉，叉燒）首先他們的拉麵仍然保存咁多年好食。講得比較誇一些就係「拉麵大蘭都唔夠他好食」。全盛時期有兩間舖。但都依舊保持水準。（想食而不須排隊的小貼士。最佳時間係開舖既12點幾。或3點半後到5點幾係無咩人）往時無記錯應該係得6-8款拉麵款式。到現在增添不小款。我個人通常兩種叫法..一）叫個拉麵加細鰻魚飯。二）叫一個拉麵加餃子。更記食拉麵時第一口最好就享受一口湯先。今日坐我隔離的男人。狼吞虎嚥下食.食不其味。