橫綱

營業中

休息中

每次 路過 油麻地 都諗起呢間 拉麵 小店如果夜晚黎 好多時都要等 起碼45分鐘所以今日黎食lunch 少人好多 等15分鐘可以入去雖然 每次黎 都係叫 博多拉麵 又或者 九州拉麵但每次都好滿足 食曬d拉麵 同 差唔多飲曬d湯 先走支持 橫綱因為 好味 湯底 有濃濃的豬骨味 而不咸麵的質感 適中 不硬不軟各樣配料都有少許 帶來不同口感店內提供不同 調味品 但我只愛 磨碎的芝麻 為食物加添香氣抵食 唔洗 hkd100 可以 食到 高質 拉麵其實好難得店內位置不多喜歡坐係 吧枱前 睇吓師傅表現睇住自己碗拉麵的製作過程店員 也 體貼 記得有1、2次在門外等待 很久 的時候店員 出來 為未能進入店內 的 朋友奉上 冰凍的 麥茶 個一刻 真係好感動d食客都好友善 大家耐心於店外等位之外 店內的食客也食飽就走 相當合作

對呢間所謂日本拉麵，有兩大不滿令我未食已經轉身離開。第一門囗個男待應冇禮貌、粗聲粗氣。之後入到間麵店就聞到一股臭味、似啲渠味。其實呢間店開左好多年、以前係好食拉麵店。而家已經變成垃圾店

我和男朋友都很喜歡吃日本野今日同佢你試呢間日本拉麵上網見到氣氛同價錢同食物都唔錯又近佢屋企所以同佢係呢間食夜晚我地總共叫左4樣個鰻魚飯同拉麵係套餐咁叫 抵食好多，仲有一杯飲料個鰻魚飯好正，d汁同舊魚都有燒熱過所以有少少焦香拉面湯底夠濃郁同麵質都算彈牙同係日本食既口味好相似個雜菜款式勝左夠多，但份糧唔大不過個醬汁幾特別，酸酸甜甜，好開胃飯團就遜色，明太子唔夠多不過有飯素同蘿蔔乾伴碟加埋就差唔多整體食物質素唔差又唔太貴係野食選擇少d大家如果鍾意食日本野一定要試下

It's a tiny ramen restaurant but the best ramen I've eaten in Hong Kong. Their ramen broth is quite rich. It completely coated the ramen noodles and the noodles is very chewy and delicious! The meat is quite tender as well! I would strongly recommend on it! Must try! Plus the price is also moderate. But really, The waiting time is long but it's worth it.

每次經過油麻地都會有入去食碗拉麵嘅衝動。身為一個拉麵愛好者，始終都係對魚豚骨拉麵念念不忘。好多其他拉麵店都主打豚或蝦湯，魚豚骨湯底算係比較少見，所以幾乎每次都會嗌呢種口味。魚味同豬骨味取得一種微妙平衡，唔會話邊個搶咗邊個風頭，舊用火槍燒過嘅叉燒令碗麵昇華到另一個層次，油脂分佈恰到好處，配合湯底同麵簡直係享受。最重要係閒日下午茶時段有八折，亦係難得唔使等可以直入嘅時段。以前仲讀緊書經常把握放假機會去食，值得一讚係夏天會奉上冰茶，冬天就係熱茶。實在體貼。不過座位間隔真係較窄，同埋經常都排餐死。總括而言，係值得一去再去。

聽朋友講油麻地有間日式鰻魚好好味，好正宗。於是，特地出來試下。間餐廳係巷仔內，如果無朋友帶去，絕對不會覺得係間好傳統的日本餐廳。門口採用有日本風格的推門，進去迎面而來是一個水吧台，再入內就一小間一小間隔開幾組座位。沖着鰻魚飯而來，一坐下就下單了。鰻魚定食還包咗薯仔沙拉同味噌湯，薯仔配上洋蔥口感很清新。主角鰻魚飯，鰻魚厚身，汁液滲透入每一粒飯，伴著蛋絲一起食，口腔充滿魚香味及蛋絲甜味，好豐盛的口感享受，真得讓人食唔停。

話說每次想去橫綱食晚餐都會見到門口有大批人係度等候，由於冇咩耐性，結果遲遲都未試到。今次趁住假期下午茶時段嚟試下，唔洗等位，原來下午茶時段（3PM後）更有8折優惠，認真抵食！👍🏻👍🏻今次點咗個大熱嘅魚豚骨拉麵，個湯非常香濃，充滿鰹魚同豚骨既香味，不會太竭，我竟然少有地飲哂成碗湯。😋😋 糖心蛋很香蛋味，重點係豚腩，肥瘦比例非常好，表面略為煎香，咬落去陣陣豚油香味。呢碗拉麵真係值得一試再試。👍🏻👍🏻👍🏻

呢間拉麵店，無三十年都有廿幾年！由細細個三十幾蚊一碗麵食到而家。店面好細間，目測大約只有20個位左右，但每次黎都極多人等位。今日特登揀九點幾黎食宵夜，果然唔駛等！今晚食叉燒拉麵豆醬湯底味道仍然係兒時嘅味道，豆醬湯底仍然有好濃嘅麵豉嘅豆香。最欣賞係檯面有好多種日本先見到嘅拉麵調味料——胡椒粉，七味粉，全部都係日式牌子 S&B！另外仲有芝麻、辣油等等。一直都有參加佢地嘅會員，有一張好可愛嘅會員卡儲積分：但可惜今日睇到佢部會員積分機已經老到日本都無得整，要暫停會員積分。希望佢地盡快推出新嘅積分制度啦！

這裡是個充滿童年回憶的地方。小學時，有一段時間，哥要動手術。之後，天天都要到佐敦的診所洗傷口。媽帶著我倆在這裡吃晚餐。後來上中學，每個星期六在附近上日文課，每個月總有一次在這裡吃午餐。以前很喜歡這裡的拉麵，最開心是跟媽分一個餐，一起吃拉麵，一起吃咖喱飯，再三個人分一份餃子，有時又吃下餃子，全都是美好的回憶。最近媽要做腦手術，不能外出，就令我突然很想跟她來這裡吃拉麵，重遊舊地。上天保佑，她好起來後，特地放半日假，來吃拉麵。這麼多年來，都是要排隊。早有準備，12時正來到，正好可以入座。先來個迷你咖喱牛肉飯。極速上菜，心知不妙。咖喱不熱，飯太濕太腍，口感很差，幸好味道還好。兩碗拉麵都是豬骨湯底。可能是近幾年太多拉麵選擇。基本上拉麵裡的每一個元素都可以㨂。湯底有濃有淡，甚至不同味道，豬骨、魚、甚至蕃茄、咖喱、wasabi、海膽都有。麵質有軟有硬，多油少油，多蔥走蔥，任軍選擇。正因如此，舌頭變得挑剔。這個麵質算是適中，不軟不硬，可以接受。湯底卻沒有印象中濃。個人不太喜歡超濃，豚王那種就不是我杯茶，但這個又太淡。吃完沒有從前會有的滿足感。不太滿足，有點失望，但有點不甘。再點一份飯糰，一個三文魚，一

港式拉麵扮日本正宗拉麵。個拉麵竟然有鹼水味！完全不合格！湯底死咸！完全唔明點解呢間港式拉麵店人氣咁高？另外門口帶位，我地齊人無mark底，要俾兩枱入先，我話我齊人，佢都係話咁下張，但之前齊人同咗佢講架啦，即係自己唔記得，重黑口黑面，入面其他店員個樣都係無表情，叫幾次先認。以後唔會再去

估唔到油麻地都有正拉麵食不過都幾多人，都等左大概20分鐘，不過都值得嘅！不過坐就唔係太闊落，上菜要啲時間，要有耐性。魚介豚骨拉麵個湯底勁濃，豬腩肉大大塊之餘，唔太肥又一啲都唔”鞋”拉麵一啲都無淋到，好爽口沾麵係加埋柚子嘅醬汁，加埋濃烈嘅湯底，好特別，每一啖沾麵都好入味最後個沾麵湯底可以加湯，都幾好飲，不過就有啲太鹹不過整體都抵食，個麵底真係好特別，正！小食就嗌左煎餃子，煎得好香，個皮又夠晒薄，沾醋食正呀！

<横綱>-呢間拉麵好似已經開左好多年兩年前左右同友人食過 當時印象幾好但記得晚市要排好耐隊 午餐見唔使排隊就即管再試一試舖頭唔大 一個人被安排坐吧枱反而唔會要搭枱但咁岩坐正廚房出入口側邊 食嘅過程一路都有店員係側邊傳菜其實都預左 不過廚房入面同出面既店好似好fd 成日都要傾計 加上座位後面就係通道 係有少少disturbing 🤷🏻‍♂️—————————————————————-『魚豚骨拉麵』🍜 - $85-拉麵配料有厚叉燒 木耳絲 溏心蛋 筍 同紫菜先講下湯既部份 魚豚骨姐係豚骨魚介湯底應該集兩家之大成 有豬骨湯既濃厚同魚既鮮甜 不過呢度既湯底 全部都係用清湯稀釋出黎雖然拉麵湯既風味係調味油同醬料既功勞但呢度既豚骨湯係用濃縮醬料開水 完全冇濃稠既感覺 味道同湯既濃度完全唔成比例🤷🏻‍♂️魚介既部份 其實鰹魚既味道好出 應該同佢另外加係紫菜上面既魚介粉有關不過魚味太強 反而食唔出豬既味道食落只可以話成個湯都好唔協調 而且好鹹😵呢度既麵偏粗身 但不是曲麵不過個人就比較鍾意再幼身啲同偏硬嘅麵另外呢度既麵蛋味好重 甚至可以話重過湯嘅豬骨味叉燒係上枱之前用火槍燒過 但只係得一邊有

平時見到呢度都會排長龍，今日經過就見到冇乜人排，特登去食一次，發覺呢度啲位雖然窄，但係坐得都好好。等左一陣，拉麵已經嚟到，魚湯湯底好有魚味，豬骨湯底同出前一丁好似。同埋都有日本人特登過黎食。

今日去了一間老字號的拉麵店，在拉麵店還未多過七仔之前，己經吸引大批食客關注。今日午餐就試了香葱拉麵。湯底是辣味，我要求的微辣其實都好辣，那辛香的辣度慢慢滲透出來，夠惹味，開胃。大量的香葱切得幼絲，芳香。跟麵條混合增加了爽口感。看似清淡但其實有些少肉碎增添了鮮味。

食橫綱拉麵已經有成30年啦！每次正餐時候，都要排隊，仲要等好耐㖭，但等咁耐都抵吖，因為佢啲麵實在太好食啦！😋😋今日下午茶，唔使排隊，仲有八折。叉燒麵仍然咁好食，麵質爽叉燒淋滑，再加咗新鮮嘅蒜蓉同七味粉，冇因為下午茶而細碗咗，保持水準。超正😋😋#午餐和晚餐好多人排隊架