橫綱

營業中

休息中

經開呢到，成日見到大排長龍，今日終於可以試到啦，早到所以唔使等位，入到去都坐滿晒人，睇睇有咩食先，除咗拉麵佢仲有飯架，都唔錯喎，有得俾你揀！我揀咗魚介豚肉拉麵，另一半揀咗櫻花蝦拉麵，再加過煎餃子（九菜豬肉），拉麵唔係等好耐就到，我個個湯底非常濃郁，睇落去好似好油咁，但其實食落去唔覺，厚燒豚肉片，燒到金黃色，咬落去入口即溶，正！仲配咗半隻糖心蛋😋麵質剛剛好又唔會話太過硬身，好味道！餃子夠熱，但唔夠金香，煎得乾身d會仲香口。

一個人在油麻地行下街，見到横街有間横綱拉麵，外面看看餐牌都好似幾吸引，加上下午茶有八折優惠，於是進去試試，店内枱數目不多，有吧枱，一個當然是吧枱，點選了叉燒豬骨湯拉麵，等了5分鐘左右，湯麵送來，都是我的做法先試下湯底，老實說濃度嚴重不足，稀稀的湯底，味道有d似(出前一丁豬骨湯拉麵的味道)麵質算彈牙，但其實都好一般。反而叉燒做得很好，入口即溶有3片，而配料上沒有流心蛋，只有粟米粒，薑絲等配料，服務上反而不錯，本人到店有電話到，傾左15分鐘但同事們都耐心等待。服務抵讚。

晚上心月來潮，跟老婆去油麻地食兩年也沒有食過的橫綱拉麵。當初食第一次是，是因為它的名氣慕名而來的，食材由日本運到，加上是日本拉麵師傅主理，所以長期門外也大排長龍。當然，這一次也不例外，依舊要排隊，由6:30pm開始排了半小時。排隊時，店員會細心的給排隊顧客送上水一杯，這點值得一讚！講返個拉麵，我跟老婆各點了一個拉麵，味道衣然一樣好味，湯底很濃郁而沒有味精（食完後不會口渴），麵質也很有口感，肉片也有水準。整體是不錯的。唯一缺點點店面空間太細，進食時頗有壓迫感，如搭枱的話就會跟對面食客很近，有經眼望眼的尷尬。及價錢比起兩年前也加了不了，之前一碗拉麵只是50多元，但現在要80元了。但也會繼續支持的。

橫綱🇯🇵～～～～～～～～～～～～～～～～～～～由細食到大嘅橫綱，一直都大排長龍，今次一早霸頭位，水準依然保持著，播住BTS日文歌，望住廚師整麵，一個字：「正」！和風涼麵（麻醬汁）（$95）和風涼麵上面有雞蛋絲、火腿絲、銀芽絲、粟米同埋冬菇片。麻醬汁加左芝麻更加香，涼麵入口心涼。肉粒雞蛋飯定食（$72）雖然肉粒雞蛋飯好普通，只係蛋同肉粒，但依個配搭真係一流，好易入口。味玉拉麵（$85）豬骨湯底，加左粟米粒，更加好味，吸哂D湯底，叉燒粒夠淋但有D乾身，味玉入味，D麵幼得黎韌度高。煎餃子（$38）一客六件，豬肉韭菜餡，煎得夠脆，皮薄餡靚，唔會太油，豬肉韭菜餡好入味。～～～～～～～～～～～～～～～～～～

舊地重遊，由佢90 年代開始食，直到開分店，分店結業，新裝修，已經有好多轉變。可以咁講，呢間絶對係香港老品牌數一數二嘅拉麵店。十多年無黎，餐牌已更新。見魚豚肉拉麵賣相吸引，一於一試。幼麵湯濃，極易掛上麵上，同其他拉麵店的麵面無得相比。豬骨湯內滲出陣陣魚香，完全真材實料。一點點燒焦肉香，加上1 cm 厚，呢個完美配搭，令肉油香不”漏”, 又唔肥利。的確抵讚！忍唔住飲晒，呢個碗嘅設計同十幾年前一樣，懷念食完好味過”一X” 好多。煎餃，皮薄多汁，好香。但無乜特別，外面絕對食到。

老字號拉麵店 但並沒有想像中的出色😔6點去到 已經要排隊 幸好不用等太耐，大約20分鐘就能進去了。店面好細 位置也坐得相當逼 坐得唔舒服而且需要搭枱坐。點了碗魚豚骨拉麵 $79，外觀看上去還可以 最吸引的是一整片厚切叉燒😍湯頭飲落較為淡口 豚骨味不香濃，但食完後會有少許覺得口渴 可能加了味精而呢間餐廳嘅拉麵偏幼身 不像一般拉麵 但還算有咬口 蛋味非常濃，感覺麵的蛋味都搶了湯的鮮味 似食緊粗身蛋麵多過拉麵🙁個人覺得非常一般嘅拉麵店 並無需要特意排隊食，除非你係蛋麵愛好者 那麼便值得一試嘅😅

油麻地呢間拉麵成日有人龍，但名氣不大，所以我期望好高，應該算係比較隱世既日本拉麵店夜晚7點黎到食，侍應好有禮貌問幾多位，等左45分鐘先可以入坐。入到去見到位置不多，難怪等的時間相對較耐坐得好迫夾，如果冬天來穿得厚實應該好辛苦左邊：魚豚骨拉麵(豬骨鰹魚湯底)湯底顏色深，一飲個湯就好中意，味道濃，偏鹹，但好鮮既鹹，有小小黏口，有d膠質，非常濃厚！拉麵幼身，掛湯能力高叉燒一大塊，表面有燒香，焦焦既部位食起來更香口！肥瘦適中，有油香又比較易入口！玉子得一半，有小小流心效果，頗入味！食得滿足！木耳絲爽口，增加拉麵口感，可惜紫菜浸淋曬，完全唔掂右邊：元祖拉麵(清湯湯底) 湯底較前面那晚遜色，湯味並不濃郁叉燒都無咁香整體行清淡路線，木耳絲份量好多，碗中仲撒上白芝麻，多了份清香。個人還是喜歡香濃口味的拉麵，男朋友反而幾鍾意清淡既元祖拉麵🍜一間拉麵店滿足曬我啲兩個人既願望整體性價比很高，$80左右食到如此高水準拉麵，實在難得！

記得多年前幫襯過橫綱，還記得當年拉麵的味道雖不算十分出眾，但也感受到點點的日本風味。在還未興起日本過江龍蜂擁來港的時候，當年橫綱的確是不少港人的選擇，所以從那時就常常排長龍了。時至今日，在油麻地經過此處還是會看到一堆人群，而我就這樣中伏了！這天，我和朋友點了兩碗拉麵+一份餃子。魚豚骨拉麵-先講麵上的蛋正常、紫菜黎到面前經已淋左、蔥還可以、木耳冇特別、叉燒大塊但冇肉既香味，筍比較硬不爽，拉麵冇特別，湯底令人十分失望、重味精、重魚腥味！博多屋台風拉麵-一字記之「咸」！這麼咸點解還要加上雪菜？餃子-韮菜餃子係呢餐最可取的了，不過不失！總括，我希望自己牢牢記住今次既經驗，以後吃拉麵還是去正宗的拉麵店好了！

啱啱係大陸返黎香港，熱到死嘅天氣真係唔想食啲熱辣辣嘅嘢，如果要食凍嘅嘢又要飽肚，我就諗起冷麵。男友喺旺角接左我，就即刻飛奔去佐敦，當時已經夜晚九點幾，幾驚要排長龍，點知去到我都只係排第三張枱，爽呀！記得對上一次嚟呢度食晚飯，已經一年前，一打開個餐牌就發現所有價錢已經「調整左」，食一個冷麵要成舊水，真係有啲肉赤，始終一舊肉都冇，但最後都敵唔過悶熱嘅天氣，真係好想食啲凍冰冰嘅野：「夥計唔該一碗冷麵」見隔離坐嘅都叫湯麵，食到流哂大汗，而我就爽住咁食超彈口嘅冷麵，今次我落晒所有麻醬，之後再每一啖加芥辣，堅正呀！雖然貴，但呢吓感覺咁爽又彈牙，值哂！P.S. 如果自問大食如我，我建議大家可以點一個細飯食，如果唔係半夜一定會肚餓。

朋友大讚的橫綱拉麵，位於油麻地較靜地方，但今日天氣熱，唔係好想食拉麵，就叫左個滑蛋雞肉飯定食之類，都幾好食，加杯凍咖啡，咖啡難飲，不過價錢唔平，lunch都食左八十幾蚊

呢間餐廳係男朋友介紹，佢細細個阿爸帶佢去食，然後覺得呢間嘅拉麵係超好食，人生最好食嘅一碗🤣 事隔多年，我同佢一齊重遊舊地，試下佢係咪仲值得做佢心目中既第一位👫晚市時間六點九左右去到，已經見到幾個人排緊隊，大概等左四個字就到我地入去啦入面有bar枱位，可以望到廚師係你面前煮拉麵。旁邊既四人座位就有啲逼同窄，枱面area好細，如果冬天去仲麻煩，大家着哂厚褸，每一下動作都要好小心我地各嗌左一個魚豚骨拉麵同沾汁麵，無記錯既話沾汁麵好似揀左蝦湯，唔係好記得仲有咩款可以揀～沾汁麵湯底好濃同埋都唔會好快變凍，可能同佢用既碗有關。蝦味好重，似係真係用左好多蝦去淆個湯咁。麵條掛湯能力高，麵條無因為浸湯而變腍。麵嘅份量都多，叉燒又有三四舊，好快就飽左。叉燒都係有燒香過嘅，所以見到有啲焦黑既邊另外一款魚豚骨拉麵唔係我食，所以就冇評論～ 當男朋友覺得水準依然喺度，值得再食下一次！

下班後，一個人在街上走著，想不到吃什麼之時，剛好路過這拉麵店，很久也沒到此，於是再一次來品嚐此老店。這是在港第一代的拉麵店，曾風靡一時，事隔多年，依然很多追隨者。多年沒品嚐，假使很多人，依然想等一下，結果也等了一段長時間。入坐後，才知道原來已是三十週年紀念，想想下，真的差不多。很久沒到來，已經忘了是如何，仍然是一般拉麵店裝修及擺設。想了又想，看了又看，雖然知道這店著名是叉燒拉麵，最後選擇了櫻花蝦拉麵，想試一下他們的新品。約等十數分鐘，送上之時，感覺上色彩豐富，好像很吸引。習慣先試湯，湯味濃郁，並不厚，稍鹹，不過仍可接受，拉麵較幼，混合湯的味道，鹹味反而剛好。叉燒香軟，肉味香，麵粉味都很香，配菜沾上湯的味道，感覺也不錯，蛋味濃郁，明顯係日本的雞蛋可惜櫻花蝦入口稍乾，有點美中不足，湯始終稍鹹，吃到最後時，拉麵吸收了湯味，變得過濃，整體上還算不錯。雖然經過了多年，早已忘了最初的味道，感覺上仍然保持著早期的風味特色，不愧多年依然屹立不倒，依然有很多食客的支持。

好耐無去橫綱食拉麵，今日我和太太下午經過油麻地，可能未到晚飯時間，見到門口沒有人等，於是不作他想入去食碗拉麵。入到店內，發現整間店裝修完無耐。雖然座位間格同以前－樣，但整間店光猛好多，座位比以前坐得舒服。因為想食义燒，我哋叫左元祖拉麵豆漿湯底。太太一定叫佢至愛香蔥拉麵辣味湯底，再加左碟味蛋及銀芽。橫綱的拉麵始終保持一定水準，所以此店經常都客源不絕，唔怪得此店係這裡已開左三十年，希望橫綱拉麵繼續保持水準，因現在好多食店的食物質素不段下降。

香港人喜歡吃拉麵，連鎖拉麵店林立，若要選小店而有風味的，橫綱當之無愧～橫綱開業於1987年，已經31個年頭。無論午市、下午茶、晚市 一樣大排長龍，但仍堅持做好本店不開分店。店舖裝修以木色、木傢俬為主，陳設與80年代日本電影中的拉麵小屋相似～聽着輕快的日本音樂，就像跳進另一個世界一樣。很難想像一門之隔便是熙來攘往的油麻地！定食除了滑蛋燒雞飯，還有薯仔沙律及麵鼓湯。金黃色半生熟蛋跟沾滿燒汁的雞扒纏在一起，賣相吸引。雞扒入味，有陣陣炭燒香氣。蛋味濃軟綿綿，與濕潤的日本飯同吃味道不錯，稍為鹹了點。整體感覺水準不如以往，希望只是偶有失手。

每次經過總見到長長人龍，今天難得有時間一於來湊湊熱鬧。等了25mins終於可以入內。店鋪內座位不多，亦比較狹窄。麻雀雖小卻五臟俱全，枱頭放有一系列的醬油、調味料，亦細心地提供橡筋給客人束起頭髮才慢慢品嚐拉麵，十分貼心。點了較為特別的櫻花蝦拉麵，櫻花蝦香味濃郁，拉麵遠遠已傳來震震香氣。拉麵有叉燒、糖心蛋、櫻花蝦、金菇、紫菜及一些配菜。叉燒味道一般，糖心蛋有醃製過，味道香濃亦有溜心效果。麵條粗又適中，每口拉麵都沾有炸過的櫻花蝦，除了口感增加亦令味道更豐富。水準有保證，味道跟以往的差不多！